Izikiẹl 15
15
Jerusalẹm Epha Kerẹ Orharhẹ ri Vain
1Ota re Ọrovwohwo de bru vwe rhe. 2Ọmọ rẹ ohwo, mavọ urhe ri vain vwọ rho nọ urhe ọfa, oghọn ri vain ro hẹ ohri rẹ irhe rẹ egbo na? 3A reyọ urhe no vwo ru emuọvo? Ihwo reyọ okarọ no rere a vwẹ ekuakua ya? 4Nighe, e vwiro mu erhanre rere ọ ton, ọke rẹ erhanre na da torhẹ uyovwi vẹ ẹroro rọye nu, rẹ uherevie rọye de hirhe phihọ utuerhanre nu, ko ji je vwo ru emuọfa? 5Nighere, ọke rọ vwọ hẹ ọsoso, e vwi ro ru emuọvo-o, komavọ ọ dia, vwẹ ọke rẹ erhanre vwọ tọrhẹ hirhe phihọ ubi nu na, kẹsiẹye ọ ki je vwo ru emuọfa? 6Fiki rẹ ọtiọye na enẹ Ọrovwohwo Ọghẹnẹ tare: Kerẹ urhe ri vain vwẹ ohri rẹ irhe rẹ egbo na, re me vwọ vwẹ erhanre kẹ nẹ ọ torhẹ na, ọtiọye mi ji che siobọ nẹ ihwo re dia Jerusalẹm ne eton. 7Ke Me tọn opharo mẹ vi ayen, owene ayen vwọ vabọ rẹ erhanre na dede, yẹ erhanre na je cha torhẹ ayen, ku wọ riẹn nẹ mẹvwẹ Ọrovwohwo, vwẹ ọke re me da tọn opharo me vi ayen. 8Ke me kua otọ na fiotọ phrẹphrẹphrẹ, kidie ayen segbuyota-a, eriyin Ọrovwohwo Ọghẹnẹ tare.
Currently Selected:
Izikiẹl 15: UBV77
Highlight
Share
Copy
Want to have your highlights saved across all your devices? Sign up or sign in
Bible in Urhobo © United Bible Societies, 1977.
