Mak 9
9
1Ọ da ta kẹ ayen, Uyota mẹ ta kẹ ovwan, evo hẹrọ ri mudia vwẹ etinẹ na, rẹ cha davwe ughwu phiephie-e, bẹsiẹ re ayen vwọ mrẹ uvie rẹ Ọghẹnẹ rọ cha vẹ ogangan.
Omaewene na
(Matiu 17.1-13; Luk 9.28-36)
2Rẹ ẹdẹ ẹsan vwọ wan nu Jesu da reyọ Pita, kugbe Jems vẹ Jọn ọ da vwẹ ayen rhe enu rẹ ugbenu ọvo ro kpenu ọ vẹ ayen ọvo, o de wene oma vwẹ irharo rẹ ayen. 3Iwun rọye ki lo wrowro, fuanfon gangan; ọtiọye na o se vwo ohwo rọ fọnrhọn emwa fon eriyin vwẹ akpọ na-a. 4Ilaija kugbe Mosis da vwẹ oma phia kẹ ayen. ayen de nene Jesu ta ota. 5Pita da kpahe, ọ da ta kẹ Jesu, Rabbi oyoma rere avwanre dia etinẹ. Jẹn avwanre bọn itughẹ erha; ọvo ọwẹn, ọvo ọ ri Mosis, ọvo kẹ Ilaija. 6Kidie ọ gbe riẹn obo rọ ta-a; kidie oshọ mu ayen gangan. 7Egho da rhi rhurhu ayen, urhuru ọvo de nẹ egho na rhe, Ọnana Ọmọ mẹ ro je vwe. ovwan nyo ota rọye. 8Siẹvuọvo na rẹ ayen vwo ni asan na yariẹ, ayen gbe mrẹ ohwo ọfa-a, jokpa ri Jesu kugbe ayen ọvo.
9Rẹ ayen vwo wo nẹ ugbenu na cha otọ, ọ da phẹphẹ ayen unu nẹ ayen ta emu rẹ ayen mrẹre na kẹ ohwo ọvuọvo-o bẹsiẹ rẹ Ọmọ rẹ ohwo vwo vrẹn nẹ ughwu nu. 10Ayen de phi ota na phihọ evun, ayen ke nọ omoma rẹ ayen nẹ kemavọ evrenughwu fiki epha. 11Ayen da nọ, Die isiẹbe na vwọ ta nẹ Ilaija re ka rhe? 12Ọ da ta kẹ ayen, Ilaija re ka rhe, ọ mẹ rhe rhuẹrẹ emu na ejobi ru. kemavọ e siro kpahe Ọmọ rẹ ohwo nẹ, Ọ rẹ oja rẹ ẹmu buebu nẹ ayen cha vwọ jehwẹ? 13Ẹkẹvuọvo mẹ ta kẹ ovwan nẹ, Ilaija ghinẹ rhe nure, ayen de ruo obo ri je ayen, kirobo re siro kpahọ.
Jesu Sivwi Ọmọshare ro vwo Erhi rẹ Idẹbono
(Matiu 17.14-21; Luk 9.37-43a)
14Ọke rẹ ayen vwo bru idibo na rhe, ayen da mrẹ otu rẹ yariẹ ayen phihọ, kugbe isiẹbe re vẹ ayen gba nọ enanọ. 15Rẹ otu na vwọ mrẹ, o de gbe ayen unu gangan, ayen da dje bro re yere. 16Ọ da nọ ayen, Die ovwan nọ ayen? 17Ọvo vwẹ otu na da kpahe kẹ, Oyono, Me reyọ ọmọ mẹ ro vwo erhi ro diunu, vwo rhe we; 18asan kasan ro de muo, o mi vwo phiotọ, unu rọyen mi gbe iphughẹ, ọ Me riako oma mi bru ruọ. Me da ta kẹ idibo wẹn nẹ ayen djẹ no, ayen se ruo-o. 19Ọ da kpahe ke ayen, orua ro je esegbuyota evwo, mavọ Me vẹ ovwan dia kri te? mavọ mi chirako rẹ ovwan te? reyọ vwo rhe vwe. 20Ayen da reyọ ọmọ na vwo rhe, ọke rẹ erhi na vwọ mrẹ, o de ghwe si ọmọ na miomiovwi; o de she phihọ otọ, kọ gbule, unu rọye ko gbe iphugbẹ. 