Matiu 24
24
Uwuud Tembịd ye mme Idiọọñọ Utịd Ayio
1Ke ini Yisọs akesʌkkọ asaña awuo akpọñ tembịd, mme mbed amọ emaedikoot anye ewọt mme ufọk ke tembịd. 2Anye amaabịp ammọ ate, “Ndufo emekịt afịd mme ñkpọ ami? Ami ntañ akpanikọ inọ ndufo, itiad ndomokeed mi idiidoroke ke itiad mfen; eyaetoomo afịd ammọ eduọọñọ ke isọñ.”
3Naña Yisọs aketieghe ke Abod Ọlif mme mbed emaedibịne anye ndịbe-ndịbe ekebịp anye ete, “Tañ inọ ñnyịn, idaha akee ke ñkpọ ami adiitịppe, nsoo idiinyʌñ ido idiọọñọ adidi mfo ye utịd ayio?”
4Yisọs amaabọọrọ ate, “Inekke ikpeme mbaak awo ndomokeed adibiaña ndufo. 5Sia uwak eyaedi ke anyịñ mmi edibo, ‘Ami ndo Krais,’ eyaenyʌñ ebiaña uwak awo. 6Ndufo eyaekop ebaña ekọñ ye etob ekọñ, ado ikịt ebo ke esịd ndufo itịmekede. Mme ñkpọ ntoro ana etịppe, ado utịd idiidiighe diin. 7Idịd ayaanwana ye idịd, abioubọọñ ayaanwana ye abioubọọñ. Akañ ye unyeñisọñ eyaebañña ke uwak itie. 8Afịd ami edoñño ntọọñọ ubiak uman.
9 “Ndin eyaikappa ndufo enọ mbio e-ediitʌkkọ inyʌñ iwoot ndufo, ñko afịd idịd eyaisua ndufo ke ntak anyịñ mmi. 10Ke ini ado uwak awo eyaekpọñ mbuọdidem, etap emọ-emọ enọ, enyʌñ edusuara idem ammọ. 11Uwak prọfed nsu eyaewuọñọ edi enyʌñ edibiaaña uwak awo. 12Ke ntak adooho ibak ayaatọt, ima ataa uwak awo ayaadeññe, 13ado awo a-asọọñọke ada akewuọ utịd ayaanie adinyaaña. 14Ndin eyaekwọrọ eti etob abioubọọñ ami ke afịd ederimbod nte ntiense enọ afịd idịd. Idaha ado ndin ke utịd adiidi.
15 “Ndin umaukịt nte, ‘mbubiam ñkpọ a-adatta nsobo adi,’ ada ke adisana itie, naña prọfed Dandiel aketañ, yak akood ñwed adiọọñọ, 16ndin yak mbon se iba ke Yudia efeeñe ekaiya mme ñkpoon abod. 17Ke awo ndomokeed a-adoroke ke anyọñ akọm ufọk asọiyọ akaa adikisio ñkpọ ke ufọk ado. 18Ke awo ndomokeed a-abaaha ke inwañ atịmme akaa adikidat afọñ anyọñidem amọ. 19Ado, mbọm ibaan e-esañake ye idịb ye ibaan mbon e-esʌkkọ enọnọ mme nsekayịn eba ke utọ mme usen ado! 20Ibọñ akam ibo adifeghe ndufo akuudo ke ini akpọsọñ atueb me ke usen Sabad. 21Sia ke ini ado akpọsọñ ukuud ayaaba adooho akenanam ibaaha, ñko idiinyʌññọ ibaba tọọñọ ke aditọọñọ ederimbod tutu idahami.
22 “Awo miikpikinamma mme usen ado aməho, awo ndomokeed ikpibọkkọke; ado ke ntak mme andimek Abasi, eyaenam mme usen ado aməho. 23Ke ini ado awo ndomokeed akpibo ndufo, ‘Se mi, se Krais mi!’ me, ‘Se anye ko!’ ikiinịm ke akpanikọ. 24Sia mme nsu-nsu Krais ye mme prọfed nsu eyaewuọñọ edi edinañña mme ñkpoon idiọọñọ ye mme utịppeñkpọ nọ ebiaña mbon awo, adieke ammọ ekanna, kpa mme ndimek ikọd Abasi. 25Se, mmebabak idọkkọ ndufo do mbemiso ini ado.
