MATIU 1
1
Ushishi Jisus Krast
(Luk 3:23-38)
1Inɛ gɛ ibɛ shɛ utakada nzeci ma atwa na shɛ eshishi Jisus Krast na banɛ na ajalalo Devid na banɛ na ajalalo Abraham.#Shɛzu 132:11; Ayiz 11:1 2Ga Abraham meci Azik, ga Azik meci Jekob, ge Jekob meci Juda keeni ohongwu ubwa, 3go Juda meci Pɛrɛz keeni Zara na ga Tama shɛ bino bwa, gɛ Pɛrɛz meci Hɛzron, gɛ Hɛzron meci Ram,#1:3 Ram: Abayiburu oko hiɛŋ, Aram, ama ono oko hiɛŋ, Ram. Ibɛ gɛtɛtɛ ike ike. 4ga Ram meci Aminadab, ga Aminadab meci Nason, ga Nason meci Salmon, 5ga Salmon meci Boaz na ga Rahab shɛ bino bwa, go Boaz meci Obɛd na go Rutu shɛ bino bwa, go Obɛd meci Jɛsi, 6gɛ Jɛsi meci Devid na shɛ agwuma Isrɛl.
Ge Devid meci Sụlụmụn na biyikwo Uria metenji bu, 7Go Sụlụmụn meci Rehoboam, ge Rehoboam meci Abia, ga Abia meci Asa,#1:7 Asa: Abayiburu oko hiɛŋ, Asaf, Ibɛ gɛtɛtɛ ike ike. 8ga Asa meci Jehoshafat, ge Jehoshafat meci Joram, go Joram meci Uzia, 9go Uzia meci Jotam, go Jotam meci Ahaz, ga Ahaz meci Hɛzɛkia, 10gɛ Hɛzɛkia meci Manasɛ, ga Manasɛ meci Amon, ga Amon#1:10 Amon: Tɛjɛshɛrɛga ti nya ti hiɛŋ, Amos. Ibɛ gɛtɛtɛ ike ike. meci Josia, 11go Josia meci Jɛkonia keeni ohongwu ubwa. Na aka ga ibɛ aa 'imɛ aŋ, ee suji aŋ nu Babulon.#2 Shɛgwu 24:14,15; 2 Shɛrụ 36:10; Jɛrɛ 27:20
12Na aba na te e suji aŋ nu Babulon, nazhɛ ge Jɛkonia meci Shiɛltiɛl,#1:12 Shiɛltiɛl: Tɛjɛshɛrɛga tu ko ti hiɛŋ; Salatiɛl. Ibɛ gɛtɛtɛ ike ike. gɛ Shiɛltiɛl meci Zɛrubabɛl, 13gɛ Zɛrubabɛl meci Abiud, ga Abiud meci Ɛliakim, gɛ Ɛliakim meci Azo, 14ga Azo meci Zadok, ga Zadok meci Akim, ga Akim meci Ɛliud, 15gɛ Ɛliud meci Ɛleaza, gɛ Ɛleaza meci Matan, ga Matan meci Jekob, 16ge Jekob meci Josɛf ata shɛ bwolo Meri ata shɛ bino Jisus na ɛɛ hiɛŋ ga Krast.
17Awaŋnɛ elele na kwune na Abraham uuwa i ci Devid namɛ awaŋnɛ umpwa-na-ba-eneshi, awaŋnɛ na kwune na aka Devid uuwa i ci aka na te e suji aŋ nu Babulon, namananɛ awaŋnɛ umpwa-na-ba-eneshi. Awaŋnɛ na kwune na aka na te e suji aŋ nu Babulon uuwa i ci aka na ga Krast zhajɛ, namananɛ awaŋnɛ umpwa-na-ba-eneshi.
Tumata ti Jisus Krast
(Luk 2:1-7)
18Gana na tumata ti Jisus Krast tɛ shɛ na. Aka na tu go Josɛf ba zha adalụ Meri bino bwa, tobwolo a ta kwụnɛ shɛ adugwa o, aa kwụbɛtanɛ bụ ofubo a na banɛ nu ukpahiŋ Mpiala mi Tijilo.#Luk 1:27 19Go Josɛf bwolo bwa kaa shɛ bụtụ bi tiririri, ibɛ po bee jeri shi maa pana bụ ezuye ne eshe atwa, bee heŋshi maa bi zhɛ ba ganga bụ swɛɛ. 20Tu baa haŋsa iwɛ ɛtɛ, nazhɛ butumwa ba Agwangwama ba azuba bananɛ bụ nụ ụwalabụ, bɛɛ hiɛŋ bụ, O-Josɛf, gabụ yɛu Devid, ta nda inyɛsɛ maa zeni Meri maa sha biyikwo bu o, ofubo ata bee le a banɛ nu Mpiala mi Tijilo. 21Yɛu-ye-eyi bɛɛ zhɛ ba mata. Gabụ kaa bi zhɛ ba pa iŋ hwuŋ izeci ti ge Jisus, iwɛnɛ ti bɛɛ zhɛ bo bicingo atwa ubwa maa e genji iwɛwɛ ya aba.#Luk 1:31; 2:21; Jon 1:29; Ugo 13:23 22Inɛ gɛ kpaaŋ teni iwɛ maa iwɛ nɛ Agwangwama dumwa la nu unu bigesere sɛ, inɛ hiɛŋ.
23Hioko ma! Yɛu-yo-o nɛ ta shɛ usapa zhɛ ya la ofubo
Yɛɛ zhɛ ya mata yɛu-ye-eyi.
Ɛ zhɛ a pa iŋ izeci ti ge Imanuɛl,
(egini ibɛ shɛ, Agwatana namɛ no tu.) #Ayiz 7:14
24Aka na tu go Josɛf zhinjɛ malabụ, baa njɛ gana na ta butumwa ata ba Agwangwama ba azuba ge mbishi bu, bee jicinje ga Meri ni ihwɛ ibwɛ, bee zeni bu, 25ama bụ kwụnɛ shɛ adugwa nu bwa uuwa i ci aka na bee meci yɛu ɛtɛ ye eyi o, go Josɛf po iŋ izeci ti ge Jisus.#Luk 2:21
Currently Selected:
MATIU 1: RBT
Highlight
Share
Copy
Want to have your highlights saved across all your devices? Sign up or sign in
Rubassa Bible © Bible Society of Nigeria, 2008