Matiu 27
27
Arẹyọ Jesu vwo rhe Pailet
(Mak 15.1; Luk 23.1-2; Jọn 18.28-32)
1Rẹ ọke rhi vwo rhie, ilori rẹ irherẹn na ejobi kugbe ekpako ri Ju na ejobi, da ra ro ẹguare kpahe Jesu obo rẹ ayen ru hwe. 2Ayen da gba, ayen de suo yanran kpo asan ri Pailet oguẹdjọ na.
Ughwu ri Judas
(Iruo rẹ Iyinkọn na 1.18-19)
3Judas rọ shẹrẹ na, rọ vwọ mrẹ nẹ e bruhwe nure, o de kurhẹriẹ, ọ da ghwẹ idọnọ efuanfon ọgban na vwo rhe otu rẹ ilori rẹ irherẹn kugbe ekpako na, 4nẹ, Mi ru chọ, re me vwọ shẹ ọvwata na ekueku. Ẹkẹvuọvo ayen da ta nẹ, ọye dia ota rẹ avwanre-e, ọye ota wẹn. 5Ọ da kpare igho na phihọ otọ, ọ da yanran re churu ghwu. 6Ilori rẹ irherẹn na da reyọ igho na, ayen da ta nẹ, Ofori rere a vwẹ igho nana ba igho rẹ avwanre-e, kidie igho rẹ ọbara i ruẹ. 7Ayen da jẹ iroro nẹ, a vwẹ igho na dẹ otọ re shi erhorha phihọ. 8Kẹ ọke yena yanran e de se otọ na Otọ rẹ Obara. 9Ota ri Jẹrimaya tare na da gba nẹ, Ayen da reyọ idọnọ efuanfon ọgban na, unuigho rẹ emọ rẹ Izrẹl shẹrẹ na. 10Ayen da vwọ de otọ, ọtiọye Ọrovwohwo ta kẹ vwẹ.
Pailet nẹ Jesu Enanọ
(Mak 15.2-5; Luk 23.3-5; Jọn 18.33-38)
11Jesu de rhi mudia vwẹ obaro ri Pailet oguẹdjọ na, ọ da nọ nẹ, Wẹ hẹ ovie ri Ju na? Jesu da kpahe kẹ nẹ, Wẹ re tare. 12Rẹ otu rẹ ilori rẹ irherẹn kugbe ekpakọ na rhi vwo gu kpahọ ọ kpahe ota ọvuọvo-o. 13Pailet da ta kẹ ayen nẹ, Wo nyo obo rẹ ayen guẹ kpahe owẹ na? 14Ọ je kpahe ota ọvuọvo-o; o de gbe Pailet unu gangan.
Ebrorhiẹ rẹ Ughwu hwe Jesu
15Vwẹ ọke orẹ na, Pailet da guọnọ siobọ nẹ ohwo ọvo kẹ ayen vwẹ uwodi na. 16Ọke yena ohwo ọvo rọ suota, ji vwẹ ozighẹ re se Barabas je hẹ uwodi na. 17Ayen rhi vwo si koko, Pailet da nọ ayen nẹ, Ono wa guọnọre ni mi siobọ nu kẹ ovwan? Barabas gbenẹ Kristi? 18Kidie ọ riẹnre nẹ omaẹriọ ayen vwo muo rhe. 19Ro vwo tidia vwẹ asan re de brorhiẹ, aye rọye de ji ohwo ra vuẹ nẹ, Wo brorhiẹ hwe ọvwata na-a; Kidie me vwerhẹ evwerhẹ kpahọ buebu vwẹ ason na. 20Ilori rẹ irherẹn kugbe ekpako na da riẹriẹ ihwo na nẹ, e siobọ nẹ Barabas re hwe Jesu. 21Pailet da nọ ayen nẹ, Ono vwẹ ivẹ na wa guọnọre ni mi siobọ nu kẹ ovwan? Ayen da ta nẹ, Barabas. 22Pailet da ta kẹ ayen nẹ, Komavọ mi ru ọ rẹ ovwan se Kristi na? Ayen da ta nẹ, e ja karọ mu agbagba. 23Ọ da ta nẹ, Kidie o ruru. Ayen da rhoma kperi gangan nẹ, e ja karọ mu agbagba. 24Pailet rhe vwọ mrẹ nẹ ota rọye sa rhẹriẹ udu rẹ ihwo na-a nẹ ayen jẹ iroro rẹ ozighi, ọ da vwẹ ame hworhẹ obọ rọye vwẹ irharo rẹ ayen nẹ, Obọ mẹ hẹ ughwu rẹ ọvwata nana-a, ọye ota rẹ ovwan. 25Ayen da kpahe ta nẹ, Ọbara rọye dia enu rẹ uyovwi rẹ avwanre vẹ emọ rẹ avwanre. 26O de siobọ nẹ Barabas kẹ ayen, ẹkẹvuọvo ọ da vwẹ ugbudia fa Jesu ọ da vwọ kẹ ayen re ayen ra karọ mu agbagba.
