1 Sáŋa 5
5
Goága gá odɛ́má naá Moɔnɔ́ ba Asaŋa
1Mɔtɔ uŋkimée mɔ́ɔnyɔ o olimonyomú a amɔ́ Yésusu a lɛ́ Kilítusu, mɔtɔ bendiemi a lɛ́ moɔnɔ́ ba Asaŋa; aáŋa o nɔ́ɔnɔnɔ Isée, o nɔ́ɔnɔnɔ tɔ́nɔ baaná. 2Aáŋa dɛ nɔ́ɔnɔnɔ Asaŋa, dɛ gunde dɛ ŋanana aŋa bɛlɔsɛnɔ bɛ́hɛ́ bɛ́ oyamɔ́, hɔ́ɔlɔ́ dɛ lɛncana goŋaá dɛ nɔ́ɔnɔnɔ baaná bá Asaŋa. 3Mammana, gɛnɔ́ɔ́nɛ́nɔ́ gá Asaŋa gɛ́ lɔ́mɔ́ goŋaá dɛ beŋebeŋe bɛlɔsɛnɔ bɛ́hɛ́#5.3 O bana, go eninye na Sáŋ 14.15.. Bɛlɔsɛnɔ bɛ́hɛ́ bɛ́ dɛ báá gɛnóɛ́, 4goakɛ́ uŋkimée mɔ́ɔnyɔ a lɔ́mɔ́ Moɔnɔ́ ba Asaŋa a mánɛgana magaaga má cí. Goágana odɛ́má yɛ́cɔ́ naá Yésusu, gɔ́ gó lɔ́mɔ́ kanɛ́ gɛmánɛgɛna gá magaaga má cí. 5Ánɛ́ɛ a lɔ́mɔ́ gɛmánɛgɛna gá magaaga má cí aáŋa caá mɔ́ɔnyɔ o olimonyomú a amɔ́ Yésusu a lɛ́ Moɔnɔ́ ba Asaŋa o?
6A lɔ́mɔ́ Yésu Kilítu mɔ́ɔnyɔ mɔ́ɔ a mbuú úlé, a báá dómbá naá miimpo na naá manɔ́ŋɔ́, caá akɛ́ goana naá miimpo, kanɛ́ naá miimpo na naá manɔ́ŋɔ́. Gimmúmpúu gá Giliíli o oya nɔ́ɔ, ŋgominyo yɛ́hɛ́ ɛ lɛ́ mammana; goakɛ́ Giliíli a lɛ́ mammana. 7Ŋgominyo ɛ́dadɔ́ sɛ́ɛsɛ sɛ́ lɛ́ ukelú táŋɛ́ yúmmue#5.7 O bana, go eninye na Bicele 19.15.: 8Gimmúmpúu gá Giliíli, miimpo na manɔ́ŋɔ́; ŋgoyáamɔ́ yabɔ́ ɛ lɛ́ boóma búmmue eé búmmue. 9Dɛ amɔ́ dɛ gɛ́ndɛgɛna ŋgominyo ya batɔ, yɛ́ɛyɛ ya Asaŋa ɛ lɛ́ gɛkɔ́nɔ́nɔ́ɔ ɛ dómba, goakɛ́ ɛ lɛ́ ŋgominyo yɛ́ɛyɛ ɛ mbaá báŋaáa go busío bá Moɔnɔ́ bɛhɛ́. 10Mɔtɔ uŋkimée mɔ́ɔnyɔ a áganamɔ́ odɛ́má naá Moɔnɔ́ ba Asaŋa a bɛanana ŋgominyo yɛ́ɛyɛ. Mɔtɔ mɔ́ɔnyɔ a lɔ́mɔ́ a dɛ ágánáa odɛ́má naá Asaŋa a mo gɔ́lɔnɔ aŋa umbelíbélí, goakɛ́ a dɛ olímónyóo ŋgominyo yɛ́ɛyɛ Asaŋa a mbaá ŋaáa go busío bá Moɔnɔ́ bɛhɛ́. 11Ŋgominyo moánɛ yɛ́yɛ́ɛ: Asaŋa a mba có fáá gɛɔyɔ gá kanɛ mesúge; gɛɔyɔ moánɛ, gɛ́ lɔ́mɔ́ naá Moɔnɔ́ bɛhɛ́. 12Mɔ́ɔnyɔ a lɔ́mɔ́ na Moɔnɔ́, a bɛanana gɛɔyɔ moánɛ; mɔ́ɔnyɔ a lɔ́mɔ́ a dɛ báá na Moɔnɔ́ ba Asaŋa, a dɛ gɛ́ bɛanánáa#5.12 O bana, go eninye na Sáŋ 3.36..
