UMOZHIGO 34
34
Atwa Shɛkɛm Heshigeni Daina
1Jitoo ko, ga Daina yɛu-yo-o nɛ ge Lia metenji Jekob, beni maa kwubɛ miaụŋ-mo-o mɛ cɛnjɛ ta ata. 2Ibɛ gɛ Shɛkɛm yɛu-ye-eyi Hamo Bihiv na shɛ uhiu cɛnjɛ ta ata kwụbɛ bụ, bee shepi bu bee weci nu bwa. 3Ama iwɛ Daina yɛu ɛtɛ Jekob kwụlanɛ bụ tebiye, bee lubi yɛu ɛtɛ towo, baa jɛmɛ n-ndumwa ma amɛ-olom nu bwa. 4Gɛ Shɛkɛm mbishi bishi bwa ga Hamo, bɛɛ hiɛŋ, N zhegeji adalụ yɛu gɛ towo maa Ma zana iŋ.
5Aka na ge Jekob hwụjɛ maa bi heshigeni yɛu ibwɛ ga Daina, ama miaụŋ mu bwa me eyi mu ta namɛ ni iyimabiga ne ehilo, ge Jekob 'imɛ-isɛbwɛ uuwa i ci aka na ee jiye. 6Nazhɛ ga Hamo bishi Shɛkɛm beni bee zhe no ofwo Jekob maa duma iwɛ nu bwa. 7Aka na ta miaụŋ-me-eyi mi Jekob mi jiye ehilo, ee teni ihwɛ. Aka na ta a hwụjɛ iŋ, yaa gwumanɛ aŋ, aa njɛ isɛbwɛ tebiye, iwɛnɛ ti gɛ Shɛkɛm njɛ iyi ye ezuye ni Isrɛl no tuwoto tu na bee weci na bụngwụfwụ ba aba na shɛ yɛu Jekob, ijɛ ɛtɛ kaa ga shɛ shɛ ya nda o.
8Ama ga Hamo jɛmɛ ulapiya, bɛɛ hiɛŋ, Iwɛ yɛu gɛ bu kaa kwụlanɛ yɛu mi gɛ Shɛkɛm tebiye. Ma bu tabwa maa peni bu iŋ maa zana. 9Nda ma tụmbụla no tu, iti peni ma miaụŋ mi hiŋ mo o maa tu na zana, maa hi na zana du miaụŋ mu tu mo o. 10Nama ma no tu, cɛnjɛ tu ta tɛ hiɛ namanɛ, gɛga ma no ofwo elele na ihiɛ kwụlanɛ maa hiɛ njɛ tihinya na tuba, maa hi 'yaga i'wɛŋnɛ na tuba. 11Gɛ Shɛkɛm hiɛŋ bishi Daina keeni nkwonyi mu bwa, Hioko ma inyɛmɛnyɛmɛ mi, iyi elele nɛ kaa ɛhi n hiɛŋ, N zhɛ ma hi pana. 12M mbishi ma gana elele na tu ugombo iyi cɛnɛ ti hiŋ namɛ keeni upwaŋ hiŋ, N zhɛ kaa ma hi pana gana elele na te ehi m mbishi, iwɛ maa kiri hi m peni yɛu gɛ towo maa Ma zana iŋ.
13Ama miaụŋ mi Jekob mi peni Shɛkɛm keeni bishi bwa ga Hamo ajɛshɛgwa i'inswɛ, iwɛnɛ ti bee heshigeni bụngwụfwụ ba aba ga Daina. 14Ɛɛ hiɛŋ aŋ, Ti eri shi ta pana bụtụ na jeji shi teleyi bụngwụfwụ tu o, iwɛnɛ ti inɛ ɛtɛ iti shanɛ iyi ụpụrụsa. 15Semi ni inɛ gɛ kiri ɛti zhɛ to lono n-ndumwa mi hiŋ, ibɛ shɛ maa hiɛ shɛ hia sha gana na atɛ shɛ maa butubwenyi be elele jeji teleyi tu bwa. 16Nazhɛ ɛti zhɛ tu na hi pana miaụŋ mu tu mo o maa hi na zana, maa ta zana du miaụŋ mi hiŋ mo o, nazhɛ ɛti zhɛ ta gɛga ne hiŋ maa ta sha du iyi ike ne hiŋ. 17Ama yaa shɛ ehi shiri shi acɛbɛ no tu maa hi jeji teleyi, asha ti zhɛ ta shapa yɛu tu to hwulo.
