Luk 1
1
Ntọọñọ Ikọ
1Uwak awo e-edomo ukeme adiwet mbaña mme ñkpọ se ikitịppe e-emaekewuọ isu ke ufọọd ñnyịn, 2ukem-ukem naña ekeyaak inọọ ñnyịn ato ke ubọk mbon se ikiba ke ntọọñọ nte ntiense inyʌñ ikwọrọ ikọ Abasi. 3Utọ ntak ntom anam ami ñko ndat anyan ini ñkeene afịd ñkpọ ami usʌk-usʌk tọọñọ ke aditọọñọ, ndin mbiere adinekke ñwet mbʌk ami unọọ fiin, Adodukpono Tiofilọs 4nọ ato do afo anekke adiọọñọ se ido akpanikọ ke mme ukpeebñkpọ a-afo abọọhọ.
Etañ Ebaña Emana Yọọn Aduọkmmọọñ
5Ke ini Herọd a-akedooho adidem ke Yudia, aku keed amaaba a-akekereke Sakaraiya, a-akesịneke ke ikpeghe aku Abiya; a-anwaan amọ akekereke Elisabed, akenyʌññọ ato ubon Erọn. 6Ammọ awo iba emaenam se inen ke iso Abasi, enana ndo ke adisaña ke afịd mme item ye mme ewʌhọ Abọọñ Abasi. 7Ado ammọ ikinieghe ayịn, sia Elisabed akedo ada, ñko ammọ awo iba emaenekke esọñ.
8Akem ke ini ikpeghe a-Sakaraiya akesịneke akenieghe adinam utom, a-Sakaraiya ke idem amọ akenyʌññọ aba ke utom nte aku Abasi, 9naña ndutʌm mme aku akesido, emaesịn ukañ ndin emaemek anye ebo adʌk tembịd Abọọñ akefọp insensi. 10Idaha ufọb insensi amaakekem, afịd mme akpono Abasi emaeda ke anwa ebọñ akam.
11Ndin enyere Abọọñ amaawuọ ada Sakaraiya ke ubọk nnasia tembịd ufọp insensi. 12Idem amaanyeñ Sakaraiya ke ini anye akekịtte enyere ami, ndịk amaanyʌñ anam anye. 13Ado enyere amaabo anye: “Sakaraiya, kuufeghe ndịk, sia Abasi a-akop akam mfo. Anwaan mfo Elisabed ayaaman ayịn unọ fiin, ndin afo uduukoot anye Yọọn. 14Afo ayaakop idaara ye inemesịd, uwak awo ñko eyaedaara ke emana amọ, 15sia anye adiido ekamba awo ke iso Abọọñ. Inaaha anye anwọñ ukọd me unwọwọñ ñkpọ mfen anaamanaam awo, ñko anye ayaayọhọ ye Adisana Sịbidịd tọọñọ ke idịb eka amọ. 16Anye ayaanam uwak nditọ Isrel etịmme ebịne Abọọñ Abasi ammọ. 17Ndin anye ayaaboiyo ke iso Abasi ke sịbidịd ye adudu Elaiya, nọ anye anam esịd mme ete ewọññọ ekeene nditọ ammọ, anyʌñ anam mbon ntịdutọñ ekpeep ifiọk eto mme anam unen, anyʌñ abeeñe mme awo idem anọ Abọọñ Abasi.”
18Ado Sakaraiya amaabịp enyere ate, “Ami ndiinam die ndiọọñọ ke ñkpọ ami ayaado ntoro? Ami ndo akaanadeen, anwaan mmi anyʌñ asọñ ke isua emana.”
19Enyere amaabo anye, “Ami ndo Kebreel andaaha ke iso Abasi. Endọọdọñ ebo nditañ ikọ unọ ñnyʌñ mben eti mbʌk ami usọk fiin. 20Ndin, idahami afo adiido imuum, uduutañña ikọ tutu usen ñkpọ ami amaadisu, sia afo ukunịmme ikọ mmi ke akpanikọ, a-adooho ayaasu ke ini amaakem.”