Isodje na reyọ Jesu vwọ Jehwẹ
(Mak 15.16-20; Jọn 19.2-3)
27Isodje ri Pailet de sun Jesu kpo uwevwi rẹ ovie, ayen de se ogodogo riariẹ, 28Ayen da ban phihọ, ayen de ku ewun ovwavware phihọ. 29Ayen da wọn erhu rẹ odjigbẹ vwo tughẹ, ayen da vwẹ ugbẹn rẹ ọghọrọghọdẹ vwọ hẹ obọ; ayen de diguẹ kẹ, vwọ jehwẹ tanẹ, Do, Ovie ri Ju! 30Ayen de dje enya kuo, ayen da vwẹ ọghọrọgbọdẹ na fa uyovwi. 31Rẹ ayen vwọ reyọ vwọ jehwẹ nu, ayen de ku adagba ọvwavware na no oma, ayen de ku ewun rọye phihọ, ayen de suo ra kare mu agbagba.
Ekanrọ mu Agbagba na
(Mak 15.21-32; Luk 23.26-43; Jọn 19.17-27)
32Rẹ ayen ghwa vwọ ro uphẹphẹ, ayen da mrẹ ohwo ri Saerini, re se Saimọn, ayen da gba nẹ ọ ghwa agbagba rọye na. 33Ayen de rhi vwo te asan re se Gọlgọta, otọ rọye, ekpehruyovwi. 34Ayen da vwẹ udi rọ yara korokoro kẹ, rọ vwọ davwọ o jọ da-a. 35Rẹ ayen vwọ karọ mu agbagba nu, ayen da bẹrẹ ewun rọye vwo duvwu itẹ. 36Ayen de tidia kẹrẹ ra vwọ rhẹrẹ. 37Ayen de si urhi re vwo muo nẹ, ỌNANA JESU OVIE RI JU. 38A da kare iji ivẹ kugbe, ọvo hẹ obọrhe ọrivẹ hẹ obọhwẹre. 39Ihwo re yan vrẹn mi mienu phihọ ayen mi kpogho uyovwi, 40tanẹ Wẹ ro kporo uwevwi rẹ ẹga na, rọ da bọn ẹdẹ erha na, sivwi oma wẹn, wọ da ghene dia ọmọ rẹ Ọghẹnẹ gbe pho rhiotọ. 41Ọtiọye na, ilori rẹ irherẹn, kugbe isiẹbe na vẹ ekpako na je vwọ jehwẹ tanẹ, 42Ọ sivwi ihwo efa; yo se sivwi oma rọye-e. Ọ ta nẹ, ọye hẹ ovie rẹ Izrẹl; gbe wotọ rhe re avwanre mrẹ, kẹ avwanre se we gbuyota. 43Ọ vwẹ ẹro so Ọghẹnẹ; e gbe jo sivwo ra mrẹ, obo rọ guọnerọ te na; kidie ọ tare nẹ, Mẹvwẹ ọmọ rẹ Ọghẹnẹ. 44Iji ra kare kugbe na da je vwọ jehwẹ rhe.