21Jesu da nọ ọsẹ rọye, Ọkevọ ọga nana vwo muo? Ọ da ta, Nẹ ọke emọ rhe. 22Kọke kọke o vwo muo phihọ erhanre kugbe ame, re o vwo hwe. ẹkẹvuọvo wo de se ruẹ emu ọvo ni arodọvwẹ re avwanre wọ chọ avwanre uko. 23Jesu da ta kẹ, wo de se ru! Emu na ejobi ọlọlọhọ kẹ ọ ro segbuyota. 24Siẹvuọvo Ọsẹ rẹ ọmọ na de ghwe kperi phia ọ da ta, mi segbuyota; chọ ijesegbuyota mẹ uko. 25Ọke ri Jesu vwọ mrẹ nẹ otu na ra dje siẹ koko, ọ da ghwọ ku erhi ro jẹfuọn na, tanẹ wọwẹ erhi ro diunu na vẹ odierhọn, Me ta kẹ wẹ, wan no, wọ gbe ruọ ọfa-a. 26Ro vwo kperi phia, o de sio gangan. o de no, ọmọ na da họhọ orivwi ọtiọye re ihwo buebu da ta nẹ, o ghwuru. 27Ẹkẹvuọvo Jesu da yọnrọn obọ ọ da kparọ kpenu; o de vrẹn. 28Ọke rọ vwọ rhe evun rẹ uwevwi, idibo rọye da nọ vwẹ odjahọ, Die avwanre gbe sa djẹ phia-a? 29Ọ da ta kẹ ayen, A sa djẹ oghẹre nana no-o jokpa rẹ ẹrhovwo ọvo.
Jesu rhoma ta ota rẹ Ughwu vẹ Evrẹnushi Rọye
(Matiu 17.22-23; Luk 9.43b-45)
30Ayen de nẹ etiyin ra wan Galili vrẹn; ọ gbe guọnọ nẹ ohwo ọvo riẹ-ẹn. 31Kidie o yono idibo rọye tanẹ, E che mu Ọmọ rẹ ohwo phihọ obọ rẹ ihwo, ayen che hwe; e de hwe ghwu nu, ẹdẹ erha da wan ko vrẹn. 32Ẹkẹvuọvo otọ rẹ ota na ro aye-en, oshọ rẹ ayen vwọ nọ de mu ayen.
Ono re ma Rhọ?
(Matiu 18.1-5; Luk 9.46-48)
33Ayen da rhe Kepanọm; ọke rọ vwọ hẹ evun rẹ uwevwi ọ da nọ ayen, Die ovwan tobọ jẹ iroro rọye vwẹ obo idjerhe? 34Ẹkẹvuọvo ayen de fotovwi, kidie ayen nene omoma rẹ ayen phro aphro vwẹ idjerhe, nẹ ono re ma rho. 35Ọ de tidia, o de se ayen ihwivẹ na, ọ da ta kẹ ayen, Ohwo kohwo da guọnọ nẹ ọye karo, ọye re cha ka uko, kugbe ọ ro gbe odibo kẹ ayen ejobi. 36O mu omotete ọvo vwo mudia uherevie rayen; Ọ de muo kpahe abọ rọye ọ da ta kẹ ayen, 37Ohwo kohwo rọ reyọ omotete tiọnana vwẹ odẹ mẹ, yẹ ọ reyọ ovwẹ, kohwo kohwo rọ reyọ ovwẹ, ọ reyọ ovwẹ-ẹ, ẹkẹvuọvo ọ ro ji vwe rhe.
Ohwo Rọ vwọ so Avwanre-e vẹ Avwanre obọ
(Luk 9.49-50; Matiu 10.42)
38Jọn da da ta kẹ, Oyono, avwanre mrẹ ohwo ọvo rọ vwẹ odẹ wẹn djẹ idẹbono phia; avwanre da djẹ kidie o nene avwanre-e. 39Ẹkẹvuọvo Jesu da ta, Ovwan djẹ-ẹ, kidie o se vwo ohwo ọvo rọ vwẹ odẹ mẹ vwo ru iruo rẹ igbunu rọ da sa phẹrẹ ta ota ọbrabra kpahe ovwẹ-ẹ. 40Kidie ọ rọ vwọ so avwanre yọ vẹ avwanre obọ. 41Kidie uyota Me ta kẹ owẹ kohwo kohwo rọ vwẹ uko rẹ ame kẹ ovwan da, fiki rẹ obo rẹ ovwan vwọ hẹ ihwo ri Kristi, uyota Me ta kẹ ovwan osa rọye se ghwru-u.