21Mme awo e-ekedaaha ke anwa ebet Sakaraiya emaeba ke ñkpaidem ke anye adikikpeene adiwuọ ndi ke tembịd. 22Ke ini anye akewuọhọ adi, anye ikikanna itañ ikọ inọ ammọ. Ammọ emaediọọñọ ke anye amaakịt ñkukịd ke tembịd, sia anye akekama ubọk atañ ikọ anọ ammọ ke idiọọñọ sia anye amaakappa imuum.
23Ke ini ubiọñutom amọ ke tembịd amaakekweeñe, anye amaanyọñ ufọk amọ. 24Akekem anwaan amọ Elisabed amaayommo, ndin ke afịd afiọñ ition anye ikiwuọhọ esiin. 25Anye amaanyʌñ abo, “Abọọñ anam ami annọ miin, sia idahami anye añwọt miin mfọn amọ anyʌñ añkwokko abuud a-ami ñkediaha ke atu mbon awo.”
Etañ Ebaña Emana Yisọs
26Ke ayọhọ afiọñ itiokeed tọọñọ Elisabed akeyommo, Abasi amaadọñ enyere Kebreel aka Nasared ke Kalili, 27abịne adisịre abọikpa, a-Yosef awo ufọk Defid akeyemme adidọ. Adisịre abọikpa ado akekere Mmeri. 28Ndin enyere Kebreel amaakebo Mmeri ate, “Mmekọọm-o, afo a-ayọhọke ye mfọn; Abọọñ mmọdo ye afo.”
29Esịd amaatịmede Mmeri eti-eti ke ikọ ami, ndin anye amaakere se utọ ekọọm ami akpewuọñọ. 30Ado enyere amaabo anye ate, “Mmeri, kuukop ndịk sia afo amebọ mfọn ato Abasi. 31Afo ayaayommo idịb anyʌñ aman ayịn, ndin afo uduukoot anye Yisọs. 32Anye ayaanie uku; ediikoot anye Ayịn Abasi Andikoñ Ñkan. Abọọñ Abasi ayaanọ anye ebekpo ete amọ Defid, 33anye ñko ayaakara ubon ufọk Yekọb ke nsi-nsi, ndin abioubọọñ amọ idiinieghe utịd.”
34Ndin Mmeri amaabịp enyere ate, “Ñkpọ ami adiisaña die itịppe sia ami ndo adisịre abọikpa a-mmendiọọñọke awodeen?”
35Ado enyere amaabo anye, “Adisana Sịbidịd ayaadudoro fiin ke idem, ndin adudu Abasi Andikoñ Ñkan ayaufʌk fiin. Ke ntoro, ediikoot#1:35 Akeme ido Ke ntoro ediikoot ayịn adiidimana adisana. adisana ayịn a-afo uduuman Ayịn Abasi. 36Idem ayakka mfo Elisabed, ayaaman ayịn ke ayio usọñ amọ. Ndin anye e-ekebooho ke ikanna iyommo asaña ye idịb afiọñ itiokeed. 37Sia ibaaha ikọ ndomokeed a-atooho Abasi atreke adisu.”
38Mmeri amaabọọrọ anye ate, “Ami ndo ayịnufọk Abọọñ Abasi, yak atịppe annọ miin kpa naña afo atañ.” Ndin enyere amaadakka akpọñ anye.
Mmeri Akese Elisabed
39Ke ufọọd ini ado, Mmeri amaabeeñe idem asọp akaa idʌñ keed ke abod-abod abio Yudia, 40akaa ufọk Sakaraiya anyʌñ akekọọm Elisabed. 41Elisabed akekop uyio ekọọm Mmeri, ayịn amaatuak anye ke ntʌñidịb itie nnaa ayịn, anọ idaara; ndin anye amaanyʌñ ayọhọ ye Adisana Sịbidịd. 42Ndin Elisabed amaabọñ ke akpọsọñ uyio ate, “Afọfọn unọ fiin ke atu afịd ibaan, anyʌñ afọfọn anọ mfịd idịb a-afo uduuman! 43Ami nsaña die ndot utọ ukpono ami nọ afo nte eka Abọọñ mmi adinse miin? 44Kpa ke idaha a-ami ñkoppo uyio ekọọm mfo, ayịn amantuak miin ke idịb anọ idaara. 45Afọfọn anọ anye a-anịmme ke mme enwọñọ se Abọọñ Abasi akenam anọ anye ayaasu!”
