TƐRƐCƐ 6
6
Undwa iwɛ Bụtụ na Meme Shileni Agwatana
1Nazhɛ AGWANGWAMA hiɛŋ Moses, 2Mbiso atwa Isrɛl maa, Yaa shɛ butubwenyi kwo kaa biyikwo shiri-unu u ticinji, maa momo shilono AGWANGWAMA swooŋ, 3asha bɛ shɛ shɛ ba swa mayaga me elele kwo kaa ubarasa, kwo kaa iyi elele nɛ ya ima bụtụ o. Bɛ shɛ shɛ du ba swa meni mụ tụ'walụ ta afwafwa o, kede kaa du bu na ya okwo tụ'walụ ta afwafwa tu hwoo kwo kaa mo tu tulomu o.#Luk 1:15 4Kede bu na ya iyi elele nɛ aa njɛ na tụ'walụ ta afwafwa o, kwo kaa ni izɛgwu ya aba kwo kaa no ogwugwu aba tutu i ci aka na baa kwunanjɛ tumomo shilo tu bwa swooŋ.
5Kede bu na 'nyanga uhiuhiu ubwa tutu i ci aka na baa ụrɛcɛnjɛ unu ubwa tishilo iwɛ tumomo shilono tu bwa AGWANGWAMA swooŋ. Ga ganga tihiŋzhe tu bwa keeni tizholu tu bwa maa tu 'waŋ.
6Bɛ shɛ shɛ bo gwumwonu no ru'wo re elele, tutu i ci aka na baa ụrɛcɛnjɛ aka tumomo shilono tu bwa AGWANGWAMA o. 7Kede mama hashɛgana okwo yaa shɛ bishi bwa, ne bino bwa, okwo batagwụ bwa, okwo buhongwu bwa kwo kaa bụngwụfwụ bwa 'wi o, iwɛnɛ ti bee te meme shileni Agwatana swooŋ. 8Bu ta shanɛ AGWANGWAMA bụtụ bi tijilo tutu i ci ụjita na baa kwunajɛ tishilo tu bwa swooŋ.
9Yaa shɛ kaa bụtụ bu ko 'weni bu eshigiri to dongonu bu, bee heshigeni tihiŋzhe to tishilo tu bwa swooŋ. Asha bɛ shɛ ba nama ijitɛ icenje nazhɛ 'nyanga tihiŋzhe tu uhiuhiu ubwa keeni tizholu tu bwa nụ ụjita tumama nda tu bwa shɛshɛshɛ. 10Ga 'waŋnɛ nkwucimo mi yebi kwo kaa oywoywo olukwukwu eyebi nụ ụjita ụtụndatụ maa zha no ofwo bunongbo no odubo udulo tu'ulwatagwụ. 11Bunongbo zhɛ ba kwụna bu ko iwɛ ụrụpɛ iwɛwɛ, bɛɛ zhɛ ba kwụna bu na bi yebi iwɛ ụrụpɛ tuhwoŋzhingo maa e gengeni bu iwɛwɛ ibwɛ, iwɛnɛ tu baa ga njɛ iwɛwɛ iwɛ bụtụ ata 'wi. Nụ ụjita ata gbaa baa shɛ ba ndaanana uhiuhiu ata ubwa tijilo. 12Go momo shilono sasana AGWANGWAMA swooŋ. Iwɛnɛ ta a rɛcɛ shɛ ya tumomo shilo ta ala ti hiiŋ. Bɛ shɛ ba 'waŋnɛ yɛu-ụgwụdụ nɛ namɛ uywa uko te e meci iŋ iwɛ ụrụpɛ tụwụma, iwɛnɛ to tumomo shilo ta ata ti hiiŋ tu hashɛganụ.
