UMOZHIGO 33
33
Ge Jekob Twa ne Isụ
1Ge Jekob shepi eshe, baa mbiyanɛ ti ge Isụ be ci, atwa akpakwụ-eyebi (400) zhagajɛ nu bwa. Ibɛ po boo dwotwogonu miaụŋ, bee peni Lia ne Rechɛl keeni ajama ata o o eyebi. 2Bee hwuricinji ajama na miaụŋ ma aba umbe, nazhɛ ge Lia na miaụŋ mu bwa 'wa, ge Rechɛl keeni Josɛf lɛ ekwunyi umɛwɛɛ. 3Ubwa ni ikɛnyi ibwɛ hwuri umbe na aba, bee kwuzeni batagwụ bwa karɛ cenje, uuwa i ci aka na boo gwumwonu nu bwa.
4Ama ge Isụ gezhiji baa twa nu bwa, baa ruwanɛ bụ, baa karɛ bụ u'ala ni i'ilu, bee kwutenji unu nu unu ubwa, aa cwɛ-u'wo hwɛɛ aba ebe yebi. 5Aka na ti ge Isụ shepi eshe baa kwụbɛ eyikwo keeni miaụŋ, bɛɛ hiɛŋ, Ata aba na namɛ na bụụ?
Ge Jekob jishijɛ bụ, bɛɛ hiɛŋ, Miaụŋ mu na Agwatana hieci inyɛmɛnyɛmɛ yɛu gɛ bu ugondu ta. 6Nazhɛ ajama ata o o kaanɛ izhɛ, ta miaụŋ ma aba, ee kwuzenji. 7Gabata du ge Lia na miaụŋ mu bwa kaanɛ izhɛ ee kwuzenji, nu umɛwɛɛ ibɛ go Josɛf ne Rechɛl kaanɛ izhɛ ee kwuzenji.
8Ge Isụ heŋteni bu, bɛɛ hiɛŋ, Imbe shɛ ecilo edingbe iyi nɛ Ngaa twatwagwụ ni ibɛɛ?
Ge Jekob jishijɛ, bɛɛ hiɛŋ, Iwɛ maa kwụbɛ inyɛmɛnyɛmɛ mi gabụ iyɛri mi.
9Ama ge Isụ hiɛŋ bụ, Ɛ-yɛu-bino mi, inɛɛ nɛ Ngaa 'yajɛ i n gwumwa, untangana inɛɛ nɛ abi 'yajɛ iwɛ ikɛnyi bu.
10Ge Jekob hiɛŋ, Awo, Ma bu tabwa, yaa shɛ ɛbi zhɛ bo hioko inyɛmɛnyɛmɛ mi, asha lashɛga upwaŋ na banɛ ni i'ɛlɛ mi, iwɛ-tɛkana eshe bu na Ngaa kwụbɛ, i shɛ maa eshe Agwatana Ngaa kwụbɛ, amɛ bụ kaa lemi ne mi, ebi n leshiji kaa nu unyasa. 11Ma bu tabwa maa leshiji upwaŋ ga mu, aa bụ 'waŋnanɛ, iwɛnɛ ta Agwatana hieci inyɛmɛnyɛmɛ mi, Ngaa 'yajɛ kaa iyi elele ta ma n gwumwa. Baa uranjɛ bụ uuwa nazhɛ bee leshiji iŋ.
12Nazhɛ ge Isụ hiɛŋ, Mizha tu kwuni tahaŋnụ tu tu, Gamba tuba n zhɛ mo hwulo umbe na bụ.
13Ge Jekob hiɛŋ bụ, Iyɛri mi, bi mepi maa tahaŋnụ ta miaụŋ mu ga, tu ta nɛ shɛ tebiye o, Gamba kaa n 'yagajɛ agwụdụ keeni miaụŋ mi inɛ mu na mu to subo, yaa shɛ oo to aŋ izɛlɛgwu okwo ụjita uko, asha unyama wa agwụdụ ga kpaaŋ zhɛ wo 'wo. 14Gɛ Iyɛri mi hwuri umbe ni yɛu gɛ ibwɛ ugondu maa Ma 'yagajɛ tuba iyimabiga pece pece nu gana na ta tahaŋnụ ta aba tu namɛ, keeni miaụŋ mu tuwee wee nu gana na ta tahaŋnụ ta aba tu namɛ, uuwa Mo to iyɛri mi ni Idụm.