Mesúgudinye
13Ndɛ́ ɔ́ŋɔ́ɔlú buimée bɔ́ɔbɔ go bɛɛnyɔ́ɔ biimée báaba no áganamɔ́ odɛ́má yɛ́nyɔ́ naá Moɔnɔ́ ba Asaŋa go go íyime no amɔ́ no bɛanana gɛɔyɔ gá kanɛ mesúge. 14Toodo odɛ́máa yɛ́ɛyɛ dɛ bɛananamɔ́ naá boayá bɛ́hɛ́ ɛ lɔ́mɔ́ goŋaá, dɛ amɔ́ dɛ mo ɔŋɛnɔ boóma go ndɛ́ga yɛhɛ́, a có ɔ́bɔnɔ. 15Gó gunde, aáŋa dɛ íyimene goŋaá ɔ ɔ́bɔnɔ ɛkádɛ giimée gɛ́ɛgɛ dɛ mo ɔŋɔnɔmɔ́, dɛ íyimene dɛ amɔ́ dɛ báá go bɛa bɔ́ɔbɔ dɛ mo ɔŋɔnɔmɔ́. 16Mɔtɔ a amɔ́ ɛ ɛ́na ondimóní a ŋanana gɛlɔgɔ, kanɛ́ bó do bɛ́ɛ́mbá gɛlɔgɔ gɛ́ɛgɛ gɛ́ ŋananamɔ́ goŋaá a gúe, ŋgáa a bósógolonyo; Asaŋa a ná fáa ondimóní ba ndiemi gɛɔyɔ aáŋa mammana mammana, gɛlɔgɔ gá ndiemi gɛ́ lɛ́ gɛ́ɛgɛ gɛ́ lɔ́mɔ́ gɛ́ dɛ ŋanánáa goŋaá a gúe. Kanɛ́ gɛlɔgɔ gímmue gɛ́ lɛ́ hɔ́ɔ gɛ́ɛgɛ gɛ́ ŋananamɔ́ goŋaá mɔtɔ a gúe, bó do báá go gɛ́ gɔ́ɔ ndɔ́mɔ́ caá no bósógolonyo go busío bá ondimóní bɛnyɔ́. 17Gɛgáda gá meŋiigíe giimée gɛ́ lɛ́ gɛlɔgɔ, kanɛ́ gɛlɔgɔ giimée gɛ́ dɛ ŋanánáa goŋaá mɔtɔ a gúe. 18Dɛ íyimene dɛ amɔ́ baaná bá Asaŋa biimée bá dɛ gɔnɔ́ ŋanana gɛlɔgɔ, goakɛ́ Moɔnɔ́ ba Asaŋa a bó beŋebeŋe, go goŋaá Ohándá a dɛ bó ŋaáa boóma bobɛ́. 19Dɛ íyimene dɛ amɔ́ dɛ lɛ́ bá Asaŋa, kanɛ́ batɔ bá cí iŋkimée bá lɛ́ naá magálá má Ohándá. 20Dɛ íyimene dɛ amɔ́ Moɔnɔ́ ba Asaŋa a mbu úlé, a báá có fáá nciŋí ya goŋaá dɛ lɛnca Mɔ́ɔnyɔ a lɔ́mɔ́ Mammana. Dɛ lɛ́ Nɛhɛ́ naá Moɔnɔ́ bɛhɛ́ Yésu Kilítu. Mɔ́ɔ a lɔ́mɔ́ Mammana; a lɛ́ Asaŋa, a lɛ́ gɛɔyɔ gá kanɛ mesúge.
21Baaná bámɛ, bébeŋéemú nɔnɔ go bɛgɔgɔ́.