Mmeri Atañ Ase
46Ndin Mmeri amaabo:
“Ukpọñ mmi a-atooro Abọọñ,
47ndin sịbidịd mmi a-adaara ke Abasi Andinyaaña miin,
48sia anye a-akop mbọm abaña usuuhọ
itie afʌnanwaan amọ.
Tọọñọ ke ami afịd emana eyaeñkoot miin anye a-Abasi adiọññọ,
49sia Akpọsọñ Abasi a-anam ñkpoon ñkpọ annọ miin,
ndin anyịñ amọ ado adisana.
50Mbọm amọ a-aba ye mbon
e-ebaaha anye, tọọñọ ke emana keed tutu asịm emana mfen.
51Anye a-awọt adudu ubọk amọ;
anyʌñ asuan mbon ñkịdidem ke mme akikere esịd ammọ.
52Anye a-adooro mme adaukara ke mme ebekpo ubọọñ ammọ,
anyʌñ adịppe mbon nsuukidem.
53Anye a-ayʌkkọ mbon abiọọñ ye nti ñkpọ,
anyʌñ abịn mbon imọ enyọñọ ñkaña ubọk.
54Anye a-anwam ikọd amọ Isrel,
ke aditoiyo aditua mbọm
55naña anye akenwọñọ anọ Ebraham ye ubon amọ ke nsi-nsi,
ukem naña akenyʌñ anwọñọ anọ mme eteete ñnyịn.”
56Mmeri amaakaa iso aba ye Elisabed ke ñkpọ nte afiọñ ita ndin anye aditịmme anyọñ ufọk amọ.
Emana Yọọn Aduọkmmọọñ
57Ini amaakedikem, Elisabed amaaman ayịn awodeen. 58Mme mbọhọidʌñ ye imaan amọ emaekop ke Abọọñ amaatua anye mbọm, ndin ammọ emaedaara ye anye.
59Ke ayọhọ usen itiaita, emaedi adifọọrọ ayịn edʌd ñnyʌñ nsio anye anyịñ, ndin ekeyem edikoot anye Sakaraiya, ndian ete amọ, 60ado eka amọ amaafaaña ate, “Iyoo! Ana ekoot anye Yọọn.”
61Ado mme awo emaebo anye ete, “Ibaaha awo ke ekpək ndufo a-akereke utọ anyịñ ami.”
62Ndin emaenam idiọọñọ enọ ete amọ adibịp anye se anyịñ anye akpeyem nọ esio ayịn amọ. 63Sakaraiya amaabo yak inọ itiad ñwed, ndin ke ñkpaidem afịd awo, anye amaawet, “Anyịñ amọ ado Yọọn.” 64Kpa idaha-idaha ado, inua Sakaraiya amaakʌppọ, edeme amọ anyʌñ atara, ndin anye amaatọọñọ aditañ ikọ, anyʌñ atooro Abasi. 65Akedo ataa ñkpọ ñkpaidem anọ mme mbọhọidʌñ, ndin afịd mme andidʌñ ke mbood-mbood abio Yudia emaetañ ebaña mme ñkpọ ami. 66Afịd mbon se ikikop mme ñkpọ ami emaekere ke esịd ammọ ete, “Me nsoo ke ayịn ami adiido?” Sia ubọk Abọọñ Abasi amaaba ye anye.
Sakaraiya Atañ Ase
67Sakaraiya amaayọhọ ye Adisana Sịbidịd, ndin anye amaatañ prọfesi ate:
68“Itooro anie Abọọñ Abasi Isrel,
sia anye a-adise anyʌñ afak ikọd amọ.