Nkwonyi mu Daina mɛ Njɛ Itɛpwɛ Ibwɛ
18N-ndumwa ma aba mi lemicinji Hamo keeni yɛu ibwɛ gɛ Shɛkɛm amɛ. 19Ibɛ po yɛu ɛtɛ tisemberi njɛ shɛ ti'insu ti ijɛ tɛnda, iwɛnɛ ti yɛu ɛtɛ Jekob kwụlanɛ bụ. Ubwa kaa shɛ bụtụ na 'yajɛ ụjɛrụma uhwuri atwa ihwɛ ibwɛ kpaaŋ. 20Ga Hamo keeni yɛu ibwɛ gɛ Shɛkɛm zhajɛ ga no odubo ụshɛpwụ ata wa aba ụ'wụtụ, ee mbishi etwenyi ụshɛpwụ aba, ɛɛ hiɛŋ, 21Etwenyi ga, a tɛ 'imɛ tiyejilo tebiye, ga a nama na cɛnjɛ tu ga maa a njɛ tihinya na tuba, cɛnjɛ tu ga kaa ti gembi tu waŋnɛ aŋ. Mizha tu na nda ma tụmbụla na miaụŋ ma aba mo o, maa a na zana du miaụŋ mu tu mo o. 22Ama ne eshici ga kiri atwa ga zhɛ o lono maa a gɛga no tu, maa ta sha iyi ike na aba, ibɛ shɛ maa ge butubwenyi be elele na ashashɛ tu jeji teleyi gana aba. 23Shɛ atuba suu ti zhɛ ta 'yaga iyi ya aba mabiga, ti i'wɛŋnɛ ya aba keeni isundɛ ya aba ehilo? Mizha ti leni ma iyi nɛ aa jɛmɛ ko, nazhɛ ɛɛ zhɛ a gɛga no tu. 24Aka na ta atwa elele na zhajɛ no odubo ụshɛpwụ ubwa hwụjɛ n-nduma mu Hamo keeni yɛu ibwɛ gɛ Shɛkɛm, ibɛ po butubwenyi be elele jeji teleyi tu bwa.
25Nụ ụjita ụtatụ ibɛ, aka na ta ata hwuga-ụngwụ teleyi tu na ee jejeji hwɛɛ aba, miaụŋ mi Jekob mi yebi, ge Simion keeni Livai, nkwonyi mu Daina mu suji otokwobi aba ee zhegeni atwa ụshɛpwụ ata ne tusweci, aa kwụnɛ etwenyi aba kpaaŋ. 26Aa kwụnɛ du Hamo keeni yɛu ibwɛ gɛ Shɛkɛm nu utokwobi, nazhɛ ɛ bɛcinjɛ Daina ni ihwɛ Shɛkɛm, ee hwuri. 27Na aba ibɛ, miaụŋ mi Jekob me eyi mi nya mi zhegeni atwa ata aa kwụnɛ, ee suje i'wɛŋnɛ ụshɛpwụ ata, iwɛnɛ te e heshigeni bụngwụfwụ ba aba. 28Ee suji agwụdụ aba, ti inɛ ya aba, tu nzhinyacɛ ma aba, keeni iyi elele nɛ namɛ na amɛ ụshɛpwụ ata keeni inɛɛ nɛ namɛ ne shihilo. 29Ee suji uduciya wa aba kpaaŋ, ta atwa aba na ta gwumwatangwụ, te eyikwo aba keeni iyi ya aba ye elele nɛ namɛ no shimwono, aa 'imɛ aŋ aa njɛ aŋ ufwa wa aba.
30Nazhɛ ge Jekob hiɛŋ Simion keeni Livai, Hi n shapɛrɛganɛ ụbaụta, iwɛnɛ ahiɛ njɛ maa kede iwe mi kwụlanɛ ya atwa na jɛjɛ na cɛnjɛ tu ga, te Ekenan keeni Ɛpɛrɛz ga o. Tu twa sụ kaa ufwugwo, yaa shɛ oo sotulonu maa a tu sukakanɛ, ɛ zhɛ mo ti iricingo, tu Gamba ti ihwɛ mi hwɛɛ.
31Ama ɛ hiɛŋ bụ, Asha i lanɛ suu tuba maa nda bụngwụfwụ tu gana na aa nda buwɛle?
