TƐRƐCƐ 5
5
Undwa iwɛ Atwa na Hashɛganụ
1Nazhɛ AGWANGWAMA hiɛŋ Moses, 2Pana atwa Isrɛl unu maa ge becinji bụtụ be elele na 'yajɛ ụngwụ-uwaŋna#5:2 ụngwụ-uwaŋna: atwa oko a suyana ụngwụ ufwugwo swoswoswo na wa nama atwa na tu'waba maa ụngwụ-uwaŋna, asha shɛ kpaaŋ ubwa ụ shɛ ụngwụ-uwaŋna gom o. nu ugba wa aba, ta bụtụ be elele na ba bana ibilɛ keeni bụtụ be elele na meme heshigeni iwɛnɛ ti bee timengeni ru'wo. 3Bacɛnga atwa gana ata nu ugba tu'ulwa, te etwenyi, te eyikwo. Ga a nama no tupohondo tu ugba tu'ulwa, iwɛ maa kede e heshigeni ugba wa aba na Ngaa namɛ na ashashɛ aba o. 4Ibɛ po atwa Isrɛl becinji ga atwa gana ata maa a nama no tupohondo tu ugba tu'ulwa, nu gana na ta AGWANGWAMA peni Moses unu.
Tunangana ti Iyi Nɛ Teni Shi Cɛŋ
(Liv 6:1-7)
5Nazhɛ AGWANGWAMA hiɛŋ Moses, 6Mbiso atwa Isrɛl maa, Aka na ta bụtụ be elele shanɛ shɛ AGWANGWAMA bụtụ bɛ tɛcara, baa njɛ iyi nɛ teni shi cɛŋ, n-ndumwa kaa mụ wụmɛ bụ. 7Asha i shɛ tilɛɛ maa go lono-unu iwɛwɛ ɛtɛ baa njɛ, bɛ shɛ kaa bo gwuricingo iŋ hwɛɛ no ofwo bụtụ ata bee ge pindeni, ga madanga du iyi itana. 8Ama yaa shɛ bụtụ ata uwo, baa zasa ya kaa bụtụ tukpororo maa e gwuricingeni bu, asha tugwuricingo ta ata ti zhɛ no ofwo AGWANGWAMA maa onongbo 'yaga iŋ. Bụtụ ata shɛ ba madanga udagba no tugwuricingo tu bwa, iwɛ maa a nyashɛnjɛ bụ shɛshɛshɛ na tụwụma tu bwa.#Liv 6:1-7 9Upwaŋ we elele na atwa Isrɛl peni AGWANGWAMA, bunongbo ubwa zhɛ ba 'yaga uŋ, ubwa shɛ bunongbo ata ee utegeni uŋ. 10Bunongbo be elele bɛ shɛ ba untangana apwaŋ we elele na ee peni bu.
N-ndumwa me Eyikwo na Aa Haŋsagana iwɛ no Olwo Aba
11Nazhɛ AGWANGWAMA hiɛŋ Moses, 12Mbiso atwa Isrɛl maa, Yaa shɛ biyikwo bụtụ be elele shanɛ shɛ bụ biyikwo bɛ tɛcara. 13Bee weci ne butubwenyi bi nya ne tusweci, bwolo bwa kaa mepi shi maa bi meme heshigeni. Yaa zasa kaa bụtụ na leshiji tiseyida ti ibɛ kwo kaa bụtụ na 'imɛ bụ tu baa nda iŋ. 14Yaa shɛ bwolo bwa kaa ba kwụba tizhiiŋ, bee kwuni biyikwo ata bwa rishe tishiyono, iwɛnɛ tu baa shanɛ shɛ bụ ya biyikwo bɛ tɛcara. 15Asha go bwolo bwa shapɛ bụ no ofwo bunongbo, ga 'waŋnɛ du iyi-u'umpwa mihiuŋ mi izɛgwu bali, mu na mi shini ikwureni bugongo bu ko, kede zwono mu manɛbɛ ma buta o, okwo iyi ụhiụŋ ụlatụ na muba o. Ụ shɛ ụrụpɛ tiya iwɛ bwolo biyikwo na kwụbɛ tizhiiŋ no ofwo biyikwo bwa iwɛ maa e mepi ijiji ibɛ.
