1 CRÓNICAS 2
2
Israel nishca Jacobpaj huahua huahuacunami
(Gn 35.22-26)
1Yaya Israelpaj churicunaca caicunami: Rubén, Simeón, Leví, Judá, Isacar, Zabulón, 2Dan, José, Benjamín, Neftalí, Gad, Aser shuticunami carca.
Judapaj huahua huahuacunami
3Judapaj churicunaca: Er, Onán, Sela shuticunami carca. Chai quimsa churicunataca cananeocunapura Súa shuti runapaj ushushipimi charirca. Judapaj punta churi Erca, Mandaj Diospaj ñaupajpica millaimi carca. Chaimi paitaca Diosllataj causaita quichurca. 4Judaca paipaj nuera Tamarpica: Fares, Zera shuti churicunatami charirca. Tucuimantaca Judaca, pichca churicunatami charirca.
5Farespaj churicunaca: Hezrón, Hamul shuticunami carca. 6Zerapaj churicunaca: Zimri, Etán, Hemán, Calcol, Dara shuticunami carca. Tucuimantaca pichca churicunami carca.
7Carmipaj churica: Acanmi carca. Paimi Taita Dios tucuita chingachichun nishcata japishpa israelcunataca musparina llaquipi churarca. 8Azariasca Etanpaj churimi carca.
9Hezronpaj churicunaca: Jerameel, Ram, Quelubai shuticunami carca.
10Ramca, Aminadab churitami charirca. Aminadabca, Naasón churitami charirca. Naasonca Judá llajtata mandajmi carca. 11Naasonca, Salmón churitami charirca. Salmonca, Booz churitami charirca. 12Boozca, Obed churitami charirca. Obedca, Isaí churitami charirca. 13Isaipaj punta churica, Eliabmi. Q'uipa churica, Abinadabmi. Ishquipaj q'uipa churica, Simeami. 14Quimsapaj q'uipa churica Natanaelmi. Chuscupaj q'uipa churica Radaimi. 15Pichcapaj q'uipa churica Ozemmi. Sujtapaj q'uipa churica Davidmi carca. 16Paicunapaj panicunaca Sarvia, Abigail shuticunami carca. Sarviapaj churicunaca: Abisai, Joab, Asael shuti quimsa churicunami carca. 17Abigailca, Amasa churitami charirca. Paipaj yayaca, ñaupa yaya Ismaelpaj huahua huahuapura Jeter runami carca.
18Hezronpaj churi Calebca, Azuba paipaj huarmipica, Jeriot churitami charirca. Chai huarmipica: Jeser, Sobab, Ardón shuti churicunatapishmi charirca. 19Calebca paipaj huarmi Azuba huañujpica, Efrata huarmitami paipaj huarmi cachun japirca. Chai huarmipica Hur shuti churitami charirca. 20Hurca, Uri shuti churitami charirca. Urica, Bezaleel churitami charirca.
21Hezronca, sujta chunga huatayuj cashpami, Galaadcunapaj yaya Maquirpaj ushushita paipaj huarmi cachun japirca. Paipica Segub churitami charirca. 22Segubca, Jair churitami charirca. Paica Galaad llajtapica, ishqui chunga quimsa pueblocunatami charirca. 23Shina cajpipish Gesurcuna, Aramcunami Jairpaj pueblocunatapish, Kenat pueblotapish, chai muyundij llajtacunatapish sujta chunga pueblocunata quichurcacuna. Tucui chaicunaca Galaadcunapaj yaya Maquirpaj huahua huahuacunami carca.
24Caleb-Efratapimi Hezroca huañurca. Chai q'uipami paipaj huarmi Abiasca, Asur churita huacharca. Paica Tecoapaj yayami carca.
25Hezronpaj punta churi Jerameelpaj churicunaca caicunami: Punta churica Rammi carca. Caishuj churicunaca Buna, Orén, Ozem, Ahías shuticunami carca. 26Jerameelca, Atara shuti shujtaj huarmitapishmi charirca. Paihuanca Onam churitami charirca.
27Jerameelpaj Ram shutui punta churica: Maaz, Jamín, Equer shuti churicunatami charirca. 28Onampaj churicunaca: Samai, Jadami carca. Samaipaj churicunaca: Nadab, Abisurmi carca. 29Abisurpaj huarmica, Abihail shutimi carca. Paica Ahbán, Molid shuti churicunatami charirca.
