Matiu 28
28
Evrẹnushi ri Jesu
(Mak 16.1-10; Luk 24.1-12; Jọn 20.1-10)
1Vwẹ irhiọke ride, rẹ ẹdẹ rẹsosuọ rẹ ẹdidjala na, Meri ri Magdala kugbe Meri rivẹ na da rhẹ asan ushi na. 2Nighe otọ de rhi kpogho; kidie amakashe rẹ Ọrovwohwo de wotọ nẹ odjuvwu rhe, o de ghorie oragha na nẹ unu rẹ ushi na, o de tidia enu rẹ oragha na. 3Oma rọye ko lo kerẹsiẹ rẹ enu a nyavwaro, ewun rọye kọ fuan toto kerẹ iphughẹ rẹ odja. 4Ihwo re rhẹrẹ ushi na da ghwumu vẹ oshọ, ke phariẹ guegue. 5Amakashe na da ta kẹ eya na, Ovwan djẹ oshọ-ọ. Me riẹnre nẹ Jesu ra kare mu agbagba na ovwan guọnọ. 6Ọ gbe hẹ etinẹ-ẹ; kidie o vrẹnre, kirobo ro tare jovwo. Wa yanrhe rhe mrẹ asan rẹ Ọrovwohwo shevwerhẹ jovwo. 7Wa yanran okpokpakpa, ra vuẹ idibo rọye nẹ, o vrẹn nẹ ughwu re; ọ karo kẹ ovwan kpo Galili; oboyi kọye ovwan da mrẹ. Nighere, me ta kẹ ovwan nure. 8Ayen de ghine yanran okpokpakpa nẹ asan ushi na vẹ oshọ kugbe aghọghọ, ra vuẹ idibo na. 9Siẹvuọvo na Jesu da ghwa vwa ayen, ọ da ta kẹ ayen nẹ, Wa do. Ayen da djẹ ra gbanọ awọ, ayen de yere vẹ omavwerhovwẹ. 10Jesu da ta kẹ ayen nẹ, Wa djẹ oshọ-ọ; ovwan ra vuẹ imoni mẹ ri chekọ nẹ, ayen wan fi Galili, kẹ oboyi ayen da mrẹ vwẹ.
Iyẹnrẹ ẹnẹ rẹ Ihwo re rhẹrẹ Ushi na
11Ọke rẹ ayen vwọ yanran rẹ, ihwo re rhẹrẹ otọ na da djẹ kpo obo orere, ra vuẹ ilori rẹ irherẹn na obo re phiare. 12Ayen vẹ ekpako na de rhi sioma koko, ayen da jẹ iroro nẹ, a jẹ udi kẹ isodje na, 13rere ayen ta nẹ, Idibo rọye rhe bẹbẹ muo reyọ vwẹ ason, ọke rẹ avwanre vwọ vwerhẹ. 14Pailet de rhi nyo re, avwanre ke vwẹ ota ghwọroma, ọ gbe davwerhọn rẹ ovwa-an. 15Ayen da reyọ igho na, ayen de ru kirobo re yono ayen na. Usi nana de ghwe kperi ro uherevie rẹ ihwo ri Ju rhi te nonẹ na.
Jesu vwẹ Iruo kẹ Uhwọvwo na ru
(Mak 16.14-18; Luk 24.36-49; Jọn 20.19-23; Iruo rẹ Iyinkọn na 1.6-8)
16Ẹkẹvuọvo uhwọvo ri chekọ da yanran kpo Galili, kpo enu rẹ ugbenu ri Jesu dje kẹ ayen na. 17Ọke rẹ ayen vwọ mrẹ nu ayen da ga, ẹkẹvuọvo evo vẹ iroro ivivẹ. 18Jesu vwo bru ayen rhe ọ da ta kẹ ayen nẹ, Ogangan ejobi re hẹ odjuvwu vẹ akpọ, a vwe ayen kẹ vwẹ. 19Ovwan gba yanran re we re yono ihwo rẹ akpọ na ejobi, wa vwẹ ame kẹ ayen vwẹ odẹ rẹ Ọsẹ vẹ ọ rẹ Ọmọ kugbe Erhi Ọfuanfon. 20Wẹ yono ayen vwọ riẹn otọ rẹ imu na ejobi re dje kẹ ovwan na. Nighe, me vẹ ovwan herọ vwẹ ọke ejobi, rhiri rhi te oba rẹ akpọ na.
Currently Selected:
Matiu 28: UBV77
Highlight
Share
Copy
Want to have your highlights saved across all your devices? Sign up or sign in
Bible in Urhobo © United Bible Societies, 1977.