69Anye awuuk nnʌk#1:69 Nnʌkmi ada anọ akpọsọñ adidem. adinyaaña inọ ñnyịn
ke ufọk Defid ayịnufọk amọ,
70(kpa naña anye aketañ ke inua mme ndisana prọfed amọ tọọñọ ke esed),
71adinyaaña ñnyịn nsio ke ubọk mme asua ñnyịn,
ye mbon i-isuaha ñnyịn,
72ke adiwọt mbọm nnọọ mme eteete
ñnyịn ye aditoiyo adisana edioomo amọ,
73enwọñọ a-anye akenwọñọke anọ ete ñnyịn Ebraham:
74Ate imọ iyaifak ñnyịn isio ke ubọk mme asua ñnyịn,
nọ ato do ñnyịn ikan inam ñkpọ ikpono anye, ikoppo ndịk,
75ye ke adisana ye adinenido ke iso amọ afịd ayio uwem ñnyịn.
76“Ndin afo ayịn mmi, eduukoot fiin prọfed Andikoñ Ñkan;
sia afo ayaaboiyo Abọọñ iso akediọñ usʌñ anịm anọ anye,
77nọ ato ke adifeen mme idiọọkñkpọ ammọ,
ikọd amọ ediọọñọ ebaña adinyaaña Abasi,
78ke ntak esịd mbọm Abasi ñnyịn,
utịn asakka ato hefịn inọ ñnyịn,
79nọ anam unwana asịm
mbon e-ebaaha ke ekịm ye ndukpọñ ñkpa,
anyʌñ akpeme ñkpad ñnyịn asịn ke usʌñ emem.”
80Ndin ayịn ado amaakọt anyʌñ akop uko ke sịbidịd. Anye akedʌñ ke anaan tutu akem ini se anye akeyaara idem amọ anwa-anwa anọ Isrel.
Currently Selected:
Luk 1: ICB
Highlight
Share
Copy
Want to have your highlights saved across all your devices? Sign up or sign in
Adisana Ñwed Abasi ke Ikọ Ibibio Ayio Mfịn™
© 2020, 2025 Biblica, Inc.
Enam ke emaekebọ Unyịmme. Emʌm afịd unen ekama ke afịd ederimbod.
Ibibio Contemporary Bible™
Copyright © 2020, 2025 by Biblica, Inc.
Used with permission. All rights reserved worldwide.
Luk 1
1
Ntọọñọ Ikọ
1Uwak awo e-edomo ukeme adiwet mbaña mme ñkpọ se ikitịppe e-emaekewuọ isu ke ufọọd ñnyịn, 2ukem-ukem naña ekeyaak inọọ ñnyịn ato ke ubọk mbon se ikiba ke ntọọñọ nte ntiense inyʌñ ikwọrọ ikọ Abasi. 3Utọ ntak ntom anam ami ñko ndat anyan ini ñkeene afịd ñkpọ ami usʌk-usʌk tọọñọ ke aditọọñọ, ndin mbiere adinekke ñwet mbʌk ami unọọ fiin, Adodukpono Tiofilọs 4nọ ato do afo anekke adiọọñọ se ido akpanikọ ke mme ukpeebñkpọ a-afo abọọhọ.
Etañ Ebaña Emana Yọọn Aduọkmmọọñ
5Ke ini Herọd a-akedooho adidem ke Yudia, aku keed amaaba a-akekereke Sakaraiya, a-akesịneke ke ikpeghe aku Abiya; a-anwaan amọ akekereke Elisabed, akenyʌññọ ato ubon Erọn. 6Ammọ awo iba emaenam se inen ke iso Abasi, enana ndo ke adisaña ke afịd mme item ye mme ewʌhọ Abọọñ Abasi. 7Ado ammọ ikinieghe ayịn, sia Elisabed akedo ada, ñko ammọ awo iba emaenekke esọñ.
8Akem ke ini ikpeghe a-Sakaraiya akesịneke akenieghe adinam utom, a-Sakaraiya ke idem amọ akenyʌññọ aba ke utom nte aku Abasi, 9naña ndutʌm mme aku akesido, emaesịn ukañ ndin emaemek anye ebo adʌk tembịd Abọọñ akefọp insensi. 10Idaha ufọb insensi amaakekem, afịd mme akpono Abasi emaeda ke anwa ebọñ akam.