Ughwu ri Jesu
(Mak 15.33-41; Luk 23.44-49; Jọn 19.28-30)
45Kẹ unọke esan yanran egho de rhi mu vwẹ asan ejobi rhiri rhi te unọke irhiri. 46Unọke irhiri vwo te Jesu de kperi urhuru gangan ta nẹ, Eloi, Eloi lama sabaktani? ra fan otọ rọye nẹ, Ọghẹnẹ mẹ, Ọghẹnẹ mẹ, die jabọ wọ vwọ sen vwẹ? 47Evo ri mudia kẹrẹ vwẹ etiyin na da ta nẹ, o se Ilaija. 48Siẹvuọvo na ohwo ọvo rọ hẹ etiyin na da djẹ ra reyọ ahworhẹ, o de duvwo phihọ viniga, ọ da vwẹ ubiurhe kparọ kẹ nẹ ọda. 49Iri cheko da ta nẹ, Jo vwo re Ilaija rhi sivwo. 50Jesu da rhoma kperi gangan, o de phi ẹnwẹn họ. 51Nighe amwa ra vwọ tan obaro rẹ ẹshẹ na, da bẹre ẹbẹre ivẹ nẹ otọ rhi duvwu enu; otọ de mu kpogho; eragha de mu bẹre. 52Ishi rẹ ihwo efuanfon rẹ Ọghẹnẹ ri ghwuru rhabae de mu rhie, irivwi re herọ da varhe; 53Ayen vwọ varhe nu, ayen da rhe orere Ọfuanfon na re vwẹ oma phia kẹ ihwo buebu. 54Ọke yena olori rẹ isodje rọ rhẹrẹ Jesu vwẹ etiyin, kugbe otu rọye, vwọ mrẹ otọ re kpoghori, kugbe emu buebu re phiare na, oshọ de mu ayen gangan ta nẹ, Uyota ohwo nana ghine ọmọ rẹ Ọghẹnẹ. 55Eya buebu je hẹ etiyin ri no vwẹ ogboko, iri nene Jesu vwẹ obi Galili jovwo, re vwẹ ẹro te. 56Meri ri Magdala je hẹ usun rẹ ayen, kugbe Meri rẹ oni ri Jems vi Josis kugbe oni rẹ emọ ri Zẹbidi.
Esho ri Jesu
(Mak 15.42-47; Luk 23.50-56; Jọn 19.38-42)
57Ovwọnvwọn rhi vwo te, ọdafe ọvo ohwo rẹ Arimatia, odẹ rọye Josẹf, je vwẹ usun rẹ ihwo ri nene Jesu jovwo na. 58O de bru Pailet ra, ra yare orivwi ri Jesu. Pailet da rhọvwe kẹ. 59Josẹf de mu orivwi ri Jesu, ọ da vwẹ ukpoyibo vwọ pharọ. 60O de re sho vwẹ ushi rọ tọn kẹ omobọ rọye, rọ tọn phihọ evun rẹ oragha, o de ghorie oragha nyẹ unu rẹ ushi na. 61Meri ri Magdala kugbe Meri rivẹ de tidia hirhe opharo ku ushi na.
Ihwo re rhẹrẹ Ushi na
62Vwẹ ẹdẹ rivẹ, rẹ ẹdẹ rẹ Erhuẹrẹ kpahọ vwọ wan nu, ilori rẹ irherẹn kugbe otu ri Farisi de koko bru Pailet rhe. 63Nẹ, Ọga, avwanre karohọ rẹ ọvworofian na, vwọ hẹ akpọ tare nẹ, Ẹdẹ erha da wan nu ki mi vrẹn nẹ ughwu. 64Ji ihwo re nabọ rhẹrẹ ushi na kokoroko, re idibo rọye vwo jẹ bẹbẹ muo reyọ, re ayen da rhe phiẹn ihwo nẹ, Ọ vrẹnri; oruchẹ yena kọye ma rho nọ ọ rẹsosuọ. 65Pailet da ta kẹ ayen, wa yanran re wa ra rhẹrẹ. 66Ayen da yanran, ra nabọ ji ihwo ra rhẹrẹ ushi na, ayen da nabọ phare unu rẹ ushi na di kokoroko.
Currently Selected:
Matiu 27: UBV77
Highlight
Share
Copy
Want to have your highlights saved across all your devices? Sign up or sign in
Bible in Urhobo © United Bible Societies, 1977.
