NAHÚM 3
3
Nínive llactata tucuchinamanta
1¡Cai llactapi causaccunalla,
huañuchishpa yahuarta jichashpa,
yallita llullashpa, shuhuashpa,
macashpa quichushpallami
causarcanguichic!
2Anguhuan huactashcatapish,
carreta ruedacuna huacashcatapish,
caballocuna sarushcatapish,
carretacuna huajiashcatapish,
3caballopi ric soldado
shamucuctapish ricungami.
Espadapish, lanzapish
jagan nicuctami ricunga.
Achca runacunami huañunga.
Huañushcacunaca maita
mana yupaipacmi canga.
Chai huañushcacunapac
jahuallapitacmi mitcaringa.
4Nínive llactapi causaccunaca
huainayac huarmi shina,
sumac ricunallami carca.
Brujianatapish yallita
yachac cashcamanta,
shuctac llacta gentecunatapish
huainayachishpa,
brujiashpa juchapi urmachic carca.
Chaimantami chai
llaquicunaca japinga.
5Tucuita Mandac Diosca:
«¡Ñucami canta llaquichigrini!
Cambac churanacunata
cambac ñahuicaman llatanashpami
shuctac llactacunaman ricuchisha.
Chashnami jatun mandaccunapac ñaupapi
shayachishpa pingaichisha.
6Cambac jahuapi mapacunata
shitashpa pingaichishpami
tucuipac asinata ruhuasha.
7Can chashna cacta tucui
gentecuna ricushpa,
canmanta caruyashpaca:
“¡Nínive llactaca
llaquinayaitami tucurishca!
¿Pitac paitaca llaquingayari?
¿Maipitac cushichictaca taringayari?”
nishpami mancharinga.
8¿Canca Tebas llactatapish
yallichu carcangui?
Chai llactaca jatun yacu
Nilo ladopi tiyac,
muyundita jatun yacucuna jarcashca,
shinallatac baluartecunahuanmi carca.
9Etiopía llacta, Egiptopi
llacta ayudacpimi,
pipish mana mishaipac carca.
Fut llacta, Libia llactapi
causaccunapish,
paita ayudacmi carca.
10Shina cacpipish, prezurcami.
Paipac huahuacunataca
calle esquinacunapimi
pambaman shitashpa huañuchirca.
Alli nishca runacunataca
suerteta ruhuashpami aparca.
Mandaccunataca cadenahuan
huatashpami prezu aparca.
11Canpish machashca
shinami saquiringui.
Piñaccunamanta miticushpami
ucupi cangui.
Piñaccuna shamucpica,
maipi miticunata mashcanguimi.
12Can miticuna torrecunaca
alli cargashca
higo yura shinami canga.
Yurata cuyuchicpi, granocuna
shimipimi urmac shinami canga.
13Cambac soldadocunaca
huarmicuna shinami manchanga.
Llacta pungucunapish,
canta piñaccuna yaicuchunmi,
caiman chaiman pascaringa.
Pungu aldabacunataca
ninami tucuchinga.
14Canta piñaccuna muyunacushpa
shayacucpi, yacuta
ubiangapac ashtangui.
Cambac muyundi pircacunata
allichingapac turuta batingui,
hornotapish allichingui.
15Chaipica ninami rupachinga.
Cantaca espadahuan huañuchishpami,
pulgón curucuna shina tucuchinga.
Langosta, pichachau
curucuna shina mirariyari.
16Jahua pacha lucerocunata shinami,
randishpa catushpa
charinacunata mirachircangui.
Shina cacpipish,
langostacuna tucuchic
shinami tucuchinga.
17Cambac mandaccunaca
langosta curucuna shinami canga.
Chiri punzhacunapica
langostacuna puyu shina shamushpami
pirca jahuapi siricunga.
Inti shamucpica ringallami.
Shina ricpica, paicuna maipi
cactaca pipish mana yachanchu.
18¡Asiria llactata
jatun mandaclla,
cambac michiccunaca sueñucunmi!
¡Cambac sinchi
soldadocunapish samaricunmi!
Cambac llactapi causaccunaca
urcucunamanmicaita chaita rishca.
Paicunata tandachicca
pipish mana tiyanchu.
19Cambac nanaita allichic
jambica mana tiyanchu.
Chugrica mana jambipacmi tucushca.
Can ima tucushcataca uyashpaca
tucuimi cushicunga.
Canca tucuitami
llaquichircangui» ninmi.
Currently Selected:
NAHÚM 3: QCA10
Highlight
Share
Copy
Want to have your highlights saved across all your devices? Sign up or sign in
Biblia Quichua Cañar, Dios Rimashcata Quillcashcami © Sociedades Biblicas Unidas, 2010.
