UMOZHIGO 36
36
Ajalalo Isụ Na
(1 Shɛrụ 1:34-37)
1Atwa ga aba shɛ ajalalo Isụ (ubwa gatata shɛ ge Idụm). 2Miaụŋ-mo-o mi Kenan muba ge Isụ zeni, ga Ada yɛu Ilon, na shɛ Bihit, no Oholibama yɛu Ana na shɛ bujalụ Zibeon Bihiv, #Umoz 26:34 3keeni Basɛmat yɛu Ishmɛl, bụngwụfwu Nebaiot.
4Ga Ada metenji Isụ Elifaz, ga Basɛmat meci Reuɛl. 5Go Oholibama meci Jeush, na Jalam keeni Kora. Mu na ata muba mɛ shɛ miaụŋ-me-eyi mu na ee metenji Isụ na cɛnjɛ ti Kenan.
6Nazhɛ ge Isụ suji eyikwo ubwa na miaụŋ mu bwa me eyi, na miaụŋ mu bwa mo o, ta atwa ihwɛ ibwɛ kpaaŋ, ti iyimabiga ibwɛ kpaaŋ ti i'wɛŋnɛ ibwɛ ye elele nɛ baa mwatatanjɛ na cɛnjɛ ti Kenan, baa sanɛ taa dụlụ bee genji buhongwu bwa ge Jekob. 7Iwɛnɛ po i'wɛŋnɛ nɛ aa 'yajɛ hwuri ugombo maa a nama urubwo uko, cɛnjɛ tu na aa jɛjɛ ti eri shi ta la aŋ ya ti iyi ya aba mabiga o. 8Ibɛ po ge Isụ na ɛɛ hiɛŋ du ge Idụm jɛjɛ na cɛnjɛ ti Ishɛmɛ Sei.
9Atwa ga aba shɛ ajalalo Isụ na shɛ ugwunukwoshi wa atwa na ɛɛ hiɛŋ, Atwa Idụm. 10Nzeci mi miaụŋ-me-eyi mi Isụ na: gɛ Elifaz yɛu-ye-eyi nɛ ga Ada biyikwo bwa meci, ne Reuɛl yɛu-ye-eyi nɛ ga Basɛmat biyikwo bwa meci. 11Miaụŋ-me-eyi mi Elifaz na: ge Teman, no Oma, ne Zifo, na Gatam keeni Kinaz. 12(Ge Timna na shɛ biyikwo Elifaz bu magɛgashɛ metenji bu Amɛlɛk). Ajalalo Ada biyikwo Isụ ta. 13Miaụŋ-me-eyi mi Reuɛl na: ga Nahat, ne Zira, na Shama keeni Miza. Ajalalo Basɛmat biyikwo Isụ ta. 14Miaụŋ mu na biyikwo Isụ go Oholibama na shɛ yɛu Ana bujalụ Zibeon metenji bu na: ge Jeush, na Jalam keeni Kora.
15Ajalalo Isụ a na shɛ agwuma na: miaụŋ-me-eyi mi Elifaz yɛu Isụ ihiiŋ, agwuma ge Teman, no Oma, ne Zifo ne Kinaz, 16no Kora, na Gatam, na Amɛlɛk, atwa ata aba shɛ shɛgwuma shɛ na shɛ banɛ no olugwo Elifaz, na namɛ na cɛnjɛ ti Idụm, aba shɛ ajalalo Ada na shɛ biyikwo Isụ. 17Miaụŋ-me-eyi mi Reuɛl yɛu-ye-eyi Isụ, mu na mɛ shɛ shɛgwuma na: agwuma ga Nahat, ne Zira, na Shama, ne Miza, atwa ata aba shɛ shegwuma shɛ na shɛ banɛ no olugwo Reuɛl na namɛ na cɛnjɛ ti Idụm, aba shɛ ajalalo Basɛmat biyikwo Isụ. 18Miaụŋ-me-eyi mu Oholibama, biyikwo Isụ, mu na mɛ shɛ shɛgwuma na: agwuma go Juish, na Jalam, no Kora, atwa ata aba shɛ shɛgwuma shɛ na shɛ banɛ no olugwo biyikwo Isụ go Oholibama na shɛ yɛu Ana. 19Atwa ata kpaaŋ aba banɛ no olugwo Isụ na shɛ ge Idụm, shɛgwuma sha aba shɛ ta.
