KORINT HIIŊ 8
8
Iheŋtene iwɛ Iyimɛyɛ nɛ Oo To Ụrụpɛ na Tuwa
1Ama iwɛ iyi nɛ oo to ụrụpɛ na tuwa; nɛ ahiɛ n 'nyatanɛ, ti mepi maa ti mepi iyi kpaaŋ tu. Iyi-tumapa kaa ya pana bụtụ tubusa, ama tulubo tuba ta ma bụtụ. 2Yaa shɛ bụtụ be elele heŋshi maa bi mepi iyi elele, asha bi te mepi shi iyi gana na lanɛ maa mapa o. 3Ama yaa shɛ bụtụ be elele bo lubo Agwatana, asha ubwa du Agwatana mepi.
4Ama iwɛ iyi nɛ oo to ụrụpɛ na tuwa tiya, ti mepi maa tuwa tɛ shɛ shɛ iyi elele nu unyizo, Agwatana anya kaa zasaba o, semi oko. 5Okwo yaa shɛ azhɛba gana gonu namba, na azuba keeni nu unyizo, okwo ti yaa shɛ azhɛba keeni shɛgwangwama shɛ gana gonu shi gembi ba ufwugwo; 6ama ɛɛ hiɛŋ atuba, Agwatana ata mokondo kiri utu nambana. Ubwa shɛ Bishi na karɛ iyi elele, ubwa po atu namɛ keeni Agwangwama oko, ubwa shɛ ge Jisus Krast na iyi elele namɛ tedure nu bwa, tedure nu bwa kaa du atu namɛ. 7Ama shɛ atwa kpaaŋ mepi iwɛ gɛ o. Atwa oko namba a na nyiwonowuŋ ya ni iyi tuwa, a na shɛ maa okwo taa hwayɛ aka aa ya iyimɛyɛ, ya shana aŋ gana iyi nɛ oo to ụrụpɛ na tuwa, nazhɛ bimbisegeni-ba-shɛmɛ sha aba na lwegeji ba hashɛganụ ya. 8Ama iyimɛyɛ ni ikɛnyi ibɛ zha shɛ ya nda maa Agwatana iti leshiji o. Okwo atɛ yɛ shɛ, tu wumanjɛ shɛ, okwo atɛ yɛ kaa ti debeji shi.
9Ama na nda ma pece iwɛ maa kede tumama 'yaga ti hiŋ tɛ njɛ atwa na lwegeji ukwurishi#8:9 ukwurishi: Kwo kaa maa kede ti kelegeji ma…Tɛjɛshɛrɛga tu ko ti hiɛŋ, maa kede tɛ shanɛ ma atwa oko na lwegeji utayɛ udukwutwa o, kwo kaa maa atwa njɛ iwɛwɛ o. o. 10Yaa shɛ bụtụ na rishe ru bwa tɛtɛtana ru lwegeji ubu kwụbɛ gabụ na bi mepi iyi ta abɛ jɛjɛ no ofwo iyimɛyɛ ni isume tuwa, bimbisegeni-ba-amɛ ubwa suu zha shɛ ba pana bụ ikɛnyi maa bu na ya iyi nɛ oo to ụrụpɛ na tuwa? 11Ibɛ po iyi-tumapa bụ zhɛ ya nda yɛu-bino nɛ ga Krast 'wi iwɛ ubwa na kaa rishe ru bwa tɛtɛtana ru lwegeji ufwu. 12Aka na ahia nda miaụŋ-mo-bino hiŋ na amɛ Krast iwɛwɛ gɛnɛ gɛ, ahia gwucanga shihaŋsa sha aba shɛ na shi lwegeji, asha ga Krast ahia nda iwɛwɛ. 13Yaa shɛ iyimɛyɛ zhɛ ya nda yɛu-bino mi na amɛ Krast ukwurishi, asha N zha shɛ ma ya ya usunda kwukwuŋ, iwɛ maa kede Ma kalagaga yɛu-bino mi o.