26 “Ndin awo ndomokeed akpidọkkọ ndufo, ‘Se anye ko ke anaan,’ ikiika do. Akpedo ebo, ‘Se anye mi, ke mme esịd ubeed,’ ikiinịm ke akpanikọ. 27Sia kpa naña eda ke usobutịn ekịt akebkeb a-asakkake ato usakkautịn, kpa ntoro ke adidi Ayịn Awo adiiba. 28Itie akeedodo a-akpo ñkpọ anaaha, kpa ndo ke mme utere ediikiboho.
29 “Ndutʌhọ ini ado amaasʌk ikwekweeñe,
“ ‘utịn ayaabre,
afiọñ idiinọọhọ unwana amọ aba,
mme ntantaafiọñ eyaeduọññọ eto ikpaanyọñ ke isọñ,
ndin eyaenyeeñe mme adudu e-ebaaha ke hefịn.’
30 “Ke ini ado idiọọñọ Ayịn Awo ayaawuọ ada ke hefịn. Ndin afịd uduod awo ke ederimbod # 24:30 Akeme ido mme ubon abio ado eyaefʌhọ ke ammọ emaekịt Ayịn Awo naña adi ke ntọñanyọñ hefịn ke adudu ye ekamba ubọọñ. 31Anye ayaadọñ mme enyere amọ edifịt adukpoñ ke akpọsọñ uyio enam ikood, ndin ammọ eyaekoono mme andimek ikọd amọ eto ke afịd inuuk afịm inaañ tọọñọ ke utịd mme hefịn keed tutu awuọ utịd uko.
32 “Ndin, ndufo idat ukpeebñkpọ ito eto fik: Ke ado anye amaasịññe nseghe ñkọk, amaana ko mme mfañ ewuọñọ, ndin edat ado ediọọñọ ke ndaayio akpere. 33Kpayeado ndufo emaekịt afịd mme ñkpọ ami, eyaediọọñọ ebo ke ini#24:33 Akeme ido etañ ebaña awodeen akpere, mmọdo kpa ke inuausʌñ. 34Ntañ akpanikọ inọ ndufo, emana ami idiiboiyoke ifep tutu mme ñkpọ ami etịppe. 35Anyọñ ye isọñ eyaeboiyo efep, ado mme ikọ mmi tutu amama idiiboiyoke ifep.
Awo Idiọọñọke Usen ye Awa
36 “Amaado usen ado, me awa ñkanika ado, awo ndomokeed idiọọñọke; kpa mme enyere ke hefịn, me Ayịn, # 24:36 Usʌk mme ikpañwed inieghe me Ayịn awodeen. ke imiibọhọke Ete ikpọọñ. 37Naña akeba ke ayio Nua, kpa ntoro ke adiiba ke adidi Ayịn Awo. 38Sia ke ini ado mbemiso mmọọñ ukwọ, mme awo ekesʌk edọ ndọ, enyʌñ enọ ke ndọ tutu usen a-Nua akedʌkkọ ubom; 39ndin ammọ ikidiọọñọke ñkpọ ndomokeed ibaña se idiitịppe tutu mmọọñ ukwọ adibeen afịd ammọ afep. Kpa ntoro ke adiiba ke adidi Ayịn Awo. 40Ideen iba eyaeba ke inwañ, ado eyaeben keed ekpọñ añko. 41Ibaan iba ediisʌk ikọk ñkpọ ke itie ukọkñkpọ, ado eyaeben keed, ekpọñ keed.