30Nadabpaj churicunaca: Seled, Apaimmi carca. Seledca huahuacunata mana charishpami huañurca. 31Isica Apaimpaj churimi. Sesanca Isipaj churimi. Ahlaica Sesanpaj churimi carca.
32Samaipaj huauqui Jadapaj churicunaca: Jeter, Jonatanmi carca. Jeterca huahuacunata mana charishpami huañurca. 33Jonatanpaj churicunaca: Pelet, Zazami carca. Chaicunami Jerameelpaj huahua huahuacuna carca.
34Sesanca churicunataca mana charircachu, ushushicunallatami charirca. Ashtahuanpish Egipto llajtamanta Jarha shuti paipajta rurajtami charirca. 35Sesanca paipajta rurajmanmi paipaj ushushitaca paipaj huarmi cachun curca. Paica Atai churitami charirca. 36Ataica, Natán churitami charirca. Natanca Zabad churitami charirca. 37Zabadca Eflal churitami charirca. Eflaldca Obed churitami charirca. 38Obedca Jehú churitami charirca. Jehuca Azarías churitami charirca. 39Azariasca Heles churitami charirca. Helesca Elasa churitami charirca. 40Elasaca Sismai churitami charirca. Sismaica Salum churitami charirca. 41Salumca Jecamías churitami charirca. Jecamiasca Elisama churitami charirca.
42Jerameelpaj huauqui Calebca ishqui churicunatami charirca. Punta churica Mesami carca. Mesaca Zifpaj yayami carca. Calebpaj q'uipa churica Maresami carca. Paica Hebroncunapaj yayami carca. 43Hebronpaj churicunaca: Coré, Tapúa, Requem, Sema shuti shuticunami carca. 44Semaca, Raham churitami charirca. Rahamca Jorcoampaj yayami carca. Requemca, Samai churitami charirca. 45Samaipaj churica Maonmi carca. Maonpaj churica, Bet-surmi carca.
46Calebpaj caishuj huarmica Efaca Harán, Mosa, Gazez churicunatami charirca. Haranca, Gazez churitami charirca.
47Jahdaipaj churicunaca: Regem, Jotam, Gesam, Pelet, Efa, Saaf shuticunami carca.
48Calebpaj Maaca caishuj huarmica: Seber, Tirhana churicunatami charirca. 49Saaf, Seva shuti churicunatapishmi charirca. Safca Madmanapaj yayami carca. Sevaca: Macbena, Gibeapaj yayami carca. Acsaca Calebpaj ushushimi carca.
50Tucui chaicunami Calebpaj huahua huahuacuna carca. Efrata huarmipi Caleb charishca punta churica Hurmi carca. Hurpaj churicunaca: Sobalmi carca. Sobalca Quiriat-jearimpaj yayami carca. 51Salmanami carca. Salmanaca Belenpaj yayami carca. Harefmi carca. Harefca Bet-gaderpaj yayami carca. 52Quiriat-jearimpaj yaya Sobalpaj huahua huahuacunaca manahetitacunapura chaupimi carca. Chaicunaca Haroepaj huahua huahuacunami carca. 53Quiriat-jearimpaj huahua huahuacunaca itritacuna, futitacuna, sumatitacuna, misraitacunami carca. Chaicunapuramantaca zoratitacuna, estaolitacunami tucurca.
54Salmapaj huahua huahuacunaca: Belenpi causajcunapish, Netofapi causajcunapish, Atrot-bet-joabpi causajcunapish, chaupi manahetitacunapish, zoraitacunapishmi carca. 55Jabes pueblopi causaj quillcajcunapaj familiacunaca tirateocuna, simeateocuna, sucateocunapishmi carca. Chaicunaca Recabpaj huahuacunapaj ñaupa yaya Hamatmanta mirarishca ceneocunami carca.
Currently Selected:
1 CRÓNICAS 2: QCHI04
Highlight
Share
Copy
Want to have your highlights saved across all your devices? Sign up or sign in
Quichua Chimborazo Bible Revision 2010 © United Bible Societies, 2010.