MATEO 23
23
Mandashcacunata quillcajcunatapish fariseocunatapish Jesús rimashcami
(Mr 12.38-40; Lc 11.37-54; 20.45-47)
1Chaipimi Jesusca chaipi cajcunaman, paipaj yachacujcunamanpish cashna nishpa rimarca:
2“Mandashcacunata quillcajcuna, fariseocunapish Moisés tiyarishpa yachachij shinallatajmi pai yachachishcata yachachincuna. 3Chaimanta paicuna imallata yachachishcataca ama cungarishpa ruranguichij. Shina cashpapish paicuna rurashca shinataca, ama catinguichij. Paicunaca allita yachachishpapish, paicuna yachachishca shinaca mana rurancunachu. 4Paicunaca pi mana apai tucuipaj jatun quipitami gentecunamanca apachincuna. Ashtahuanpish paicunaca shuj dedollahuanpish mana tuparincunachu. 5Paicunaca tucui imata rurashpapish, gentecuna ricuchunllami rurancuna. Paicunaca Dios mandashca maijan shimicunata quillcashcata frentepipish, maquipipish tucuicuna ricuchun huatarishpa purinatami munancuna. Churanatapish shujtajcunata yalli suni flecosyuj churanata churashpa purinatami munancuna. 6Ima jatun micuicunapipish, sinagogacunapipish puntapi tiyarinatami munancuna. 7Plazacunapi tupajcunapish, allillachu cangui nishpa: “Yachachij, yachachij” nichunpishmi munancuna.
8Ashtahuanpish cancunaca: “Yachachij” nichunca, ama munanguichij. Cancunata Yachachijca shujllami tiyan, paica Cristomi. Cancunaca tucuicunami huauquindijcuna canguichij. 9Cai pachapica, cancunaca pitapish ama yaya ninguichij. Cancunapaj Yayaca shujllami tiyan, paica jahua pachapimi. 10Yachachijcuna nichunpish, ama munanguichij. Cancunata Yachachijca shujllami tiyan, paica Cristomi. 11Cancunapurapi maijanpish jatun cajca, cancunapajta ruraj cachun. 12Maijanpish jatun tucujtaca, pingachishcami canga. Mana jatun tucujtaca, jatunyachishcami canga.
13Mandashcacunata quillcajcuna, fariseocuna, mishqui shimi jayaj shungucuna, ¡aij cancunalla! Jahua pachamanta mandacunman gentecuna yaicunatami jarcanguichij. Cancunapish mana yaicunguichijchu, yaicucujcunatapish mana yaicujta saquinguichijchu.
14Mandashcacunata quillcajcuna, fariseocuna, mishqui shimi jayaj shungucuna ¡aij cancunalla! Viudacunapaj huasicunata quichushpa millpujcunami canguichij. Chashna rurashcamanta alli ricuringa raicullami Diostaca unita mañaj tucunguichij. Chashna rurashcamantaca jatunta llaquichishcami canguichij.
15Mandashcacunata quillcajcuna, fariseocuna, mishqui shimi jayaj shungucuna ¡aij cancunalla! Shujllapish cancuna yachachishcata catichun nishpami, allpata mama cuchata maita rishpapish yachachinguichij. Ña cancunata catijpica, ucu pachaman rinapajlla ishqui cutinhuan cancunata yalli millaicuna cachunmi yachachinguichij.
16Cancunaca ñahui mana ricuj pushajcunami canguichij. ¡Aij cancunalla! “Imata rurangapaj Diosta adorana huasipaj shutipi ari nishpaca, mana pajtachingapajpish rimanallami ninguichijmi. Imata rurangapaj Diosta adorana huasipi tiyaj curipaj shutipi ari nishpaca pajtachinatajmi” nishpami yachachinguichij. 17¡Yuyai illajcuna, mana ricujcuna! Curichu mana cashpaca, curita Diospajllata ruraj Diospaj huasichu ¿maijantaj ashtahuan yalli alli? 18Cancunaca: “Imata rurangapaj altarpaj shutipi ari nishpaca, mana pajtachingapajpish rimanallami ninguichijmi. Ashtahuanpish altar jahuapi caj ofrendapaj shutipi ari nishpaca, pajtachinatajmi” nishpami yachachinguichij. 19¡Yuyai illajcuna, mana ricujcuna! ¿Ofrendachu, mana cashpaca ofrendata Diospajllata ruraj altarchu, maijantaj ashtahuan yalli alli? 20Imata rurangapaj altarpaj shutipi ari nishpaca, Diosman imallata cushca altar jahuapi tiyacujtapishmi rimanguichij. 21Shinallataj imata rurangapaj Diospaj huasipaj shutipi ari nishpaca, chai huasitapish, chai huasipi causaj Diostapishmari riman. 22Imata rurangapaj jahua pachapaj shutipi ari nishpaca, Diospaj jatun tiyarinata, chaipi tiyacuj Diostapishmi riman.
