Matiu 19
19
Uwuọndọ
1Ke ini Yisọs amaaketañ mme ikọ ami ima, anye amaakpọñ Kalili akaa ke efaak Yudia ke edem Yọdan mbeñ uko. 2Mme uwak atu awo emaekeene anye, ndin anye amaakọk ammọ udọñọ.
3Mme Farisi ifañ emaebịne anye adidomo anye idomo. Ammọ emaebịp anye ete, “Nte ado nnen-nnen ñkpọ awodeen adisio anwaan amọ ndọ ke ntak akeedodo?”
4Anye amaabọọrọ ate, “Ndufo ikikoodo ke tọọñọ ke aditọọñọ Andibod ‘akebot ammọ awodeen ye awonwaan,’ 5anyʌñ abo ate, ‘Ke ntak ami, awodeen ayaakpọñ ete ye eka amọ anyʌñ akediana ye anwaan amọ, ndin ammọ awo iba eyaekappa edo abʌk keed’? 6Ndin ammọ idooho awo iba aba, ado edido abʌk keed. Ke ntoro, se Abasi amaakedian, yak awo ndomokeed akuudiañña.”
7Ammọ emaemaana ebịp anye ete, “Nsoo ndin ikinam nọ Moses akebo yak awo anọ anwaan amọ ñwed uwuọndọ anyʌñ asio anye unyọñ?”
8Yisọs amaabọọrọ ammọ ate, “Moses akenyịmme ndufo esịññe ibaan ndufo ndọ ato ntak isọñesịd ndufo. Ado ikidooho ntoro tọọñọ ke aditọọñọ. 9Ami ibo ndufo ke awo akeedodo a-asịnne anwaan amọ, ibọhọke ke ntak efịbe, anyʌñ adọ awonwaan mfen, a-asịn efịbe.”
10Mme mbed emaebo anye, “Akpedo ñkpọ anwaan ye ebe aba ntom, afọn awo aditre adidọ ndo.”
11Yisọs amaabọọrọ ate, “Idooho afịd awo ekan enyịmme ukpeebñkpọ ami, ibọhọke mbon se Abasi amaakenọ ukeme adinyịmme. 12Sia aba mme itọ a-adooho ammọ ekemana ntoro, anyʌñ aba mme itọ a-adooho mbon mfen enam nọ ammọ eba ntoro, ñko anyʌñ aba mbon e-ebiereke adidu uwem nte mme itọ ke ntak abioubọọñ hefịn. Awo a-akanna anyịmme ñkpọ ami yak anyịmme.”
Ntəkayịn ye Yisọs
13Ndin mbon awo emaeben ntəkayịn esọk Yisọs nọ anye adot ammọ ubọk anyʌñ abọñ akam anọ ammọ. Ado mme mbed amọ emaesua enọ mbon e-ekebenne ammọ edi.
14Yisọs amaabo ate, “Yak ntəkayịn edi embịne miin, ke awo akpan ammọ, sia abioubọọñ hefịn anie utọ mbon ami.” 15Ke ini anye amaakedot ammọ ubọk ama, anye amaakpọñ do akaa itie mfen.
Imọ Awo ye Abioubọọñ Abasi
16Akem awodeen keed amaasaña abịne Yisọs akebịp anye ate, “Andikpeeb, nsoo eti ñkpọ ke ami ñkpenam nọ nnie nsi-nsi uwem?”
17Yisọs amaabọọrọ ate, “Ntak a-afo ambịppe miin abaña se ifọn-ọ? Awo keed kpọd aba a-afọnnọ. Adieke afo ayemme uwem nsi-nsi, nịm mme mbed Abasi.”
18Awodeen ado amaabịp anye ate, “Mme akee mbed?”
Yisọs amaabọọrọ ate, “Kuuwot awo, kuusịn efịbe, kuuyịp inọ, kuutie ntiense nsu, 19kpono ete ye eka mfo, nyʌñ ma mbọhọidʌñ mfo nte idem mfo.”
20Akparawa ado amaabọọrọ ate, “Mmenịm afịd mme mbed ami. Nsoo mfen isʌhọ?”
21Yisọs amaabọọrọ anye ate, “Akpedo ameyem adifọn mmaa, kaa ke nyam inie mfo nyʌñ kpọñ akʌk nọ mme uweene, ndin afo ayaanie nsọñudua inie ke hefịn. Ndin di diñkeene miin.”
22Ke ini akparawa ami akekoppo ñkpọ ami anye amaadakka anyọñ ke mfʌhọ, sia anye amaanie ñkpọ eti-eti.