Ge Jekob sanɛ Shɛkɛm
15Ge Isụ hiɛŋ, Lono maa Ma bu gangana emeseyi etwenyi na namɛ ne mi.
Ama ge Jekob hiɛŋ, Ukekeshi imbe kwuuŋ nambaa? Gɛ iyɛri mi hieci inyɛmɛnyɛmɛ mi kiri. 16Gana ata ge Isụ bitiriji ugwulwo jita ata bee ji ni Idụm. 17Ama ge Jekob shɛdɛnjɛ tahaŋnụ tu bwa, baa sanɛ Sukot, bee meme meni umwono apata, bee meni iyi ibwɛ mabiga nsumo, iwɛbɛ po boo po apata izeci maa Sukot.#33:17 Sukot: Egini Sukot ne Rihibru i shɛ, nsumo kwo kaa obodongom.
18Ge Jekob banɛ nu Padan-aram, baa zhajɛ pece pece bee ci ụshɛpwụ uko ụ'wụtụ na ɛɛ hiɛŋ izeci ubwa Shɛkɛm, na namɛ na cɛnjɛ ti Kenan, boo to uda ubwa ne ehilo na gwumwongonu nu ụshɛpwụ ata.#Josh 24:32; Jon 4:5 19Ibɛ po boo so ụpadụ we ehilo ata ni i'ɛlɛ miaụŋ mu Hamo, na shɛ bishi Shɛkɛm azụrụfa arinya dipi-yebi (100). 20Boo to utukwu-ụrụpɛ apata, boo po uŋ izeci maa Ɛl-Ɛlohi-Isrɛl.#33:20 Ɛl-Ɛlohi-Isrɛl: Egini Ɛl-Ɛlohi-Isrɛl i shɛ, Agwatana na shɛ Agwatana Isrɛl.
Currently Selected:
UMOZHIGO 33: RBT
Highlight
Share
Copy
Want to have your highlights saved across all your devices? Sign up or sign in
Rubassa Bible © Bible Society of Nigeria, 2008
UMOZHIGO 33
33
Ge Jekob Twa ne Isụ
1Ge Jekob shepi eshe, baa mbiyanɛ ti ge Isụ be ci, atwa akpakwụ-eyebi (400) zhagajɛ nu bwa. Ibɛ po boo dwotwogonu miaụŋ, bee peni Lia ne Rechɛl keeni ajama ata o o eyebi. 2Bee hwuricinji ajama na miaụŋ ma aba umbe, nazhɛ ge Lia na miaụŋ mu bwa 'wa, ge Rechɛl keeni Josɛf lɛ ekwunyi umɛwɛɛ. 3Ubwa ni ikɛnyi ibwɛ hwuri umbe na aba, bee kwuzeni batagwụ bwa karɛ cenje, uuwa i ci aka na boo gwumwonu nu bwa.
4Ama ge Isụ gezhiji baa twa nu bwa, baa ruwanɛ bụ, baa karɛ bụ u'ala ni i'ilu, bee kwutenji unu nu unu ubwa, aa cwɛ-u'wo hwɛɛ aba ebe yebi. 5Aka na ti ge Isụ shepi eshe baa kwụbɛ eyikwo keeni miaụŋ, bɛɛ hiɛŋ, Ata aba na namɛ na bụụ?
Ge Jekob jishijɛ bụ, bɛɛ hiɛŋ, Miaụŋ mu na Agwatana hieci inyɛmɛnyɛmɛ yɛu gɛ bu ugondu ta. 6Nazhɛ ajama ata o o kaanɛ izhɛ, ta miaụŋ ma aba, ee kwuzenji. 7Gabata du ge Lia na miaụŋ mu bwa kaanɛ izhɛ ee kwuzenji, nu umɛwɛɛ ibɛ go Josɛf ne Rechɛl kaanɛ izhɛ ee kwuzenji.
8Ge Isụ heŋteni bu, bɛɛ hiɛŋ, Imbe shɛ ecilo edingbe iyi nɛ Ngaa twatwagwụ ni ibɛɛ?