Currently Selected:
UMOZHIGO 34: RBT
Highlight
Share
Copy
Want to have your highlights saved across all your devices? Sign up or sign in
Rubassa Bible © Bible Society of Nigeria, 2008
UMOZHIGO 34
34
Atwa Shɛkɛm Heshigeni Daina
1Jitoo ko, ga Daina yɛu-yo-o nɛ ge Lia metenji Jekob, beni maa kwubɛ miaụŋ-mo-o mɛ cɛnjɛ ta ata. 2Ibɛ gɛ Shɛkɛm yɛu-ye-eyi Hamo Bihiv na shɛ uhiu cɛnjɛ ta ata kwụbɛ bụ, bee shepi bu bee weci nu bwa. 3Ama iwɛ Daina yɛu ɛtɛ Jekob kwụlanɛ bụ tebiye, bee lubi yɛu ɛtɛ towo, baa jɛmɛ n-ndumwa ma amɛ-olom nu bwa. 4Gɛ Shɛkɛm mbishi bishi bwa ga Hamo, bɛɛ hiɛŋ, N zhegeji adalụ yɛu gɛ towo maa Ma zana iŋ.
5Aka na ge Jekob hwụjɛ maa bi heshigeni yɛu ibwɛ ga Daina, ama miaụŋ mu bwa me eyi mu ta namɛ ni iyimabiga ne ehilo, ge Jekob 'imɛ-isɛbwɛ uuwa i ci aka na ee jiye. 6Nazhɛ ga Hamo bishi Shɛkɛm beni bee zhe no ofwo Jekob maa duma iwɛ nu bwa. 7Aka na ta miaụŋ-me-eyi mi Jekob mi jiye ehilo, ee teni ihwɛ. Aka na ta a hwụjɛ iŋ, yaa gwumanɛ aŋ, aa njɛ isɛbwɛ tebiye, iwɛnɛ ti gɛ Shɛkɛm njɛ iyi ye ezuye ni Isrɛl no tuwoto tu na bee weci na bụngwụfwụ ba aba na shɛ yɛu Jekob, ijɛ ɛtɛ kaa ga shɛ shɛ ya nda o.
8Ama ga Hamo jɛmɛ ulapiya, bɛɛ hiɛŋ, Iwɛ yɛu gɛ bu kaa kwụlanɛ yɛu mi gɛ Shɛkɛm tebiye. Ma bu tabwa maa peni bu iŋ maa zana. 9Nda ma tụmbụla no tu, iti peni ma miaụŋ mi hiŋ mo o maa tu na zana, maa hi na zana du miaụŋ mu tu mo o. 10Nama ma no tu, cɛnjɛ tu ta tɛ hiɛ namanɛ, gɛga ma no ofwo elele na ihiɛ kwụlanɛ maa hiɛ njɛ tihinya na tuba, maa hi 'yaga i'wɛŋnɛ na tuba. 11Gɛ Shɛkɛm hiɛŋ bishi Daina keeni nkwonyi mu bwa, Hioko ma inyɛmɛnyɛmɛ mi, iyi elele nɛ kaa ɛhi n hiɛŋ, N zhɛ ma hi pana. 12M mbishi ma gana elele na tu ugombo iyi cɛnɛ ti hiŋ namɛ keeni upwaŋ hiŋ, N zhɛ kaa ma hi pana gana elele na te ehi m mbishi, iwɛ maa kiri hi m peni yɛu gɛ towo maa Ma zana iŋ.
13Ama miaụŋ mi Jekob mi peni Shɛkɛm keeni bishi bwa ga Hamo ajɛshɛgwa i'inswɛ, iwɛnɛ ti bee heshigeni bụngwụfwụ ba aba ga Daina. 14Ɛɛ hiɛŋ aŋ, Ti eri shi ta pana bụtụ na jeji shi teleyi bụngwụfwụ tu o, iwɛnɛ ti inɛ ɛtɛ iti shanɛ iyi ụpụrụsa. 15Semi ni inɛ gɛ kiri ɛti zhɛ to lono n-ndumwa mi hiŋ, ibɛ shɛ maa hiɛ shɛ hia sha gana na atɛ shɛ maa butubwenyi be elele jeji teleyi tu bwa. 16Nazhɛ ɛti zhɛ tu na hi pana miaụŋ mu tu mo o maa hi na zana, maa ta zana du miaụŋ mi hiŋ mo o, nazhɛ ɛti zhɛ ta gɛga ne hiŋ maa ta sha du iyi ike ne hiŋ. 17Ama yaa shɛ ehi shiri shi acɛbɛ no tu maa hi jeji teleyi, asha ti zhɛ ta shapa yɛu tu to hwulo.
