Kɔlɔsíyɛ̂ŋ Mɛtú-nu
Mɛtú-nu
Yɔ ŋwɑꞋnɛ fí yɛ́ pʉɔ-Ɛ́fɛ̂zɛ, nǔu ntɛ́ yi Pɔ̂l kɑ ɡɔ́ ŋwɑꞋnɛ ḿbɔ́ ndɑ́tsɑ́ŋ lɑ́, mbɑ nǔu pɑ́Ꞌ ɑ kɑ ɡɔ́ ŋ́ŋwɑꞋnɛ, nu pɔ́ nǔu wɛ́ pɔ́Ꞌɔ, kɛ mbɑ pɑ́Ꞌ tsɛt yɛ pɔ́nɛ ɛ́ fí pɔ pɑ́Ꞌ pɑzíꞋ mɛnu ndɛꞋ kɑ mɑꞋ vɑꞋ tsɛt ndɑ́-cúꞋlɛ-pʉɔ-Kɛlístɔ. Ɛ́ ɡʉ nǔu pɔ́p mbɔ mɛtʉʉ-zẅikŋɛ tɛn tɛꞋ lɑ́ mbɔ ŋumɛsɔŋ tsɑ mîmɑ́ pɑ́Ꞌ ɑ lɑɑ ńnɛn nǔu pɑ́Ꞌ nɛpʉ́ʉ píkŋɛnɛ. Yîyɑ́ ŋwɑꞋnɛ sɛ́ ńcú ŋɡɔ ḿbɔ́ mîmɑ́ mɛntík pɔɔ ɡɛ tɛ ŋumɛsɔŋ kúꞋlɛ mbʉʉ yɛ pɔ́ (2.23). Ŋu ɡɔ́ ŋ́ɡẅɛɛ luk ńdɛɛ pɔ nǔu nɛvú Yɛ́su nǔu tʉ́ mɛkʉ́Ꞌ (1.20). Pɑpɛ́m lɔk ḿbɔ́ mɛkɛm-mbʉʉ, ndɑ́-cúꞋlɛ-pʉɔ-Kɛlístɔ yi Yɛ́su sɑ́Ꞌnɛ lɑ ɡẅɛɛ ŋkɔŋɛ tsɛtsɛt pɔ́p. Ŋkɔŋɛ ɛ̂yɑ́ tɛmtɛ wɔ́p tɑ́Ꞌ ŋkɑ́ (3.14-15). Tsɛt ŋwɑꞋnɛ nzɛnɛ 1.1-8 ŋu Yɛ́su wɛ́tɛ́ mbɑ mɛfɑꞋ mɛ́ 1.2-19 luk fí nzʉʉ Kɛlístɔ 2.7–20.6 Nɛlẅiklɛ 4.7-18.
Currently Selected:
Kɔlɔsíyɛ̂ŋ Mɛtú-nu: JGO
Highlight
Copy
Compare
Share
Want to have your highlights saved across all your devices? Sign up or sign in
CABTAL, 2017