Mak 2
2
Jesu Sivwi Ohwo ro Ohwoma
(Matiu 9.1-8; 5.17-26)
1Ẹdẹ evọ vwọ wan nu ọ da rhoma rhe Kẹpanọm, o de do nẹ ọ hẹ evun rẹ uwevwi. 2Otu buebu de rhi koko ọtiọye na asan gbe gba aye-en; kaka anurhoro dede; ọ da ta ota kẹ ayen. 3Ayen da ghwa ohwo ro ghwoma ọvo bro rhe ihwo ẹne re ghwarọ. 4Rẹ ayen gbi se sikẹrẹ-ẹ vwi fiki rẹ ihwo buebu na, ayen da kpare ebọn rẹ uwevwi na vwẹ asan rọ epha rẹ ayen vwo rhie nu, ayen da lọrọ eruẹ rẹ ọ ro ghwoma na shevwerhẹ rhe otọ. 5Ọke ri Jesu vwọ mrẹ esegbuyota rayen, ọ da ta kẹ ọ ro ghwoma na, Ọmọ mẹ, a vwẹ imwemwu wẹn ghovwo uwe. 6Ẹkẹvuọvo isiẹbe ẹvo ri tidia vwẹ etiyin, ra jẹ iroro vwẹ udu rayen, 7Die sorọ rẹ ọshare nana vwọ ta ota ọtiọye? Ọ ta ota rẹ ẹgha. Ono sa vwẹ imwemwu ghovwo jokpa rẹ Ọghẹnẹ ọvo? 8Ri Jesu ghwa vwọ riẹn vwẹ erhi rọye nẹ ayen jẹ iroro nana vwẹ udu rẹ ayen, Ọ da ta kẹ ayen nẹ, Die sorọ rẹ ovwan vwo roro emu nana vwẹ udu rẹ ovwan? 9Ọvo lọhọre, ra vwọ ta kẹ ọ ro ghwoma na nẹ, A vwẹ imwemwu wẹn ghovwo uwe; eyẹ, ra vwọ ta kẹ nẹ, Vrẹn, tọrọ eruẹ wẹn, rere wọ yan? 10Ẹkẹvuọvo rere ovwan vwọ riẹn nẹ Ọmọ rẹ ohwo vwo ogangan vwẹ akpọ na rọ vwẹ imwemwu ghovwo ọ da ta kẹ ọ ro ghwoma na nẹ– 11Me ta kẹ wẹ, vrẹn, wọ tọrọ eruẹ wẹn, rere wo kpo uwevwi wẹn. 12O de ghwe vrẹn, siẹvuọvo na ọ da tọrọ eruẹ na, ọ da yanran vwẹ irharo rẹ ayen na ejobi; ọtiọye na o de gbe ayen ejobi unu, ayen de jiri Ọghẹnẹ, nẹ, Avwanre jẹ mrẹ oghẹre tiọna dẹvo-o.
Ese ri Livae
(Matiu 9.9-13; Luk 5.27-32)
13Ọ da rhoma yan vwẹ orhoma rẹ abadi na urogho na ejobi da ghwiẹ bro ra, o de yono ayen. 14Rọ vwọ wan vrẹn ọ da mrẹ Livae rẹ ọmọ rẹ Aifiọs ro tidia vwẹ asan re de toro arhọghọ, ọ da ta kẹ, Nene uvwe. O vrẹnre o de nene.
15Ro vwo tidia udoemu vwẹ uwevwi rọye itoro arhọghọ kugbe iruimwemwu buebu de nene vẹ idibo rọye tidia. kidie ayen buebu ri nenire. 16Isiẹbe ri Farisi na, ọke rẹ ayen vwọ mrẹ rọ vẹ iruimwemwu kugbe itoro arhọghọ vwo ria emu, ayen da ta kẹ idibo rọye, Die o vẹ itoro arhọghọ kugbe iruimwemwu vwọ ria emu? 17Ri Jesu vwo nyo, ọ da ta kẹ ayen, otu rẹ oma rẹ ayen ganre, guọnọ ọbo-o, jokpa rẹ otu rẹ oma da. mi rhi se evwata-a, jokpa rẹ iruimwemwu.
