ECLESIASTÉS 12
12
1Chairaj cashpami, canta Ruraj Diostaca yuyarina cangui. Llaquilla cana huatacuna manaraj chayamujpi yuyariyari. Chai huatacunapica: “Cai causaitaca ña mana munananchu” ninguimi. 2Chaimantami cunan intipish, lunapish, luzerocunapish manaraj amsayajpi tamyashca q'uipapish p'uyu achijlla cajpiraj, Diosta yuyarina cangui. 3Shuj punllaca huasita cuidajcuna chujchungami, c'ari c'ari cajcunapish curcuyangami. Quirucunapish huaquincunalla saquirijpi, ña mana cashtui tucunguichu. Ventanacunamanta ricucujcunapish zuyullatami ricunga. 4Ñanman llujshina pungucunapish huichcaringami. Cutana rumipish chulunyashpa catingami. Pajarocuna cantashpallapish jatarichingallami. 5Maiman huichiyanapish manchananami ricuringa, ñanpipish llaqui japinallami canga. Almendro yura sisashcapica, langosta c'urucunallapish llashajmi canga. Micuna munaipish illangami. Huiñaita tiyan huasiman ricujpica, callepica yupashpa yupashpa huacashpami, muyundijta catingacuna.
6Cullqui cadena manaraj p'itirijpi, curi plato manaraj p'aquirishpa ñuturijpi, pugyu c'uchupi puñu manaraj p'aquirijpi, pugyumanta yacuta aisana polea manaraj p'aquirishpa ucuman urmajpimari, canta ruraj Diosta yuyarina cangui. 7Chai p'itirijpica, allpamanta rurashca aichaca allpallamantajmi tigranga, almaca Diospajmanmi tigranga. Diosmi chai almataca curca.
8Huillaj ñucami cashna nini: Cunanca tucui imapish yangataj yangallami ninimi.
Runapajca tucuimanta yallica Diosta cazunami alli
9Huillaj ñucaca, ashtahuan yachaj tucushpaca gentecunamanpish ashtahuanmi alli yachaitaca yachachircani. Yuyaita churashpataj, callarishpa tucuita alli yuyarishpami, yuyaita japina proverbios nishca shimicunataca achcata quillcarcani. Sumajta allichishpa churashca chai shimicunataca uyachircanipish, rezashpa yuyarichun curcanipishmi. 10Achcata yuyarishpami, imapish chashnataj cashcata yuyachij, uyanajlla sumaj shimicunallata agllashpa quillcarcani.
11Jatun yachajcuna allichishca shimicunaca, yuyaita cungapajca puntajlla fierrohuan tujsishca shinami. Yuyaicunata tandachishpa quillcashca shimicunaca alli churashca clavocuna shinami. Paicunamanca chai shimicunataca, shujlla jatun Michijmi curca. 12Ñuca huahuacunalla, cai yuyaitami cancunamanca cuni: Librocunata ruranaca mana tucuringachu. Achcata yachanacunallapish shaicuchinmi.
13Cai tucuita yachachishca q'uipa, ña tucuchingapajca caitami nini: Diostaca manchashpa cazungui, pai mandashcacunatapish pajtachingui. Cai pachapi causajcunapajca, tucuimanta yalli allica chaimi. 14Diosca ñucanchij tucui imallata rurashcatami ricunga. Allita rurashca cajpipish, millaita rurashca cajpipish, pacallapi imata rurashcatapish ricungami.
Currently Selected:
ECLESIASTÉS 12: QCHI04
Highlight
Share
Copy
Want to have your highlights saved across all your devices? Sign up or sign in
Quichua Chimborazo Bible Revision 2010 © United Bible Societies, 2010.
ECLESIASTÉS 12
12
1Chairaj cashpami, canta Ruraj Diostaca yuyarina cangui. Llaquilla cana huatacuna manaraj chayamujpi yuyariyari. Chai huatacunapica: “Cai causaitaca ña mana munananchu” ninguimi. 2Chaimantami cunan intipish, lunapish, luzerocunapish manaraj amsayajpi tamyashca q'uipapish p'uyu achijlla cajpiraj, Diosta yuyarina cangui. 3Shuj punllaca huasita cuidajcuna chujchungami, c'ari c'ari cajcunapish curcuyangami. Quirucunapish huaquincunalla saquirijpi, ña mana cashtui tucunguichu. Ventanacunamanta ricucujcunapish zuyullatami ricunga. 4Ñanman llujshina pungucunapish huichcaringami. Cutana rumipish chulunyashpa catingami. Pajarocuna cantashpallapish jatarichingallami. 5Maiman huichiyanapish manchananami ricuringa, ñanpipish llaqui japinallami canga. Almendro yura sisashcapica, langosta c'urucunallapish llashajmi canga. Micuna munaipish illangami. Huiñaita tiyan huasiman ricujpica, callepica yupashpa yupashpa huacashpami, muyundijta catingacuna.
6Cullqui cadena manaraj p'itirijpi, curi plato manaraj p'aquirishpa ñuturijpi, pugyu c'uchupi puñu manaraj p'aquirijpi, pugyumanta yacuta aisana polea manaraj p'aquirishpa ucuman urmajpimari, canta ruraj Diosta yuyarina cangui. 7Chai p'itirijpica, allpamanta rurashca aichaca allpallamantajmi tigranga, almaca Diospajmanmi tigranga. Diosmi chai almataca curca.
8Huillaj ñucami cashna nini: Cunanca tucui imapish yangataj yangallami ninimi.
Runapajca tucuimanta yallica Diosta cazunami alli
9Huillaj ñucaca, ashtahuan yachaj tucushpaca gentecunamanpish ashtahuanmi alli yachaitaca yachachircani. Yuyaita churashpataj, callarishpa tucuita alli yuyarishpami, yuyaita japina proverbios nishca shimicunataca achcata quillcarcani. Sumajta allichishpa churashca chai shimicunataca uyachircanipish, rezashpa yuyarichun curcanipishmi. 10Achcata yuyarishpami, imapish chashnataj cashcata yuyachij, uyanajlla sumaj shimicunallata agllashpa quillcarcani.
11Jatun yachajcuna allichishca shimicunaca, yuyaita cungapajca puntajlla fierrohuan tujsishca shinami. Yuyaicunata tandachishpa quillcashca shimicunaca alli churashca clavocuna shinami. Paicunamanca chai shimicunataca, shujlla jatun Michijmi curca. 12Ñuca huahuacunalla, cai yuyaitami cancunamanca cuni: Librocunata ruranaca mana tucuringachu. Achcata yachanacunallapish shaicuchinmi.
13Cai tucuita yachachishca q'uipa, ña tucuchingapajca caitami nini: Diostaca manchashpa cazungui, pai mandashcacunatapish pajtachingui. Cai pachapi causajcunapajca, tucuimanta yalli allica chaimi. 14Diosca ñucanchij tucui imallata rurashcatami ricunga. Allita rurashca cajpipish, millaita rurashca cajpipish, pacallapi imata rurashcatapish ricungami.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Quichua Chimborazo Bible Revision 2010 © United Bible Societies, 2010.