Currently Selected:
KORINT HIIŊ 8: RBT
Highlight
Share
Copy
Want to have your highlights saved across all your devices? Sign up or sign in
Rubassa Bible © Bible Society of Nigeria, 2008
KORINT HIIŊ 8
8
Iheŋtene iwɛ Iyimɛyɛ nɛ Oo To Ụrụpɛ na Tuwa
1Ama iwɛ iyi nɛ oo to ụrụpɛ na tuwa; nɛ ahiɛ n 'nyatanɛ, ti mepi maa ti mepi iyi kpaaŋ tu. Iyi-tumapa kaa ya pana bụtụ tubusa, ama tulubo tuba ta ma bụtụ. 2Yaa shɛ bụtụ be elele heŋshi maa bi mepi iyi elele, asha bi te mepi shi iyi gana na lanɛ maa mapa o. 3Ama yaa shɛ bụtụ be elele bo lubo Agwatana, asha ubwa du Agwatana mepi.
4Ama iwɛ iyi nɛ oo to ụrụpɛ na tuwa tiya, ti mepi maa tuwa tɛ shɛ shɛ iyi elele nu unyizo, Agwatana anya kaa zasaba o, semi oko. 5Okwo yaa shɛ azhɛba gana gonu namba, na azuba keeni nu unyizo, okwo ti yaa shɛ azhɛba keeni shɛgwangwama shɛ gana gonu shi gembi ba ufwugwo; 6ama ɛɛ hiɛŋ atuba, Agwatana ata mokondo kiri utu nambana. Ubwa shɛ Bishi na karɛ iyi elele, ubwa po atu namɛ keeni Agwangwama oko, ubwa shɛ ge Jisus Krast na iyi elele namɛ tedure nu bwa, tedure nu bwa kaa du atu namɛ. 7Ama shɛ atwa kpaaŋ mepi iwɛ gɛ o. Atwa oko namba a na nyiwonowuŋ ya ni iyi tuwa, a na shɛ maa okwo taa hwayɛ aka aa ya iyimɛyɛ, ya shana aŋ gana iyi nɛ oo to ụrụpɛ na tuwa, nazhɛ bimbisegeni-ba-shɛmɛ sha aba na lwegeji ba hashɛganụ ya. 8Ama iyimɛyɛ ni ikɛnyi ibɛ zha shɛ ya nda maa Agwatana iti leshiji o. Okwo atɛ yɛ shɛ, tu wumanjɛ shɛ, okwo atɛ yɛ kaa ti debeji shi.
9Ama na nda ma pece iwɛ maa kede tumama 'yaga ti hiŋ tɛ njɛ atwa na lwegeji ukwurishi#8:9 ukwurishi: Kwo kaa maa kede ti kelegeji ma…Tɛjɛshɛrɛga tu ko ti hiɛŋ, maa kede tɛ shanɛ ma atwa oko na lwegeji utayɛ udukwutwa o, kwo kaa maa atwa njɛ iwɛwɛ o. o. 10Yaa shɛ bụtụ na rishe ru bwa tɛtɛtana ru lwegeji ubu kwụbɛ gabụ na bi mepi iyi ta abɛ jɛjɛ no ofwo iyimɛyɛ ni isume tuwa, bimbisegeni-ba-amɛ ubwa suu zha shɛ ba pana bụ ikɛnyi maa bu na ya iyi nɛ oo to ụrụpɛ na tuwa? 11Ibɛ po iyi-tumapa bụ zhɛ ya nda yɛu-bino nɛ ga Krast 'wi iwɛ ubwa na kaa rishe ru bwa tɛtɛtana ru lwegeji ufwu. 12Aka na ahia nda miaụŋ-mo-bino hiŋ na amɛ Krast iwɛwɛ gɛnɛ gɛ, ahia gwucanga shihaŋsa sha aba shɛ na shi lwegeji, asha ga Krast ahia nda iwɛwɛ. 13Yaa shɛ iyimɛyɛ zhɛ ya nda yɛu-bino mi na amɛ Krast ukwurishi, asha N zha shɛ ma ya ya usunda kwukwuŋ, iwɛ maa kede Ma kalagaga yɛu-bino mi o.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Rubassa Bible © Bible Society of Nigeria, 2008