16Go bunongbo ata shapɛ biyikwo ata maa shikicingo bu to gwumwonu nu umbe AGWANGWAMA. 17Go bunongbo seri meni mi tijilo ni ikwɛshɛ, ga sala du upwupwutu udulo tu'ulwatagwụ maa zwono uŋ ne meni ma ata. 18Go bunongbo ata tufwerenji tihiŋzhe tu uhiuhiu biyikwo ata, ti bee te shikeni nu umbe AGWANGWAMA, maa zwono ụrụpɛ ata mihiuŋ mi tizhiiŋ tụkwụba ni i'ɛlɛ ibwɛ. Go bunongbo ata 'waŋna ikwɛshɛ ɛtɛ meni ma ata mu gagwụmɛ mu gata ma kalana bụtụ unu mu zweni. 19Nazhɛ go bunongbo ata njɛ maa biyikwo ata ne leni n-ndumwa mu tuwa-tuta mu na bɛɛ zhɛ ba duma, maa, Yaa shɛ ebu weci shi ne butubwenyi bi nya be elele maa meme heshigeni, asha unu-tukalana na meni mu ga mụ ụgagwụ mi zhɛ ma bụ 'waŋnanɛ zha shɛ ma bụ ima o. 20Ama yaa shɛ ebi zhe ebu weci ne butubwenyi bi nya namɛ swooŋ no bwolo bu, ebi meme heshigeni, 21asha ga AGWANGWAMA njɛ maa unu-tukalana ga ụbụ 'imɛ na ashashɛ atwa bụ. Ga nda maa i'unte bu 'nyɛ, maa amɛ bụ shɛŋ. 22Ge meni mu ga mu unu-tukalana mi teni na amɛ bụ maa mɛ 'nyɛcɛnjɛ i'unte bu maa tuba amɛ bụ shɛŋ. Go biyikwo ata leni bu maa, Ami, Ga i shɛ gana ata.
Gana na Maa E Mepi Tizhiiŋ tɛ Buwɛle
23Go bunongbo ata 'nyeci n-ndumwa mu unu ata tukalana nu utakada ata u tukwungwulo, nazhɛ ga wafwaga tụ maa zwono tu ni ikwɛshɛ ebe meni mụ ụgagwụ mu zweni. 24Ga pana biyikwo ata meni ma ata mụ ụgagwụ mu unu-tukalana maa swa mụ, yaa shɛ meni ma ata mi teni amɛ ubwa, mi zhɛ ma pana bụ ụngwụ-tuhwuga tebiye. 25Go bunongbo leshiji ya ụrụpɛ ata tuswa maa sakana uŋ#5:25 maa sakana uŋ: Tɛjɛshɛrɛga tu ko ti hiɛŋ, tuvwurongo kwo kaa tɛshapa na azuba. AGWANGWAMA nazhɛ ga patana uŋ nu utukwu-ụrụpɛ. 26Go bunongbo ata zweni ụrụpɛ ata tuswa na shɛ titeyinje te shini u'ala ubwa maa hwoŋzhingo uŋ nu utukwu-ụrụpɛ ata. Na aba ibɛ nazhɛ ga pana ya biyikwo ata meni ma ata maa swa mụ. 27Yaa shɛ biyikwo ata shɛ shɛ biyikwo bɛ tɛcara, bee weci ga ne butubwenyi bi nya, aka na bee swe meni ma ata mu unu-tukalana, bi zhɛ ba hwuga-ụngwụ tebiye. Amɛ ubwa zhɛ ɛ shɛŋ, i'unte ibwɛ kaa zhɛ ya 'nya, asha unu-tukalana 'imɛ bụ na ashashɛ atwa ubwa. 28Ama yaa shɛ bee meme heshigeni shi, baa namɛ kaa shɛshɛshɛ, asha i zasa iyi elele zhɛ ya nda bụ o, bi zhɛ ba mata ya miaụŋ.
29Inɛ ɛtɛ ibɛ shɛ undwa iwɛ tizhiiŋ te biyikwo na namɛ nu ukaka bwolo bwa, na kaa ba bana maa mama hashɛgana. 30Ibɛ shɛ aka na ti isɛbwɛngwɛ namɛ na amɛ butubwenyi, baa haŋsagana biyikwo bwa maa ba nda ba tuwɛle. Ge shikicinji biyikwo ata nu umbe AGWANGWAMA, maa bunongbo njɛ bụ gana ga tu undwa ga jɛmɛ hwɛɛ. 31Nazhɛ butubwenyi ata zhɛ ba banangana tijama ta tụwụma tu bwa, ama yaa shɛ n-ndumwa-wụmɛ biyikwo ata, asha ubwa zhɛ ba nda ụbaụta iwɛ iwɛwɛ ɛtɛ baa njɛ.
