2 Sáŋa 1
1
Mbédíígí
1Yɔmɔ́ɔ Ofɛanɔ́ɔ, ŋgɔ́ŋɛnɔmɔ́ Ugúmigumi ba Okɔ́dɔ mɔ́ɔnyɔ Asaŋa a mbií íyídé, tɔ́nɔ na baaná bɛ́hɛ́ kɛ́, báaba mmaamanamɔ́ mammana mammana. Caá akɛ́ goana yɔmɔ́ɔ mokáa mɔ́ɔ nnyó maamanamɔ́, kanɛ́ tɔ́nɔ na biimée báaba bá lɛncanamɔ́ mammana, 2goakɛ́ mammana ɛ gɛ́ga nɛcɔ́, gó gunde ɛ ŋga gɛ́gáa nɛcɔ́ go busío buimée. 3Ŋgáa Asaŋa Isée na Yésu Kilítu, Moɔnɔ́ ba Isée, bá có boogo, bá có ɛ́na mahana, bá có fáa buumbénú, go goŋaá dɛ ɔyɔ naá mammana na naá gɛnɔ́ɔ́nɛ́nɔ́.
Dɛ nɔ́ɔnɔnɛnɔ bɛɛcɔ́ɔ na bɛɛcɔ́ɔ
4Ndɛ́ bɛáalú bɛyaŋa makɔ́nɔ́ naá odɛ́má aŋa ndɔ́mɔ́ ɛ́náalú baaná báhɔ bóncodío bá bienene pɛ́ ya mammana, bɛ́ ɛnda aŋa gɛlɔsɛnɔ gɛ́ɛgɛ Isée bɛcɔ́ a mbaá có fáá gɛ́ oyamɔ́. 5Kanɛ́ godɔ́ɔdɔ, Ugúmigumi ba Okɔ́dɔ, ndɔ́mɔ́ gáhɔ caá, ŋgáa dɛ nɔ́ɔnɔnɛnɔ bɛɛcɔ́ɔ na bɛɛcɔ́ɔ. Bó do báá gɛpáa gá gɛlɔsɛnɔ gɛ́ ko ɔ́ŋɛnɔmɔ́, gɛ́ lɔ́mɔ́ gɛ́ɛgɛ dɛ mbaá bɛáa gó dúme naá mabayɛga#1.5 Go ɛ́na Sáa 13.34; 15.12,17.. 6Gɛnɔ́ɔ́nɛ́nɔ́ gɛ́ lɔ́mɔ́ goŋaá dɛ ɔyɔ aŋa bɛlɔsɛnɔ bá Asaŋa bɛ́ oyamɔ́. Náana gɔ́ɔ gɛlɔsɛnɔ gɛ́ɛgɛ no mbaá bɛáa gó dúme naá mabayɛga gɛ́ lɔ́mɔ́, go goŋaá no ɔyɔ naá gɛnɔ́ɔ́nɛ́nɔ́.
No bébeŋe na bebelíbélí
7Gɛca gá mbúsí sá mbele gɛ́ báa go saa cí; bá dɛ olímónyóo bá amɔ́ Yésusu a mbu úlé a bɛ́ɛ́ ɛ́yá mɔtɔ. Mɔ́ɔ a lɔ́mɔ́ kanɛ́ umbelíbélí, obɛlɔ́bɛlɔ ba Kilítusu. 8Kanɛ́ bébeŋéemú nɔnɔ bese bese go goŋaá no do yímíe gɛsamɔ́ gá buelí bɛ́nyɔ́#1.8 Ŋgɔ́ŋɛ́ síncodío sá cóá cóá sɛ́ gídenine háalá náana buelí bɛ́cɔ́., no dáŋaba mammana ya bɛsoɛná. 9Uŋkimée mɔ́ɔnyɔ a condimomú, a báá lɔbɛ́nɔ́ a dɛ biené gohúunenye gá Kilítusu, a dɛ gɛ́gáa báladáalú na Asaŋa. Kanɛ́ mɔ́ɔnyɔ a bienenemú gohúunenye gɔ́ɔgɔ, a gɛ́ga báladáalú na Isée na Moɔnɔ́. 10Mɔtɔ a amɔ́ a bola naá bɛɛnyɔ́ɔ, a báá nyó úléné na gohúunenye mbɔ́dɔ kóka, no do hóámá no do mo gɛ́ndɛ́gɛ́ná, akɛ́ no do mo bédíígíe. 11Mammana, mɔ́ɔnyɔ a gɛ́ndɛgɛnamɔ́ mbɔ́dɔ ya mɔtɔ ya ndiemi, a á gɔ́lɔ́ buebíe naá bɛbɛ́ bá meŋiigíe bɛ́hɛ́.
Mbédíígí sá mesúgudinye
12Ká bɛanana gɛcɛcá gá moóma gíncodío gá go nyó oyanɛna, kanɛ́ cɛ lɛ́gálɛ́gáa go mó ɔ́ŋɔ naá mafɛ́bɛ́. Mbémineminie go úle naá bɛɛnyɔ́ɔ, nnyó gálagala dɛ núunenine go goŋaá bɛyaŋa bɛ́cɔ́ bɛ́ bɛ́ɛmba dácɛ dɔgɛdɔgɛ.
13Baaná bá Tɛ́ɔbɛnɔ ba Okɔ́dɔ mɔ́ɔnyɔ Asaŋa a mbií íyídé bá á go bédíígényée tɔ́nɔ.