11Ndin enyere Abọọñ amaawuọ ada Sakaraiya ke ubọk nnasia tembịd ufọp insensi. 12Idem amaanyeñ Sakaraiya ke ini anye akekịtte enyere ami, ndịk amaanyʌñ anam anye. 13Ado enyere amaabo anye: “Sakaraiya, kuufeghe ndịk, sia Abasi a-akop akam mfo. Anwaan mfo Elisabed ayaaman ayịn unọ fiin, ndin afo uduukoot anye Yọọn. 14Afo ayaakop idaara ye inemesịd, uwak awo ñko eyaedaara ke emana amọ, 15sia anye adiido ekamba awo ke iso Abọọñ. Inaaha anye anwọñ ukọd me unwọwọñ ñkpọ mfen anaamanaam awo, ñko anye ayaayọhọ ye Adisana Sịbidịd tọọñọ ke idịb eka amọ. 16Anye ayaanam uwak nditọ Isrel etịmme ebịne Abọọñ Abasi ammọ. 17Ndin anye ayaaboiyo ke iso Abasi ke sịbidịd ye adudu Elaiya, nọ anye anam esịd mme ete ewọññọ ekeene nditọ ammọ, anyʌñ anam mbon ntịdutọñ ekpeep ifiọk eto mme anam unen, anyʌñ abeeñe mme awo idem anọ Abọọñ Abasi.”
18Ado Sakaraiya amaabịp enyere ate, “Ami ndiinam die ndiọọñọ ke ñkpọ ami ayaado ntoro? Ami ndo akaanadeen, anwaan mmi anyʌñ asọñ ke isua emana.”
19Enyere amaabo anye, “Ami ndo Kebreel andaaha ke iso Abasi. Endọọdọñ ebo nditañ ikọ unọ ñnyʌñ mben eti mbʌk ami usọk fiin. 20Ndin, idahami afo adiido imuum, uduutañña ikọ tutu usen ñkpọ ami amaadisu, sia afo ukunịmme ikọ mmi ke akpanikọ, a-adooho ayaasu ke ini amaakem.”
21Mme awo e-ekedaaha ke anwa ebet Sakaraiya emaeba ke ñkpaidem ke anye adikikpeene adiwuọ ndi ke tembịd. 22Ke ini anye akewuọhọ adi, anye ikikanna itañ ikọ inọ ammọ. Ammọ emaediọọñọ ke anye amaakịt ñkukịd ke tembịd, sia anye akekama ubọk atañ ikọ anọ ammọ ke idiọọñọ sia anye amaakappa imuum.
23Ke ini ubiọñutom amọ ke tembịd amaakekweeñe, anye amaanyọñ ufọk amọ. 24Akekem anwaan amọ Elisabed amaayommo, ndin ke afịd afiọñ ition anye ikiwuọhọ esiin. 25Anye amaanyʌñ abo, “Abọọñ anam ami annọ miin, sia idahami anye añwọt miin mfọn amọ anyʌñ añkwokko abuud a-ami ñkediaha ke atu mbon awo.”
Etañ Ebaña Emana Yisọs
26Ke ayọhọ afiọñ itiokeed tọọñọ Elisabed akeyommo, Abasi amaadọñ enyere Kebreel aka Nasared ke Kalili, 27abịne adisịre abọikpa, a-Yosef awo ufọk Defid akeyemme adidọ. Adisịre abọikpa ado akekere Mmeri. 28Ndin enyere Kebreel amaakebo Mmeri ate, “Mmekọọm-o, afo a-ayọhọke ye mfọn; Abọọñ mmọdo ye afo.”
29Esịd amaatịmede Mmeri eti-eti ke ikọ ami, ndin anye amaakere se utọ ekọọm ami akpewuọñọ. 30Ado enyere amaabo anye ate, “Mmeri, kuukop ndịk sia afo amebọ mfọn ato Abasi. 31Afo ayaayommo idịb anyʌñ aman ayịn, ndin afo uduukoot anye Yisọs. 32Anye ayaanie uku; ediikoot anye Ayịn Abasi Andikoñ Ñkan. Abọọñ Abasi ayaanọ anye ebekpo ete amọ Defid, 33anye ñko ayaakara ubon ufọk Yekọb ke nsi-nsi, ndin abioubọọñ amọ idiinieghe utịd.”