13Undwa bụtụ na ge meme shiri swooŋ aka na tu baa ụrɛcɛnjɛ unu ubwa tishilo na. Ga a shapɛ bụ no odubo udulo tu'ulwatagwụ. 14Apata bɛɛ zhɛ ba pana AGWANGWAMA arụpɛ ubwa a na shɛ: yɛu-ụgwụdụ ye eyi nɛ namɛ uywa uko te e meci iŋ, nɛ zasa tụsụnyasụ te elele iwɛ ụrụpɛ tuhwoŋzhingo, keeni yɛu-ụgwụdụ yo o nɛ namɛ uywa uko te e meci iŋ, nɛ zasa tụsụnyasụ te elele, iwɛ ụrụpɛ iwɛwɛ, keeni udagba, iwɛ ụrụpɛ wa amɛ-olom. 15Ga 'waŋnɛ akara na zasa Ifucingɛ ni igwumi keeni agbagbada na aa njɛ no mihiuŋ, a na ee hiŋtetenji na manɛbɛ ma buta keeni agbagbada tindɛpɛ ndɛpɛ a na zasa Ifucingɛ anaa na aa shananjɛ manɛbɛ ma buta, medenji ụrụpɛ wa aba tiya keeni ụrụpɛ wa aba tuswa.
16Go bunongbo suje iŋ hwɛɛ maa pana AGWANGWAMA ụrụpɛ iwɛwɛ keeni ụrụpɛ tuhwoŋzhingo. 17Ga pana AGWANGWAMA ụrụpɛ wa amɛ-olom nu udagba ata medenji akara ata zasa Ifucingɛ, nụ ụrụpɛ ubwa tiya keeni ụrụpɛ ubwa tuswa. 18Ga bụtụ ata ge meme shileni AGWANGWAMA swooŋ 'nyanjɛ tihiŋzhe tu bwa no odubo udulo ata ụ tu'ulwatagwụ, maa zwono tu nu ulwa ata wo hwoŋzhingo ụrụpɛ ata wa amɛ-olom.
19Aka na ta bụtụ ata ge meme shiri swooŋ 'nyanjɛ tihiŋzhe tu bwa te tijilo, go bunongbo shepi ụpapalụ udagba ata wa gwuzhajɛ, gɛ vwɛ du ukara uko na zasa Ifucingɛ ni igwumi ɛtɛ keeni ugbagbada uko na zasa Ifucingɛ maa utogono bụtụ ata ge meme shiri swooŋ ni i'ɛlɛ ibwɛ. 20Na aba ibɛ go bunongbo ata vwurenji iŋ nu umbe AGWANGWAMA maa ụ shɛ ụrụpɛ tuvwurongo, medenji ukosobu ata ee vwurenji keeni i'unte udagba ata aa ga shɛkanɛ, inɛɛ nɛ shɛ urobwo tijilo iwɛ bunongbo, ubwa shɛ ba 'yaga iŋ. Nazhɛ bụtụ ata ge meme shiri swooŋ eri ba swa ya meni mụ tụ'walụ ta afwafwa.
21Undwa bụtụ na ge shiri-unu maa momo shilono AGWANGWAMA swooŋ na, upwaŋ ubwa na baa shɛ ba pana AGWANGWAMA ụ shɛ wo tono cɛŋ no tumomo shilo tu bwa swooŋ ni iyi elele nɛ be eri ba 'waŋnɛ. Bɛ shɛ kaa ba ụrɛcɛnga unu ubwa tishilo te teni cɛŋ nu undwa bụtụ na meme shiri swooŋ.#Ugo 21:23,24
Uwebiye nɛ Bunongbo ba Pana Atwa
22Nazhɛ AGWANGWAMA hiɛŋ Moses, 23Mbiso Aron na miaụŋ mu bwa me eyi maa, n-ndumwa mu na ɛhi zhɛ hi na duma ta ahia pana atwa Isrɛl uwebiye na:
24Ga AGWANGWAMA ihi peni-uwebiye maa ma hi ngbaraka;
25Ga AGWANGWAMA ihi mepeni iwɛ maa hioko inyɛmɛnyɛmɛ hiŋ;
26Ga AGWANGWAMA ihi mbiyanɛ maa ma hi pana amɛ-olom.
27Gana na ta a suyanɛ izeci mi na aka na aa pana atwa Isrɛl uwebiye, asha N zhɛ ma pana aŋ ga uwebiye ata.