Nkwonyi mu Daina mɛ Njɛ Itɛpwɛ Ibwɛ
18N-ndumwa ma aba mi lemicinji Hamo keeni yɛu ibwɛ gɛ Shɛkɛm amɛ. 19Ibɛ po yɛu ɛtɛ tisemberi njɛ shɛ ti'insu ti ijɛ tɛnda, iwɛnɛ ti yɛu ɛtɛ Jekob kwụlanɛ bụ. Ubwa kaa shɛ bụtụ na 'yajɛ ụjɛrụma uhwuri atwa ihwɛ ibwɛ kpaaŋ. 20Ga Hamo keeni yɛu ibwɛ gɛ Shɛkɛm zhajɛ ga no odubo ụshɛpwụ ata wa aba ụ'wụtụ, ee mbishi etwenyi ụshɛpwụ aba, ɛɛ hiɛŋ, 21Etwenyi ga, a tɛ 'imɛ tiyejilo tebiye, ga a nama na cɛnjɛ tu ga maa a njɛ tihinya na tuba, cɛnjɛ tu ga kaa ti gembi tu waŋnɛ aŋ. Mizha tu na nda ma tụmbụla na miaụŋ ma aba mo o, maa a na zana du miaụŋ mu tu mo o. 22Ama ne eshici ga kiri atwa ga zhɛ o lono maa a gɛga no tu, maa ta sha iyi ike na aba, ibɛ shɛ maa ge butubwenyi be elele na ashashɛ tu jeji teleyi gana aba. 23Shɛ atuba suu ti zhɛ ta 'yaga iyi ya aba mabiga, ti i'wɛŋnɛ ya aba keeni isundɛ ya aba ehilo? Mizha ti leni ma iyi nɛ aa jɛmɛ ko, nazhɛ ɛɛ zhɛ a gɛga no tu. 24Aka na ta atwa elele na zhajɛ no odubo ụshɛpwụ ubwa hwụjɛ n-nduma mu Hamo keeni yɛu ibwɛ gɛ Shɛkɛm, ibɛ po butubwenyi be elele jeji teleyi tu bwa.
25Nụ ụjita ụtatụ ibɛ, aka na ta ata hwuga-ụngwụ teleyi tu na ee jejeji hwɛɛ aba, miaụŋ mi Jekob mi yebi, ge Simion keeni Livai, nkwonyi mu Daina mu suji otokwobi aba ee zhegeni atwa ụshɛpwụ ata ne tusweci, aa kwụnɛ etwenyi aba kpaaŋ. 26Aa kwụnɛ du Hamo keeni yɛu ibwɛ gɛ Shɛkɛm nu utokwobi, nazhɛ ɛ bɛcinjɛ Daina ni ihwɛ Shɛkɛm, ee hwuri. 27Na aba ibɛ, miaụŋ mi Jekob me eyi mi nya mi zhegeni atwa ata aa kwụnɛ, ee suje i'wɛŋnɛ ụshɛpwụ ata, iwɛnɛ te e heshigeni bụngwụfwụ ba aba. 28Ee suji agwụdụ aba, ti inɛ ya aba, tu nzhinyacɛ ma aba, keeni iyi elele nɛ namɛ na amɛ ụshɛpwụ ata keeni inɛɛ nɛ namɛ ne shihilo. 29Ee suji uduciya wa aba kpaaŋ, ta atwa aba na ta gwumwatangwụ, te eyikwo aba keeni iyi ya aba ye elele nɛ namɛ no shimwono, aa 'imɛ aŋ aa njɛ aŋ ufwa wa aba.
30Nazhɛ ge Jekob hiɛŋ Simion keeni Livai, Hi n shapɛrɛganɛ ụbaụta, iwɛnɛ ahiɛ njɛ maa kede iwe mi kwụlanɛ ya atwa na jɛjɛ na cɛnjɛ tu ga, te Ekenan keeni Ɛpɛrɛz ga o. Tu twa sụ kaa ufwugwo, yaa shɛ oo sotulonu maa a tu sukakanɛ, ɛ zhɛ mo ti iricingo, tu Gamba ti ihwɛ mi hwɛɛ.
31Ama ɛ hiɛŋ bụ, Asha i lanɛ suu tuba maa nda bụngwụfwụ tu gana na aa nda buwɛle?
Currently Selected:
:
Highlight
Share
Copy
Want to have your highlights saved across all your devices? Sign up or sign in
Rubassa Bible © Bible Society of Nigeria, 2008