Ajalalo Sei Na
(1 Shɛrụ 1:38-42)
20Ana ga aba shɛ miaụŋ-me-eyi mi Sei Buhori ata, na jɛjɛ na cɛnjɛ ta ata na: go Lotan, no Shobal, ne Zibeon, na Ana. 21Ne Dishon, nɛ Ɛzɛ keeni Dishan, aba shɛ shɛgwuma sha Ahori, a na shɛ miaụŋ-me-eyi mi Sei, na cɛnjɛ ti Idụm.
22Miaụŋ-me-eyi mu Lotan na: go Hori keeni Heman, go Lotan 'yajɛ bụngwụfwụ na ɛɛ hiɛŋ izeci ibwɛ ti ge Timna.
23Miaụŋ-me-eyi mu Shobal na: ga Alvan, na Manahat, ne Ibal, ne Shifo keeni Onam.
24Miaụŋ-me-eyi mi Zibeon na: ga Aiya keeni Ana, ga Ana ga ubwa to umɛzhinjɛ uko vwengenji ugbe nụ ụshɛka, aka na ti bee suji nzhinyacɛ mi Zibeon bishi bwa na tiyaga.
25Miaụŋ-me-eyi mu Ana na: ge Dishon, bi meci du yɛu nɛ ɛɛ hiɛŋ go Oholibama.
26Miaụŋ-me-eyi mi Dishon na: gɛ Hɛmdan, nɛ Ɛshban, ne Itran keeni Kiran.
27Miaụŋ-me-eyi mi Ɛzɛ na: ge Bilha, ne Zeavan keeni Akan.
28Miaụŋ-me-eyi mi Dishan na: go Uz keeni Aran.
29Atwa na shɛ shɛgwuma sha Ahori na: agwuma go Lotan, no Shobal, ne Zibeon, na Ana, 30ne Dishon, nɛ Ɛzɛ keeni Dishan, shɛgwuma sha Ahori ta, gana na te edenji aba namɛ na cɛnjɛ ti Sei.
Shɛgwuma shi Idụm Na
(1 Shɛrụ 1:43-54)
31Atwa ga aba yɛ la tugwama na cɛnjɛ ti Idụm, tobwolo agwuma elele ta yɛ shɛ la tugwama ta atwa Isrɛl o.
32Ge Bɛla yɛu-ye-eyi Bio, yɛ tugwama ti Idụm, ɛ hiɛŋ izeci ụshɛpwụ ubwa Dinhaba.
33Ti gɛ Bɛla 'wi, go Jobab yɛu Zira bụtụ bu Bozra, yɛ tugwama tu bwa.
34Ti go Jobab 'wi, go Husham bụtụ ba cɛnjɛ ti Teman, yɛ tugwama tu bwa.
35Ti go Husham 'wi, ga Hadad yɛu Bedad, na lasụ Amidian, na cɛnjɛ tu Moab, yɛ tugwama tu bwa, ɛ hiɛŋ izeci ụshɛpwụ ubwa Avit.
36Ti ga Hadad 'wi, ga Samla bụtụ bu Masrɛka, yɛ tugwama tu bwa.
37Ti ga Samla 'wi, ga Shaul bụtụ bu Rɛhobot, na namɛ nu ụpalanụ Urefu Yufretis, yɛ tugwama tu bwa.
38Ti ga Shaul 'wi, ge Beal-henan, yɛu Akbo yɛ tugwama tu bwa.
39Ti ge Beal-hanan yɛu Akbo 'wi, ga Hada yɛ tugwama tu bwa, ɛ hiɛŋ izeci ụshɛpwụ ubwa Pau, ɛɛ hiɛŋ izeci biyikwo bwa gɛ Mɛhɛtabɛl, yɛu-yo-o Matrɛd na shɛ bụjalụ Mɛzahab.
40Shɛgwuma shɛ na shɛ banɛ no olugwo Isụ na, gana na ta amwamwa aba namɛ keeni ofwo na aa namanjɛ. A suyana ashɛpwụ aba nu nzeci ma aba: agwuma ge Timna, na Alva, ne Jitɛt, 41no Oholibama, ne Ela, ne Pinon, 42ne Kinaz, ne Timan, ne Mibza, 43na Magdiɛl keeni Ram. Shɛgwuma shi Idụm shɛ ta (ubwa shɛ ge Isụ bishi ba A'idụm), nu gana na to ofwo bɛjɛjɛ ba aba namanjɛ na cɛnjɛ tu na aa 'yagajɛ.
Currently Selected:
UMOZHIGO 36: RBT
Highlight
Share
Copy
Want to have your highlights saved across all your devices? Sign up or sign in
Rubassa Bible © Bible Society of Nigeria, 2008