Maak 16
16
Yisọs a-Aset ke Ñkpa
1Ke usen Sabad amaakeboiyo, Mmeri Makdalin, Mmeri eka Yems, ye Salomi emaekedep anemufịk adan nọ eben ekefiọññọ akpo Yisọs. 2Tuhi-tuhi ubakusen ke akpa usen udua, idaha u-utịn aketọọñọke adinyan iso, ammọ emaedika udi 3ndin ammọ emaeneme ye emọ-emọ ete, “Anie adiikikpat itiad isio ke inua udi?”
4Ado ammọ ekedịppe anyen ese, ammọ emaekịt ke emaekpakpat itiad a-akenekkeke akpon esio ke inua udi. 5Ke ini ammọ ekedʌkkọ esịd udi, ammọ emaekịt akparawa keed a-akesịneke anyan afia afọñidem naña atie do ke ubọk nnasia, ndin ndịk amaamʌm ammọ.
6Anye amaabo ammọ ate, “Ikiikop ndịk. Ndufo eyem Yisọs Ayịn Nasared e-ekekọññọ ke eto. Anye a-aset! Anye ibaaha mi. Idi idise itie e-ekenịmme anye. 7Ado ikaa ikidọkkọ mme mbed amọ ye Pita ibo, ‘Anye i-ibem ndufo iso akaa Kalili. Do ke ndufo ediikikịt anye kpa naña anye akidọkkọ ndufo.’ ”
8Ke ñnyeñidem ye ñkpaidem, ibaan ado emaefeeñe ewuọñọ ke udi Yisọs. Ammọ ikitañña ikọ inọ awo ndomokeed, ato naña ndịk akenam ammọ.
[Mme ataa ñkaan ñwed ye mme ñkaan ntiense inieghe ufañ 9-20.]
9Ke Yisọs amaakeset ubakusen ke akpa usen ke udua, anye amaato ayaara idem anọ Mmeri Makdalin, awonwaan a-anye akebịnne dimọn itiaba asịññe ke idem. 10Mmeri Makdalin ndin amaakaa akedọkkọ mbon e-ekesibaaha ye anye, e-ekebonoke ke mfʌhọ ye ntuaayịd. 11Ke ammọ ekekoppo ke anye amaaset, ke anye mmọ ke uwem, ke Mmeri amaakịt anye, ammọ ikinịmme ke akpanikọ.
12Ndubiayio usen ado, anye amaayaara idem anọ awo ammọ iba ke usʌñ naña esañake eka abioinwañ; ado ammọ ikidiọọñọke anye sia anye amaakpəho idem asịn ke uduud mfen. 13Ndin ammọ emaekaa eketañ enọ mbon ñko; ado ndomo awo ammọ keed ikinịmme ke akpanikọ.
14Akekem Yisọs amaayaara idem anọ mme mbed duob mme keed ke itie a-ammọ ekebonoke edia ndidia. Anye amaasua anọ ammọ ke isọñesịd a-ammọ ekenieghe ye ke unana adinịm mbon e-ekekịtte anye ke anye amaakeset ekeditañ enọ ammọ.
15Anye amaabo ammọ ate, “Ikaa ke afịd ekondo inyʌñ ikikwọrọ eti etob ami inọ afịd emana. 16Awo a-anịmme ke akpanikọ, anyʌñ abọ uduọkmmọọñ, eyaenyaaña anye, ado awo a-atreke adinịm ke akpanikọ, ikpe ayaabiom anye. 17Ndin mme idiọọñọ ami eyaekeene mbon se inịm ke akpanikọ: ke anyịñ mmi ammọ eyaebịn mme dimọn; eyaesem ufa usem; 18ammọ eyaemʌm udʌkikọd ke ubọk, ndin adieke ammọ enwọññọ ibọk ñkpa, idiinamma ammọ idiọọk; ammọ eyaedot mbon udọñọ ubọk ndin ammọ eyaekop nsọñidem.”
19Ke Abọọñ Yisọs amaaketañ ikọ inọ ammọ, emaeben anye edọọk hefịn, anye anyʌñ akesuuk atie ke ubọk nnasia Abasi. 20Ndin mme mbed emaewuọñọ ekekwọrọ ikọ ke afịd itie, Abọọñ amaanyʌñ adat ammọ anam utom, anyʌñ asọọñọ ukwọrọikọ ammọ ke adinam mme idiọọñọ.
Currently Selected:
Maak 16: ICB
Highlight
Share
Copy
Want to have your highlights saved across all your devices? Sign up or sign in
Adisana Ñwed Abasi ke Ikọ Ibibio Ayio Mfịn™
© 2020, 2025 Biblica, Inc.
Enam ke emaekebọ Unyịmme. Emʌm afịd unen ekama ke afịd ederimbod.
Ibibio Contemporary Bible™
Copyright © 2020, 2025 by Biblica, Inc.
