KORINT HIIŊ 7
7
Ajɛshɛgwa Iheŋtene iwɛ Tụmbụla
1Hwuwayɛ go, N zhɛ mɛ hi jishijɛ iwɛ iyi nɛ ahiɛ n 'nyatanɛ: i ga shɛ iyi ibiye maa kede bụtụ zeni biyikwo.#7:1 maa kede bụtụ zeni biyikwo: Kwo kaa kede bụtụ woto ne biyikwo, kwo kaa kede atwa eyebi a na na nda tụmbụla na nda tuwɛle o. Tɛjɛshɛrɛga tu ko tụ ngwụshɛ ti hiɛŋ, kede butubwenyi timengeni biyikwo. 2Ama iwɛ tuwɛle tɛnda, asha bụtụ bụtụ ga 'yaga biyikwo bwa, ge biyikwo biyikwo du 'yaga bwolo bwa. 3Go bwolo na pana biyikwo bwa iyi nɛ baa shɛ ba pana bụ; gobwonu du ge biyikwo na pana bwolo bwa iyi nɛ baa shɛ ba pana bụ. 4Biyikwo zasa ụhwada tu'waba tu bwa o, semi bwolo bwa; gobwonu du bwolo zasa ụhwada tu'waba tu bwa o, semi biyikwo bwa. 5Ta na mama lakanu ma o, semi aka na ehi momo lononu maa hi momo gongonu na aka oko, iwɛ maa hi meme peni na adua tɛnda, na aba inɛ ɛtɛ hi eri hio togononu; iwɛ maa kede ge Setan ihi menji o, iwɛnɛ ahi mama zasa. 6Ama Ma duma inɛ gɛ gana tulonono, shɛ gana unu-tupana o. 7Ama i ga ma n kwụlanɛ maa ga atwa kpaaŋ a shɛ gana mi; ama bụtụ bụtụ tuba 'yajɛ upwaŋ ubwa u tulubo-ti-biye na Agwatana peni bu cinji, bụtụ bu ko 'yajɛ una gana ga, binya bụtụ 'yajɛ una gana ye.
8Ama Ma duma inɛ gɛ pa atwa na te zeni shi kwo kaa ta cɛnɛ shɛ keeni olulo, i ga zhɛmɛ maa a nama gana ga Ngaa namɛ. 9Ama yaa shɛ e eri shi mama 'yaga, asha ge zeni kwo kaa ga a tuna. Iwɛnɛ po tuzana keeni tutuna tɛ zhɛmɛ uhwuri maa ukwedeyi ibɛ no hwoŋzhongo aŋ na shɛmɛ sha aba.#7:9 no hwoŋzhongo aŋ na shɛmɛ sha aba. Kwo kaa no gorogo nu ukwokwo ulwa.
10Ama atwa na zwonuo na atwa na tunawaŋ Ama pana-unu, shɛ Gamba du o, ama Agwangwama, maa kede biyikwo beni bwolo bwa o.#Mat 5:32; 19:9; Mak 10:11,12; Luk 16:18 11Ama yaa shɛ bee beni, asha kede tuna o, shibwonu go gwulo po bwolo bwa, kede bwolo kaa du becinji biyikwo bwa o.