23Mandashcacunata quillcajcuna, fariseocuna, mishqui shimi jayaj shungucuna ¡aij cancunalla! Mentata, anista, cominotapish chungamanta shujta cujcunami canguichij. Ashtahuanpish cashcata ruranata, llaquij canata, crinatapish, chai ashtahuan alli Mandashcatarajmari saquishcanguichij. Diosman cunatapish mana saquishpami, chai Mandashcacunataraj rurana carcanguichij. 24¡Mana ricuj pushajcuna, chuspitaca anchuchishpami ubyanguichij. Ashtahuanpish camellondijca millpunguichijllami!
25Mandashcacunata quillcajcuna, fariseocuna, mishqui shimi jayaj shungucuna ¡aij cancunalla! Vasotapish, platotapish jahuallatami maillanguichij. Ashtahuanpish ucu shunguca shuhuana yuyaihuan, imatapish mana allita rurana yuyaihuan jundami canguichij. 26¡Ñahui mana ricuj fariseo! Jahuapish ucupish chuya cachunca vasotapish, platotapish ucutaraj maillayari. 27Mandashcacunata quillcajcuna, fariseocuna, mishqui shimi jayaj shungucuna ¡aij cancunalla! Bovedacunata yurajyachishca shinami canguichij. Canllata ricujpica sumajmi, ashtahuanpish ucumanca huañushcacunapaj tullucuna, tucui mapacunapish jundami. 28Shinallatajmi cancunapish canllata ricujpica, cashcata rurajcuna shina shujtajcunapica ricuringuichij. Ashtahuanpish ucu shunguca jayacuj, millaita ruranahuan jundami canguichij.
29Mandashcacunata quillcajcuna, fariseocuna, mishqui shimi jayaj shungucuna ¡aij cancunalla! Ñaupa profetacunata pambashca jahuapi pircashpa sumajyachijcuna, cashcata rurajcuna huañushcata churashca bovedacunatapish sumajyachijcunami canguichij. 30Chashna rurashpaca: “Ñucanchij yayacuna causai punllacuna causashca cashpaca, chai profetacunata huañuchichunca mana saquinchijmanchu carca” ninguichijmi. 31Cancuna chashna nishpaca, profetacunata huañuchijcunapaj huahuacuna cashcatami huillanguichij. 32¡Cancunapaj yayacuna callarichishcataca tucuringacama rurashpa catichijlla! 33¡Culebra shina millaicuna, cancunaca culebracuna causanami canguichij! Cancunaca ucu pacha llaquiman rinamantaca mana quishpiri tucunguichijchu. 34Ñucaca profetacunata, yachaisapacunata, Mandashcacunata quillcajcunatapish cancunapajman cachashami. Chai cachashcacunataca maijancunataca huañuchinguichijmi, maijancunataca chacatanguichijmi. Shinallataj shujcunataca, cancunapaj sinagogacunapi azotinguichijmi, maijancunataca pueblon pueblon catirashpami llaquichinguichij. 35Chaimantaca, cashcata rurashpa causaj ñaupa gentecunata huañuchishca yahuarmanta llaquitaca, cancunami apanguichij. Cashcata ruraj Abelmanta callarishpa, Berequiaspaj churi Zacariastapish huañuchishcacamami, chai llaquitaca apana canguichij. Diospaj huasihuan, altarhuan chaupipimi Zacariastaca huañuchircanguichij. 36Chai tucui mana allita rurashcamantaca, cunan punlla causajcunatami jatun llaquicunaca japinga. Chashnatajmi canga.
Jerusalenpi causajcunamanta Jesús achcata llaquirishcami
(Lc 13.34-35)
37¡Jerusalenpi causajcunalla, Jerusalenpi causajcunalla cancunaca profetacunata huañuchijcuna, Dios cachashca huillajcunata rumihuan shitajcunapishmi canguichij! ¡Tauca cutinmi mama atillpa paipaj huahuacunata alas ucupi ugllaj shina tandachisha nircani! Ashtahuanpish mana uyarcanguichijchu. 38Chaimantami cancunapaj huasica shitashca saquiringa. 39Ñucataca cunanmanta pachami: “¡Jatun Diospaj shutipi shamucuj allimari cangui!” ningacama manataj ricunguichij” nircami.
Currently Selected:
MATEO 23: QCHI04
Highlight
Share
Copy
Want to have your highlights saved across all your devices? Sign up or sign in
Quichua Chimborazo Bible Revision 2010 © United Bible Societies, 2010.