Ọdavwini re nẹrhẹ e ruo umwemwu
(Matiu 18.6-9; Luk 17.1-2)
42Kohwo kohwo rọ nẹrhẹ ọvo vwẹ imitete nana ri se vwe gbuyota na she, oyovwi kẹ ohwo yena ro churu oragha rode mu ohọre, re muo teyọ abadi. 43Obọ wẹn da nẹrhẹ owẹ she, bro nu; oyovwi kẹ wẹ wo vwo kru obọ ra ro arhọ, nọ ru wọ da vwẹ abọ ivẹ vwo kpo orho rẹ igbephẹre vwẹ evun re erhanre ri fue-e,
44asan rẹ ihori rọye ghwẹ-ẹ, erhanre na fuẹ-ẹ.
45Owọ wẹn da nẹrhẹ owẹ she, bro nu, oyovwi kẹ wẹ wo vwo kru owọ ra ro arhọ, nọ ru wọ da vwẹ awọ ivẹ kpo orho rẹ igbephẹre vwẹ evun rẹ erhanre ri fuẹ-ẹ,
46asan rẹ ihori rọye ghwẹ-ẹ, erhanre na fuẹ-ẹ.
47Ẹro wẹn da nẹrhẹ owẹ she, rhuo nu; oyovwi kẹ wẹ wọ vwọ reyọ ẹro ọvo vwọ ro uvie rẹ Ọghẹnẹ, nọ ru wọ da vwẹ ẹro ivẹ ra da kpare owẹ phihọ ọrho rẹ igbephẹre. 48asan rẹ ihori rọye ghwẹ-ẹ, erhanre na ifuẹ-ẹ. 49Kirobo ra vwẹ ughweraka ru emu na eriyin a cha vwẹ erhanre ru kohwo kohwo. 50Ughweraka yoma: ẹkẹvuọvo ughweraka de ku avwerhe rọye fia, kidie ovwan vwo kẹ avwerhe? Ovwan vwo ughweraka vwẹ oma rẹ ovwan, ovwan vwẹ ufuoma nene ohwohwo yeri.
Currently Selected:
Mak 9: UBV77
Highlight
Share
Copy
Want to have your highlights saved across all your devices? Sign up or sign in
Bible in Urhobo © United Bible Societies, 1977.
Mak 9
9
1Ọ da ta kẹ ayen, Uyota mẹ ta kẹ ovwan, evo hẹrọ ri mudia vwẹ etinẹ na, rẹ cha davwe ughwu phiephie-e, bẹsiẹ re ayen vwọ mrẹ uvie rẹ Ọghẹnẹ rọ cha vẹ ogangan.
Omaewene na
(Matiu 17.1-13; Luk 9.28-36)
2Rẹ ẹdẹ ẹsan vwọ wan nu Jesu da reyọ Pita, kugbe Jems vẹ Jọn ọ da vwẹ ayen rhe enu rẹ ugbenu ọvo ro kpenu ọ vẹ ayen ọvo, o de wene oma vwẹ irharo rẹ ayen. 3Iwun rọye ki lo wrowro, fuanfon gangan; ọtiọye na o se vwo ohwo rọ fọnrhọn emwa fon eriyin vwẹ akpọ na-a. 4Ilaija kugbe Mosis da vwẹ oma phia kẹ ayen. ayen de nene Jesu ta ota. 5Pita da kpahe, ọ da ta kẹ Jesu, Rabbi oyoma rere avwanre dia etinẹ. Jẹn avwanre bọn itughẹ erha; ọvo ọwẹn, ọvo ọ ri Mosis, ọvo kẹ Ilaija. 6Kidie ọ gbe riẹn obo rọ ta-a; kidie oshọ mu ayen gangan. 7Egho da rhi rhurhu ayen, urhuru ọvo de nẹ egho na rhe, Ọnana Ọmọ mẹ ro je vwe. ovwan nyo ota rọye. 8Siẹvuọvo na rẹ ayen vwo ni asan na yariẹ, ayen gbe mrẹ ohwo ọfa-a, jokpa ri Jesu kugbe ayen ọvo.
