Mak 4
4
Itẹ rẹ Ọkekahọn
(Matiu 13.1-9; Luk 8.4-8)
1Kọ rhoma yono vwẹ orhoma rẹ abadi, ihwo buebu gangan de koko bro rhe, ọtiọye re ọ da ro evun rẹ okọ, o de tidia etiyin; yẹ ihwo na ejobi hẹ otọ vwẹ orhoma rẹ abadi. 2Ọ de yono ayen emu buebu vwẹ itẹ, ọ da ta kẹ ayen vwẹ evun rẹ eyono rọye. 3Wa kerhọn Nighe, ọkekankọn ọvo yanran ra kọn; 4rọ vwọ kọn ekankọn re, ẹvo de she phihọ orhoma rẹ idjerhe, ephran da rhe e da sohrọ ayen re. 5Ẹvo de she phihọ otọ rẹ elalọ, asan ro vwo ekpẹn buebu-u; siẹvuọvo ọ da djẹ phia, kidie o vwo ekpẹn kokodo-o; 6ẹkẹvuọvo ọke re ọnre vwọ varhẹ, o de vwioro; kidie o vwo owọ-ọ; ọ da ya. 7Ẹvo de she phihọ ohri rẹ inwe, rẹ inwe na vwọ rho i de keke ayen, e gbe mọ emamọ-ọ. 8Efa de she phihọ otọ rẹ esiri, e da djẹ phia, ẹ da mọ, ẹvo ọgban, ẹvo ujorha, ẹvo ujori. 9Ọ da ta kẹ ayen, o ro vwo erhọn ro vwo nyo, e jo nyo.
Obo re Sorọ ro vwo kpe Itẹ na
(Matiu 13.10-17; Luk 8.9-10)
10Ọke rẹ ọye ọvo vwo chekọ otu re yarierẹ họ kugbe ihwivẹ na da nọ otọ rẹ itẹ na. 11Ọ da ta kẹ ayen, ovwan a vwẹ rọ kẹ rere e vwọ riẹn imu re djahere vwẹ uvie rẹ Ọghẹnẹ na; ẹkẹvuọvo otu re hẹ obo otafe itẹ kọye e vwo kpe kẹ ayen, 12re emrẹ ayen mrẹ yẹ ayen se vughe-e, enyo ayen nyo, yẹ ayen sa riẹn otọ rọye-e; ayen de rhe kurhẹriẹ e de rhe vwo ghovwo ayen.
Jesu fan otọ rẹ Itẹ rẹ Ọkekankọn na
(Matiu 13.18-23; Luk 8.11-15)
13Ọ da ta kẹ ayen, ovwan riẹn otọ re itẹ nana-a? Kẹ mavọ ovwan se ru riẹn itẹ na ejobi? 14Ọkẹkankọn kọn ota na. 15Ena e re hẹ orhoma rẹ idjerhe asan ra kọn ota na phihọ; ọke re ayen vwo nyo, Idẹbono da ghwa rhe, ọ da reyọ ota ra kọn phihọ udu rẹ ayen na no. 16Ena re je họhọ e ra kọn phihọ otọ rẹ elalọ, ayen, ọke rẹ ayen vwo nyo ota na nu, ayen da ghwa vwẹ aghọghọ reyọ; 17yẹ o vwo owọ kẹ omaobọ rọye-e, ẹkẹvuọvo rẹ ayen vwọ dia emerha; ukuko rọye re, re ukpokpogho eyẹ imu vwọ rhe vwi fiki rẹ ota na, ayen de ghwe she. 18Efa ra kọn phihọ ohri rẹ inwe ena otu ri nyo ota na, 19Rẹ ẹnwan rẹ akpọ, kugbe ophiẹvwe rẹ efe, vẹ urhuru sivwe rẹ emuefa rhe vwọ ruọ, rhi keke ota na, ọ gbe rha mọ emamọ-ọ. 20Ena e ra kọn phihọ otọ esiri na i ri nyo ota na, ayen da reyọ, ọ da mọ emamọ, ẹvo ọgban ẹvo ujorha, ẹvo ujori.