Used with permission. All rights reserved worldwide.
Maak 16
16
Yisọs a-Aset ke Ñkpa
1Ke usen Sabad amaakeboiyo, Mmeri Makdalin, Mmeri eka Yems, ye Salomi emaekedep anemufịk adan nọ eben ekefiọññọ akpo Yisọs. 2Tuhi-tuhi ubakusen ke akpa usen udua, idaha u-utịn aketọọñọke adinyan iso, ammọ emaedika udi 3ndin ammọ emaeneme ye emọ-emọ ete, “Anie adiikikpat itiad isio ke inua udi?”
4Ado ammọ ekedịppe anyen ese, ammọ emaekịt ke emaekpakpat itiad a-akenekkeke akpon esio ke inua udi. 5Ke ini ammọ ekedʌkkọ esịd udi, ammọ emaekịt akparawa keed a-akesịneke anyan afia afọñidem naña atie do ke ubọk nnasia, ndin ndịk amaamʌm ammọ.
6Anye amaabo ammọ ate, “Ikiikop ndịk. Ndufo eyem Yisọs Ayịn Nasared e-ekekọññọ ke eto. Anye a-aset! Anye ibaaha mi. Idi idise itie e-ekenịmme anye. 7Ado ikaa ikidọkkọ mme mbed amọ ye Pita ibo, ‘Anye i-ibem ndufo iso akaa Kalili. Do ke ndufo ediikikịt anye kpa naña anye akidọkkọ ndufo.’ ”
8Ke ñnyeñidem ye ñkpaidem, ibaan ado emaefeeñe ewuọñọ ke udi Yisọs. Ammọ ikitañña ikọ inọ awo ndomokeed, ato naña ndịk akenam ammọ.
[Mme ataa ñkaan ñwed ye mme ñkaan ntiense inieghe ufañ 9-20.]
9Ke Yisọs amaakeset ubakusen ke akpa usen ke udua, anye amaato ayaara idem anọ Mmeri Makdalin, awonwaan a-anye akebịnne dimọn itiaba asịññe ke idem. 10Mmeri Makdalin ndin amaakaa akedọkkọ mbon e-ekesibaaha ye anye, e-ekebonoke ke mfʌhọ ye ntuaayịd. 11Ke ammọ ekekoppo ke anye amaaset, ke anye mmọ ke uwem, ke Mmeri amaakịt anye, ammọ ikinịmme ke akpanikọ.
12Ndubiayio usen ado, anye amaayaara idem anọ awo ammọ iba ke usʌñ naña esañake eka abioinwañ; ado ammọ ikidiọọñọke anye sia anye amaakpəho idem asịn ke uduud mfen. 13Ndin ammọ emaekaa eketañ enọ mbon ñko; ado ndomo awo ammọ keed ikinịmme ke akpanikọ.
14Akekem Yisọs amaayaara idem anọ mme mbed duob mme keed ke itie a-ammọ ekebonoke edia ndidia. Anye amaasua anọ ammọ ke isọñesịd a-ammọ ekenieghe ye ke unana adinịm mbon e-ekekịtte anye ke anye amaakeset ekeditañ enọ ammọ.
15Anye amaabo ammọ ate, “Ikaa ke afịd ekondo inyʌñ ikikwọrọ eti etob ami inọ afịd emana. 16Awo a-anịmme ke akpanikọ, anyʌñ abọ uduọkmmọọñ, eyaenyaaña anye, ado awo a-atreke adinịm ke akpanikọ, ikpe ayaabiom anye. 17Ndin mme idiọọñọ ami eyaekeene mbon se inịm ke akpanikọ: ke anyịñ mmi ammọ eyaebịn mme dimọn; eyaesem ufa usem; 18ammọ eyaemʌm udʌkikọd ke ubọk, ndin adieke ammọ enwọññọ ibọk ñkpa, idiinamma ammọ idiọọk; ammọ eyaedot mbon udọñọ ubọk ndin ammọ eyaekop nsọñidem.”
19Ke Abọọñ Yisọs amaaketañ ikọ inọ ammọ, emaeben anye edọọk hefịn, anye anyʌñ akesuuk atie ke ubọk nnasia Abasi. 20Ndin mme mbed emaewuọñọ ekekwọrọ ikọ ke afịd itie, Abọọñ amaanyʌñ adat ammọ anam utom, anyʌñ asọọñọ ukwọrọikọ ammọ ke adinam mme idiọọñọ.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Adisana Ñwed Abasi ke Ikọ Ibibio Ayio Mfịn™
© 2020, 2025 Biblica, Inc.
Enam ke emaekebọ Unyịmme. Emʌm afịd unen ekama ke afịd ederimbod.
Ibibio Contemporary Bible™
Copyright © 2020, 2025 by Biblica, Inc.
Used with permission. All rights reserved worldwide.