12Ama na atwa na vwɛ Ama njɛ ya, ama shɛ Agwangwama ya o, maa yaa shɛ yɛu-bino na amɛ Krast go zwonuo biyikwo na tɛtanɛ shɛ rishe, yaa shɛ yaa kwụlanɛ biyikwo ata maa nama nu bwa, kede kala bu o. 13Biyikwo na ga tunawaŋ bwolo na tɛtanɛ shɛ rishe, yaa shɛ ya kwụlanɛ bwolo ata bwa maa nama nu bwa, kede bana bu o. 14Iwɛnɛ po bwolo na tɛtanɛ shɛ rishe zhɛ ba sha bụtụ bi tijilo ba Agwatana tedure ne biyikwo bwa, biyikwo na tɛtanɛ shɛ rishe zhɛ ba sha du bụtụ bi tijilo ba Agwatana tedure no bwolo bwa, shibwonu miaụŋ mi hiŋ mi zha shɛ ma nama shɛshɛshɛ o, ama mi shɛ ya miaụŋ mi tijilo hwuwayɛ. 15Ama yaa shɛ bụtụ na tɛtanɛ shɛ rishe ba jala maa bogwu, go bogwu. Yɛu-bino kwo kaa bụngwụfwụ na amɛ Krast zasa na tijama ti iyi gɛnɛ ɛtɛ o. Ama Agwatana utu suyanɛ#7:15 Agwatana utu suyanɛ: Tɛjɛshɛrɛga tu ko ti hiɛŋ, Agwatana ihi suyanɛ. maa ta nama na amɛ-olom. 16Gabụ biyikwo, nekeshi tedure na bụ bwolo bu zhɛ bo bino,#7:16 tedure na bụ bwolo bu zhɛ bo bino: Tɛjɛshɛrɛga tu ko ti hiɛŋ, Gana na ebi mepi gom maa shɛ gabụ bi zhɛ bo bicingo bwolo buu? bi mepi hŋ? Gabụ bwolo, nekeshi tedure na bụ biyikwo bu zhɛ bo bino, bi mepi hŋ?
Bụtụ Bụtụ ga Nama Gana na ta Agwatana Suyanɛ Bụ
17Okwo ti yaa shɛ gana ata bụtụ bụtụ ga nama gana na ta Agwangwama peni bu, maa bụtụ na nda iyi gana na ta Agwatana suyanɛ bụ. Gabata du Omo shilono tụ'ụlwatagwụ-tụ-ụhiɛŋshɛ-Agwangwama kpaaŋ. 18I 'yajɛ suu bụtụ na jeji teleyi nazhɛ Agwatana suyanɛ bụ? To lonono bu ma ya maa sha bụtụ na jeji shi teleyi o. I 'yajɛ suu bụtụ na te jeji shi la teleyi nazhɛ Agwatana suyanɛ bụ, to lonono bu ma ya maa jaja teleyi o. 19Te teleyi tijaja, te teleyi jejishi, tɛ shɛ shɛ iyi elele o, semi tu'untangana tu unu-tupana wa Agwatana kiri. 20Bụtụ bụtụ ga nama gana na tu baa namɛ nazhɛ Agwatana suyanɛ bụ. 21Yaa shɛ bujama abɛ shɛ na aka na ta Agwatana ubu suyanɛ, kede ibu to; ama yaa shɛ abi 'yajɛ ohwolu#7:21 yaa shɛ abi 'yajɛ ohwolu: Kwo kaa yaa shɛ ebi eri ba nda uhwara no ohwolu ata abu 'yajɛ maa mama 'yaga, asha nda uhwara na aba. maa mama 'yaga, asha mama 'yaga. 22Bụtụ na Agwangwama suyanɛ na aka na tu baa shɛ bujama, ubwa shɛ bụtụ ba Agwangwama na mama 'yajɛ. Gobwonu du bụtụ na Agwangwama suyanɛ na aka na tu baa mama 'yajɛ, ubwa kaa shɛ bujama Krast. 23I 'yajɛ ulumo na AGWANGWAMA ihi sowo; ibɛ po ta sha ma ya ajama atwa o. 24A-miaụŋ-mo-bino mi na amɛ Krast, bụtụ bụtụ ga nama na Agwatana gana na tu baa ga namɛ nazhɛ Agwatana suyanɛ bụ.