Urhukpẹ rẹ hẹ Otọ rẹ Ikuru
(Luk 8.16-18)
21Ọ da ta kẹ ayen, A vwẹ urhukpẹ rhu rere e phio phihọ otọ rẹ ikuru, eyẹ otọ rẹ ehwa, ọ gbe dia enu rẹ ogburhukpẹ? 22Kidie o vwo obo re sinu, ro jẹphia-a, ọtiọye na emu kemu re ru djahe ro je phia vwẹ uphẹphẹ herọ-ọ, 23Kohwo Kohwo ro vwo erhọn ro vwo nyo e jo nyo. 24Ọ da ta kẹ ayen, kẹnoma rẹ obo ru we nyo; ovwanvwọn rẹ ovwan vwọ vwanvwe ọye a je vwọ vwanvwe kẹ ovwan rhe. a jẹ vwọ kpahọ kẹ ovwan. 25Kidie ọ ro vwori ọye a je vwọ kẹ, o ro vwori-i, omobo ro rhere ka je karhiẹ mie.
Itẹ rẹ Okankọn rẹ djẹ phia na
26Ọ da ta, Eriyin uvie rẹ Ọghẹnẹ epha, kerẹsiẹ rẹ ohwo a da hahe emamọ phihọ otọ; 27o mi shevwerhẹ o mi vrẹn te ason te uvo, emamọ na me djẹ phia e Me rho kpenu ọ gbe riẹn obo re epha-a. 28Otọ na Me mọ emamọ rẹ obọ rọye ẹsosuọ uvwere, kẹsiẹye o ki te ẹbe, ukuko rọye uvi rẹ ọka kọ phia vwe enu rẹ ẹbe na. 29Ẹkẹvuọvo rẹ emamọ na da ghwo nu, koọ vwẹ oda cha kidie ọke rẹ evuo tere.
Itẹ rẹ Ubi rẹ Uyerhie
(Matiu 13.31-32; Luk 13.18-19)
30Ọ da ta kidie e vwo dje uvie rẹ Ọghẹnẹ eyẹrẹ didi itẹ e vwo kpe? 31Ọ họhọ ubi rẹ uyerhie ọke ra vwọ kọn phihọ otọ; ọ havwe nọ emamọ na ejobi ra kọn hẹ otọ na, 32ẹkẹvuọvo ra vwọ kọn nu, o de gro kpenu, ọ da rhoma rho nọ ẹbe ejobi, ọ da tan eghọn ride, eriyin re ephran rẹ obenu da rhe dia otọ rẹ uhoho rọye.
Itẹ ekpe ri Jesu
(Matiu 13.34-35)
33Kugbe oghẹre rẹ itẹ ẹtiẹye buebu ọ vwọ ta ota na kẹ ayen tiobo rẹ ayen se nyo; 34Ọ gbe dia ite-e ọ ta ota kẹ aye-en; o de rhie imu na ejobi phẹphẹ kẹ idibo rọye vwẹ odjahọ.
Jesu fue Ọgbọghọ rẹ Abadi
(Matiu 8.23-27; Luk 8.22-25)
35Vwẹ ẹdẹ yena, rẹ ovwọnvwọn vwo te, ọ da ta kẹ ayen, E jẹn e bi kpo obo esamuo. 36Rọ vwọ yan jẹ ukoko re ihwo na vwo nu, ayen da reyọ, kirobo rọ epha phihọ evun rẹ oko. Ekpo efa vẹ ọye je herọ. 37Aphopho rode na de dju, ọgbogho de rhi mu ame ro evun rẹ okọ, ọtiọye na okọ na da rhe vọn. 38Yẹn ọ vwerhẹ vwẹ enu rẹ ọchuyovwi vwẹ obo eghuvwu rẹ okọ, ayen da rhọvwọ, ta kẹ nẹ, Oyono, wọ rha kerhọn nẹ avwanre ghwẹ? 39O de vrẹn ọ da van ku aphopho na, ọ da ta kẹ abadi na, Fọ, wọ dia riei Aphopho na da fọ, ẹfọ ri riei rode da rhe. 40Ọ da ta kẹ ayen, Die jabọ oshọ vwo mu ovwan? ovwan ji vwo esegbuyota-a? 41Oshọ de mu ayen gangan, ayen da ta ke omoma rẹ ayen, Ọna didi ohwo rẹ aphopho kugbe urhie nyo ota rọye?
Currently Selected:
Mak 4: UBV77
Highlight
Share
Copy
Want to have your highlights saved across all your devices? Sign up or sign in
Bible in Urhobo © United Bible Societies, 1977.