Matiu 27
27
Arẹyọ Jesu vwo rhe Pailet
(Mak 15.1; Luk 23.1-2; Jọn 18.28-32)
1Rẹ ọke rhi vwo rhie, ilori rẹ irherẹn na ejobi kugbe ekpako ri Ju na ejobi, da ra ro ẹguare kpahe Jesu obo rẹ ayen ru hwe. 2Ayen da gba, ayen de suo yanran kpo asan ri Pailet oguẹdjọ na.
Ughwu ri Judas
(Iruo rẹ Iyinkọn na 1.18-19)
3Judas rọ shẹrẹ na, rọ vwọ mrẹ nẹ e bruhwe nure, o de kurhẹriẹ, ọ da ghwẹ idọnọ efuanfon ọgban na vwo rhe otu rẹ ilori rẹ irherẹn kugbe ekpako na, 4nẹ, Mi ru chọ, re me vwọ shẹ ọvwata na ekueku. Ẹkẹvuọvo ayen da ta nẹ, ọye dia ota rẹ avwanre-e, ọye ota wẹn. 5Ọ da kpare igho na phihọ otọ, ọ da yanran re churu ghwu. 6Ilori rẹ irherẹn na da reyọ igho na, ayen da ta nẹ, Ofori rere a vwẹ igho nana ba igho rẹ avwanre-e, kidie igho rẹ ọbara i ruẹ. 7Ayen da jẹ iroro nẹ, a vwẹ igho na dẹ otọ re shi erhorha phihọ. 8Kẹ ọke yena yanran e de se otọ na Otọ rẹ Obara. 9Ota ri Jẹrimaya tare na da gba nẹ, Ayen da reyọ idọnọ efuanfon ọgban na, unuigho rẹ emọ rẹ Izrẹl shẹrẹ na. 10Ayen da vwọ de otọ, ọtiọye Ọrovwohwo ta kẹ vwẹ.
Pailet nẹ Jesu Enanọ
(Mak 15.2-5; Luk 23.3-5; Jọn 18.33-38)
11Jesu de rhi mudia vwẹ obaro ri Pailet oguẹdjọ na, ọ da nọ nẹ, Wẹ hẹ ovie ri Ju na? Jesu da kpahe kẹ nẹ, Wẹ re tare. 12Rẹ otu rẹ ilori rẹ irherẹn kugbe ekpakọ na rhi vwo gu kpahọ ọ kpahe ota ọvuọvo-o. 13Pailet da ta kẹ ayen nẹ, Wo nyo obo rẹ ayen guẹ kpahe owẹ na? 14Ọ je kpahe ota ọvuọvo-o; o de gbe Pailet unu gangan.
Ebrorhiẹ rẹ Ughwu hwe Jesu
15Vwẹ ọke orẹ na, Pailet da guọnọ siobọ nẹ ohwo ọvo kẹ ayen vwẹ uwodi na. 16Ọke yena ohwo ọvo rọ suota, ji vwẹ ozighẹ re se Barabas je hẹ uwodi na. 17Ayen rhi vwo si koko, Pailet da nọ ayen nẹ, Ono wa guọnọre ni mi siobọ nu kẹ ovwan? Barabas gbenẹ Kristi? 18Kidie ọ riẹnre nẹ omaẹriọ ayen vwo muo rhe. 19Ro vwo tidia vwẹ asan re de brorhiẹ, aye rọye de ji ohwo ra vuẹ nẹ, Wo brorhiẹ hwe ọvwata na-a; Kidie me vwerhẹ evwerhẹ kpahọ buebu vwẹ ason na. 20Ilori rẹ irherẹn kugbe ekpako na da riẹriẹ ihwo na nẹ, e siobọ nẹ Barabas re hwe Jesu. 21Pailet da nọ ayen nẹ, Ono vwẹ ivẹ na wa guọnọre ni mi siobọ nu kẹ ovwan? Ayen da ta nẹ, Barabas. 22Pailet da ta kẹ ayen nẹ, Komavọ mi ru ọ rẹ ovwan se Kristi na? Ayen da ta nẹ, e ja karọ mu agbagba. 23Ọ da ta nẹ, Kidie o ruru. Ayen da rhoma kperi gangan nẹ, e ja karọ mu agbagba. 24Pailet rhe vwọ mrẹ nẹ ota rọye sa rhẹriẹ udu rẹ ihwo na-a nẹ ayen jẹ iroro rẹ ozighi, ọ da vwẹ ame hworhẹ obọ rọye vwẹ irharo rẹ ayen nẹ, Obọ mẹ hẹ ughwu rẹ ọvwata nana-a, ọye ota rẹ ovwan. 25Ayen da kpahe ta nẹ, Ọbara rọye dia enu rẹ uyovwi rẹ avwanre vẹ emọ rẹ avwanre. 26O de siobọ nẹ Barabas kẹ ayen, ẹkẹvuọvo ọ da vwẹ ugbudia fa Jesu ọ da vwọ kẹ ayen re ayen ra karọ mu agbagba.
