Pʉɔ-Lɔ́mɑ Mɛtú-nu
Mɛtú-nu
Pɔ̂l ŋɡɑŋfɑꞋ-Sɛ́ nzʉʉ Yɛ́su Kɛlístɔ kɑ ŋwɑꞋnɛ yɔ ŋwɑꞋnɛ ńdɔk ńniitɛ pɑ́Ꞌ ɑ ɡʉ ŋ́ɡwɑ́ cúlɛ-pʉɔ-Kɛlístɔ yi ɛ́ tsɛt tʉ́sɔŋ-Lɔ́mɑ, lɑ ɛ́fú zúꞋu ŋ́ɡʉ nɛ́ Ɛspɑ̂nɛ. A kɑ pɔ́ ńdɔɔ nɛníꞋ tʉʉ yɔ́p nǔu pɛ́mtʉ́m yɔ́p. A ɡʉ tsɛt yɔ ŋwɑꞋnɛ ńdɛꞋlɛ mɛyúu mi ɛ́ píkŋɛ́nɛ ŋɡɔ ŋu-Kɛlístɔ wi ɑ ɡẅɛɛnɛ pɛ́mtʉ́m ŋ́ɡɛ. Pɔ́Ꞌɔ ŋɡɔ Sɛ́ sɛ́ ŋ́ɡɑ́ luk mbɔ̌ pʉɔmɛsɔŋ, ńtsʉ́Ꞌ ńdɔk wɔ́p ŋ́ɡɛ pʉɔ ndʉ́ŋndʉŋ pɑ́Ꞌ pɔ́p lɑɑ ńzɑ́p tʉ́m yɔ́p nǔu Kɛlístɔ. Sɛ́ ɡɔ́ ŋ́ɡɛ pɔ́Ꞌɔ ḿbɔɔ ńdɔk ńcú pɔ ŋɡɔ ŋɡɑŋ ɡɛ pɔ wɛcɔ́ ndínɑ kɛ pɔ́ ŋɡɔ, ŋɡɑŋ nɛn pɑ́Ꞌ kɑɑ píkŋɛnɛ pɔ́. Pɔ̂l pɛn ńnyɛt ŋɡɔ Pɑyúdɑ kɛ mbɑ pʉɔ pí pɔ́p kɑ́ pɔ́ pɑyúdɑ pɔ́ tɛmtɛ ḿbɔ́ pɔ tɑ́Ꞌ yúu mbi Sɛ́. Ɛ́ sɛ́ ḿbíkŋɛ ŋɡɔ pɔ́p pɛtsʉʉ zɑ́p tʉ́m nǔu Sɛ́ ńdɑ́Ꞌ ńduk. Pɑyúdɑ kɑ́ tsɑ pɛcɔ́ pʉɔ mbi Sɛ́ pɔ́, pɛcɔ́ pʉɔ kɛ́ mbɔɔ tsɑ Pɑyúdɑ mbi Sɛ́ pɔ́. Ɛ́ ɡɛ pɔ́Ꞌɔ, Pɔ̂l pɔ́ ńcú mbɔ̌ pɔ́p ŋɡɔ pɔ́p pɛtsʉʉ nɑ́ŋ pɔ nɛ́ mbɔ́tnɛ. Ńtsuŋ ɛ́sẅíi wɔ́p ŋɡɔ ɛ́ kɑ́ píkŋɛ ŋɡɔ pɛ́ kʉʉnɛ wɛcɔ́ ŋu mbíꞋ ŋɡɔ ɑ kwɑŋɛ nu kɛ mbɑ nɛɡɛ yɛ́ nu pɔ nɛ́ yɛ́ ntɛ́ pɔ́. Ɛ́ tsɛt yɔ ŋwɑꞋnɛ pɛ́ zúꞋ pɑ́Ꞌ:
1. Pɔ̂l cẅinɛ Ŋkʉʉ Sʉ́Ꞌnɛ (pɑk 1.1-17)
2. Pʉɔmɛsɔŋ tsʉʉ pɑɡɛ nu kɛpɔŋ (pɑk 1.18–3.20)
3. Sɛ́ kɑ lɔk pʉɔmɛsɔŋ tsʉʉ ńdɔk ŋ́ɡɛ pʉɔ nɛ́nẅín (pɑk 3.21–4.25)
4. Pɔ́ɔ-Sɛ́ pɛtsʉʉ ŋ́ɡɛ ŋ́ɡẅɛɛ luk fí (pɑk 5.1–8.39)
5. Sɛ́ kɑ mɛꞋ Pɑíslɑyɛ̂l, lɑ́ ŋ́kɛ́ mbɔɔ mɛꞋ wɔ́p pɔ tɑ́Ꞌ ŋkɑ́ pɔ́ (pɑk 9.1–11.36)
6. Ŋkɔŋɛ fí (pɑk 12.1–15.13)
7. Yúu mi Pɔ̂l kɑ zɑ́pnɛ ḿbɛn ŋ́ɡɛ cɛꞋlɛ (pɑk 15.14–16.27)
Currently Selected:
Pʉɔ-Lɔ́mɑ Mɛtú-nu: JGO
Highlight
Share
Compare
Copy
Want to have your highlights saved across all your devices? Sign up or sign in
CABTAL, 2017