Enanọ kpahe Owẹvwe echiro
(Matiu 9.14-17; Luk 5.33-39)
18Idibo ri Jọn kugbe e re Farisi ki chirẹ owẹvwe; ayen da rhe nọ, Die jabọ rẹ idibo ri Jọn vẹ e re Farisi vwo chirẹ owẹvwe yẹ idibo wẹn gbi chirẹ owẹvwe-e? 19Jesu da ta kẹ ayen, Kẹ ikọpha se chirẹ owẹvwe rẹ ọshare rẹ ọpha vẹ ayen da herọ? rẹ ayen vẹ ọshare rẹ ọpha vwọ herọ na, ayen gbi se chirẹ owẹvwe-e. 20Ẹkẹvuọvo ẹdẹ cha vwẹ obọ, ra vwọ reyọ ọshare rẹ ọpha nẹ obọ rẹ ayen, kẹsiẹye ayen ki che chirẹ owẹvwe vwẹ ẹdẹ yena. 21Ohwo se ko ẹbẹre rẹ amwa ọkpokpọ phihọ ewun rẹ awanre-e, ọ da dia ọtiọye ọkpokpọ na ko si ọ rẹ awanre na bẹre uphrophro na ko miovwi phihọ. 22Ohwo se ku wain ọkpokpọ phihọ ephiẹn rẹ awanree; ọ da dia ọtiọye wain ọkpokpọ na kọ bẹre ephiẹn na, wain na ko hwẹ, ephiẹn na ke bẹre; ẹkẹvuọvo e ku wain ọkpokpọ phihọ ephiẹn ekpokpọ.
Idibo na Kọrọ eka Eboban vwẹ Ẹdijala
(Matiu 12.1-8; Luk 6.1-5)
23Vwẹ ẹdidjala ọvo kọ wan ugbeka vrẹn, rẹ ayen vwọ wanvrẹn na idibo rọye ke kọrọ eka eboban na. 24Farisi na da ta kẹ, Nughe, die idibo wẹn vwo ruẹ obo ri jefo vwẹ ẹdidjala na? 25Ọ da ta kẹ ayen, Ovwan ji se obo ri Devid ruru-u, rẹ ọke rẹ emu vwọ kanrọ rẹ owẹvwe vwo hwe, te ọye vẹ otu re vẹ ọye gba herọ; 26obo rọ vwọ ro uwevwi rẹ Ọghẹnẹ vwẹ ọke rẹ Abiata vwọ hẹ orherẹn rode rọ vwọ re ikara re vwo ze izobo rẹ ohwo ọfa ria-a jokpa rẹ orherẹn ọvo, rọ da je vwọ kẹ otu re vẹ ọye gba herọ? 27Ọ da ta kẹ ayen, A ma ẹdidjala fiki rẹ ohwo, a ma ohwo fiki rẹ edidjala-a. 28Ọtiọye na Ọmọ rẹ ohwo hẹ olori rẹ ẹdidjala ji rhe.
Currently Selected:
Mak 2: UBV77
Highlight
Share
Copy
Want to have your highlights saved across all your devices? Sign up or sign in
Bible in Urhobo © United Bible Societies, 1977.
Mak 2
2
Jesu Sivwi Ohwo ro Ohwoma
(Matiu 9.1-8; 5.17-26)
1Ẹdẹ evọ vwọ wan nu ọ da rhoma rhe Kẹpanọm, o de do nẹ ọ hẹ evun rẹ uwevwi. 2Otu buebu de rhi koko ọtiọye na asan gbe gba aye-en; kaka anurhoro dede; ọ da ta ota kẹ ayen. 3Ayen da ghwa ohwo ro ghwoma ọvo bro rhe ihwo ẹne re ghwarọ. 4Rẹ ayen gbi se sikẹrẹ-ẹ vwi fiki rẹ ihwo buebu na, ayen da kpare ebọn rẹ uwevwi na vwẹ asan rọ epha rẹ ayen vwo rhie nu, ayen da lọrọ eruẹ rẹ ọ ro ghwoma na shevwerhẹ rhe otọ. 5Ọke ri Jesu vwọ mrẹ esegbuyota rayen, ọ da ta kẹ ọ ro ghwoma na, Ọmọ mẹ, a vwẹ imwemwu wẹn ghovwo uwe. 6Ẹkẹvuọvo isiẹbe ẹvo ri tidia vwẹ etiyin, ra jẹ iroro vwẹ udu rayen, 7Die sorọ rẹ ọshare nana vwọ ta ota ọtiọye? Ọ ta ota rẹ ẹgha. Ono sa vwẹ imwemwu ghovwo jokpa rẹ Ọghẹnẹ ọvo? 8Ri Jesu ghwa vwọ riẹn vwẹ erhi rọye nẹ ayen jẹ iroro nana vwẹ udu rẹ ayen, Ọ da ta kẹ ayen nẹ, Die sorọ rẹ ovwan vwo roro emu nana vwẹ udu rẹ ovwan? 9Ọvo lọhọre, ra vwọ ta kẹ ọ ro ghwoma na nẹ, A vwẹ imwemwu wẹn ghovwo uwe; eyẹ, ra vwọ ta kẹ nẹ, Vrẹn, tọrọ eruẹ wẹn, rere wọ yan? 10Ẹkẹvuọvo rere ovwan vwọ riẹn nẹ Ọmọ rẹ ohwo vwo ogangan vwẹ akpọ na rọ vwẹ imwemwu ghovwo ọ da ta kẹ ọ ro ghwoma na nẹ– 11Me ta kẹ wẹ, vrẹn, wọ tọrọ eruẹ wẹn, rere wo kpo uwevwi wẹn. 12O de ghwe vrẹn, siẹvuọvo na ọ da tọrọ eruẹ na, ọ da yanran vwẹ irharo rẹ ayen na ejobi; ọtiọye na o de gbe ayen ejobi unu, ayen de jiri Ọghẹnẹ, nẹ, Avwanre jẹ mrẹ oghẹre tiọna dẹvo-o.