Isodje na reyọ Jesu vwọ Jehwẹ
(Mak 15.16-20; Jọn 19.2-3)
27Isodje ri Pailet de sun Jesu kpo uwevwi rẹ ovie, ayen de se ogodogo riariẹ, 28Ayen da ban phihọ, ayen de ku ewun ovwavware phihọ. 29Ayen da wọn erhu rẹ odjigbẹ vwo tughẹ, ayen da vwẹ ugbẹn rẹ ọghọrọghọdẹ vwọ hẹ obọ; ayen de diguẹ kẹ, vwọ jehwẹ tanẹ, Do, Ovie ri Ju! 30Ayen de dje enya kuo, ayen da vwẹ ọghọrọgbọdẹ na fa uyovwi. 31Rẹ ayen vwọ reyọ vwọ jehwẹ nu, ayen de ku adagba ọvwavware na no oma, ayen de ku ewun rọye phihọ, ayen de suo ra kare mu agbagba.
Ekanrọ mu Agbagba na
(Mak 15.21-32; Luk 23.26-43; Jọn 19.17-27)
32Rẹ ayen ghwa vwọ ro uphẹphẹ, ayen da mrẹ ohwo ri Saerini, re se Saimọn, ayen da gba nẹ ọ ghwa agbagba rọye na. 33Ayen de rhi vwo te asan re se Gọlgọta, otọ rọye, ekpehruyovwi. 34Ayen da vwẹ udi rọ yara korokoro kẹ, rọ vwọ davwọ o jọ da-a. 35Rẹ ayen vwọ karọ mu agbagba nu, ayen da bẹrẹ ewun rọye vwo duvwu itẹ. 36Ayen de tidia kẹrẹ ra vwọ rhẹrẹ. 37Ayen de si urhi re vwo muo nẹ, ỌNANA JESU OVIE RI JU. 38A da kare iji ivẹ kugbe, ọvo hẹ obọrhe ọrivẹ hẹ obọhwẹre. 39Ihwo re yan vrẹn mi mienu phihọ ayen mi kpogho uyovwi, 40tanẹ Wẹ ro kporo uwevwi rẹ ẹga na, rọ da bọn ẹdẹ erha na, sivwi oma wẹn, wọ da ghene dia ọmọ rẹ Ọghẹnẹ gbe pho rhiotọ. 41Ọtiọye na, ilori rẹ irherẹn, kugbe isiẹbe na vẹ ekpako na je vwọ jehwẹ tanẹ, 42Ọ sivwi ihwo efa; yo se sivwi oma rọye-e. Ọ ta nẹ, ọye hẹ ovie rẹ Izrẹl; gbe wotọ rhe re avwanre mrẹ, kẹ avwanre se we gbuyota. 43Ọ vwẹ ẹro so Ọghẹnẹ; e gbe jo sivwo ra mrẹ, obo rọ guọnerọ te na; kidie ọ tare nẹ, Mẹvwẹ ọmọ rẹ Ọghẹnẹ. 44Iji ra kare kugbe na da je vwọ jehwẹ rhe.