42 “Ke ntoro ikpeme, sia ndufo idiọọñọke me nsoo usen ke Abọọñ ndufo adiidi. 43Ado idiọọñọ ntom: Adieke anieufọk akpekediọọñọke ini akonayio i-inọ adiidi ufọk amọ, anye akpaakekpeme ufọk amọ, ndin ikpikiyakka nọ inọ adʌk. 44Ndin ana ndufo ñko ebeeñe idem, sia Ayịn Awo adiidi ke awa a-ndufo mmiibeeñeke ibed anye.
45 “Anie awo ndin ado anam akpanikọ ye anie aniọñ ayịnufọk e-eteufọk amọ anịmme ke iwuod mme nditọufọk mfen ke afịd ufọk amọ nọ anye asinọ ammọ ndidia ke akemini? 46Adiifọfọn inọ ayịnufọk e-eteufọk amọ adiidikịt anye naña anam utom amọ, ke eteufọk amọ amaanyọñ idi. 47Ntañ akpanikọ inọ ndufo, anye ayaanịm anye nte akpeme afịd inie amọ. 48Ado akpedo ayịnufọk ami ado awo ibak ye mbubịk, ndin anye abo idem amọ, ‘Eteufọk mmi ayaakekpeene,’ 49ndin anye atọọñọ adifiomo emọ-emọ nditọufọk, adia ñkpọ anyʌñ anwọñ ñkpọ ye mme akpammịn. 50Eteufọk amọ ayaanyọñ adi ke usen ayịnufọk ami mmiikibekke anyen ye ke awa a-anye miidiọọñọke. 51Eteufọk amọ ayaamia anye ñkpa-ñkpa, anyʌñ anọ anye aka itie mbon mbubịk, nte ntuaña ye ntaeded ediiba.
Currently Selected:
Matiu 24: ICB
Highlight
Share
Copy
Want to have your highlights saved across all your devices? Sign up or sign in
Adisana Ñwed Abasi ke Ikọ Ibibio Ayio Mfịn™
© 2020, 2025 Biblica, Inc.
Enam ke emaekebọ Unyịmme. Emʌm afịd unen ekama ke afịd ederimbod.
Ibibio Contemporary Bible™
Copyright © 2020, 2025 by Biblica, Inc.
Used with permission. All rights reserved worldwide.
Matiu 24
24
Uwuud Tembịd ye mme Idiọọñọ Utịd Ayio
1Ke ini Yisọs akesʌkkọ asaña awuo akpọñ tembịd, mme mbed amọ emaedikoot anye ewọt mme ufọk ke tembịd. 2Anye amaabịp ammọ ate, “Ndufo emekịt afịd mme ñkpọ ami? Ami ntañ akpanikọ inọ ndufo, itiad ndomokeed mi idiidoroke ke itiad mfen; eyaetoomo afịd ammọ eduọọñọ ke isọñ.”
3Naña Yisọs aketieghe ke Abod Ọlif mme mbed emaedibịne anye ndịbe-ndịbe ekebịp anye ete, “Tañ inọ ñnyịn, idaha akee ke ñkpọ ami adiitịppe, nsoo idiinyʌñ ido idiọọñọ adidi mfo ye utịd ayio?”
4Yisọs amaabọọrọ ate, “Inekke ikpeme mbaak awo ndomokeed adibiaña ndufo. 5Sia uwak eyaedi ke anyịñ mmi edibo, ‘Ami ndo Krais,’ eyaenyʌñ ebiaña uwak awo. 6Ndufo eyaekop ebaña ekọñ ye etob ekọñ, ado ikịt ebo ke esịd ndufo itịmekede. Mme ñkpọ ntoro ana etịppe, ado utịd idiidiighe diin. 7Idịd ayaanwana ye idịd, abioubọọñ ayaanwana ye abioubọọñ. Akañ ye unyeñisọñ eyaebañña ke uwak itie. 8Afịd ami edoñño ntọọñọ ubiak uman.