Currently Selected:
1 Sáŋa 5: YAS
Highlight
Share
Copy
Want to have your highlights saved across all your devices? Sign up or sign in
1 Sáŋa 5
5
Goága gá odɛ́má naá Moɔnɔ́ ba Asaŋa
1Mɔtɔ uŋkimée mɔ́ɔnyɔ o olimonyomú a amɔ́ Yésusu a lɛ́ Kilítusu, mɔtɔ bendiemi a lɛ́ moɔnɔ́ ba Asaŋa; aáŋa o nɔ́ɔnɔnɔ Isée, o nɔ́ɔnɔnɔ tɔ́nɔ baaná. 2Aáŋa dɛ nɔ́ɔnɔnɔ Asaŋa, dɛ gunde dɛ ŋanana aŋa bɛlɔsɛnɔ bɛ́hɛ́ bɛ́ oyamɔ́, hɔ́ɔlɔ́ dɛ lɛncana goŋaá dɛ nɔ́ɔnɔnɔ baaná bá Asaŋa. 3Mammana, gɛnɔ́ɔ́nɛ́nɔ́ gá Asaŋa gɛ́ lɔ́mɔ́ goŋaá dɛ beŋebeŋe bɛlɔsɛnɔ bɛ́hɛ́#5.3 O bana, go eninye na Sáŋ 14.15.. Bɛlɔsɛnɔ bɛ́hɛ́ bɛ́ dɛ báá gɛnóɛ́, 4goakɛ́ uŋkimée mɔ́ɔnyɔ a lɔ́mɔ́ Moɔnɔ́ ba Asaŋa a mánɛgana magaaga má cí. Goágana odɛ́má yɛ́cɔ́ naá Yésusu, gɔ́ gó lɔ́mɔ́ kanɛ́ gɛmánɛgɛna gá magaaga má cí. 5Ánɛ́ɛ a lɔ́mɔ́ gɛmánɛgɛna gá magaaga má cí aáŋa caá mɔ́ɔnyɔ o olimonyomú a amɔ́ Yésusu a lɛ́ Moɔnɔ́ ba Asaŋa o?
6A lɔ́mɔ́ Yésu Kilítu mɔ́ɔnyɔ mɔ́ɔ a mbuú úlé, a báá dómbá naá miimpo na naá manɔ́ŋɔ́, caá akɛ́ goana naá miimpo, kanɛ́ naá miimpo na naá manɔ́ŋɔ́. Gimmúmpúu gá Giliíli o oya nɔ́ɔ, ŋgominyo yɛ́hɛ́ ɛ lɛ́ mammana; goakɛ́ Giliíli a lɛ́ mammana. 7Ŋgominyo ɛ́dadɔ́ sɛ́ɛsɛ sɛ́ lɛ́ ukelú táŋɛ́ yúmmue#5.7 O bana, go eninye na Bicele 19.15.: 8Gimmúmpúu gá Giliíli, miimpo na manɔ́ŋɔ́; ŋgoyáamɔ́ yabɔ́ ɛ lɛ́ boóma búmmue eé búmmue. 9Dɛ amɔ́ dɛ gɛ́ndɛgɛna ŋgominyo ya batɔ, yɛ́ɛyɛ ya Asaŋa ɛ lɛ́ gɛkɔ́nɔ́nɔ́ɔ ɛ dómba, goakɛ́ ɛ lɛ́ ŋgominyo yɛ́ɛyɛ ɛ mbaá báŋaáa go busío bá Moɔnɔ́ bɛhɛ́. 10Mɔtɔ uŋkimée mɔ́ɔnyɔ a áganamɔ́ odɛ́má naá Moɔnɔ́ ba Asaŋa a bɛanana ŋgominyo yɛ́ɛyɛ. Mɔtɔ mɔ́ɔnyɔ a lɔ́mɔ́ a dɛ ágánáa odɛ́má naá Asaŋa a mo gɔ́lɔnɔ aŋa umbelíbélí, goakɛ́ a dɛ olímónyóo ŋgominyo yɛ́ɛyɛ Asaŋa a mbaá ŋaáa go busío bá Moɔnɔ́ bɛhɛ́. 11Ŋgominyo moánɛ yɛ́yɛ́ɛ: Asaŋa a mba có fáá gɛɔyɔ gá kanɛ mesúge; gɛɔyɔ moánɛ, gɛ́ lɔ́mɔ́ naá Moɔnɔ́ bɛhɛ́. 12Mɔ́ɔnyɔ a lɔ́mɔ́ na Moɔnɔ́, a bɛanana gɛɔyɔ moánɛ; mɔ́ɔnyɔ a lɔ́mɔ́ a dɛ báá na Moɔnɔ́ ba Asaŋa, a dɛ gɛ́ bɛanánáa#5.12 O bana, go eninye na Sáŋ 3.36..