23Ndin Yisọs amaabo mme mbed amọ ate, “Ntañ akpanikọ inọ ndufo, asọñ anie ñkpọ awo adidʌk abioubọọñ hefịn. 24Ami mmemaana ntañ inọ ndufo nte ke ado mmem-mmem ñkpọ kamel adiboiyo ke adudu abiaween akan anie ñkpọ awo adidʌk abioubọọñ Abasi.”
25Ke ini mme mbed ekekoppo ikọ ami, idem amaakpa ammọ eti-eti, anam ammọ emaebịp anye ete, “Anie awo ndin adiikan inie adinyaaña?”
26Yisọs amaabenne anyen ase ammọ anyʌñ abo, “Ñkpọ ami asọñ ye awo, ado ye Abasi afịd ñkpọ ado mmem-mmem.”
27Pita amaabọọrọ anye ate, “Ñnyịn imikpọñ afịd ñkpọ inyʌñ ukeene fiin! Nsoo ndin idiido utịb ñnyịn?”
28Yisọs amaabo ammọ ate, “Ntañ akpanikọ inọ ndufo, ke ini a-afịd ñkpọ adiikappa ufa, ke ini Ayịn Awo adiitie ke ebekpo ubọọñ amọ, ndufo e-eñkeeneke miin eyaetie ke mme ebekpo duob mme iba adibiide ikpe nnọọ mme esiin Isrel duob mme iba. 29Ndin afịd awo e-emaekekpọñ mme ufọk, me nditọeka ideen me nditọeka ibaan, me ete, me eka me anwaan#19:29 Usʌk mme ikpañwed inieghe me anwaan. me nditọ, me ikọd inwañ ke ntak mmi eyaebọ utịb akañ ikie enyʌñ enie uwem nsi-nsi. 30Ado uwak awo e-eboiyoke iso, eyaekappa ekpere edem, ndin uwak e-ekpeeghe edem, eyaekappa eboiyo iso.”
Currently Selected:
Matiu 19: ICB
Highlight
Share
Copy
Want to have your highlights saved across all your devices? Sign up or sign in
Adisana Ñwed Abasi ke Ikọ Ibibio Ayio Mfịn™
© 2020, 2025 Biblica, Inc.
Enam ke emaekebọ Unyịmme. Emʌm afịd unen ekama ke afịd ederimbod.
Ibibio Contemporary Bible™
Copyright © 2020, 2025 by Biblica, Inc.
Used with permission. All rights reserved worldwide.
Matiu 19
19
Uwuọndọ
1Ke ini Yisọs amaaketañ mme ikọ ami ima, anye amaakpọñ Kalili akaa ke efaak Yudia ke edem Yọdan mbeñ uko. 2Mme uwak atu awo emaekeene anye, ndin anye amaakọk ammọ udọñọ.
3Mme Farisi ifañ emaebịne anye adidomo anye idomo. Ammọ emaebịp anye ete, “Nte ado nnen-nnen ñkpọ awodeen adisio anwaan amọ ndọ ke ntak akeedodo?”
4Anye amaabọọrọ ate, “Ndufo ikikoodo ke tọọñọ ke aditọọñọ Andibod ‘akebot ammọ awodeen ye awonwaan,’ 5anyʌñ abo ate, ‘Ke ntak ami, awodeen ayaakpọñ ete ye eka amọ anyʌñ akediana ye anwaan amọ, ndin ammọ awo iba eyaekappa edo abʌk keed’? 6Ndin ammọ idooho awo iba aba, ado edido abʌk keed. Ke ntoro, se Abasi amaakedian, yak awo ndomokeed akuudiañña.”
7Ammọ emaemaana ebịp anye ete, “Nsoo ndin ikinam nọ Moses akebo yak awo anọ anwaan amọ ñwed uwuọndọ anyʌñ asio anye unyọñ?”
8Yisọs amaabọọrọ ammọ ate, “Moses akenyịmme ndufo esịññe ibaan ndufo ndọ ato ntak isọñesịd ndufo. Ado ikidooho ntoro tọọñọ ke aditọọñọ. 9Ami ibo ndufo ke awo akeedodo a-asịnne anwaan amọ, ibọhọke ke ntak efịbe, anyʌñ adọ awonwaan mfen, a-asịn efịbe.”
10Mme mbed emaebo anye, “Akpedo ñkpọ anwaan ye ebe aba ntom, afọn awo aditre adidọ ndo.”
11Yisọs amaabọọrọ ate, “Idooho afịd awo ekan enyịmme ukpeebñkpọ ami, ibọhọke mbon se Abasi amaakenọ ukeme adinyịmme. 12Sia aba mme itọ a-adooho ammọ ekemana ntoro, anyʌñ aba mme itọ a-adooho mbon mfen enam nọ ammọ eba ntoro, ñko anyʌñ aba mbon e-ebiereke adidu uwem nte mme itọ ke ntak abioubọọñ hefịn. Awo a-akanna anyịmme ñkpọ ami yak anyịmme.”