9 “Ndin eyaikappa ndufo enọ mbio e-ediitʌkkọ inyʌñ iwoot ndufo, ñko afịd idịd eyaisua ndufo ke ntak anyịñ mmi. 10Ke ini ado uwak awo eyaekpọñ mbuọdidem, etap emọ-emọ enọ, enyʌñ edusuara idem ammọ. 11Uwak prọfed nsu eyaewuọñọ edi enyʌñ edibiaaña uwak awo. 12Ke ntak adooho ibak ayaatọt, ima ataa uwak awo ayaadeññe, 13ado awo a-asọọñọke ada akewuọ utịd ayaanie adinyaaña. 14Ndin eyaekwọrọ eti etob abioubọọñ ami ke afịd ederimbod nte ntiense enọ afịd idịd. Idaha ado ndin ke utịd adiidi.
15 “Ndin umaukịt nte, ‘mbubiam ñkpọ a-adatta nsobo adi,’ ada ke adisana itie, naña prọfed Dandiel aketañ, yak akood ñwed adiọọñọ, 16ndin yak mbon se iba ke Yudia efeeñe ekaiya mme ñkpoon abod. 17Ke awo ndomokeed a-adoroke ke anyọñ akọm ufọk asọiyọ akaa adikisio ñkpọ ke ufọk ado. 18Ke awo ndomokeed a-abaaha ke inwañ atịmme akaa adikidat afọñ anyọñidem amọ. 19Ado, mbọm ibaan e-esañake ye idịb ye ibaan mbon e-esʌkkọ enọnọ mme nsekayịn eba ke utọ mme usen ado! 20Ibọñ akam ibo adifeghe ndufo akuudo ke ini akpọsọñ atueb me ke usen Sabad. 21Sia ke ini ado akpọsọñ ukuud ayaaba adooho akenanam ibaaha, ñko idiinyʌññọ ibaba tọọñọ ke aditọọñọ ederimbod tutu idahami.
22 “Awo miikpikinamma mme usen ado aməho, awo ndomokeed ikpibọkkọke; ado ke ntak mme andimek Abasi, eyaenam mme usen ado aməho. 23Ke ini ado awo ndomokeed akpibo ndufo, ‘Se mi, se Krais mi!’ me, ‘Se anye ko!’ ikiinịm ke akpanikọ. 24Sia mme nsu-nsu Krais ye mme prọfed nsu eyaewuọñọ edi edinañña mme ñkpoon idiọọñọ ye mme utịppeñkpọ nọ ebiaña mbon awo, adieke ammọ ekanna, kpa mme ndimek ikọd Abasi. 25Se, mmebabak idọkkọ ndufo do mbemiso ini ado.
26 “Ndin awo ndomokeed akpidọkkọ ndufo, ‘Se anye ko ke anaan,’ ikiika do. Akpedo ebo, ‘Se anye mi, ke mme esịd ubeed,’ ikiinịm ke akpanikọ. 27Sia kpa naña eda ke usobutịn ekịt akebkeb a-asakkake ato usakkautịn, kpa ntoro ke adidi Ayịn Awo adiiba. 28Itie akeedodo a-akpo ñkpọ anaaha, kpa ndo ke mme utere ediikiboho.
29 “Ndutʌhọ ini ado amaasʌk ikwekweeñe,
“ ‘utịn ayaabre,
afiọñ idiinọọhọ unwana amọ aba,
mme ntantaafiọñ eyaeduọññọ eto ikpaanyọñ ke isọñ,
ndin eyaenyeeñe mme adudu e-ebaaha ke hefịn.’
30 “Ke ini ado idiọọñọ Ayịn Awo ayaawuọ ada ke hefịn. Ndin afịd uduod awo ke ederimbod # 24:30 Akeme ido mme ubon abio ado eyaefʌhọ ke ammọ emaekịt Ayịn Awo naña adi ke ntọñanyọñ hefịn ke adudu ye ekamba ubọọñ. 31Anye ayaadọñ mme enyere amọ edifịt adukpoñ ke akpọsọñ uyio enam ikood, ndin ammọ eyaekoono mme andimek ikọd amọ eto ke afịd inuuk afịm inaañ tọọñọ ke utịd mme hefịn keed tutu awuọ utịd uko.