Iheŋtene iwɛ Eyikwo na te Mepi shi Etwenyi
25I zasa unu na Agwangwama m peni iwɛ eyikwo na te mepi shi etwenyi,#7:25 eyikwo na te mepi shi etwenyi: Gana abayiburu oko jɛmɛ ta du, ama abayiburu oko hiɛŋ, eyikwo na ta cɛnɛ shɛ, kwo kaa a na ta shɛ asapa. ama N zhɛ ma duma iyi nɛ Ngaa kwụbɛ na ahaŋsa mi, gana na ta Agwangwama hieci inyɛmɛnyɛmɛ mi, baa n njɛ kaa bụtụ bi tɛcara. 26Gana na ta aka ga shɛ aka tiriri, i ga zhɛmɛ maa ga bụtụ nama gana na tu baa namɛ.#7:26 maa ga bụtụ nama: Tɛjɛshɛrɛga tu ko ti hiɛŋ, maa hi nama, kwo kaa maa ba nama. 27Obu umpwo ne biyikwo suu? Asha ta jalakaka ya maa meme tufwuriŋji o. Bu ta zasa biyikwo suu? Asha ta jalakaka ya biyikwo. 28Ama yaa shɛ ebi zeni biyikwo, bɛ njɛ shɛ iwɛwɛ o; yaa shɛ kaa biyikwo na ge te mepi shi butubwenyi cɛnɛ tụmbụla, bɛ njɛ shɛ du iwɛwɛ o. Ama atwa gana ata zhɛ a 'yaga ụbaụta na tunama ta aba, unaa na Ngaa nga jala maa u hebi aŋ.
29Ama a-miaụŋ-mo-bino mi na amɛ Krast, iyi nɛ Ama njɛ na, maa aka gwumwa ya ụnjɛswa;#7:29 aka gwumwa ya ụnjɛswa: Kwo kaa Agwangwama e ci ugwulwo kakayɛ, kwo kaa aka na ta vwɛ twa sụ ya ụnjɛswa o. te kwuni na aka ga, atwa na ga 'yajɛ eyikwo, ga shɛ maa a zasa ya eyikwo. 30Atwa na a twa-u'wo, ga shɛ maa a cwɛ shɛ ya u'wo, atwa na a nda unyasa, ga shɛ maa a njɛ shɛ unyasa o, ta atwa na a sa iyi, ga shɛ maa a zasa iyi elele o, 31atwa na untanganɛ iyi unyizo ga a nda, ga shɛ maa a njɛ shɛ iŋ kwɛcɛ o. Iwɛnɛ po gana na ti iyi unyizo ga namɛ hwuwayɛ, i zhɛ ya kashɛka.
32N jeri shi maa iyi elele ihi to. Iyi ya AGWANGWAMA ya ta bụtụ na te zeni shi biyikwo, gana na maa bu na kwulana Agwangwama. 33Ama iyi unyizo ga ya ta bụtụ na zwonuo biyikwo, gana na maa bu na kwulana biyikwo bwa, 34ahaŋsa ubwa du a namɛ ya eyeyebi. Iyi ya AGWANGWAMA ya ta biyikwo na ta cɛnɛ shɛ keeni biyikwo na te mepi shi butubwenyi, maa bu na sha biyikwo bi tijilo na tu'waba tu bwa keeni ahaŋsa ubwa. Ama iyi unyizo ga ya ta biyikwo na tunawaŋ gana na maa bu na kwulana bwolo bwa. 35Ama Ma duma iwɛ gɛ iwɛ maa ihi mbiyeni, shɛ iwɛ maa Mo hi bitono modugwulo, ama maa ihi teneni cɛŋ, iwɛ maa hi na nda ugondu wa Agwangwama zawa ukwurishi.