Currently Selected:
TƐRƐCƐ 6: RBT
Highlight
Share
Copy
Want to have your highlights saved across all your devices? Sign up or sign in
Rubassa Bible © Bible Society of Nigeria, 2008
TƐRƐCƐ 6
6
Undwa iwɛ Bụtụ na Meme Shileni Agwatana
1Nazhɛ AGWANGWAMA hiɛŋ Moses, 2Mbiso atwa Isrɛl maa, Yaa shɛ butubwenyi kwo kaa biyikwo shiri-unu u ticinji, maa momo shilono AGWANGWAMA swooŋ, 3asha bɛ shɛ shɛ ba swa mayaga me elele kwo kaa ubarasa, kwo kaa iyi elele nɛ ya ima bụtụ o. Bɛ shɛ shɛ du ba swa meni mụ tụ'walụ ta afwafwa o, kede kaa du bu na ya okwo tụ'walụ ta afwafwa tu hwoo kwo kaa mo tu tulomu o.#Luk 1:15 4Kede bu na ya iyi elele nɛ aa njɛ na tụ'walụ ta afwafwa o, kwo kaa ni izɛgwu ya aba kwo kaa no ogwugwu aba tutu i ci aka na baa kwunanjɛ tumomo shilo tu bwa swooŋ.
5Kede bu na 'nyanga uhiuhiu ubwa tutu i ci aka na baa ụrɛcɛnjɛ unu ubwa tishilo iwɛ tumomo shilono tu bwa AGWANGWAMA swooŋ. Ga ganga tihiŋzhe tu bwa keeni tizholu tu bwa maa tu 'waŋ.
6Bɛ shɛ shɛ bo gwumwonu no ru'wo re elele, tutu i ci aka na baa ụrɛcɛnjɛ aka tumomo shilono tu bwa AGWANGWAMA o. 7Kede mama hashɛgana okwo yaa shɛ bishi bwa, ne bino bwa, okwo batagwụ bwa, okwo buhongwu bwa kwo kaa bụngwụfwụ bwa 'wi o, iwɛnɛ ti bee te meme shileni Agwatana swooŋ. 8Bu ta shanɛ AGWANGWAMA bụtụ bi tijilo tutu i ci ụjita na baa kwunajɛ tishilo tu bwa swooŋ.
9Yaa shɛ kaa bụtụ bu ko 'weni bu eshigiri to dongonu bu, bee heshigeni tihiŋzhe to tishilo tu bwa swooŋ. Asha bɛ shɛ ba nama ijitɛ icenje nazhɛ 'nyanga tihiŋzhe tu uhiuhiu ubwa keeni tizholu tu bwa nụ ụjita tumama nda tu bwa shɛshɛshɛ. 10Ga 'waŋnɛ nkwucimo mi yebi kwo kaa oywoywo olukwukwu eyebi nụ ụjita ụtụndatụ maa zha no ofwo bunongbo no odubo udulo tu'ulwatagwụ. 11Bunongbo zhɛ ba kwụna bu ko iwɛ ụrụpɛ iwɛwɛ, bɛɛ zhɛ ba kwụna bu na bi yebi iwɛ ụrụpɛ tuhwoŋzhingo maa e gengeni bu iwɛwɛ ibwɛ, iwɛnɛ tu baa ga njɛ iwɛwɛ iwɛ bụtụ ata 'wi. Nụ ụjita ata gbaa baa shɛ ba ndaanana uhiuhiu ata ubwa tijilo. 12Go momo shilono sasana AGWANGWAMA swooŋ. Iwɛnɛ ta a rɛcɛ shɛ ya tumomo shilo ta ala ti hiiŋ. Bɛ shɛ ba 'waŋnɛ yɛu-ụgwụdụ nɛ namɛ uywa uko te e meci iŋ iwɛ ụrụpɛ tụwụma, iwɛnɛ to tumomo shilo ta ata ti hiiŋ tu hashɛganụ.
