1 Timɔtɛ́ɛ Mɛtú-nu
Mɛtú-nu
MɛŋwɑꞋnɛ mɛ́mbɑ́ mbɔ̌ Timɔtɛ̂ɛ nɛ́ yɛ́ Titɛ, ŋ́kɑɑ pɔ́ mi pɛ́ kɑ túunɛ ndɑ́-cúꞋlɛ-pʉɔ-Kɛlístɔ pɔ́. Pɛ́ kɑ túu pɔ mbɔ̌ pʉɔ pi pɛ́ tsuŋnɛ ńjí wɔ́p. Mɔnɛ mɛŋwɑꞋnɛ sɛ́ ńtsuŋ ńcú nu nǔu pɑ́Ꞌ ɛ́ sɛ́ ḿbíkŋɛ ŋɡɔ pɑtʉ́ʉ mbi tsɛt mɛcúꞋlɛ-pʉɔ-Kɛlístɔ ɡɛ. Ɛ́ tsɛt ŋwɑꞋnɛ yɔnɛ Pɔ̂l pɔ́ ńníꞋ mɛtʉʉ-Timɔtɛ̂ɛ nɛsʉk ńtsuŋ ńzɑ́p tʉ́m nǔu Sɛ́ ńtsɑ nɛshɛ́ɛ pɔ mɛntík kɛpɔŋ mi ɛ́ mɑꞋnɛ vɑꞋ tsɛt cúlɛ-pʉɔ-Kɛlístɔ. Ɛ́ píkŋɛ ŋɡɔ ɑ ɡɛ nǔu ntɛ́ yi pʉɔ pi pɛ́ kɑ́ pɔ́ ńtɔ́ mɛlɔ́Ꞌ mɔ́p pɔ́ pɔ́nɛ pɑtʉ́ʉ mbi, pɔ́Ꞌɔ pɑŋɡɛ́ pi pɔ́p ɡẅɛɛnɛ tsẅɛ́ sʉ́Ꞌnɛ pɔ́ ńcẅɛ́lɛ́ wɔ́p nǔu mɛfɑꞋ. Pɔ̂l pɛn ḿbɔ́ ńtík Timɔtɛ̂ɛ pɑ́Ꞌ mbɔ ɑ fɑꞋ pɔ́Ꞌɔ mbɔ̌ Kɛlístɔ. Tsɛt ŋwɑꞋnɛ nzɛnɛ 1.1-2 Nɛɡɛ pɛ́ pɑ́ɑ mɛntík kɛpɔŋ. Nu nǔu nɛcɛꞋlɛ Sɛ́ kɛ mbɑ nɛkúu cúlɛ-pʉɔ-Kɛlístɔ mbɑ nǔu pɑtʉ́ʉ mbi nɛnyɛt pɑ́Ꞌ Timɔtɛ̂ɛ ɡʉ ńnɛn pɔ́Ꞌɔ. Nu nǔu pɛpfúk mbɑ pɛlʉ́m. Nɛlɔɔ kwɑꞋ fuꞋ sʉ́Ꞌnɛ. Mbɑɑtɛ ŋwɑꞋnɛ mbɔ̌ Timɔtɛ̂ɛ. Pɔ̂l kɑ ɡɔ́ ŋ́ŋwɑꞋnɛ yɔ ŋwɑꞋnɛ ḿbɔ́ pɔ ndɑ́tsɑ́ŋ. Pɔ̂l pɔ́ ńníꞋ tʉʉ-Timɔtɛ̂ɛ nɛtsuŋ ɛ́sʉk tʉ́m nǔu ŋkɑ́ yi pʉɔ tɛ ńzɑ́ɑ sɛ́ ḿmɛꞋ pɛ́mtʉ́m. Ɛ́ pɔ́ ḿbíkŋɛ ŋɡɔ Timɔtɛ̂ɛ sɑ́Ꞌ ŋkʉʉ-Sɛ́ ḿbɛn ńníꞋ tʉʉ-pʉɔ, ńdɔk sʉk ńzíꞋ pʉɔ nɛ́ yúu. Ɛ́ píkŋɛ ŋɡɔ ɑ tsuŋ ńnɛn nǔu pɑ́Ꞌ ntík-Sɛ́ píkŋɛ́nɛ ńjí ŋɡɔ ɛ́ ɡʉ ḿbɔ́ ńnyɛt wɛ́ pɑ́Ꞌ ɑ ɡʉ ńnɛn pɔ́Ꞌɔ (3.14-16). Ɛ́ píkŋɛ ŋɡɔ ɑ nɛn nǔu mɛku-Pɔ̂l nǔu pɛ́mtʉ́m, nǔu nɛsʉk mbɑ ŋkɔŋɛ mbíꞋ ŋɡɔ kwɑꞋ jʉ́ tsuŋ mɔ́ ŋ́kɑ́ɑ (4.6-7) Tsɛt ŋwɑꞋnɛ nzɛnɛ ŋwɑꞋnɛ kɛ mbɑ cɛꞋlɛ 1.1-7 Nɛsẅíi nu-Sɛ́ ɡɑ́ ŋɡʉ̈ɔ́Ꞌ 1.8–2.13 Nɛɡɑ́ mɛtʉʉ nɛlɔk ɛ́sɑ́Ꞌ Ŋkʉʉ-Sɛ́ nɛ́ tsɑ́ɑtɛ 2.14–4.8 kwɑꞋ cú-Pɔ̂l mbɑ cɛꞋlɛ 4.9-22.
Currently Selected:
1 Timɔtɛ́ɛ Mɛtú-nu: JGO
Highlight
Copy
Compare
Share
Want to have your highlights saved across all your devices? Sign up or sign in
CABTAL, 2017