36Ama yaa shɛ bụtụ be elele ba haŋsa maa masha mu na baa nda ni yɛu-yo-o nɛ te mepi shi butubwenyi nɛ boo yingono, mɛ zhishɛ o, ama yaa shɛ kaa yɛu ɛtɛ yo o hwuwo uwaŋna, tu ukekeshi kaa wa nda butubwenyi ata ta 'yajɛ ikɛnyi, asha ga nda iyi nɛ baa jala, go momo zononu, shɛ iwɛwɛ baa njɛ o.#7:36-38 masha mu na baa nda ni yɛu-yo-o nɛ…boo yingono…go momo zononu: E eri a jɛshɛrɛga buwala ga bu 36 gana ga, Yaa shɛ ebi heŋshi maa tulaka tu na aba lakana yɛu bu yo o nɛ hwuwo uwaŋna maa ba tuna tụmbụla tɛ zhɛshɛ o, asha lonono bu maa ga tuna, asha shɛ iwɛwɛ abɛ njɛ o. 37 Ama bụtụ na shikicinji ahaŋsa ubwa dimi, baa 'yajɛ kaa ụhwada ukwulana ubwa maa ba untangana yɛu ibwɛ yo o maa kede ba pana iŋ tụmbụla o, asha ubwa njɛ tebiye. 38 Bụtụ na peni yɛu ibwɛ yo o tụmbụla, bɛ njɛ te teni cɛŋ, ama bụtụ na peni shi yɛu ibwɛ yo o tụmbụla, asha inɛ ibwɛ keeni tɛzhɛma tebiye. 37Ama bụtụ na shikicinji ahaŋsa ubwa dimi, na kaa ukekeshi njɛ shɛ, baa 'yajɛ kaa ụhwada ukwulana ubwa, boo hoŋswo kaa ijɛ na ahaŋsa ubwa maa untangana yɛu ɛtɛ yo o maa sha biyikwo na mepi shi butubwenyi, asha inɛ ibwɛ ibɛ ngezeni ya hwɛɛ. 38Gobwonu du, bụtụ na zeni biyikwo na te mepi shi butubwenyi, i zhɛmɛ tebiye. Ama bụtụ na zeni shi okwo biyikwo na te mepi shi butubwenyi, asha ubwa njɛ tebiye uhwuri bụtụ na zeni.
39E umpi biyikwo no bwolo bwa na aka na to bwolo bwa ta namɛ uraiŋ; ama yaa shɛ bwolo bwa 'wi, asha bi eri ba tuna ya bụtụ na kwụlanɛ bụ, ama ga shɛ na amɛ atwa Agwangwama kiri. 40Ama yaa shɛ baa namɛ gana ata, bi zhɛ ba 'yaga unyasa uhwuri tutuna, gana Ngee heŋshe ta. N heŋshi kaa maa N 'yajɛ du Mpiala ma Agwatana.
Currently Selected:
KORINT HIIŊ 7: RBT
Highlight
Share
Copy
Want to have your highlights saved across all your devices? Sign up or sign in
Rubassa Bible © Bible Society of Nigeria, 2008
KORINT HIIŊ 7
7
Ajɛshɛgwa Iheŋtene iwɛ Tụmbụla
1Hwuwayɛ go, N zhɛ mɛ hi jishijɛ iwɛ iyi nɛ ahiɛ n 'nyatanɛ: i ga shɛ iyi ibiye maa kede bụtụ zeni biyikwo.#7:1 maa kede bụtụ zeni biyikwo: Kwo kaa kede bụtụ woto ne biyikwo, kwo kaa kede atwa eyebi a na na nda tụmbụla na nda tuwɛle o. Tɛjɛshɛrɛga tu ko tụ ngwụshɛ ti hiɛŋ, kede butubwenyi timengeni biyikwo. 2Ama iwɛ tuwɛle tɛnda, asha bụtụ bụtụ ga 'yaga biyikwo bwa, ge biyikwo biyikwo du 'yaga bwolo bwa. 3Go bwolo na pana biyikwo bwa iyi nɛ baa shɛ ba pana bụ; gobwonu du ge biyikwo na pana bwolo bwa iyi nɛ baa shɛ ba pana bụ. 4Biyikwo zasa ụhwada tu'waba tu bwa o, semi bwolo bwa; gobwonu du bwolo zasa ụhwada tu'waba tu bwa o, semi biyikwo bwa. 5Ta na mama lakanu ma o, semi aka na ehi momo lononu maa hi momo gongonu na aka oko, iwɛ maa hi meme peni na adua tɛnda, na aba inɛ ɛtɛ hi eri hio togononu; iwɛ maa kede ge Setan ihi menji o, iwɛnɛ ahi mama zasa. 6Ama Ma duma inɛ gɛ gana tulonono, shɛ gana unu-tupana o. 7Ama i ga ma n kwụlanɛ maa ga atwa kpaaŋ a shɛ gana mi; ama bụtụ bụtụ tuba 'yajɛ upwaŋ ubwa u tulubo-ti-biye na Agwatana peni bu cinji, bụtụ bu ko 'yajɛ una gana ga, binya bụtụ 'yajɛ una gana ye.