Ge Jekob jishijɛ, bɛɛ hiɛŋ, Iwɛ maa kwụbɛ inyɛmɛnyɛmɛ mi gabụ iyɛri mi.
9Ama ge Isụ hiɛŋ bụ, Ɛ-yɛu-bino mi, inɛɛ nɛ Ngaa 'yajɛ i n gwumwa, untangana inɛɛ nɛ abi 'yajɛ iwɛ ikɛnyi bu.
10Ge Jekob hiɛŋ, Awo, Ma bu tabwa, yaa shɛ ɛbi zhɛ bo hioko inyɛmɛnyɛmɛ mi, asha lashɛga upwaŋ na banɛ ni i'ɛlɛ mi, iwɛ-tɛkana eshe bu na Ngaa kwụbɛ, i shɛ maa eshe Agwatana Ngaa kwụbɛ, amɛ bụ kaa lemi ne mi, ebi n leshiji kaa nu unyasa. 11Ma bu tabwa maa leshiji upwaŋ ga mu, aa bụ 'waŋnanɛ, iwɛnɛ ta Agwatana hieci inyɛmɛnyɛmɛ mi, Ngaa 'yajɛ kaa iyi elele ta ma n gwumwa. Baa uranjɛ bụ uuwa nazhɛ bee leshiji iŋ.
12Nazhɛ ge Isụ hiɛŋ, Mizha tu kwuni tahaŋnụ tu tu, Gamba tuba n zhɛ mo hwulo umbe na bụ.
13Ge Jekob hiɛŋ bụ, Iyɛri mi, bi mepi maa tahaŋnụ ta miaụŋ mu ga, tu ta nɛ shɛ tebiye o, Gamba kaa n 'yagajɛ agwụdụ keeni miaụŋ mi inɛ mu na mu to subo, yaa shɛ oo to aŋ izɛlɛgwu okwo ụjita uko, asha unyama wa agwụdụ ga kpaaŋ zhɛ wo 'wo. 14Gɛ Iyɛri mi hwuri umbe ni yɛu gɛ ibwɛ ugondu maa Ma 'yagajɛ tuba iyimabiga pece pece nu gana na ta tahaŋnụ ta aba tu namɛ, keeni miaụŋ mu tuwee wee nu gana na ta tahaŋnụ ta aba tu namɛ, uuwa Mo to iyɛri mi ni Idụm.
Ge Jekob sanɛ Shɛkɛm
15Ge Isụ hiɛŋ, Lono maa Ma bu gangana emeseyi etwenyi na namɛ ne mi.
Ama ge Jekob hiɛŋ, Ukekeshi imbe kwuuŋ nambaa? Gɛ iyɛri mi hieci inyɛmɛnyɛmɛ mi kiri. 16Gana ata ge Isụ bitiriji ugwulwo jita ata bee ji ni Idụm. 17Ama ge Jekob shɛdɛnjɛ tahaŋnụ tu bwa, baa sanɛ Sukot, bee meme meni umwono apata, bee meni iyi ibwɛ mabiga nsumo, iwɛbɛ po boo po apata izeci maa Sukot.#33:17 Sukot: Egini Sukot ne Rihibru i shɛ, nsumo kwo kaa obodongom.
18Ge Jekob banɛ nu Padan-aram, baa zhajɛ pece pece bee ci ụshɛpwụ uko ụ'wụtụ na ɛɛ hiɛŋ izeci ubwa Shɛkɛm, na namɛ na cɛnjɛ ti Kenan, boo to uda ubwa ne ehilo na gwumwongonu nu ụshɛpwụ ata.#Josh 24:32; Jon 4:5 19Ibɛ po boo so ụpadụ we ehilo ata ni i'ɛlɛ miaụŋ mu Hamo, na shɛ bishi Shɛkɛm azụrụfa arinya dipi-yebi (100). 20Boo to utukwu-ụrụpɛ apata, boo po uŋ izeci maa Ɛl-Ɛlohi-Isrɛl.#33:20 Ɛl-Ɛlohi-Isrɛl: Egini Ɛl-Ɛlohi-Isrɛl i shɛ, Agwatana na shɛ Agwatana Isrɛl.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Rubassa Bible © Bible Society of Nigeria, 2008