Ese ri Livae
(Matiu 9.9-13; Luk 5.27-32)
13Ọ da rhoma yan vwẹ orhoma rẹ abadi na urogho na ejobi da ghwiẹ bro ra, o de yono ayen. 14Rọ vwọ wan vrẹn ọ da mrẹ Livae rẹ ọmọ rẹ Aifiọs ro tidia vwẹ asan re de toro arhọghọ, ọ da ta kẹ, Nene uvwe. O vrẹnre o de nene.
15Ro vwo tidia udoemu vwẹ uwevwi rọye itoro arhọghọ kugbe iruimwemwu buebu de nene vẹ idibo rọye tidia. kidie ayen buebu ri nenire. 16Isiẹbe ri Farisi na, ọke rẹ ayen vwọ mrẹ rọ vẹ iruimwemwu kugbe itoro arhọghọ vwo ria emu, ayen da ta kẹ idibo rọye, Die o vẹ itoro arhọghọ kugbe iruimwemwu vwọ ria emu? 17Ri Jesu vwo nyo, ọ da ta kẹ ayen, otu rẹ oma rẹ ayen ganre, guọnọ ọbo-o, jokpa rẹ otu rẹ oma da. mi rhi se evwata-a, jokpa rẹ iruimwemwu.
Enanọ kpahe Owẹvwe echiro
(Matiu 9.14-17; Luk 5.33-39)
18Idibo ri Jọn kugbe e re Farisi ki chirẹ owẹvwe; ayen da rhe nọ, Die jabọ rẹ idibo ri Jọn vẹ e re Farisi vwo chirẹ owẹvwe yẹ idibo wẹn gbi chirẹ owẹvwe-e? 19Jesu da ta kẹ ayen, Kẹ ikọpha se chirẹ owẹvwe rẹ ọshare rẹ ọpha vẹ ayen da herọ? rẹ ayen vẹ ọshare rẹ ọpha vwọ herọ na, ayen gbi se chirẹ owẹvwe-e. 20Ẹkẹvuọvo ẹdẹ cha vwẹ obọ, ra vwọ reyọ ọshare rẹ ọpha nẹ obọ rẹ ayen, kẹsiẹye ayen ki che chirẹ owẹvwe vwẹ ẹdẹ yena. 21Ohwo se ko ẹbẹre rẹ amwa ọkpokpọ phihọ ewun rẹ awanre-e, ọ da dia ọtiọye ọkpokpọ na ko si ọ rẹ awanre na bẹre uphrophro na ko miovwi phihọ. 22Ohwo se ku wain ọkpokpọ phihọ ephiẹn rẹ awanree; ọ da dia ọtiọye wain ọkpokpọ na kọ bẹre ephiẹn na, wain na ko hwẹ, ephiẹn na ke bẹre; ẹkẹvuọvo e ku wain ọkpokpọ phihọ ephiẹn ekpokpọ.
Idibo na Kọrọ eka Eboban vwẹ Ẹdijala
(Matiu 12.1-8; Luk 6.1-5)
23Vwẹ ẹdidjala ọvo kọ wan ugbeka vrẹn, rẹ ayen vwọ wanvrẹn na idibo rọye ke kọrọ eka eboban na. 24Farisi na da ta kẹ, Nughe, die idibo wẹn vwo ruẹ obo ri jefo vwẹ ẹdidjala na? 25Ọ da ta kẹ ayen, Ovwan ji se obo ri Devid ruru-u, rẹ ọke rẹ emu vwọ kanrọ rẹ owẹvwe vwo hwe, te ọye vẹ otu re vẹ ọye gba herọ; 26obo rọ vwọ ro uwevwi rẹ Ọghẹnẹ vwẹ ọke rẹ Abiata vwọ hẹ orherẹn rode rọ vwọ re ikara re vwo ze izobo rẹ ohwo ọfa ria-a jokpa rẹ orherẹn ọvo, rọ da je vwọ kẹ otu re vẹ ọye gba herọ? 27Ọ da ta kẹ ayen, A ma ẹdidjala fiki rẹ ohwo, a ma ohwo fiki rẹ edidjala-a. 28Ọtiọye na Ọmọ rẹ ohwo hẹ olori rẹ ẹdidjala ji rhe.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bible in Urhobo © United Bible Societies, 1977.