8Ama Ma duma inɛ gɛ pa atwa na te zeni shi kwo kaa ta cɛnɛ shɛ keeni olulo, i ga zhɛmɛ maa a nama gana ga Ngaa namɛ. 9Ama yaa shɛ e eri shi mama 'yaga, asha ge zeni kwo kaa ga a tuna. Iwɛnɛ po tuzana keeni tutuna tɛ zhɛmɛ uhwuri maa ukwedeyi ibɛ no hwoŋzhongo aŋ na shɛmɛ sha aba.#7:9 no hwoŋzhongo aŋ na shɛmɛ sha aba. Kwo kaa no gorogo nu ukwokwo ulwa.
10Ama atwa na zwonuo na atwa na tunawaŋ Ama pana-unu, shɛ Gamba du o, ama Agwangwama, maa kede biyikwo beni bwolo bwa o.#Mat 5:32; 19:9; Mak 10:11,12; Luk 16:18 11Ama yaa shɛ bee beni, asha kede tuna o, shibwonu go gwulo po bwolo bwa, kede bwolo kaa du becinji biyikwo bwa o.
12Ama na atwa na vwɛ Ama njɛ ya, ama shɛ Agwangwama ya o, maa yaa shɛ yɛu-bino na amɛ Krast go zwonuo biyikwo na tɛtanɛ shɛ rishe, yaa shɛ yaa kwụlanɛ biyikwo ata maa nama nu bwa, kede kala bu o. 13Biyikwo na ga tunawaŋ bwolo na tɛtanɛ shɛ rishe, yaa shɛ ya kwụlanɛ bwolo ata bwa maa nama nu bwa, kede bana bu o. 14Iwɛnɛ po bwolo na tɛtanɛ shɛ rishe zhɛ ba sha bụtụ bi tijilo ba Agwatana tedure ne biyikwo bwa, biyikwo na tɛtanɛ shɛ rishe zhɛ ba sha du bụtụ bi tijilo ba Agwatana tedure no bwolo bwa, shibwonu miaụŋ mi hiŋ mi zha shɛ ma nama shɛshɛshɛ o, ama mi shɛ ya miaụŋ mi tijilo hwuwayɛ. 15Ama yaa shɛ bụtụ na tɛtanɛ shɛ rishe ba jala maa bogwu, go bogwu. Yɛu-bino kwo kaa bụngwụfwụ na amɛ Krast zasa na tijama ti iyi gɛnɛ ɛtɛ o. Ama Agwatana utu suyanɛ#7:15 Agwatana utu suyanɛ: Tɛjɛshɛrɛga tu ko ti hiɛŋ, Agwatana ihi suyanɛ. maa ta nama na amɛ-olom. 16Gabụ biyikwo, nekeshi tedure na bụ bwolo bu zhɛ bo bino,#7:16 tedure na bụ bwolo bu zhɛ bo bino: Tɛjɛshɛrɛga tu ko ti hiɛŋ, Gana na ebi mepi gom maa shɛ gabụ bi zhɛ bo bicingo bwolo buu? bi mepi hŋ? Gabụ bwolo, nekeshi tedure na bụ biyikwo bu zhɛ bo bino, bi mepi hŋ?