Currently Selected:
2 Sáŋa 1: YAS
Highlight
Share
Copy
Want to have your highlights saved across all your devices? Sign up or sign in
2 Sáŋa 1
1
Mbédíígí
1Yɔmɔ́ɔ Ofɛanɔ́ɔ, ŋgɔ́ŋɛnɔmɔ́ Ugúmigumi ba Okɔ́dɔ mɔ́ɔnyɔ Asaŋa a mbií íyídé, tɔ́nɔ na baaná bɛ́hɛ́ kɛ́, báaba mmaamanamɔ́ mammana mammana. Caá akɛ́ goana yɔmɔ́ɔ mokáa mɔ́ɔ nnyó maamanamɔ́, kanɛ́ tɔ́nɔ na biimée báaba bá lɛncanamɔ́ mammana, 2goakɛ́ mammana ɛ gɛ́ga nɛcɔ́, gó gunde ɛ ŋga gɛ́gáa nɛcɔ́ go busío buimée. 3Ŋgáa Asaŋa Isée na Yésu Kilítu, Moɔnɔ́ ba Isée, bá có boogo, bá có ɛ́na mahana, bá có fáa buumbénú, go goŋaá dɛ ɔyɔ naá mammana na naá gɛnɔ́ɔ́nɛ́nɔ́.
Dɛ nɔ́ɔnɔnɛnɔ bɛɛcɔ́ɔ na bɛɛcɔ́ɔ
4Ndɛ́ bɛáalú bɛyaŋa makɔ́nɔ́ naá odɛ́má aŋa ndɔ́mɔ́ ɛ́náalú baaná báhɔ bóncodío bá bienene pɛ́ ya mammana, bɛ́ ɛnda aŋa gɛlɔsɛnɔ gɛ́ɛgɛ Isée bɛcɔ́ a mbaá có fáá gɛ́ oyamɔ́. 5Kanɛ́ godɔ́ɔdɔ, Ugúmigumi ba Okɔ́dɔ, ndɔ́mɔ́ gáhɔ caá, ŋgáa dɛ nɔ́ɔnɔnɛnɔ bɛɛcɔ́ɔ na bɛɛcɔ́ɔ. Bó do báá gɛpáa gá gɛlɔsɛnɔ gɛ́ ko ɔ́ŋɛnɔmɔ́, gɛ́ lɔ́mɔ́ gɛ́ɛgɛ dɛ mbaá bɛáa gó dúme naá mabayɛga#1.5 Go ɛ́na Sáa 13.34; 15.12,17.. 6Gɛnɔ́ɔ́nɛ́nɔ́ gɛ́ lɔ́mɔ́ goŋaá dɛ ɔyɔ aŋa bɛlɔsɛnɔ bá Asaŋa bɛ́ oyamɔ́. Náana gɔ́ɔ gɛlɔsɛnɔ gɛ́ɛgɛ no mbaá bɛáa gó dúme naá mabayɛga gɛ́ lɔ́mɔ́, go goŋaá no ɔyɔ naá gɛnɔ́ɔ́nɛ́nɔ́.
No bébeŋe na bebelíbélí
7Gɛca gá mbúsí sá mbele gɛ́ báa go saa cí; bá dɛ olímónyóo bá amɔ́ Yésusu a mbu úlé a bɛ́ɛ́ ɛ́yá mɔtɔ. Mɔ́ɔ a lɔ́mɔ́ kanɛ́ umbelíbélí, obɛlɔ́bɛlɔ ba Kilítusu. 8Kanɛ́ bébeŋéemú nɔnɔ bese bese go goŋaá no do yímíe gɛsamɔ́ gá buelí bɛ́nyɔ́#1.8 Ŋgɔ́ŋɛ́ síncodío sá cóá cóá sɛ́ gídenine háalá náana buelí bɛ́cɔ́., no dáŋaba mammana ya bɛsoɛná. 9Uŋkimée mɔ́ɔnyɔ a condimomú, a báá lɔbɛ́nɔ́ a dɛ biené gohúunenye gá Kilítusu, a dɛ gɛ́gáa báladáalú na Asaŋa. Kanɛ́ mɔ́ɔnyɔ a bienenemú gohúunenye gɔ́ɔgɔ, a gɛ́ga báladáalú na Isée na Moɔnɔ́. 10Mɔtɔ a amɔ́ a bola naá bɛɛnyɔ́ɔ, a báá nyó úléné na gohúunenye mbɔ́dɔ kóka, no do hóámá no do mo gɛ́ndɛ́gɛ́ná, akɛ́ no do mo bédíígíe. 11Mammana, mɔ́ɔnyɔ a gɛ́ndɛgɛnamɔ́ mbɔ́dɔ ya mɔtɔ ya ndiemi, a á gɔ́lɔ́ buebíe naá bɛbɛ́ bá meŋiigíe bɛ́hɛ́.
Mbédíígí sá mesúgudinye
12Ká bɛanana gɛcɛcá gá moóma gíncodío gá go nyó oyanɛna, kanɛ́ cɛ lɛ́gálɛ́gáa go mó ɔ́ŋɔ naá mafɛ́bɛ́. Mbémineminie go úle naá bɛɛnyɔ́ɔ, nnyó gálagala dɛ núunenine go goŋaá bɛyaŋa bɛ́cɔ́ bɛ́ bɛ́ɛmba dácɛ dɔgɛdɔgɛ.
13Baaná bá Tɛ́ɔbɛnɔ ba Okɔ́dɔ mɔ́ɔnyɔ Asaŋa a mbií íyídé bá á go bédíígényée tɔ́nɔ.
Currently Selected:
:
Highlight
Share
Copy
Want to have your highlights saved across all your devices? Sign up or sign in