1 Kɔlɛ̂ŋtɛ Mɛtú-nu
Mɛtú-nu
Pɔ̂l kɑ ɡɛ pɛsɑŋ ntsɔ̌pɛ́nɛ́fɔ́m tʉ́sɔŋ-kɔlɛŋntɛ pɑ́Ꞌ ɑ kɑ pɛnnɛ ŋ́ɡʉ zúꞋu mbɑ́ɑtɛ yɛ́pɑ́. A lɔk yîyɑ́ ńtík ndɑ́-cúꞋlɛ-pʉɔ-Kɛlístɔ. Pʉɔ pi pɔ́p ŋ́kɑɑ Pɑyúdɑ pɔ́ pɔ́nɛ tsɛt cúꞋlɛ ɛ̂yɑ́. Ɛ́ kɑ ɡɔ́ ḿbɔ́ pɔ́Ꞌɔ, Kɔlɛ̂ŋntɛ pɔ́ tʉ́sɔŋ ŋ́ɡẅɛɛ pɑtɑ́ŋ mɛtɑ́ɑ tɛꞋ. Ŋ́ɡẅɛɛ zʉꞋ nɛkɔk yúu mɛtɑ́ɑ ŋkɑŋ-ŋki, pɑtɑ́ŋ mɛtɑ́ɑ fú mɛshʉ́ mɛshʉ́ ńtɔ́ nɛɡúꞋlɛ mɛyúu ńdɔk ɛ́fúŋ mɛsɛ́, mbɑ mɛnu kɔ́ sʉ́ʉ pɔ́ zúꞋu tɛꞋ. Ɛ́ ɡɛ pɔ́Ꞌɔ cúlɛ-pʉɔ-Kɛlístɔ tsʉ́Ꞌ ḿbɔ́ ńnɛn pɔ pɔ́Ꞌɔ. Pɔ̂l jʉ́ɔ pɔ́Ꞌɔ ɛ́ tsuŋ ŋ́kʉꞋnɛ wɛ́ tɛꞋ. 1 Kɔlɛ̂ŋntíɛŋ 5.9 nyɛt ŋɡɔ Pɔ̂l kɑ ŋwɑꞋnɛ kɛm ŋwɑꞋnɛ yɔ mbíꞋ wîwɑ́ mɑt. Lɑ́ pɛ́ ŋ́kɑɑ lẅɛꞋ ŋwɑꞋnɛ ɛ̂yɑ́ pɔ́. Lɛ́Ꞌcɔ́ pʉɔ-Kɔlɛ̂ŋntɛ kɑ túu ŋwɑꞋnɛ mbɔ̌ Pɔ̂l ńdɔk ńdʉꞋ mɛcɔ́ mɛntík mi ɑ kɑ ɡɑ́nɛ mbɔ̌ pɔ́p. Pɛcɔ́ pʉɔ kɑ ɡʉ ńjʉ́ɔ Pɔ̂l ńdɛꞋlɛ mɑt-pʉɔ tsɛt cúlɛ-pʉɔ-Kɛlístɔ yɛ́ Kɔlɛ̂ŋntɛ. Pɔ̂l zúꞋ pɔ́Ꞌɔ, ńtúu ŋwɑꞋnɛ yɔ ŋ́ɡɑ́ mbɔ̌ pɔ́p.
1. CɛꞋlɛ (1.1-9)
2. Ɛ́ ŋ́kɑɑ ḿbɔ́ ḿbíkŋɛ ŋɡɔ pʉɔ-kɛlístɔ ɡɛ mɛfɛꞋ tsɛtsɛt pɔ́p pɔ́, ɛ́ ŋ́kɑɑ ḿbɔ́ ḿbíkŋɛ ŋɡɔ pɔ́p ɡẅɛɛ fyɑkŋɛ tsɛtsɛt pɔ́p pɔ́ (1.10–4.21)
3. Pʉɔ-Kɛlístɔ kɑ́ ɡẅɛɛ nɛɡɛ nu kɛpɔŋ tsɛtsɛt pɔ́p pɔ́ (5.1–6.20)
4. Mbɛ́ɛnɛ nɛ́ pɛzwɛ́ pɔ́p (7.1-40)
5. Ɛ́ píkŋɛ ŋɡɔ pɛ́ zúꞋ pɔ ndɑꞋ ntsu-Sɛ́ kɔɔ pɛ́ zúꞋ tsu-pɛtɛ́tɔ́k (8.1–11.1)
6. Yɔ pɑ́Ꞌ pɑpɛ́m Sɛ́ ɡẅɛɛnɛ nɛɡɛ tsɛt cúlɛ-pʉɔ-Kɛlístɔ (11.2–14.40)
7. Yɔ pɑ́Ꞌ Kɛlístɔ kɑ tsɑnɛ nɛvú (15.1-58)
8. Yúu lɔk ńcẅɛ́lɛ́ pɛpúŋ (16.1-4)
9. Pɔ̂l kɑ zɑ́p nɛɡʉ nɛnɛn (16.5-12)
10. Mɛtík kɛ mbɑ cɛꞋlɛ (16.13-24)
Currently Selected:
1 Kɔlɛ̂ŋtɛ Mɛtú-nu: JGO
Highlight
Copy
Compare
Share
Want to have your highlights saved across all your devices? Sign up or sign in
CABTAL, 2017