9Rẹ ayen vwo wo nẹ ugbenu na cha otọ, ọ da phẹphẹ ayen unu nẹ ayen ta emu rẹ ayen mrẹre na kẹ ohwo ọvuọvo-o bẹsiẹ rẹ Ọmọ rẹ ohwo vwo vrẹn nẹ ughwu nu. 10Ayen de phi ota na phihọ evun, ayen ke nọ omoma rẹ ayen nẹ kemavọ evrenughwu fiki epha. 11Ayen da nọ, Die isiẹbe na vwọ ta nẹ Ilaija re ka rhe? 12Ọ da ta kẹ ayen, Ilaija re ka rhe, ọ mẹ rhe rhuẹrẹ emu na ejobi ru. kemavọ e siro kpahe Ọmọ rẹ ohwo nẹ, Ọ rẹ oja rẹ ẹmu buebu nẹ ayen cha vwọ jehwẹ? 13Ẹkẹvuọvo mẹ ta kẹ ovwan nẹ, Ilaija ghinẹ rhe nure, ayen de ruo obo ri je ayen, kirobo re siro kpahọ.
Jesu Sivwi Ọmọshare ro vwo Erhi rẹ Idẹbono
(Matiu 17.14-21; Luk 9.37-43a)
14Ọke rẹ ayen vwo bru idibo na rhe, ayen da mrẹ otu rẹ yariẹ ayen phihọ, kugbe isiẹbe re vẹ ayen gba nọ enanọ. 15Rẹ otu na vwọ mrẹ, o de gbe ayen unu gangan, ayen da dje bro re yere. 16Ọ da nọ ayen, Die ovwan nọ ayen? 17Ọvo vwẹ otu na da kpahe kẹ, Oyono, Me reyọ ọmọ mẹ ro vwo erhi ro diunu, vwo rhe we; 18asan kasan ro de muo, o mi vwo phiotọ, unu rọyen mi gbe iphughẹ, ọ Me riako oma mi bru ruọ. Me da ta kẹ idibo wẹn nẹ ayen djẹ no, ayen se ruo-o. 19Ọ da kpahe ke ayen, orua ro je esegbuyota evwo, mavọ Me vẹ ovwan dia kri te? mavọ mi chirako rẹ ovwan te? reyọ vwo rhe vwe. 20Ayen da reyọ ọmọ na vwo rhe, ọke rẹ erhi na vwọ mrẹ, o de ghwe si ọmọ na miomiovwi; o de she phihọ otọ, kọ gbule, unu rọye ko gbe iphugbẹ. 21Jesu da nọ ọsẹ rọye, Ọkevọ ọga nana vwo muo? Ọ da ta, Nẹ ọke emọ rhe. 22Kọke kọke o vwo muo phihọ erhanre kugbe ame, re o vwo hwe. ẹkẹvuọvo wo de se ruẹ emu ọvo ni arodọvwẹ re avwanre wọ chọ avwanre uko. 23Jesu da ta kẹ, wo de se ru! Emu na ejobi ọlọlọhọ kẹ ọ ro segbuyota. 24Siẹvuọvo Ọsẹ rẹ ọmọ na de ghwe kperi phia ọ da ta, mi segbuyota; chọ ijesegbuyota mẹ uko. 25Ọke ri Jesu vwọ mrẹ nẹ otu na ra dje siẹ koko, ọ da ghwọ ku erhi ro jẹfuọn na, tanẹ wọwẹ erhi ro diunu na vẹ odierhọn, Me ta kẹ wẹ, wan no, wọ gbe ruọ ọfa-a. 26Ro vwo kperi phia, o de sio gangan. o de no, ọmọ na da họhọ orivwi ọtiọye re ihwo buebu da ta nẹ, o ghwuru. 27Ẹkẹvuọvo Jesu da yọnrọn obọ ọ da kparọ kpenu; o de vrẹn. 28Ọke rọ vwọ rhe evun rẹ uwevwi, idibo rọye da nọ vwẹ odjahọ, Die avwanre gbe sa djẹ phia-a? 29Ọ da ta kẹ ayen, A sa djẹ oghẹre nana no-o jokpa rẹ ẹrhovwo ọvo.
Jesu rhoma ta ota rẹ Ughwu vẹ Evrẹnushi Rọye
(Matiu 17.22-23; Luk 9.43b-45)
30Ayen de nẹ etiyin ra wan Galili vrẹn; ọ gbe guọnọ nẹ ohwo ọvo riẹ-ẹn. 31Kidie o yono idibo rọye tanẹ, E che mu Ọmọ rẹ ohwo phihọ obọ rẹ ihwo, ayen che hwe; e de hwe ghwu nu, ẹdẹ erha da wan ko vrẹn. 32Ẹkẹvuọvo otọ rẹ ota na ro aye-en, oshọ rẹ ayen vwọ nọ de mu ayen.
