1 Tɛsɑlɔník Mɛtú-nu
Mɛtú-nu
Pɔ̂l ŋwɑꞋnɛ yɔ ŋwɑꞋnɛ ŋ́ɡɑ́ mbɔ̌ mɛndɑ́-cúlɛ-pʉɔ-Kɛlístɔ mi ɑ kɑ nɔŋnɛ Tɛsɑlɔnik, fyɛ́tlɑ́Ꞌ-pɑk-ŋɡɔŋ-Lɔ́mɑ yi ɛ́ Mɑsɛndwɑn. Timɔtɛ̂ɛ kɑ lɛɛ tɛ ńcú pɑ́Ꞌ ndɑ́-cúꞋlɛ-pʉɔ-Kɛlístɔ pɔ́nɛ sʉ́Ꞌnɛ Pɔ́Ꞌɔ, Pɔ̂l ɡɔ́ɔ ŋ́kɛ́ ŋ́ŋwɑꞋnɛ ŋwɑꞋnɛ ŋ́ɡɑ́ ńdɔk ŋ́ɡɑ́ pɑ́Ꞌlɑ́ mbɔ̌ Sɛ́, nǔu yɔp ntɛ́ nɛzɑ́p tʉ́m pɔ́Ꞌɔ, mbɑ ŋkɔŋɛ, mbɑ nɛsʉktʉ́m pɔ́Ꞌɔ. A pɛn ḿbɔ́ ńcú nu ńdɔk mbʉ̈ɔt yi pɛ́ sẅíinɛ nǔu pɑ́Ꞌ Tsɑpʉɔ tɔ́nɛ. Cúlɛ-pʉɔ-Kɛlístɔ sɛ́ ńzẅíꞋlɛ lɛ́Ꞌ yi Tsɑpʉɔ ńdɑ́Ꞌ ńtɔ́, lɑ́ ɛ́ pɛ́t pɔ́ kɛ́ tɔ́, mɛcɔ́ mɛnu pɔ́ ŋɡɔ tɛ lɛ́Ꞌ yi Tsɑpʉɔ ńdɑ́Ꞌ ńtɔ́ pɔ́ shʉ́nɛ ɔɔ? Tɛ pɑpɛ́m Sɛ́ pɑ́Ꞌ ńdɑ́Ꞌ ŋ́ɡɛ pɔ ŋɡɔ ku pɑ́Ꞌ pɔ́p lɑɑ ḿpfú kɛ pɔ́ yi Tsɑpʉɔ tɔ́ mɔ́ ɔɔ? Pɔ̂l tsuŋ ńníꞋ tʉ́m-cúꞋlɛ pʉɔ-Kɛlístɔ. (4.16) Ŋɡɔ Tsɑpʉɔ ńdɑ́Ꞌ ńtɔ́ pɔ́p pɑpɛ́m Sɛ́ tsʉ́Ꞌnɛ ńnɑ́ŋ (5.10). Ɛ́ lɛɛ pɔ́Ꞌ Sɛ́ pɔ́ ńzẅíꞋlɛ ŋɡɔ pɔ́p lɔk fɑꞋ yɔ́p ŋ́ɡʉ nɛ́ mbi nɛ́ tsɑ́ɑtɛ. (5.14, 16) Tsɛt ŋwɑꞋnɛ-nɛɡɑ́ pɑ́Ꞌlɑ́ mbɑ nɛɡúꞋ. 1-3 Nɛnɑ́ŋ pɑ́Ꞌ Sɛ́ sɛ́ ŋ́kɔŋ 4.1-12 Lɛ́Ꞌ yi Tsɑpʉɔ ńdɑ́Ꞌ ńtɔ́ 4.13–5.11 Nu nǔu pɑ́Ꞌ pɑpɛ́m ɡẅɛɛnɛ nɛɡɛ 5.12-22 Nɛlẅiklɛ.
Currently Selected:
1 Tɛsɑlɔník Mɛtú-nu: JGO
Highlight
Copy
Compare
Share
Want to have your highlights saved across all your devices? Sign up or sign in
CABTAL, 2017