13Undwa bụtụ na ge meme shiri swooŋ aka na tu baa ụrɛcɛnjɛ unu ubwa tishilo na. Ga a shapɛ bụ no odubo udulo tu'ulwatagwụ. 14Apata bɛɛ zhɛ ba pana AGWANGWAMA arụpɛ ubwa a na shɛ: yɛu-ụgwụdụ ye eyi nɛ namɛ uywa uko te e meci iŋ, nɛ zasa tụsụnyasụ te elele iwɛ ụrụpɛ tuhwoŋzhingo, keeni yɛu-ụgwụdụ yo o nɛ namɛ uywa uko te e meci iŋ, nɛ zasa tụsụnyasụ te elele, iwɛ ụrụpɛ iwɛwɛ, keeni udagba, iwɛ ụrụpɛ wa amɛ-olom. 15Ga 'waŋnɛ akara na zasa Ifucingɛ ni igwumi keeni agbagbada na aa njɛ no mihiuŋ, a na ee hiŋtetenji na manɛbɛ ma buta keeni agbagbada tindɛpɛ ndɛpɛ a na zasa Ifucingɛ anaa na aa shananjɛ manɛbɛ ma buta, medenji ụrụpɛ wa aba tiya keeni ụrụpɛ wa aba tuswa.
16Go bunongbo suje iŋ hwɛɛ maa pana AGWANGWAMA ụrụpɛ iwɛwɛ keeni ụrụpɛ tuhwoŋzhingo. 17Ga pana AGWANGWAMA ụrụpɛ wa amɛ-olom nu udagba ata medenji akara ata zasa Ifucingɛ, nụ ụrụpɛ ubwa tiya keeni ụrụpɛ ubwa tuswa. 18Ga bụtụ ata ge meme shileni AGWANGWAMA swooŋ 'nyanjɛ tihiŋzhe tu bwa no odubo udulo ata ụ tu'ulwatagwụ, maa zwono tu nu ulwa ata wo hwoŋzhingo ụrụpɛ ata wa amɛ-olom.
19Aka na ta bụtụ ata ge meme shiri swooŋ 'nyanjɛ tihiŋzhe tu bwa te tijilo, go bunongbo shepi ụpapalụ udagba ata wa gwuzhajɛ, gɛ vwɛ du ukara uko na zasa Ifucingɛ ni igwumi ɛtɛ keeni ugbagbada uko na zasa Ifucingɛ maa utogono bụtụ ata ge meme shiri swooŋ ni i'ɛlɛ ibwɛ. 20Na aba ibɛ go bunongbo ata vwurenji iŋ nu umbe AGWANGWAMA maa ụ shɛ ụrụpɛ tuvwurongo, medenji ukosobu ata ee vwurenji keeni i'unte udagba ata aa ga shɛkanɛ, inɛɛ nɛ shɛ urobwo tijilo iwɛ bunongbo, ubwa shɛ ba 'yaga iŋ. Nazhɛ bụtụ ata ge meme shiri swooŋ eri ba swa ya meni mụ tụ'walụ ta afwafwa.
21Undwa bụtụ na ge shiri-unu maa momo shilono AGWANGWAMA swooŋ na, upwaŋ ubwa na baa shɛ ba pana AGWANGWAMA ụ shɛ wo tono cɛŋ no tumomo shilo tu bwa swooŋ ni iyi elele nɛ be eri ba 'waŋnɛ. Bɛ shɛ kaa ba ụrɛcɛnga unu ubwa tishilo te teni cɛŋ nu undwa bụtụ na meme shiri swooŋ.#Ugo 21:23,24
Uwebiye nɛ Bunongbo ba Pana Atwa
22Nazhɛ AGWANGWAMA hiɛŋ Moses, 23Mbiso Aron na miaụŋ mu bwa me eyi maa, n-ndumwa mu na ɛhi zhɛ hi na duma ta ahia pana atwa Isrɛl uwebiye na:
24Ga AGWANGWAMA ihi peni-uwebiye maa ma hi ngbaraka;
25Ga AGWANGWAMA ihi mepeni iwɛ maa hioko inyɛmɛnyɛmɛ hiŋ;
26Ga AGWANGWAMA ihi mbiyanɛ maa ma hi pana amɛ-olom.
27Gana na ta a suyanɛ izeci mi na aka na aa pana atwa Isrɛl uwebiye, asha N zhɛ ma pana aŋ ga uwebiye ata.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Rubassa Bible © Bible Society of Nigeria, 2008