Currently Selected:
TƐRƐCƐ 5: RBT
Highlight
Share
Copy
Want to have your highlights saved across all your devices? Sign up or sign in
Rubassa Bible © Bible Society of Nigeria, 2008
TƐRƐCƐ 5
5
Undwa iwɛ Atwa na Hashɛganụ
1Nazhɛ AGWANGWAMA hiɛŋ Moses, 2Pana atwa Isrɛl unu maa ge becinji bụtụ be elele na 'yajɛ ụngwụ-uwaŋna#5:2 ụngwụ-uwaŋna: atwa oko a suyana ụngwụ ufwugwo swoswoswo na wa nama atwa na tu'waba maa ụngwụ-uwaŋna, asha shɛ kpaaŋ ubwa ụ shɛ ụngwụ-uwaŋna gom o. nu ugba wa aba, ta bụtụ be elele na ba bana ibilɛ keeni bụtụ be elele na meme heshigeni iwɛnɛ ti bee timengeni ru'wo. 3Bacɛnga atwa gana ata nu ugba tu'ulwa, te etwenyi, te eyikwo. Ga a nama no tupohondo tu ugba tu'ulwa, iwɛ maa kede e heshigeni ugba wa aba na Ngaa namɛ na ashashɛ aba o. 4Ibɛ po atwa Isrɛl becinji ga atwa gana ata maa a nama no tupohondo tu ugba tu'ulwa, nu gana na ta AGWANGWAMA peni Moses unu.
Tunangana ti Iyi Nɛ Teni Shi Cɛŋ
(Liv 6:1-7)
5Nazhɛ AGWANGWAMA hiɛŋ Moses, 6Mbiso atwa Isrɛl maa, Aka na ta bụtụ be elele shanɛ shɛ AGWANGWAMA bụtụ bɛ tɛcara, baa njɛ iyi nɛ teni shi cɛŋ, n-ndumwa kaa mụ wụmɛ bụ. 7Asha i shɛ tilɛɛ maa go lono-unu iwɛwɛ ɛtɛ baa njɛ, bɛ shɛ kaa bo gwuricingo iŋ hwɛɛ no ofwo bụtụ ata bee ge pindeni, ga madanga du iyi itana. 8Ama yaa shɛ bụtụ ata uwo, baa zasa ya kaa bụtụ tukpororo maa e gwuricingeni bu, asha tugwuricingo ta ata ti zhɛ no ofwo AGWANGWAMA maa onongbo 'yaga iŋ. Bụtụ ata shɛ ba madanga udagba no tugwuricingo tu bwa, iwɛ maa a nyashɛnjɛ bụ shɛshɛshɛ na tụwụma tu bwa.#Liv 6:1-7 9Upwaŋ we elele na atwa Isrɛl peni AGWANGWAMA, bunongbo ubwa zhɛ ba 'yaga uŋ, ubwa shɛ bunongbo ata ee utegeni uŋ. 10Bunongbo be elele bɛ shɛ ba untangana apwaŋ we elele na ee peni bu.
N-ndumwa me Eyikwo na Aa Haŋsagana iwɛ no Olwo Aba
11Nazhɛ AGWANGWAMA hiɛŋ Moses, 12Mbiso atwa Isrɛl maa, Yaa shɛ biyikwo bụtụ be elele shanɛ shɛ bụ biyikwo bɛ tɛcara. 13Bee weci ne butubwenyi bi nya ne tusweci, bwolo bwa kaa mepi shi maa bi meme heshigeni. Yaa zasa kaa bụtụ na leshiji tiseyida ti ibɛ kwo kaa bụtụ na 'imɛ bụ tu baa nda iŋ. 14Yaa shɛ bwolo bwa kaa ba kwụba tizhiiŋ, bee kwuni biyikwo ata bwa rishe tishiyono, iwɛnɛ tu baa shanɛ shɛ bụ ya biyikwo bɛ tɛcara. 15Asha go bwolo bwa shapɛ bụ no ofwo bunongbo, ga 'waŋnɛ du iyi-u'umpwa mihiuŋ mi izɛgwu bali, mu na mi shini ikwureni bugongo bu ko, kede zwono mu manɛbɛ ma buta o, okwo iyi ụhiụŋ ụlatụ na muba o. Ụ shɛ ụrụpɛ tiya iwɛ bwolo biyikwo na kwụbɛ tizhiiŋ no ofwo biyikwo bwa iwɛ maa e mepi ijiji ibɛ.