Bụtụ Bụtụ ga Nama Gana na ta Agwatana Suyanɛ Bụ
17Okwo ti yaa shɛ gana ata bụtụ bụtụ ga nama gana na ta Agwangwama peni bu, maa bụtụ na nda iyi gana na ta Agwatana suyanɛ bụ. Gabata du Omo shilono tụ'ụlwatagwụ-tụ-ụhiɛŋshɛ-Agwangwama kpaaŋ. 18I 'yajɛ suu bụtụ na jeji teleyi nazhɛ Agwatana suyanɛ bụ? To lonono bu ma ya maa sha bụtụ na jeji shi teleyi o. I 'yajɛ suu bụtụ na te jeji shi la teleyi nazhɛ Agwatana suyanɛ bụ, to lonono bu ma ya maa jaja teleyi o. 19Te teleyi tijaja, te teleyi jejishi, tɛ shɛ shɛ iyi elele o, semi tu'untangana tu unu-tupana wa Agwatana kiri. 20Bụtụ bụtụ ga nama gana na tu baa namɛ nazhɛ Agwatana suyanɛ bụ. 21Yaa shɛ bujama abɛ shɛ na aka na ta Agwatana ubu suyanɛ, kede ibu to; ama yaa shɛ abi 'yajɛ ohwolu#7:21 yaa shɛ abi 'yajɛ ohwolu: Kwo kaa yaa shɛ ebi eri ba nda uhwara no ohwolu ata abu 'yajɛ maa mama 'yaga, asha nda uhwara na aba. maa mama 'yaga, asha mama 'yaga. 22Bụtụ na Agwangwama suyanɛ na aka na tu baa shɛ bujama, ubwa shɛ bụtụ ba Agwangwama na mama 'yajɛ. Gobwonu du bụtụ na Agwangwama suyanɛ na aka na tu baa mama 'yajɛ, ubwa kaa shɛ bujama Krast. 23I 'yajɛ ulumo na AGWANGWAMA ihi sowo; ibɛ po ta sha ma ya ajama atwa o. 24A-miaụŋ-mo-bino mi na amɛ Krast, bụtụ bụtụ ga nama na Agwatana gana na tu baa ga namɛ nazhɛ Agwatana suyanɛ bụ.
Iheŋtene iwɛ Eyikwo na te Mepi shi Etwenyi
25I zasa unu na Agwangwama m peni iwɛ eyikwo na te mepi shi etwenyi,#7:25 eyikwo na te mepi shi etwenyi: Gana abayiburu oko jɛmɛ ta du, ama abayiburu oko hiɛŋ, eyikwo na ta cɛnɛ shɛ, kwo kaa a na ta shɛ asapa. ama N zhɛ ma duma iyi nɛ Ngaa kwụbɛ na ahaŋsa mi, gana na ta Agwangwama hieci inyɛmɛnyɛmɛ mi, baa n njɛ kaa bụtụ bi tɛcara. 26Gana na ta aka ga shɛ aka tiriri, i ga zhɛmɛ maa ga bụtụ nama gana na tu baa namɛ.#7:26 maa ga bụtụ nama: Tɛjɛshɛrɛga tu ko ti hiɛŋ, maa hi nama, kwo kaa maa ba nama. 27Obu umpwo ne biyikwo suu? Asha ta jalakaka ya maa meme tufwuriŋji o. Bu ta zasa biyikwo suu? Asha ta jalakaka ya biyikwo. 28Ama yaa shɛ ebi zeni biyikwo, bɛ njɛ shɛ iwɛwɛ o; yaa shɛ kaa biyikwo na ge te mepi shi butubwenyi cɛnɛ tụmbụla, bɛ njɛ shɛ du iwɛwɛ o. Ama atwa gana ata zhɛ a 'yaga ụbaụta na tunama ta aba, unaa na Ngaa nga jala maa u hebi aŋ.
29Ama a-miaụŋ-mo-bino mi na amɛ Krast, iyi nɛ Ama njɛ na, maa aka gwumwa ya ụnjɛswa;#7:29 aka gwumwa ya ụnjɛswa: Kwo kaa Agwangwama e ci ugwulwo kakayɛ, kwo kaa aka na ta vwɛ twa sụ ya ụnjɛswa o. te kwuni na aka ga, atwa na ga 'yajɛ eyikwo, ga shɛ maa a zasa ya eyikwo. 30Atwa na a twa-u'wo, ga shɛ maa a cwɛ shɛ ya u'wo, atwa na a nda unyasa, ga shɛ maa a njɛ shɛ unyasa o, ta atwa na a sa iyi, ga shɛ maa a zasa iyi elele o, 31atwa na untanganɛ iyi unyizo ga a nda, ga shɛ maa a njɛ shɛ iŋ kwɛcɛ o. Iwɛnɛ po gana na ti iyi unyizo ga namɛ hwuwayɛ, i zhɛ ya kashɛka.