34Ndin Mmeri amaabịp enyere ate, “Ñkpọ ami adiisaña die itịppe sia ami ndo adisịre abọikpa a-mmendiọọñọke awodeen?”
35Ado enyere amaabo anye, “Adisana Sịbidịd ayaadudoro fiin ke idem, ndin adudu Abasi Andikoñ Ñkan ayaufʌk fiin. Ke ntoro, ediikoot#1:35 Akeme ido Ke ntoro ediikoot ayịn adiidimana adisana. adisana ayịn a-afo uduuman Ayịn Abasi. 36Idem ayakka mfo Elisabed, ayaaman ayịn ke ayio usọñ amọ. Ndin anye e-ekebooho ke ikanna iyommo asaña ye idịb afiọñ itiokeed. 37Sia ibaaha ikọ ndomokeed a-atooho Abasi atreke adisu.”
38Mmeri amaabọọrọ anye ate, “Ami ndo ayịnufọk Abọọñ Abasi, yak atịppe annọ miin kpa naña afo atañ.” Ndin enyere amaadakka akpọñ anye.
Mmeri Akese Elisabed
39Ke ufọọd ini ado, Mmeri amaabeeñe idem asọp akaa idʌñ keed ke abod-abod abio Yudia, 40akaa ufọk Sakaraiya anyʌñ akekọọm Elisabed. 41Elisabed akekop uyio ekọọm Mmeri, ayịn amaatuak anye ke ntʌñidịb itie nnaa ayịn, anọ idaara; ndin anye amaanyʌñ ayọhọ ye Adisana Sịbidịd. 42Ndin Elisabed amaabọñ ke akpọsọñ uyio ate, “Afọfọn unọ fiin ke atu afịd ibaan, anyʌñ afọfọn anọ mfịd idịb a-afo uduuman! 43Ami nsaña die ndot utọ ukpono ami nọ afo nte eka Abọọñ mmi adinse miin? 44Kpa ke idaha a-ami ñkoppo uyio ekọọm mfo, ayịn amantuak miin ke idịb anọ idaara. 45Afọfọn anọ anye a-anịmme ke mme enwọñọ se Abọọñ Abasi akenam anọ anye ayaasu!”
Mmeri Atañ Ase
46Ndin Mmeri amaabo:
“Ukpọñ mmi a-atooro Abọọñ,
47ndin sịbidịd mmi a-adaara ke Abasi Andinyaaña miin,
48sia anye a-akop mbọm abaña usuuhọ
itie afʌnanwaan amọ.
Tọọñọ ke ami afịd emana eyaeñkoot miin anye a-Abasi adiọññọ,
49sia Akpọsọñ Abasi a-anam ñkpoon ñkpọ annọ miin,
ndin anyịñ amọ ado adisana.
50Mbọm amọ a-aba ye mbon
e-ebaaha anye, tọọñọ ke emana keed tutu asịm emana mfen.
51Anye a-awọt adudu ubọk amọ;
anyʌñ asuan mbon ñkịdidem ke mme akikere esịd ammọ.
52Anye a-adooro mme adaukara ke mme ebekpo ubọọñ ammọ,
anyʌñ adịppe mbon nsuukidem.
53Anye a-ayʌkkọ mbon abiọọñ ye nti ñkpọ,
anyʌñ abịn mbon imọ enyọñọ ñkaña ubọk.
54Anye a-anwam ikọd amọ Isrel,
ke aditoiyo aditua mbọm
55naña anye akenwọñọ anọ Ebraham ye ubon amọ ke nsi-nsi,
ukem naña akenyʌñ anwọñọ anọ mme eteete ñnyịn.”
56Mmeri amaakaa iso aba ye Elisabed ke ñkpọ nte afiọñ ita ndin anye aditịmme anyọñ ufọk amọ.
