Mak 8
8
Ẹghẹrẹ rẹ Ihwo Uriori Ẹne
(Matiu 15.32-39)
1Vwẹ ẹdẹ yena otu buebu da rhoma ri koko ayen gbi vwo emuọvo rẹ ayen re-e, o de se idibo rọye bro rhe ọ da ta kẹ ayen, 2aro rẹ otu buebu na dọn vwẹ, kidie etiyin ẹdẹ erha ayen vẹ ovwẹ gbe herọ re, ayen vwo emuọvo rẹ ayen ria-a, 3mi de ji ayen yanran kpo uwevwi rayen erhierhi, oma bru ro ayen vwẹ idjerhe; ẹvo nẹ asan ro sheri rhe. 4Idibo rọye da kpahe kẹ, Bovọ a da sa mrẹ ikara rọ vọn ihwo nana evun vwẹ aton nana? 5Ọ da nọ ayen, bro ikara ovwan vwori? Ayen da ta, Ighwrẹ. 6Ọ da ta kẹ otu buebu na nẹ ayen tidia otọ; ọ da reyọ ikara ighwrẹ na, re ọ vwọ kpẹvwẹ nu, o de bro, vwọ kẹ idibo rọye, re ayen vwọ kẹ ayen; ayen de mu ayen phihọ obaro rẹ otu na. 7Ayen ji vwo imiyeri itete ẹvo. re ọ vwọ nẹ ẹrhovwo phihọ nu, ọ da ta nẹ e ji mu enana vwọ kẹ ayen rhe. 8Ayen re re, evun da vọn ayen. ayen da sanọ ivwuvwu ri chekọ vọn ibere ighwrẹ. 9Otu re re emu na da dia uriori iyori. 10O de ji ayen kpo siẹvuọvo na, ọ vẹ idibo rọye da ro okọ ọ de kpo ubrotọ ri Dalmanuta.
Oka Ẹguọnọ
(Matiu 16.1-4)
11Farisi da rhe, ayen ki nene phra aphro, ke guọnọ oka ro ru nẹ odjuvwu rhe, ayen ke davwọ nẹ. 12O de ku ẹnwẹn kokodo vwẹ obo erhi rọye ọ da ta, Die orua nana vwọ guọnọ oka? Uyota Me ta kẹ ovwan, Asa vwẹ oka kẹ orua nana-a. 13Ọ da yan jẹ ayen vwo, ọ rhoma ro okọ na o de kpo esamu rivẹ.
Iphuephu ri Farisi vẹ ọ rẹ Herọd
(Matiu 16.5-12)
14Asakiephana ayen gbe karoho reyọ ikara nene oma-a; ikara ọvuọvo kọye ayen vwo vwẹ evun rẹ okọ na. 15Ọ da phẹphẹ ayen unu, tanẹ, Ovwan kẹnoma kpahe iphuephu re emu ri Farisi vẹ iphuephu rẹ Herọd. 16Ayen ki roro ota nana vwẹ omoma rẹ ayen, tanẹ, fiki rẹ obo rẹ avwanre ghwa ikara-a na. 17Ri Jesu vwọ riẹn ọ da ta kẹ ayen, Die ovwan vwo roro ota na nẹ fiki rẹ obo ra avwanre ghwa ikara-a? Ovwan ji vughe-e, gbenẹ ọ je ro ovwa-an? Udu rẹ ovwan je gan? 18Ovwan vwo ẹro, ovwan mrẹ orẹ-ẹ? Ovwan vwo erhọn, ovwan nyo ẹme-e? Owan karọphihọ-ọ? 19Ọke mi vwo bru ikara iyori kẹ ihwo uriori iyori bro ibere ovwan sanọ vọn vwẹ ivwuvwu ri chekọ na? Ayen da ta Ihwivẹ. 20Ọke rẹ mẹ vwo reyọ ikara ighwrẹ vwọ kẹ ihwo uriori ẹne bro ibere ovwan sanọ vọn vwẹ ivwuvwn ri chekọ na? Ayen da ta, Ighwrẹ. 21Ọ da ta ke ayen, Ọ je ro ovwa-an?