Ughwu ri Jesu
(Mak 15.33-41; Luk 23.44-49; Jọn 19.28-30)
45Kẹ unọke esan yanran egho de rhi mu vwẹ asan ejobi rhiri rhi te unọke irhiri. 46Unọke irhiri vwo te Jesu de kperi urhuru gangan ta nẹ, Eloi, Eloi lama sabaktani? ra fan otọ rọye nẹ, Ọghẹnẹ mẹ, Ọghẹnẹ mẹ, die jabọ wọ vwọ sen vwẹ? 47Evo ri mudia kẹrẹ vwẹ etiyin na da ta nẹ, o se Ilaija. 48Siẹvuọvo na ohwo ọvo rọ hẹ etiyin na da djẹ ra reyọ ahworhẹ, o de duvwo phihọ viniga, ọ da vwẹ ubiurhe kparọ kẹ nẹ ọda. 49Iri cheko da ta nẹ, Jo vwo re Ilaija rhi sivwo. 50Jesu da rhoma kperi gangan, o de phi ẹnwẹn họ. 51Nighe amwa ra vwọ tan obaro rẹ ẹshẹ na, da bẹre ẹbẹre ivẹ nẹ otọ rhi duvwu enu; otọ de mu kpogho; eragha de mu bẹre. 52Ishi rẹ ihwo efuanfon rẹ Ọghẹnẹ ri ghwuru rhabae de mu rhie, irivwi re herọ da varhe; 53Ayen vwọ varhe nu, ayen da rhe orere Ọfuanfon na re vwẹ oma phia kẹ ihwo buebu. 54Ọke yena olori rẹ isodje rọ rhẹrẹ Jesu vwẹ etiyin, kugbe otu rọye, vwọ mrẹ otọ re kpoghori, kugbe emu buebu re phiare na, oshọ de mu ayen gangan ta nẹ, Uyota ohwo nana ghine ọmọ rẹ Ọghẹnẹ. 55Eya buebu je hẹ etiyin ri no vwẹ ogboko, iri nene Jesu vwẹ obi Galili jovwo, re vwẹ ẹro te. 56Meri ri Magdala je hẹ usun rẹ ayen, kugbe Meri rẹ oni ri Jems vi Josis kugbe oni rẹ emọ ri Zẹbidi.
Esho ri Jesu
(Mak 15.42-47; Luk 23.50-56; Jọn 19.38-42)
57Ovwọnvwọn rhi vwo te, ọdafe ọvo ohwo rẹ Arimatia, odẹ rọye Josẹf, je vwẹ usun rẹ ihwo ri nene Jesu jovwo na. 58O de bru Pailet ra, ra yare orivwi ri Jesu. Pailet da rhọvwe kẹ. 59Josẹf de mu orivwi ri Jesu, ọ da vwẹ ukpoyibo vwọ pharọ. 60O de re sho vwẹ ushi rọ tọn kẹ omobọ rọye, rọ tọn phihọ evun rẹ oragha, o de ghorie oragha nyẹ unu rẹ ushi na. 61Meri ri Magdala kugbe Meri rivẹ de tidia hirhe opharo ku ushi na.
Ihwo re rhẹrẹ Ushi na
62Vwẹ ẹdẹ rivẹ, rẹ ẹdẹ rẹ Erhuẹrẹ kpahọ vwọ wan nu, ilori rẹ irherẹn kugbe otu ri Farisi de koko bru Pailet rhe. 63Nẹ, Ọga, avwanre karohọ rẹ ọvworofian na, vwọ hẹ akpọ tare nẹ, Ẹdẹ erha da wan nu ki mi vrẹn nẹ ughwu. 64Ji ihwo re nabọ rhẹrẹ ushi na kokoroko, re idibo rọye vwo jẹ bẹbẹ muo reyọ, re ayen da rhe phiẹn ihwo nẹ, Ọ vrẹnri; oruchẹ yena kọye ma rho nọ ọ rẹsosuọ. 65Pailet da ta kẹ ayen, wa yanran re wa ra rhẹrẹ. 66Ayen da yanran, ra nabọ ji ihwo ra rhẹrẹ ushi na, ayen da nabọ phare unu rẹ ushi na di kokoroko.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Bible in Urhobo © United Bible Societies, 1977.