Mak 4
4
Itẹ rẹ Ọkekahọn
(Matiu 13.1-9; Luk 8.4-8)
1Kọ rhoma yono vwẹ orhoma rẹ abadi, ihwo buebu gangan de koko bro rhe, ọtiọye re ọ da ro evun rẹ okọ, o de tidia etiyin; yẹ ihwo na ejobi hẹ otọ vwẹ orhoma rẹ abadi. 2Ọ de yono ayen emu buebu vwẹ itẹ, ọ da ta kẹ ayen vwẹ evun rẹ eyono rọye. 3Wa kerhọn Nighe, ọkekankọn ọvo yanran ra kọn; 4rọ vwọ kọn ekankọn re, ẹvo de she phihọ orhoma rẹ idjerhe, ephran da rhe e da sohrọ ayen re. 5Ẹvo de she phihọ otọ rẹ elalọ, asan ro vwo ekpẹn buebu-u; siẹvuọvo ọ da djẹ phia, kidie o vwo ekpẹn kokodo-o; 6ẹkẹvuọvo ọke re ọnre vwọ varhẹ, o de vwioro; kidie o vwo owọ-ọ; ọ da ya. 7Ẹvo de she phihọ ohri rẹ inwe, rẹ inwe na vwọ rho i de keke ayen, e gbe mọ emamọ-ọ. 8Efa de she phihọ otọ rẹ esiri, e da djẹ phia, ẹ da mọ, ẹvo ọgban, ẹvo ujorha, ẹvo ujori. 9Ọ da ta kẹ ayen, o ro vwo erhọn ro vwo nyo, e jo nyo.
Obo re Sorọ ro vwo kpe Itẹ na
(Matiu 13.10-17; Luk 8.9-10)
10Ọke rẹ ọye ọvo vwo chekọ otu re yarierẹ họ kugbe ihwivẹ na da nọ otọ rẹ itẹ na. 11Ọ da ta kẹ ayen, ovwan a vwẹ rọ kẹ rere e vwọ riẹn imu re djahere vwẹ uvie rẹ Ọghẹnẹ na; ẹkẹvuọvo otu re hẹ obo otafe itẹ kọye e vwo kpe kẹ ayen, 12re emrẹ ayen mrẹ yẹ ayen se vughe-e, enyo ayen nyo, yẹ ayen sa riẹn otọ rọye-e; ayen de rhe kurhẹriẹ e de rhe vwo ghovwo ayen.
Jesu fan otọ rẹ Itẹ rẹ Ọkekankọn na
(Matiu 13.18-23; Luk 8.11-15)
13Ọ da ta kẹ ayen, ovwan riẹn otọ re itẹ nana-a? Kẹ mavọ ovwan se ru riẹn itẹ na ejobi? 14Ọkẹkankọn kọn ota na. 15Ena e re hẹ orhoma rẹ idjerhe asan ra kọn ota na phihọ; ọke re ayen vwo nyo, Idẹbono da ghwa rhe, ọ da reyọ ota ra kọn phihọ udu rẹ ayen na no. 16Ena re je họhọ e ra kọn phihọ otọ rẹ elalọ, ayen, ọke rẹ ayen vwo nyo ota na nu, ayen da ghwa vwẹ aghọghọ reyọ; 17yẹ o vwo owọ kẹ omaobọ rọye-e, ẹkẹvuọvo rẹ ayen vwọ dia emerha; ukuko rọye re, re ukpokpogho eyẹ imu vwọ rhe vwi fiki rẹ ota na, ayen de ghwe she. 18Efa ra kọn phihọ ohri rẹ inwe ena otu ri nyo ota na, 19Rẹ ẹnwan rẹ akpọ, kugbe ophiẹvwe rẹ efe, vẹ urhuru sivwe rẹ emuefa rhe vwọ ruọ, rhi keke ota na, ọ gbe rha mọ emamọ-ọ. 20Ena e ra kọn phihọ otọ esiri na i ri nyo ota na, ayen da reyọ, ọ da mọ emamọ, ẹvo ọgban ẹvo ujorha, ẹvo ujori.
