ECLESIASTÉS 11
11
1Cambaj tandataca yacupi cacharilla. Ña unipica, cutin japinguillami.
2Canchismanpish, pusajmanpish carailla. Llajtapaj ima llaqui shamucunataca mana yachanguichu.
3P'uyuca achca yacuta amullishca cashpaca, allpapimi cacharinga. Yuraca uriman urmashpa, huichiman urmashpapish, urmashcallapitajmi saquiringa.
4Huairata chapajca, mana tarpunchu. P'uyupi ñahuita churajpish, chagrataca mana tandanchu.
5Huaira maita rijtapish, mamapaj huijsapi huahuapaj tullucuna ima shina huiñajtapish mana yachanguichu. Chashnallatajmari tucuita ruraj Dios tucui imatapish ima shina ruracujtaca mana yachangui.
6Muyutaca tutamantapish tarpuilla, chishitapish ama samaricuichu. Punta tarpui cashpa, q'uipa tarpui cashpa, mana cashpaca ishqui tarpuitaj alli canataca mana yachanguichu.
7Achij punllaca sumajmari, achij intita ñahuihuan ricunaca allimari. 8Shina cajpipish, uni huatacunata causashpa, chai tucui huatacunapi cushicushca cashpapish ashtahuan unita amsapi canataca yuyarichun. Q'uipataca tucui imapish yangallami canga.
Q'uipa huiñaicunata cunashcami
9Q'uipa huiñaicunalla, cancuna chairaj cashcapi cushicuichijlla. Cambaj shungu cushicuchun saquilla. Cambaj shungu munashcata rurailla, ñahui pajtashcata ricuilla. Chashna cashpapish can imallata rurashcataca, Diosman ricuchina cashcataca yachanami cangui. 10Cambaj shungumantaca p'iñarijlla canata anchuchi, cambaj aichahuan ima mana allita ruranamantapish ch'icanyailla. Q'uipa huiñaicuna chairaj cashca punllacunapi cushicunaca utca tucurij yangallami.
Currently Selected:
ECLESIASTÉS 11: QCHI04
Highlight
Share
Copy
Want to have your highlights saved across all your devices? Sign up or sign in
Quichua Chimborazo Bible Revision 2010 © United Bible Societies, 2010.
ECLESIASTÉS 11
11
1Cambaj tandataca yacupi cacharilla. Ña unipica, cutin japinguillami.
2Canchismanpish, pusajmanpish carailla. Llajtapaj ima llaqui shamucunataca mana yachanguichu.
3P'uyuca achca yacuta amullishca cashpaca, allpapimi cacharinga. Yuraca uriman urmashpa, huichiman urmashpapish, urmashcallapitajmi saquiringa.
4Huairata chapajca, mana tarpunchu. P'uyupi ñahuita churajpish, chagrataca mana tandanchu.
5Huaira maita rijtapish, mamapaj huijsapi huahuapaj tullucuna ima shina huiñajtapish mana yachanguichu. Chashnallatajmari tucuita ruraj Dios tucui imatapish ima shina ruracujtaca mana yachangui.
6Muyutaca tutamantapish tarpuilla, chishitapish ama samaricuichu. Punta tarpui cashpa, q'uipa tarpui cashpa, mana cashpaca ishqui tarpuitaj alli canataca mana yachanguichu.
7Achij punllaca sumajmari, achij intita ñahuihuan ricunaca allimari. 8Shina cajpipish, uni huatacunata causashpa, chai tucui huatacunapi cushicushca cashpapish ashtahuan unita amsapi canataca yuyarichun. Q'uipataca tucui imapish yangallami canga.
Q'uipa huiñaicunata cunashcami
9Q'uipa huiñaicunalla, cancuna chairaj cashcapi cushicuichijlla. Cambaj shungu cushicuchun saquilla. Cambaj shungu munashcata rurailla, ñahui pajtashcata ricuilla. Chashna cashpapish can imallata rurashcataca, Diosman ricuchina cashcataca yachanami cangui. 10Cambaj shungumantaca p'iñarijlla canata anchuchi, cambaj aichahuan ima mana allita ruranamantapish ch'icanyailla. Q'uipa huiñaicuna chairaj cashca punllacunapi cushicunaca utca tucurij yangallami.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Quichua Chimborazo Bible Revision 2010 © United Bible Societies, 2010.