MATEO 23
23
Mandashcacunata quillcajcunatapish fariseocunatapish Jesús rimashcami
(Mr 12.38-40; Lc 11.37-54; 20.45-47)
1Chaipimi Jesusca chaipi cajcunaman, paipaj yachacujcunamanpish cashna nishpa rimarca:
2“Mandashcacunata quillcajcuna, fariseocunapish Moisés tiyarishpa yachachij shinallatajmi pai yachachishcata yachachincuna. 3Chaimanta paicuna imallata yachachishcataca ama cungarishpa ruranguichij. Shina cashpapish paicuna rurashca shinataca, ama catinguichij. Paicunaca allita yachachishpapish, paicuna yachachishca shinaca mana rurancunachu. 4Paicunaca pi mana apai tucuipaj jatun quipitami gentecunamanca apachincuna. Ashtahuanpish paicunaca shuj dedollahuanpish mana tuparincunachu. 5Paicunaca tucui imata rurashpapish, gentecuna ricuchunllami rurancuna. Paicunaca Dios mandashca maijan shimicunata quillcashcata frentepipish, maquipipish tucuicuna ricuchun huatarishpa purinatami munancuna. Churanatapish shujtajcunata yalli suni flecosyuj churanata churashpa purinatami munancuna. 6Ima jatun micuicunapipish, sinagogacunapipish puntapi tiyarinatami munancuna. 7Plazacunapi tupajcunapish, allillachu cangui nishpa: “Yachachij, yachachij” nichunpishmi munancuna.
8Ashtahuanpish cancunaca: “Yachachij” nichunca, ama munanguichij. Cancunata Yachachijca shujllami tiyan, paica Cristomi. Cancunaca tucuicunami huauquindijcuna canguichij. 9Cai pachapica, cancunaca pitapish ama yaya ninguichij. Cancunapaj Yayaca shujllami tiyan, paica jahua pachapimi. 10Yachachijcuna nichunpish, ama munanguichij. Cancunata Yachachijca shujllami tiyan, paica Cristomi. 11Cancunapurapi maijanpish jatun cajca, cancunapajta ruraj cachun. 12Maijanpish jatun tucujtaca, pingachishcami canga. Mana jatun tucujtaca, jatunyachishcami canga.
13Mandashcacunata quillcajcuna, fariseocuna, mishqui shimi jayaj shungucuna, ¡aij cancunalla! Jahua pachamanta mandacunman gentecuna yaicunatami jarcanguichij. Cancunapish mana yaicunguichijchu, yaicucujcunatapish mana yaicujta saquinguichijchu.
14Mandashcacunata quillcajcuna, fariseocuna, mishqui shimi jayaj shungucuna ¡aij cancunalla! Viudacunapaj huasicunata quichushpa millpujcunami canguichij. Chashna rurashcamanta alli ricuringa raicullami Diostaca unita mañaj tucunguichij. Chashna rurashcamantaca jatunta llaquichishcami canguichij.
15Mandashcacunata quillcajcuna, fariseocuna, mishqui shimi jayaj shungucuna ¡aij cancunalla! Shujllapish cancuna yachachishcata catichun nishpami, allpata mama cuchata maita rishpapish yachachinguichij. Ña cancunata catijpica, ucu pachaman rinapajlla ishqui cutinhuan cancunata yalli millaicuna cachunmi yachachinguichij.
16Cancunaca ñahui mana ricuj pushajcunami canguichij. ¡Aij cancunalla! “Imata rurangapaj Diosta adorana huasipaj shutipi ari nishpaca, mana pajtachingapajpish rimanallami ninguichijmi. Imata rurangapaj Diosta adorana huasipi tiyaj curipaj shutipi ari nishpaca pajtachinatajmi” nishpami yachachinguichij. 17¡Yuyai illajcuna, mana ricujcuna! Curichu mana cashpaca, curita Diospajllata ruraj Diospaj huasichu ¿maijantaj ashtahuan yalli alli? 18Cancunaca: “Imata rurangapaj altarpaj shutipi ari nishpaca, mana pajtachingapajpish rimanallami ninguichijmi. Ashtahuanpish altar jahuapi caj ofrendapaj shutipi ari nishpaca, pajtachinatajmi” nishpami yachachinguichij. 19¡Yuyai illajcuna, mana ricujcuna! ¿Ofrendachu, mana cashpaca ofrendata Diospajllata ruraj altarchu, maijantaj ashtahuan yalli alli? 20Imata rurangapaj altarpaj shutipi ari nishpaca, Diosman imallata cushca altar jahuapi tiyacujtapishmi rimanguichij. 21Shinallataj imata rurangapaj Diospaj huasipaj shutipi ari nishpaca, chai huasitapish, chai huasipi causaj Diostapishmari riman. 22Imata rurangapaj jahua pachapaj shutipi ari nishpaca, Diospaj jatun tiyarinata, chaipi tiyacuj Diostapishmi riman.