Matiu 28
28
Evrẹnushi ri Jesu
(Mak 16.1-10; Luk 24.1-12; Jọn 20.1-10)
1Vwẹ irhiọke ride, rẹ ẹdẹ rẹsosuọ rẹ ẹdidjala na, Meri ri Magdala kugbe Meri rivẹ na da rhẹ asan ushi na. 2Nighe otọ de rhi kpogho; kidie amakashe rẹ Ọrovwohwo de wotọ nẹ odjuvwu rhe, o de ghorie oragha na nẹ unu rẹ ushi na, o de tidia enu rẹ oragha na. 3Oma rọye ko lo kerẹsiẹ rẹ enu a nyavwaro, ewun rọye kọ fuan toto kerẹ iphughẹ rẹ odja. 4Ihwo re rhẹrẹ ushi na da ghwumu vẹ oshọ, ke phariẹ guegue. 5Amakashe na da ta kẹ eya na, Ovwan djẹ oshọ-ọ. Me riẹnre nẹ Jesu ra kare mu agbagba na ovwan guọnọ. 6Ọ gbe hẹ etinẹ-ẹ; kidie o vrẹnre, kirobo ro tare jovwo. Wa yanrhe rhe mrẹ asan rẹ Ọrovwohwo shevwerhẹ jovwo. 7Wa yanran okpokpakpa, ra vuẹ idibo rọye nẹ, o vrẹn nẹ ughwu re; ọ karo kẹ ovwan kpo Galili; oboyi kọye ovwan da mrẹ. Nighere, me ta kẹ ovwan nure. 8Ayen de ghine yanran okpokpakpa nẹ asan ushi na vẹ oshọ kugbe aghọghọ, ra vuẹ idibo na. 9Siẹvuọvo na Jesu da ghwa vwa ayen, ọ da ta kẹ ayen nẹ, Wa do. Ayen da djẹ ra gbanọ awọ, ayen de yere vẹ omavwerhovwẹ. 10Jesu da ta kẹ ayen nẹ, Wa djẹ oshọ-ọ; ovwan ra vuẹ imoni mẹ ri chekọ nẹ, ayen wan fi Galili, kẹ oboyi ayen da mrẹ vwẹ.
Iyẹnrẹ ẹnẹ rẹ Ihwo re rhẹrẹ Ushi na
11Ọke rẹ ayen vwọ yanran rẹ, ihwo re rhẹrẹ otọ na da djẹ kpo obo orere, ra vuẹ ilori rẹ irherẹn na obo re phiare. 12Ayen vẹ ekpako na de rhi sioma koko, ayen da jẹ iroro nẹ, a jẹ udi kẹ isodje na, 13rere ayen ta nẹ, Idibo rọye rhe bẹbẹ muo reyọ vwẹ ason, ọke rẹ avwanre vwọ vwerhẹ. 14Pailet de rhi nyo re, avwanre ke vwẹ ota ghwọroma, ọ gbe davwerhọn rẹ ovwa-an. 15Ayen da reyọ igho na, ayen de ru kirobo re yono ayen na. Usi nana de ghwe kperi ro uherevie rẹ ihwo ri Ju rhi te nonẹ na.
Jesu vwẹ Iruo kẹ Uhwọvwo na ru
(Mak 16.14-18; Luk 24.36-49; Jọn 20.19-23; Iruo rẹ Iyinkọn na 1.6-8)
16Ẹkẹvuọvo uhwọvo ri chekọ da yanran kpo Galili, kpo enu rẹ ugbenu ri Jesu dje kẹ ayen na. 17Ọke rẹ ayen vwọ mrẹ nu ayen da ga, ẹkẹvuọvo evo vẹ iroro ivivẹ. 18Jesu vwo bru ayen rhe ọ da ta kẹ ayen nẹ, Ogangan ejobi re hẹ odjuvwu vẹ akpọ, a vwe ayen kẹ vwẹ. 19Ovwan gba yanran re we re yono ihwo rẹ akpọ na ejobi, wa vwẹ ame kẹ ayen vwẹ odẹ rẹ Ọsẹ vẹ ọ rẹ Ọmọ kugbe Erhi Ọfuanfon. 20Wẹ yono ayen vwọ riẹn otọ rẹ imu na ejobi re dje kẹ ovwan na. Nighe, me vẹ ovwan herọ vwẹ ọke ejobi, rhiri rhi te oba rẹ akpọ na.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bible in Urhobo © United Bible Societies, 1977.