Emana Yọọn Aduọkmmọọñ
57Ini amaakedikem, Elisabed amaaman ayịn awodeen. 58Mme mbọhọidʌñ ye imaan amọ emaekop ke Abọọñ amaatua anye mbọm, ndin ammọ emaedaara ye anye.
59Ke ayọhọ usen itiaita, emaedi adifọọrọ ayịn edʌd ñnyʌñ nsio anye anyịñ, ndin ekeyem edikoot anye Sakaraiya, ndian ete amọ, 60ado eka amọ amaafaaña ate, “Iyoo! Ana ekoot anye Yọọn.”
61Ado mme awo emaebo anye ete, “Ibaaha awo ke ekpək ndufo a-akereke utọ anyịñ ami.”
62Ndin emaenam idiọọñọ enọ ete amọ adibịp anye se anyịñ anye akpeyem nọ esio ayịn amọ. 63Sakaraiya amaabo yak inọ itiad ñwed, ndin ke ñkpaidem afịd awo, anye amaawet, “Anyịñ amọ ado Yọọn.” 64Kpa idaha-idaha ado, inua Sakaraiya amaakʌppọ, edeme amọ anyʌñ atara, ndin anye amaatọọñọ aditañ ikọ, anyʌñ atooro Abasi. 65Akedo ataa ñkpọ ñkpaidem anọ mme mbọhọidʌñ, ndin afịd mme andidʌñ ke mbood-mbood abio Yudia emaetañ ebaña mme ñkpọ ami. 66Afịd mbon se ikikop mme ñkpọ ami emaekere ke esịd ammọ ete, “Me nsoo ke ayịn ami adiido?” Sia ubọk Abọọñ Abasi amaaba ye anye.
Sakaraiya Atañ Ase
67Sakaraiya amaayọhọ ye Adisana Sịbidịd, ndin anye amaatañ prọfesi ate:
68“Itooro anie Abọọñ Abasi Isrel,
sia anye a-adise anyʌñ afak ikọd amọ.
69Anye awuuk nnʌk#1:69 Nnʌkmi ada anọ akpọsọñ adidem. adinyaaña inọ ñnyịn
ke ufọk Defid ayịnufọk amọ,
70(kpa naña anye aketañ ke inua mme ndisana prọfed amọ tọọñọ ke esed),
71adinyaaña ñnyịn nsio ke ubọk mme asua ñnyịn,
ye mbon i-isuaha ñnyịn,
72ke adiwọt mbọm nnọọ mme eteete
ñnyịn ye aditoiyo adisana edioomo amọ,
73enwọñọ a-anye akenwọñọke anọ ete ñnyịn Ebraham:
74Ate imọ iyaifak ñnyịn isio ke ubọk mme asua ñnyịn,
nọ ato do ñnyịn ikan inam ñkpọ ikpono anye, ikoppo ndịk,
75ye ke adisana ye adinenido ke iso amọ afịd ayio uwem ñnyịn.
76“Ndin afo ayịn mmi, eduukoot fiin prọfed Andikoñ Ñkan;
sia afo ayaaboiyo Abọọñ iso akediọñ usʌñ anịm anọ anye,
77nọ ato ke adifeen mme idiọọkñkpọ ammọ,
ikọd amọ ediọọñọ ebaña adinyaaña Abasi,
78ke ntak esịd mbọm Abasi ñnyịn,
utịn asakka ato hefịn inọ ñnyịn,
79nọ anam unwana asịm
mbon e-ebaaha ke ekịm ye ndukpọñ ñkpa,
anyʌñ akpeme ñkpad ñnyịn asịn ke usʌñ emem.”
80Ndin ayịn ado amaakọt anyʌñ akop uko ke sịbidịd. Anye akedʌñ ke anaan tutu akem ini se anye akeyaara idem amọ anwa-anwa anọ Isrel.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Adisana Ñwed Abasi ke Ikọ Ibibio Ayio Mfịn™
© 2020, 2025 Biblica, Inc.
Enam ke emaekebọ Unyịmme. Emʌm afịd unen ekama ke afịd ederimbod.
Ibibio Contemporary Bible™
Copyright © 2020, 2025 by Biblica, Inc.
Used with permission. All rights reserved worldwide.