32N jeri shi maa iyi elele ihi to. Iyi ya AGWANGWAMA ya ta bụtụ na te zeni shi biyikwo, gana na maa bu na kwulana Agwangwama. 33Ama iyi unyizo ga ya ta bụtụ na zwonuo biyikwo, gana na maa bu na kwulana biyikwo bwa, 34ahaŋsa ubwa du a namɛ ya eyeyebi. Iyi ya AGWANGWAMA ya ta biyikwo na ta cɛnɛ shɛ keeni biyikwo na te mepi shi butubwenyi, maa bu na sha biyikwo bi tijilo na tu'waba tu bwa keeni ahaŋsa ubwa. Ama iyi unyizo ga ya ta biyikwo na tunawaŋ gana na maa bu na kwulana bwolo bwa. 35Ama Ma duma iwɛ gɛ iwɛ maa ihi mbiyeni, shɛ iwɛ maa Mo hi bitono modugwulo, ama maa ihi teneni cɛŋ, iwɛ maa hi na nda ugondu wa Agwangwama zawa ukwurishi.
36Ama yaa shɛ bụtụ be elele ba haŋsa maa masha mu na baa nda ni yɛu-yo-o nɛ te mepi shi butubwenyi nɛ boo yingono, mɛ zhishɛ o, ama yaa shɛ kaa yɛu ɛtɛ yo o hwuwo uwaŋna, tu ukekeshi kaa wa nda butubwenyi ata ta 'yajɛ ikɛnyi, asha ga nda iyi nɛ baa jala, go momo zononu, shɛ iwɛwɛ baa njɛ o.#7:36-38 masha mu na baa nda ni yɛu-yo-o nɛ…boo yingono…go momo zononu: E eri a jɛshɛrɛga buwala ga bu 36 gana ga, Yaa shɛ ebi heŋshi maa tulaka tu na aba lakana yɛu bu yo o nɛ hwuwo uwaŋna maa ba tuna tụmbụla tɛ zhɛshɛ o, asha lonono bu maa ga tuna, asha shɛ iwɛwɛ abɛ njɛ o. 37 Ama bụtụ na shikicinji ahaŋsa ubwa dimi, baa 'yajɛ kaa ụhwada ukwulana ubwa maa ba untangana yɛu ibwɛ yo o maa kede ba pana iŋ tụmbụla o, asha ubwa njɛ tebiye. 38 Bụtụ na peni yɛu ibwɛ yo o tụmbụla, bɛ njɛ te teni cɛŋ, ama bụtụ na peni shi yɛu ibwɛ yo o tụmbụla, asha inɛ ibwɛ keeni tɛzhɛma tebiye. 37Ama bụtụ na shikicinji ahaŋsa ubwa dimi, na kaa ukekeshi njɛ shɛ, baa 'yajɛ kaa ụhwada ukwulana ubwa, boo hoŋswo kaa ijɛ na ahaŋsa ubwa maa untangana yɛu ɛtɛ yo o maa sha biyikwo na mepi shi butubwenyi, asha inɛ ibwɛ ibɛ ngezeni ya hwɛɛ. 38Gobwonu du, bụtụ na zeni biyikwo na te mepi shi butubwenyi, i zhɛmɛ tebiye. Ama bụtụ na zeni shi okwo biyikwo na te mepi shi butubwenyi, asha ubwa njɛ tebiye uhwuri bụtụ na zeni.
39E umpi biyikwo no bwolo bwa na aka na to bwolo bwa ta namɛ uraiŋ; ama yaa shɛ bwolo bwa 'wi, asha bi eri ba tuna ya bụtụ na kwụlanɛ bụ, ama ga shɛ na amɛ atwa Agwangwama kiri. 40Ama yaa shɛ baa namɛ gana ata, bi zhɛ ba 'yaga unyasa uhwuri tutuna, gana Ngee heŋshe ta. N heŋshi kaa maa N 'yajɛ du Mpiala ma Agwatana.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Rubassa Bible © Bible Society of Nigeria, 2008