NAHÚM 3
3
Nínive llactata tucuchinamanta
1¡Cai llactapi causaccunalla,
huañuchishpa yahuarta jichashpa,
yallita llullashpa, shuhuashpa,
macashpa quichushpallami
causarcanguichic!
2Anguhuan huactashcatapish,
carreta ruedacuna huacashcatapish,
caballocuna sarushcatapish,
carretacuna huajiashcatapish,
3caballopi ric soldado
shamucuctapish ricungami.
Espadapish, lanzapish
jagan nicuctami ricunga.
Achca runacunami huañunga.
Huañushcacunaca maita
mana yupaipacmi canga.
Chai huañushcacunapac
jahuallapitacmi mitcaringa.
4Nínive llactapi causaccunaca
huainayac huarmi shina,
sumac ricunallami carca.
Brujianatapish yallita
yachac cashcamanta,
shuctac llacta gentecunatapish
huainayachishpa,
brujiashpa juchapi urmachic carca.
Chaimantami chai
llaquicunaca japinga.
5Tucuita Mandac Diosca:
«¡Ñucami canta llaquichigrini!
Cambac churanacunata
cambac ñahuicaman llatanashpami
shuctac llactacunaman ricuchisha.
Chashnami jatun mandaccunapac ñaupapi
shayachishpa pingaichisha.
6Cambac jahuapi mapacunata
shitashpa pingaichishpami
tucuipac asinata ruhuasha.
7Can chashna cacta tucui
gentecuna ricushpa,
canmanta caruyashpaca:
“¡Nínive llactaca
llaquinayaitami tucurishca!
¿Pitac paitaca llaquingayari?
¿Maipitac cushichictaca taringayari?”
nishpami mancharinga.
8¿Canca Tebas llactatapish
yallichu carcangui?
Chai llactaca jatun yacu
Nilo ladopi tiyac,
muyundita jatun yacucuna jarcashca,
shinallatac baluartecunahuanmi carca.
9Etiopía llacta, Egiptopi
llacta ayudacpimi,
pipish mana mishaipac carca.
Fut llacta, Libia llactapi
causaccunapish,
paita ayudacmi carca.
10Shina cacpipish, prezurcami.
Paipac huahuacunataca
calle esquinacunapimi
pambaman shitashpa huañuchirca.
Alli nishca runacunataca
suerteta ruhuashpami aparca.
Mandaccunataca cadenahuan
huatashpami prezu aparca.
11Canpish machashca
shinami saquiringui.
Piñaccunamanta miticushpami
ucupi cangui.
Piñaccuna shamucpica,
maipi miticunata mashcanguimi.
12Can miticuna torrecunaca
alli cargashca
higo yura shinami canga.
Yurata cuyuchicpi, granocuna
shimipimi urmac shinami canga.
13Cambac soldadocunaca
huarmicuna shinami manchanga.
Llacta pungucunapish,
canta piñaccuna yaicuchunmi,
caiman chaiman pascaringa.
Pungu aldabacunataca
ninami tucuchinga.
14Canta piñaccuna muyunacushpa
shayacucpi, yacuta
ubiangapac ashtangui.
Cambac muyundi pircacunata
allichingapac turuta batingui,
hornotapish allichingui.
15Chaipica ninami rupachinga.
Cantaca espadahuan huañuchishpami,
pulgón curucuna shina tucuchinga.
Langosta, pichachau
curucuna shina mirariyari.
16Jahua pacha lucerocunata shinami,
randishpa catushpa
charinacunata mirachircangui.
Shina cacpipish,
langostacuna tucuchic
shinami tucuchinga.
17Cambac mandaccunaca
langosta curucuna shinami canga.
Chiri punzhacunapica
langostacuna puyu shina shamushpami
pirca jahuapi siricunga.
Inti shamucpica ringallami.
Shina ricpica, paicuna maipi
cactaca pipish mana yachanchu.
18¡Asiria llactata
jatun mandaclla,
cambac michiccunaca sueñucunmi!
¡Cambac sinchi
soldadocunapish samaricunmi!
Cambac llactapi causaccunaca
urcucunamanmicaita chaita rishca.
Paicunata tandachicca
pipish mana tiyanchu.
19Cambac nanaita allichic
jambica mana tiyanchu.
Chugrica mana jambipacmi tucushca.
Can ima tucushcataca uyashpaca
tucuimi cushicunga.
Canca tucuitami
llaquichircangui» ninmi.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Biblia Quichua Cañar, Dios Rimashcata Quillcashcami © Sociedades Biblicas Unidas, 2010.