2 Kɔlɛ́ntɛ 6
6
1Kanɛ́ aŋa bó lɔ́mɔ́ goŋaá dɛ lɛ́ naá buelí bá Asaŋa olɔŋɔ nɛhɛ́, dɛ nyó bósógolonyo goŋaá no do dɛ́ɛ́ná niibo nɛ́hɛ́ nɛ́ɛnɛ no mbaá bɛáa nɛ́ ɛ́ya buelí bá dugúnú. 2Mammana, Asaŋa o oya a amɔ́: «Aŋa gɛcamɛna gá go nyó ŋa besé na gá go nyó sódio gɛ́ mbaá háá, mmbɔ ɔ́bɔ́ mbósógolí yɛnyɔ́, mbáá nyó óhígínyóo#6.2 Iseyíi 49.8..» Ɛ́ná nɔnɔ, gɛcamɛna moánɛ gá go nyó ŋa besé na gá go nyó sódio gɛ́ gɛ́gɛ́ɛ.
3Go busío bá goŋaá buelí bɛ́cɔ́ bó bɛ́ɛmba kanɛ cigíi, dɛ báyáŋayaŋa goŋaá dɛ dɛ ágɛ́ná mɔtɔ go pɛ́ boóma bá goŋaá a kúkene. 4Moatɛ́ naá pɛ́ iŋkimée, bɛɛcɔ́ɔ dɛ lɔ́mɔ́ goana boyogóní bá Asaŋa; dɛ kélemenene na mbégumbene odɛ́máa iŋkimée: bɛdɔmbɔ, bɛgaŋɛna, mayayɔ́, 5megidenine, ncíbo sá bɛaŋɔ́, boologodo, medíge má go lala, bieŋgélí na ncaná. 6Dɛ dúfenye goŋaá dɛ lɛ́ boyogóní bá Asaŋa go gɛɔyɔ gɛ́cɔ́ gá kanɛ biílo, go goíyime gɛ́cɔ́ gá mammana, go go bánona gɛ́cɔ́ na busi bɛ́cɔ́, go buelí bá Gimmúmpúu gá Giliíli, go mammana yɛcɔ́ ya gɛnɔ́ɔ́nɛ́nɔ́, 7go go dúmbenye gɛ́cɔ́ gá nogálɔ na mammana go bogaaga bá Asaŋa. Bɛlɛŋɔ bɛ́cɔ́ bá go noanana na bá go bɔ́bɔgɔbɔgɔ na bɛ́, bɛ́ lɛ go bɛ́ɛ́mba goŋanana gá bɔ́ɔbɔ bó lɔ́mɔ́ tɛ́nɛ́ɛ naá busío bá Asaŋa. 8Dɛ lɛ́, báaba batɔ bá có búlugenye, bóncodío bá có fánɛnafanɛna, báaba bá có sɛga, bóncodío bá có hálamanana. Bá có gɔ́lɔnɔ aŋa bebelíbélí, asáa gɔgɔ́ dɛ oya mammana, 9bá có núune aŋa bá dɛ có íyíménée, asáa gɔgɔ́ bá có íyimene bese bese; bá có gɔ́lɔnɔ aŋa dɛ lɛ́ bigúénú, asáa gɔgɔ́ dɛ lɛ́ bɛkɔ́sɔ kélititi. Bá có séesenye kanɛ go có óna. 10Bá có fáanana mogódí, asáa gɔgɔ́ bɛɛcɔ́ɔ na bɛyaŋa; dɛ lɛ́ basógasoga, kanɛ́ dɛ íyenye batɔ gɛca banɔ́mɛnɔmɛ. Dɛ fóanɛna aŋa dɛ lɛ́ kanɛ boóma, asáa gɔgɔ́ dɛ bɛanana buimée fundufundu.
11Begúle bɛ́cɔ́ batɔ bá Kɔlɛ́ɛntɛ, dɛ lɛ́ nyó oyánɛ́náalú masɔ́mɔ daŋɛ́daŋɛ, dɛ báá nyó buunéné odɛ́má yɛ́cɔ́ uŋkimée uŋkimée. 12Dɛ lɛ́ nyó dúfíelú gɛnɔ́ɔnɛ́nɔ́ gɛ́cɔ́, bɛɛnyɔ́ɔ, no báá buigé odɛ́má yɛ́nyɔ́. 13Ŋgaá nyó gálɛ́dá aŋa baaná bámɛ caá, có maamánáamɔ́ nɔnɔ tɔ́nɔ, no có buunene odɛ́má yɛ́nyɔ́ uŋkimée uŋkimée.
Uŋgoolímínyí a háanana go ɔ́bɛnɔ Asaŋa
14No do dúmé olɔŋɔ na bindiolímínyóo Asaŋa. Botɛ́nɛ́ɛ na kanɛ kálamanana mó do báá ba go gɛ́ga múŋgulíe. Gise na mbíno mó do báá ba go bénebiginye. 15Kilítusu a dɛ ŋgá bɛ́ɛmba ukelú na Sátana#6.15 Na nohébelée, Béliele, bó lɔ́mɔ́ ufíno yúntió yá Sátana. akɛ́ go buisí. Boóma bá go lada uŋgolímínyí na gindiolímínyóo bó do báá. 16Púényí ɛ dɛ báá hɔ́ɔ na kɛ́gɛ́ná ya Asaŋa na yɛ́ɛyɛ ya bidugúnúu bá baasaŋa. Mammana bɛɛcɔ́ɔ dɛ lɛ́ kɛ́gɛ́ná ya Asaŋa ogɔ́sɔ aŋa Asaŋa moatɛ́ a mboó oyɛ́dá a amɔ́: «Ka ŋga gɛ́gáa, ŋŋɛnda naá kadɛ́gadɛ́ɛ yabɔ́, nná bɛ́ɛmba Asaŋa babɔ́, bɔ́ɔ, bá bɛ́ɛmba boɛ́nɔ bámɛ.»#6.16 1 Kɔl 3.16. 17Húmé nɔnɔ kanɛ́ naá kadɛ́gadɛ́ɛ ya batɔ bɔ́ɔbɔ, no bó yáŋɛmɛdɛna, Daadáa mɔ́ɔ o oyamɔ́ nɔ́ɔnɔ; no do báláfɛ́ná akɛ́ boóma bá búmmue bɔ́ɔbɔ bó lɔ́mɔ́ na biílo. Kɔ́ɔ yɔmɔ́ɔ, ka ŋgaá nyó gólío. 18Nná bɛ́ɛmba go busío bɛ́nyɔ́ isée, bɛɛnyɔ́ɔ no bɛ́ɛmba go busío bámɛ baaná banɔ́mɔtɔ́ na bá bakɔ́dɔ; nogálɔ ná Daadáa ba bogaaga buimée nɔ́nɔ́ɔ#6.18 Go big. 16 a húme 18: go gig. 16: Léfi 26.12; Esekíele 37.27 go gig. 17 go ɛ́na Iseyíi 52.11; Esekíele 20.34 go gig. 18 go ɛ́na 2 Sémuele 7.14; Iseyíi 43.6..
Currently Selected:
2 Kɔlɛ́ntɛ 6: YAS
Highlight
Copy
Compare
Share
Want to have your highlights saved across all your devices? Sign up or sign in