32 “Ndin, ndufo idat ukpeebñkpọ ito eto fik: Ke ado anye amaasịññe nseghe ñkọk, amaana ko mme mfañ ewuọñọ, ndin edat ado ediọọñọ ke ndaayio akpere. 33Kpayeado ndufo emaekịt afịd mme ñkpọ ami, eyaediọọñọ ebo ke ini#24:33 Akeme ido etañ ebaña awodeen akpere, mmọdo kpa ke inuausʌñ. 34Ntañ akpanikọ inọ ndufo, emana ami idiiboiyoke ifep tutu mme ñkpọ ami etịppe. 35Anyọñ ye isọñ eyaeboiyo efep, ado mme ikọ mmi tutu amama idiiboiyoke ifep.
Awo Idiọọñọke Usen ye Awa
36 “Amaado usen ado, me awa ñkanika ado, awo ndomokeed idiọọñọke; kpa mme enyere ke hefịn, me Ayịn, # 24:36 Usʌk mme ikpañwed inieghe me Ayịn awodeen. ke imiibọhọke Ete ikpọọñ. 37Naña akeba ke ayio Nua, kpa ntoro ke adiiba ke adidi Ayịn Awo. 38Sia ke ini ado mbemiso mmọọñ ukwọ, mme awo ekesʌk edọ ndọ, enyʌñ enọ ke ndọ tutu usen a-Nua akedʌkkọ ubom; 39ndin ammọ ikidiọọñọke ñkpọ ndomokeed ibaña se idiitịppe tutu mmọọñ ukwọ adibeen afịd ammọ afep. Kpa ntoro ke adiiba ke adidi Ayịn Awo. 40Ideen iba eyaeba ke inwañ, ado eyaeben keed ekpọñ añko. 41Ibaan iba ediisʌk ikọk ñkpọ ke itie ukọkñkpọ, ado eyaeben keed, ekpọñ keed.
42 “Ke ntoro ikpeme, sia ndufo idiọọñọke me nsoo usen ke Abọọñ ndufo adiidi. 43Ado idiọọñọ ntom: Adieke anieufọk akpekediọọñọke ini akonayio i-inọ adiidi ufọk amọ, anye akpaakekpeme ufọk amọ, ndin ikpikiyakka nọ inọ adʌk. 44Ndin ana ndufo ñko ebeeñe idem, sia Ayịn Awo adiidi ke awa a-ndufo mmiibeeñeke ibed anye.
45 “Anie awo ndin ado anam akpanikọ ye anie aniọñ ayịnufọk e-eteufọk amọ anịmme ke iwuod mme nditọufọk mfen ke afịd ufọk amọ nọ anye asinọ ammọ ndidia ke akemini? 46Adiifọfọn inọ ayịnufọk e-eteufọk amọ adiidikịt anye naña anam utom amọ, ke eteufọk amọ amaanyọñ idi. 47Ntañ akpanikọ inọ ndufo, anye ayaanịm anye nte akpeme afịd inie amọ. 48Ado akpedo ayịnufọk ami ado awo ibak ye mbubịk, ndin anye abo idem amọ, ‘Eteufọk mmi ayaakekpeene,’ 49ndin anye atọọñọ adifiomo emọ-emọ nditọufọk, adia ñkpọ anyʌñ anwọñ ñkpọ ye mme akpammịn. 50Eteufọk amọ ayaanyọñ adi ke usen ayịnufọk ami mmiikibekke anyen ye ke awa a-anye miidiọọñọke. 51Eteufọk amọ ayaamia anye ñkpa-ñkpa, anyʌñ anọ anye aka itie mbon mbubịk, nte ntuaña ye ntaeded ediiba.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Adisana Ñwed Abasi ke Ikọ Ibibio Ayio Mfịn™
© 2020, 2025 Biblica, Inc.
Enam ke emaekebọ Unyịmme. Emʌm afịd unen ekama ke afịd ederimbod.
Ibibio Contemporary Bible™
Copyright © 2020, 2025 by Biblica, Inc.
Used with permission. All rights reserved worldwide.