Urhukpẹ rẹ hẹ Otọ rẹ Ikuru
(Luk 8.16-18)
21Ọ da ta kẹ ayen, A vwẹ urhukpẹ rhu rere e phio phihọ otọ rẹ ikuru, eyẹ otọ rẹ ehwa, ọ gbe dia enu rẹ ogburhukpẹ? 22Kidie o vwo obo re sinu, ro jẹphia-a, ọtiọye na emu kemu re ru djahe ro je phia vwẹ uphẹphẹ herọ-ọ, 23Kohwo Kohwo ro vwo erhọn ro vwo nyo e jo nyo. 24Ọ da ta kẹ ayen, kẹnoma rẹ obo ru we nyo; ovwanvwọn rẹ ovwan vwọ vwanvwe ọye a je vwọ vwanvwe kẹ ovwan rhe. a jẹ vwọ kpahọ kẹ ovwan. 25Kidie ọ ro vwori ọye a je vwọ kẹ, o ro vwori-i, omobo ro rhere ka je karhiẹ mie.
Itẹ rẹ Okankọn rẹ djẹ phia na
26Ọ da ta, Eriyin uvie rẹ Ọghẹnẹ epha, kerẹsiẹ rẹ ohwo a da hahe emamọ phihọ otọ; 27o mi shevwerhẹ o mi vrẹn te ason te uvo, emamọ na me djẹ phia e Me rho kpenu ọ gbe riẹn obo re epha-a. 28Otọ na Me mọ emamọ rẹ obọ rọye ẹsosuọ uvwere, kẹsiẹye o ki te ẹbe, ukuko rọye uvi rẹ ọka kọ phia vwe enu rẹ ẹbe na. 29Ẹkẹvuọvo rẹ emamọ na da ghwo nu, koọ vwẹ oda cha kidie ọke rẹ evuo tere.
Itẹ rẹ Ubi rẹ Uyerhie
(Matiu 13.31-32; Luk 13.18-19)
30Ọ da ta kidie e vwo dje uvie rẹ Ọghẹnẹ eyẹrẹ didi itẹ e vwo kpe? 31Ọ họhọ ubi rẹ uyerhie ọke ra vwọ kọn phihọ otọ; ọ havwe nọ emamọ na ejobi ra kọn hẹ otọ na, 32ẹkẹvuọvo ra vwọ kọn nu, o de gro kpenu, ọ da rhoma rho nọ ẹbe ejobi, ọ da tan eghọn ride, eriyin re ephran rẹ obenu da rhe dia otọ rẹ uhoho rọye.
Itẹ ekpe ri Jesu
(Matiu 13.34-35)
33Kugbe oghẹre rẹ itẹ ẹtiẹye buebu ọ vwọ ta ota na kẹ ayen tiobo rẹ ayen se nyo; 34Ọ gbe dia ite-e ọ ta ota kẹ aye-en; o de rhie imu na ejobi phẹphẹ kẹ idibo rọye vwẹ odjahọ.
Jesu fue Ọgbọghọ rẹ Abadi
(Matiu 8.23-27; Luk 8.22-25)
35Vwẹ ẹdẹ yena, rẹ ovwọnvwọn vwo te, ọ da ta kẹ ayen, E jẹn e bi kpo obo esamuo. 36Rọ vwọ yan jẹ ukoko re ihwo na vwo nu, ayen da reyọ, kirobo rọ epha phihọ evun rẹ oko. Ekpo efa vẹ ọye je herọ. 37Aphopho rode na de dju, ọgbogho de rhi mu ame ro evun rẹ okọ, ọtiọye na okọ na da rhe vọn. 38Yẹn ọ vwerhẹ vwẹ enu rẹ ọchuyovwi vwẹ obo eghuvwu rẹ okọ, ayen da rhọvwọ, ta kẹ nẹ, Oyono, wọ rha kerhọn nẹ avwanre ghwẹ? 39O de vrẹn ọ da van ku aphopho na, ọ da ta kẹ abadi na, Fọ, wọ dia riei Aphopho na da fọ, ẹfọ ri riei rode da rhe. 40Ọ da ta kẹ ayen, Die jabọ oshọ vwo mu ovwan? ovwan ji vwo esegbuyota-a? 41Oshọ de mu ayen gangan, ayen da ta ke omoma rẹ ayen, Ọna didi ohwo rẹ aphopho kugbe urhie nyo ota rọye?
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bible in Urhobo © United Bible Societies, 1977.