Ono re ma Rhọ?
(Matiu 18.1-5; Luk 9.46-48)
33Ayen da rhe Kepanọm; ọke rọ vwọ hẹ evun rẹ uwevwi ọ da nọ ayen, Die ovwan tobọ jẹ iroro rọye vwẹ obo idjerhe? 34Ẹkẹvuọvo ayen de fotovwi, kidie ayen nene omoma rẹ ayen phro aphro vwẹ idjerhe, nẹ ono re ma rho. 35Ọ de tidia, o de se ayen ihwivẹ na, ọ da ta kẹ ayen, Ohwo kohwo da guọnọ nẹ ọye karo, ọye re cha ka uko, kugbe ọ ro gbe odibo kẹ ayen ejobi. 36O mu omotete ọvo vwo mudia uherevie rayen; Ọ de muo kpahe abọ rọye ọ da ta kẹ ayen, 37Ohwo kohwo rọ reyọ omotete tiọnana vwẹ odẹ mẹ, yẹ ọ reyọ ovwẹ, kohwo kohwo rọ reyọ ovwẹ, ọ reyọ ovwẹ-ẹ, ẹkẹvuọvo ọ ro ji vwe rhe.
Ohwo Rọ vwọ so Avwanre-e vẹ Avwanre obọ
(Luk 9.49-50; Matiu 10.42)
38Jọn da da ta kẹ, Oyono, avwanre mrẹ ohwo ọvo rọ vwẹ odẹ wẹn djẹ idẹbono phia; avwanre da djẹ kidie o nene avwanre-e. 39Ẹkẹvuọvo Jesu da ta, Ovwan djẹ-ẹ, kidie o se vwo ohwo ọvo rọ vwẹ odẹ mẹ vwo ru iruo rẹ igbunu rọ da sa phẹrẹ ta ota ọbrabra kpahe ovwẹ-ẹ. 40Kidie ọ rọ vwọ so avwanre yọ vẹ avwanre obọ. 41Kidie uyota Me ta kẹ owẹ kohwo kohwo rọ vwẹ uko rẹ ame kẹ ovwan da, fiki rẹ obo rẹ ovwan vwọ hẹ ihwo ri Kristi, uyota Me ta kẹ ovwan osa rọye se ghwru-u.
Ọdavwini re nẹrhẹ e ruo umwemwu
(Matiu 18.6-9; Luk 17.1-2)
42Kohwo kohwo rọ nẹrhẹ ọvo vwẹ imitete nana ri se vwe gbuyota na she, oyovwi kẹ ohwo yena ro churu oragha rode mu ohọre, re muo teyọ abadi. 43Obọ wẹn da nẹrhẹ owẹ she, bro nu; oyovwi kẹ wẹ wo vwo kru obọ ra ro arhọ, nọ ru wọ da vwẹ abọ ivẹ vwo kpo orho rẹ igbephẹre vwẹ evun re erhanre ri fue-e,
44asan rẹ ihori rọye ghwẹ-ẹ, erhanre na fuẹ-ẹ.
45Owọ wẹn da nẹrhẹ owẹ she, bro nu, oyovwi kẹ wẹ wo vwo kru owọ ra ro arhọ, nọ ru wọ da vwẹ awọ ivẹ kpo orho rẹ igbephẹre vwẹ evun rẹ erhanre ri fuẹ-ẹ,
46asan rẹ ihori rọye ghwẹ-ẹ, erhanre na fuẹ-ẹ.
47Ẹro wẹn da nẹrhẹ owẹ she, rhuo nu; oyovwi kẹ wẹ wọ vwọ reyọ ẹro ọvo vwọ ro uvie rẹ Ọghẹnẹ, nọ ru wọ da vwẹ ẹro ivẹ ra da kpare owẹ phihọ ọrho rẹ igbephẹre. 48asan rẹ ihori rọye ghwẹ-ẹ, erhanre na ifuẹ-ẹ. 49Kirobo ra vwẹ ughweraka ru emu na eriyin a cha vwẹ erhanre ru kohwo kohwo. 50Ughweraka yoma: ẹkẹvuọvo ughweraka de ku avwerhe rọye fia, kidie ovwan vwo kẹ avwerhe? Ovwan vwo ughweraka vwẹ oma rẹ ovwan, ovwan vwẹ ufuoma nene ohwohwo yeri.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bible in Urhobo © United Bible Societies, 1977.