Esivwi Orhuẹro vwi Bẹtsaida
22Ayen da rhe Bẹtsaida. Ihwo da reyọ orhuẹro ọvo vwo rhe, ayen da rẹ nẹ ọ vwẹ obọ te. 23Ọ da yọnrọn orhuẹro na obọ, ọ da reyọ nẹ ọko na; ọke ro vwo dje enya ku ẹro rọye, ọ da ghwẹ abọ kpahọ, ọ da nọ, wọ mrẹ emuọvo? 24Ọ de ni enu, ọ da ta mẹ mrẹ ihwo; ẹkẹvuọvo ke họhọ irhe, re yan. 25Ọ da rhoma ghwẹ abọ rọye kpahe ẹro rọye, o de ni enu kpae orẹmrẹ rọye da varhe, ọ da mrẹ emu ejobi phephẹ. 26O de jo kpo uwevwi rọye, tanẹ wọ vwẹriẹ evun rẹ ighwrẹ na-a.
Pita Rhọvwe Jesu
(Matiu 16.13-20; Luk 9.18-21)
27Jesu vẹ idibo rọye de kpo ọko ri Sizaria Filipae. vwẹ idjerhe ọ da nọ idibo rọye, Ono ihwo tobọ ta ne Me epha? 28Ayen da ta kẹ, Jọn ri Baptist, efa da ta Ilaija, ẹkẹvuọvo evo nẹ, ọvo vwẹ emrarọ na. 29Ọ da nọ ayen, Ẹkẹvuọvo kẹ ono ovwan ta nẹ Me epha? Pita da kpahe kẹ, Wọwẹ hẹ Kristi na. 30Ọ da phẹphẹ ayen unu nẹ ayen gbe ikun na kẹ ohwo ọvuọvo-o.
Jesu ta Ota kpahe Ughwu kugbe Evrẹnushi Rọye
(Matiu 16.21-28; Luk 9.22-27)
31O de mu ayen họ eyono, nẹ, Ọmọ rẹ ohwo cha rẹ oja rẹ emu buebu, ẹkpako na, kugbe irherẹn na, kugbe isiẹbe ua cha siọn, ayen che hwe, ẹdẹ erha da wan nu kọ rhoma vrẹn. 32Ọ da ta ota na phephẹ kẹ ayen. Pita ke ghwọ kuo. 33Ẹkẹvuọvo rọ vwọ rhẹriẹ oma mrẹ idibo rọye ọ da ghwọ ku Pita, ọ da ta, Wan ro obuko mẹ, Idẹbono; kidie ọ dia abọ rẹ Ọghẹnẹ wo epha-a ẹkẹvuọvo ọ rẹ ihwo.
34O de se otu na kugbe idibo rọye bro rhe, ọ da ta kẹ ayen, Ohwo kohwo da guọnọ ovwẹ nene, e gbe jọ sen omobọ rọye ro mu agbagba rọye ro nene uvwe. 35Kidie kohwo kohwo ro sivwi arhọ rọye ko kuo fia; ohwo kohwo ro ku arhọ rọye fia fiki mẹ vẹ fiki rẹ iyẹnrẹ esiri na ke sivwo rhọ. 36Ki didi erere ri te ohwo, ro de vwo akpọ na ejobi ro de ku arhọ rọye fia? 37Gbenẹ kidie ohwo se vwo wene arhọ rọye? 38Kidie ohwo kohwo rọ vo oma mẹ kugbe oma rẹ ota mẹ vwẹ evun rẹ orua ri gbe igberadja na kugbe iruimwemwu nana, Ọmọ rẹ ohwo je vo oma rọye rhe, vwẹ ọke rọ da cha vwẹ evun rẹ urinrin rẹ Ọsẹ rọye vẹ emakashe efuanfon na.
Currently Selected:
Mak 8: UBV77
Highlight
Share
Copy
Want to have your highlights saved across all your devices? Sign up or sign in
Bible in Urhobo © United Bible Societies, 1977.