Mesúgudinye
13Ndɛ́ ɔ́ŋɔ́ɔlú buimée bɔ́ɔbɔ go bɛɛnyɔ́ɔ biimée báaba no áganamɔ́ odɛ́má yɛ́nyɔ́ naá Moɔnɔ́ ba Asaŋa go go íyime no amɔ́ no bɛanana gɛɔyɔ gá kanɛ mesúge. 14Toodo odɛ́máa yɛ́ɛyɛ dɛ bɛananamɔ́ naá boayá bɛ́hɛ́ ɛ lɔ́mɔ́ goŋaá, dɛ amɔ́ dɛ mo ɔŋɛnɔ boóma go ndɛ́ga yɛhɛ́, a có ɔ́bɔnɔ. 15Gó gunde, aáŋa dɛ íyimene goŋaá ɔ ɔ́bɔnɔ ɛkádɛ giimée gɛ́ɛgɛ dɛ mo ɔŋɔnɔmɔ́, dɛ íyimene dɛ amɔ́ dɛ báá go bɛa bɔ́ɔbɔ dɛ mo ɔŋɔnɔmɔ́. 16Mɔtɔ a amɔ́ ɛ ɛ́na ondimóní a ŋanana gɛlɔgɔ, kanɛ́ bó do bɛ́ɛ́mbá gɛlɔgɔ gɛ́ɛgɛ gɛ́ ŋananamɔ́ goŋaá a gúe, ŋgáa a bósógolonyo; Asaŋa a ná fáa ondimóní ba ndiemi gɛɔyɔ aáŋa mammana mammana, gɛlɔgɔ gá ndiemi gɛ́ lɛ́ gɛ́ɛgɛ gɛ́ lɔ́mɔ́ gɛ́ dɛ ŋanánáa goŋaá a gúe. Kanɛ́ gɛlɔgɔ gímmue gɛ́ lɛ́ hɔ́ɔ gɛ́ɛgɛ gɛ́ ŋananamɔ́ goŋaá mɔtɔ a gúe, bó do báá go gɛ́ gɔ́ɔ ndɔ́mɔ́ caá no bósógolonyo go busío bá ondimóní bɛnyɔ́. 17Gɛgáda gá meŋiigíe giimée gɛ́ lɛ́ gɛlɔgɔ, kanɛ́ gɛlɔgɔ giimée gɛ́ dɛ ŋanánáa goŋaá mɔtɔ a gúe. 18Dɛ íyimene dɛ amɔ́ baaná bá Asaŋa biimée bá dɛ gɔnɔ́ ŋanana gɛlɔgɔ, goakɛ́ Moɔnɔ́ ba Asaŋa a bó beŋebeŋe, go goŋaá Ohándá a dɛ bó ŋaáa boóma bobɛ́. 19Dɛ íyimene dɛ amɔ́ dɛ lɛ́ bá Asaŋa, kanɛ́ batɔ bá cí iŋkimée bá lɛ́ naá magálá má Ohándá. 20Dɛ íyimene dɛ amɔ́ Moɔnɔ́ ba Asaŋa a mbu úlé, a báá có fáá nciŋí ya goŋaá dɛ lɛnca Mɔ́ɔnyɔ a lɔ́mɔ́ Mammana. Dɛ lɛ́ Nɛhɛ́ naá Moɔnɔ́ bɛhɛ́ Yésu Kilítu. Mɔ́ɔ a lɔ́mɔ́ Mammana; a lɛ́ Asaŋa, a lɛ́ gɛɔyɔ gá kanɛ mesúge.
21Baaná bámɛ, bébeŋéemú nɔnɔ go bɛgɔgɔ́.
Currently Selected:
:
Highlight
Share
Copy
Want to have your highlights saved across all your devices? Sign up or sign in