16Go bunongbo ata shapɛ biyikwo ata maa shikicingo bu to gwumwonu nu umbe AGWANGWAMA. 17Go bunongbo seri meni mi tijilo ni ikwɛshɛ, ga sala du upwupwutu udulo tu'ulwatagwụ maa zwono uŋ ne meni ma ata. 18Go bunongbo ata tufwerenji tihiŋzhe tu uhiuhiu biyikwo ata, ti bee te shikeni nu umbe AGWANGWAMA, maa zwono ụrụpɛ ata mihiuŋ mi tizhiiŋ tụkwụba ni i'ɛlɛ ibwɛ. Go bunongbo ata 'waŋna ikwɛshɛ ɛtɛ meni ma ata mu gagwụmɛ mu gata ma kalana bụtụ unu mu zweni. 19Nazhɛ go bunongbo ata njɛ maa biyikwo ata ne leni n-ndumwa mu tuwa-tuta mu na bɛɛ zhɛ ba duma, maa, Yaa shɛ ebu weci shi ne butubwenyi bi nya be elele maa meme heshigeni, asha unu-tukalana na meni mu ga mụ ụgagwụ mi zhɛ ma bụ 'waŋnanɛ zha shɛ ma bụ ima o. 20Ama yaa shɛ ebi zhe ebu weci ne butubwenyi bi nya namɛ swooŋ no bwolo bu, ebi meme heshigeni, 21asha ga AGWANGWAMA njɛ maa unu-tukalana ga ụbụ 'imɛ na ashashɛ atwa bụ. Ga nda maa i'unte bu 'nyɛ, maa amɛ bụ shɛŋ. 22Ge meni mu ga mu unu-tukalana mi teni na amɛ bụ maa mɛ 'nyɛcɛnjɛ i'unte bu maa tuba amɛ bụ shɛŋ. Go biyikwo ata leni bu maa, Ami, Ga i shɛ gana ata.
Gana na Maa E Mepi Tizhiiŋ tɛ Buwɛle
23Go bunongbo ata 'nyeci n-ndumwa mu unu ata tukalana nu utakada ata u tukwungwulo, nazhɛ ga wafwaga tụ maa zwono tu ni ikwɛshɛ ebe meni mụ ụgagwụ mu zweni. 24Ga pana biyikwo ata meni ma ata mụ ụgagwụ mu unu-tukalana maa swa mụ, yaa shɛ meni ma ata mi teni amɛ ubwa, mi zhɛ ma pana bụ ụngwụ-tuhwuga tebiye. 25Go bunongbo leshiji ya ụrụpɛ ata tuswa maa sakana uŋ#5:25 maa sakana uŋ: Tɛjɛshɛrɛga tu ko ti hiɛŋ, tuvwurongo kwo kaa tɛshapa na azuba. AGWANGWAMA nazhɛ ga patana uŋ nu utukwu-ụrụpɛ. 26Go bunongbo ata zweni ụrụpɛ ata tuswa na shɛ titeyinje te shini u'ala ubwa maa hwoŋzhingo uŋ nu utukwu-ụrụpɛ ata. Na aba ibɛ nazhɛ ga pana ya biyikwo ata meni ma ata maa swa mụ. 27Yaa shɛ biyikwo ata shɛ shɛ biyikwo bɛ tɛcara, bee weci ga ne butubwenyi bi nya, aka na bee swe meni ma ata mu unu-tukalana, bi zhɛ ba hwuga-ụngwụ tebiye. Amɛ ubwa zhɛ ɛ shɛŋ, i'unte ibwɛ kaa zhɛ ya 'nya, asha unu-tukalana 'imɛ bụ na ashashɛ atwa ubwa. 28Ama yaa shɛ bee meme heshigeni shi, baa namɛ kaa shɛshɛshɛ, asha i zasa iyi elele zhɛ ya nda bụ o, bi zhɛ ba mata ya miaụŋ.
29Inɛ ɛtɛ ibɛ shɛ undwa iwɛ tizhiiŋ te biyikwo na namɛ nu ukaka bwolo bwa, na kaa ba bana maa mama hashɛgana. 30Ibɛ shɛ aka na ti isɛbwɛngwɛ namɛ na amɛ butubwenyi, baa haŋsagana biyikwo bwa maa ba nda ba tuwɛle. Ge shikicinji biyikwo ata nu umbe AGWANGWAMA, maa bunongbo njɛ bụ gana ga tu undwa ga jɛmɛ hwɛɛ. 31Nazhɛ butubwenyi ata zhɛ ba banangana tijama ta tụwụma tu bwa, ama yaa shɛ n-ndumwa-wụmɛ biyikwo ata, asha ubwa zhɛ ba nda ụbaụta iwɛ iwɛwɛ ɛtɛ baa njɛ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Rubassa Bible © Bible Society of Nigeria, 2008