Mak 8
8
Ẹghẹrẹ rẹ Ihwo Uriori Ẹne
(Matiu 15.32-39)
1Vwẹ ẹdẹ yena otu buebu da rhoma ri koko ayen gbi vwo emuọvo rẹ ayen re-e, o de se idibo rọye bro rhe ọ da ta kẹ ayen, 2aro rẹ otu buebu na dọn vwẹ, kidie etiyin ẹdẹ erha ayen vẹ ovwẹ gbe herọ re, ayen vwo emuọvo rẹ ayen ria-a, 3mi de ji ayen yanran kpo uwevwi rayen erhierhi, oma bru ro ayen vwẹ idjerhe; ẹvo nẹ asan ro sheri rhe. 4Idibo rọye da kpahe kẹ, Bovọ a da sa mrẹ ikara rọ vọn ihwo nana evun vwẹ aton nana? 5Ọ da nọ ayen, bro ikara ovwan vwori? Ayen da ta, Ighwrẹ. 6Ọ da ta kẹ otu buebu na nẹ ayen tidia otọ; ọ da reyọ ikara ighwrẹ na, re ọ vwọ kpẹvwẹ nu, o de bro, vwọ kẹ idibo rọye, re ayen vwọ kẹ ayen; ayen de mu ayen phihọ obaro rẹ otu na. 7Ayen ji vwo imiyeri itete ẹvo. re ọ vwọ nẹ ẹrhovwo phihọ nu, ọ da ta nẹ e ji mu enana vwọ kẹ ayen rhe. 8Ayen re re, evun da vọn ayen. ayen da sanọ ivwuvwu ri chekọ vọn ibere ighwrẹ. 9Otu re re emu na da dia uriori iyori. 10O de ji ayen kpo siẹvuọvo na, ọ vẹ idibo rọye da ro okọ ọ de kpo ubrotọ ri Dalmanuta.
Oka Ẹguọnọ
(Matiu 16.1-4)
11Farisi da rhe, ayen ki nene phra aphro, ke guọnọ oka ro ru nẹ odjuvwu rhe, ayen ke davwọ nẹ. 12O de ku ẹnwẹn kokodo vwẹ obo erhi rọye ọ da ta, Die orua nana vwọ guọnọ oka? Uyota Me ta kẹ ovwan, Asa vwẹ oka kẹ orua nana-a. 13Ọ da yan jẹ ayen vwo, ọ rhoma ro okọ na o de kpo esamu rivẹ.
Iphuephu ri Farisi vẹ ọ rẹ Herọd
(Matiu 16.5-12)
14Asakiephana ayen gbe karoho reyọ ikara nene oma-a; ikara ọvuọvo kọye ayen vwo vwẹ evun rẹ okọ na. 15Ọ da phẹphẹ ayen unu, tanẹ, Ovwan kẹnoma kpahe iphuephu re emu ri Farisi vẹ iphuephu rẹ Herọd. 16Ayen ki roro ota nana vwẹ omoma rẹ ayen, tanẹ, fiki rẹ obo rẹ avwanre ghwa ikara-a na. 17Ri Jesu vwọ riẹn ọ da ta kẹ ayen, Die ovwan vwo roro ota na nẹ fiki rẹ obo ra avwanre ghwa ikara-a? Ovwan ji vughe-e, gbenẹ ọ je ro ovwa-an? Udu rẹ ovwan je gan? 18Ovwan vwo ẹro, ovwan mrẹ orẹ-ẹ? Ovwan vwo erhọn, ovwan nyo ẹme-e? Owan karọphihọ-ọ? 19Ọke mi vwo bru ikara iyori kẹ ihwo uriori iyori bro ibere ovwan sanọ vọn vwẹ ivwuvwu ri chekọ na? Ayen da ta Ihwivẹ. 20Ọke rẹ mẹ vwo reyọ ikara ighwrẹ vwọ kẹ ihwo uriori ẹne bro ibere ovwan sanọ vọn vwẹ ivwuvwn ri chekọ na? Ayen da ta, Ighwrẹ. 21Ọ da ta ke ayen, Ọ je ro ovwa-an?