Ntəkayịn ye Yisọs
13Ndin mbon awo emaeben ntəkayịn esọk Yisọs nọ anye adot ammọ ubọk anyʌñ abọñ akam anọ ammọ. Ado mme mbed amọ emaesua enọ mbon e-ekebenne ammọ edi.
14Yisọs amaabo ate, “Yak ntəkayịn edi embịne miin, ke awo akpan ammọ, sia abioubọọñ hefịn anie utọ mbon ami.” 15Ke ini anye amaakedot ammọ ubọk ama, anye amaakpọñ do akaa itie mfen.
Imọ Awo ye Abioubọọñ Abasi
16Akem awodeen keed amaasaña abịne Yisọs akebịp anye ate, “Andikpeeb, nsoo eti ñkpọ ke ami ñkpenam nọ nnie nsi-nsi uwem?”
17Yisọs amaabọọrọ ate, “Ntak a-afo ambịppe miin abaña se ifọn-ọ? Awo keed kpọd aba a-afọnnọ. Adieke afo ayemme uwem nsi-nsi, nịm mme mbed Abasi.”
18Awodeen ado amaabịp anye ate, “Mme akee mbed?”
Yisọs amaabọọrọ ate, “Kuuwot awo, kuusịn efịbe, kuuyịp inọ, kuutie ntiense nsu, 19kpono ete ye eka mfo, nyʌñ ma mbọhọidʌñ mfo nte idem mfo.”
20Akparawa ado amaabọọrọ ate, “Mmenịm afịd mme mbed ami. Nsoo mfen isʌhọ?”
21Yisọs amaabọọrọ anye ate, “Akpedo ameyem adifọn mmaa, kaa ke nyam inie mfo nyʌñ kpọñ akʌk nọ mme uweene, ndin afo ayaanie nsọñudua inie ke hefịn. Ndin di diñkeene miin.”
22Ke ini akparawa ami akekoppo ñkpọ ami anye amaadakka anyọñ ke mfʌhọ, sia anye amaanie ñkpọ eti-eti.
23Ndin Yisọs amaabo mme mbed amọ ate, “Ntañ akpanikọ inọ ndufo, asọñ anie ñkpọ awo adidʌk abioubọọñ hefịn. 24Ami mmemaana ntañ inọ ndufo nte ke ado mmem-mmem ñkpọ kamel adiboiyo ke adudu abiaween akan anie ñkpọ awo adidʌk abioubọọñ Abasi.”
25Ke ini mme mbed ekekoppo ikọ ami, idem amaakpa ammọ eti-eti, anam ammọ emaebịp anye ete, “Anie awo ndin adiikan inie adinyaaña?”
26Yisọs amaabenne anyen ase ammọ anyʌñ abo, “Ñkpọ ami asọñ ye awo, ado ye Abasi afịd ñkpọ ado mmem-mmem.”
27Pita amaabọọrọ anye ate, “Ñnyịn imikpọñ afịd ñkpọ inyʌñ ukeene fiin! Nsoo ndin idiido utịb ñnyịn?”
28Yisọs amaabo ammọ ate, “Ntañ akpanikọ inọ ndufo, ke ini a-afịd ñkpọ adiikappa ufa, ke ini Ayịn Awo adiitie ke ebekpo ubọọñ amọ, ndufo e-eñkeeneke miin eyaetie ke mme ebekpo duob mme iba adibiide ikpe nnọọ mme esiin Isrel duob mme iba. 29Ndin afịd awo e-emaekekpọñ mme ufọk, me nditọeka ideen me nditọeka ibaan, me ete, me eka me anwaan#19:29 Usʌk mme ikpañwed inieghe me anwaan. me nditọ, me ikọd inwañ ke ntak mmi eyaebọ utịb akañ ikie enyʌñ enie uwem nsi-nsi. 30Ado uwak awo e-eboiyoke iso, eyaekappa ekpere edem, ndin uwak e-ekpeeghe edem, eyaekappa eboiyo iso.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Adisana Ñwed Abasi ke Ikọ Ibibio Ayio Mfịn™
© 2020, 2025 Biblica, Inc.
Enam ke emaekebọ Unyịmme. Emʌm afịd unen ekama ke afịd ederimbod.
Ibibio Contemporary Bible™
Copyright © 2020, 2025 by Biblica, Inc.
Used with permission. All rights reserved worldwide.