23Mandashcacunata quillcajcuna, fariseocuna, mishqui shimi jayaj shungucuna ¡aij cancunalla! Mentata, anista, cominotapish chungamanta shujta cujcunami canguichij. Ashtahuanpish cashcata ruranata, llaquij canata, crinatapish, chai ashtahuan alli Mandashcatarajmari saquishcanguichij. Diosman cunatapish mana saquishpami, chai Mandashcacunataraj rurana carcanguichij. 24¡Mana ricuj pushajcuna, chuspitaca anchuchishpami ubyanguichij. Ashtahuanpish camellondijca millpunguichijllami!
25Mandashcacunata quillcajcuna, fariseocuna, mishqui shimi jayaj shungucuna ¡aij cancunalla! Vasotapish, platotapish jahuallatami maillanguichij. Ashtahuanpish ucu shunguca shuhuana yuyaihuan, imatapish mana allita rurana yuyaihuan jundami canguichij. 26¡Ñahui mana ricuj fariseo! Jahuapish ucupish chuya cachunca vasotapish, platotapish ucutaraj maillayari. 27Mandashcacunata quillcajcuna, fariseocuna, mishqui shimi jayaj shungucuna ¡aij cancunalla! Bovedacunata yurajyachishca shinami canguichij. Canllata ricujpica sumajmi, ashtahuanpish ucumanca huañushcacunapaj tullucuna, tucui mapacunapish jundami. 28Shinallatajmi cancunapish canllata ricujpica, cashcata rurajcuna shina shujtajcunapica ricuringuichij. Ashtahuanpish ucu shunguca jayacuj, millaita ruranahuan jundami canguichij.
29Mandashcacunata quillcajcuna, fariseocuna, mishqui shimi jayaj shungucuna ¡aij cancunalla! Ñaupa profetacunata pambashca jahuapi pircashpa sumajyachijcuna, cashcata rurajcuna huañushcata churashca bovedacunatapish sumajyachijcunami canguichij. 30Chashna rurashpaca: “Ñucanchij yayacuna causai punllacuna causashca cashpaca, chai profetacunata huañuchichunca mana saquinchijmanchu carca” ninguichijmi. 31Cancuna chashna nishpaca, profetacunata huañuchijcunapaj huahuacuna cashcatami huillanguichij. 32¡Cancunapaj yayacuna callarichishcataca tucuringacama rurashpa catichijlla! 33¡Culebra shina millaicuna, cancunaca culebracuna causanami canguichij! Cancunaca ucu pacha llaquiman rinamantaca mana quishpiri tucunguichijchu. 34Ñucaca profetacunata, yachaisapacunata, Mandashcacunata quillcajcunatapish cancunapajman cachashami. Chai cachashcacunataca maijancunataca huañuchinguichijmi, maijancunataca chacatanguichijmi. Shinallataj shujcunataca, cancunapaj sinagogacunapi azotinguichijmi, maijancunataca pueblon pueblon catirashpami llaquichinguichij. 35Chaimantaca, cashcata rurashpa causaj ñaupa gentecunata huañuchishca yahuarmanta llaquitaca, cancunami apanguichij. Cashcata ruraj Abelmanta callarishpa, Berequiaspaj churi Zacariastapish huañuchishcacamami, chai llaquitaca apana canguichij. Diospaj huasihuan, altarhuan chaupipimi Zacariastaca huañuchircanguichij. 36Chai tucui mana allita rurashcamantaca, cunan punlla causajcunatami jatun llaquicunaca japinga. Chashnatajmi canga.
Jerusalenpi causajcunamanta Jesús achcata llaquirishcami
(Lc 13.34-35)
37¡Jerusalenpi causajcunalla, Jerusalenpi causajcunalla cancunaca profetacunata huañuchijcuna, Dios cachashca huillajcunata rumihuan shitajcunapishmi canguichij! ¡Tauca cutinmi mama atillpa paipaj huahuacunata alas ucupi ugllaj shina tandachisha nircani! Ashtahuanpish mana uyarcanguichijchu. 38Chaimantami cancunapaj huasica shitashca saquiringa. 39Ñucataca cunanmanta pachami: “¡Jatun Diospaj shutipi shamucuj allimari cangui!” ningacama manataj ricunguichij” nircami.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Quichua Chimborazo Bible Revision 2010 © United Bible Societies, 2010.