Esivwi Orhuẹro vwi Bẹtsaida
22Ayen da rhe Bẹtsaida. Ihwo da reyọ orhuẹro ọvo vwo rhe, ayen da rẹ nẹ ọ vwẹ obọ te. 23Ọ da yọnrọn orhuẹro na obọ, ọ da reyọ nẹ ọko na; ọke ro vwo dje enya ku ẹro rọye, ọ da ghwẹ abọ kpahọ, ọ da nọ, wọ mrẹ emuọvo? 24Ọ de ni enu, ọ da ta mẹ mrẹ ihwo; ẹkẹvuọvo ke họhọ irhe, re yan. 25Ọ da rhoma ghwẹ abọ rọye kpahe ẹro rọye, o de ni enu kpae orẹmrẹ rọye da varhe, ọ da mrẹ emu ejobi phephẹ. 26O de jo kpo uwevwi rọye, tanẹ wọ vwẹriẹ evun rẹ ighwrẹ na-a.
Pita Rhọvwe Jesu
(Matiu 16.13-20; Luk 9.18-21)
27Jesu vẹ idibo rọye de kpo ọko ri Sizaria Filipae. vwẹ idjerhe ọ da nọ idibo rọye, Ono ihwo tobọ ta ne Me epha? 28Ayen da ta kẹ, Jọn ri Baptist, efa da ta Ilaija, ẹkẹvuọvo evo nẹ, ọvo vwẹ emrarọ na. 29Ọ da nọ ayen, Ẹkẹvuọvo kẹ ono ovwan ta nẹ Me epha? Pita da kpahe kẹ, Wọwẹ hẹ Kristi na. 30Ọ da phẹphẹ ayen unu nẹ ayen gbe ikun na kẹ ohwo ọvuọvo-o.
Jesu ta Ota kpahe Ughwu kugbe Evrẹnushi Rọye
(Matiu 16.21-28; Luk 9.22-27)
31O de mu ayen họ eyono, nẹ, Ọmọ rẹ ohwo cha rẹ oja rẹ emu buebu, ẹkpako na, kugbe irherẹn na, kugbe isiẹbe ua cha siọn, ayen che hwe, ẹdẹ erha da wan nu kọ rhoma vrẹn. 32Ọ da ta ota na phephẹ kẹ ayen. Pita ke ghwọ kuo. 33Ẹkẹvuọvo rọ vwọ rhẹriẹ oma mrẹ idibo rọye ọ da ghwọ ku Pita, ọ da ta, Wan ro obuko mẹ, Idẹbono; kidie ọ dia abọ rẹ Ọghẹnẹ wo epha-a ẹkẹvuọvo ọ rẹ ihwo.
34O de se otu na kugbe idibo rọye bro rhe, ọ da ta kẹ ayen, Ohwo kohwo da guọnọ ovwẹ nene, e gbe jọ sen omobọ rọye ro mu agbagba rọye ro nene uvwe. 35Kidie kohwo kohwo ro sivwi arhọ rọye ko kuo fia; ohwo kohwo ro ku arhọ rọye fia fiki mẹ vẹ fiki rẹ iyẹnrẹ esiri na ke sivwo rhọ. 36Ki didi erere ri te ohwo, ro de vwo akpọ na ejobi ro de ku arhọ rọye fia? 37Gbenẹ kidie ohwo se vwo wene arhọ rọye? 38Kidie ohwo kohwo rọ vo oma mẹ kugbe oma rẹ ota mẹ vwẹ evun rẹ orua ri gbe igberadja na kugbe iruimwemwu nana, Ọmọ rẹ ohwo je vo oma rọye rhe, vwẹ ọke rọ da cha vwẹ evun rẹ urinrin rẹ Ọsẹ rọye vẹ emakashe efuanfon na.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bible in Urhobo © United Bible Societies, 1977.