MATEO 13
13
Tarpuc runamanta Jesús chimbapurashpa parlashcamanta
(Mr 4.1-9; Lc 8.4-8)
1 Chai punzhallatacmi Jesusca huasimanta rishpa, cucha patapi tiyarirca. 2Chaiman achca gentecuna cuchuyacpimi, Chaimantami Jesusca shuc canoapi tiyarirca. Achca gentecunami yacu patapi tiyacurca. 3Chaipi Jesús tauca rimaicunata chimbapurashpa yachachishpaca: «Shuc tarpuc runami trigota tarpungapac llucshirca. 4Pai tarpucucpica, maijan muyuca ñanpimi urmarca. Chai muyutaca zhutacuna shamushpami mururca. 5Maijan muyuca rumi allpapimi urmarca. Ashalla allpapi cashcamantami utca huiñarca. 6Chashna cacpipish, chai yuraca mana ucuman sapita charishcamantami, inti rupachicpica chaquirca. 7Maijan muyuca casha chaupipimi urmarca. Casha huiñashpaca aguachircami. 8Ashtahuanpish maijan muyuca alli allpapimi urmarca. Chaimantami allita pucushpa, maijanca shucmanta pasacta, maijanca sucta chungata, maijanca quimsa chungata pucurca. 9Maijanpish ringrita charicca, caita allita uyachun» nirca.
Imamanta chimbapurashpa parlashcamanta
(Mr 4.10-12; Lc 8.9-10)
10Chaimantami paipac yachacuccunaca Jesuspacman cuchuyashpaca:
—¿Imamantatac chimabapurashpa parlangui?— nishpa tapurca.
11Chashna tapucpimi Jesusca:
—Cancunaman Dios mandacucmanta yachachishpaca, pimanpish mana yachachishcatami yachachini, ashtahuanpish shuccunamanca mana chashna yachachishcanichu. 12Maijan alli yuyaita charicmanca, ashtahuanmi cunga. Chashna cucpica, ashtahuanmi charinga. Ashtahuanpish mana charicmantaca, pai ashalla charishcatapish quichungami. 13Chaimantami paicunamanca chimbapurashpa parlani. Paicunaca ricushpapish, mana ricushca shina, uyashpapish mana uyashca shinami, mana entendincuna. 14Paicuna chashna cacpimi, Dios ima nishcata huillac Isaiasca:
“Mashnata uyashpapish,
mana entendinchu.
Mashnata ricushpapish,
mana ricunchu.
15Cai gentecunapac shunguca,
rumiyashcami.
Paicunapac ringripish
tapashca shinami,
ñahuipish huichcashca shinami.
Mana chashna cacpica,
ñahuipish ricunmanmi,
ringripish uyanmanmi,
shungupi yuyarishpa,
ñucapacman cutirinmanmi.
Ñucapacman cutiricpica,
alliyachimanmi” nishcami.
16Cushicuichic, cancunapac ñahuipish ricucunmi, ringripish uyacunmi. 17Dios ima nishcata huillaccunapish, cashcata ruhuaccunapish, cunan cancuna ricushcataca ricusha nishpapish mana ricurcachu. Uyasha nishpapish, mana uyarcacunachu. Chaica chashnatacmi.
Tarpuc runamanta parlashcata Jesús entendichishcamanta
(Mr 4.13-20; Lc 8.11-15)
18Tarpuc runahuan chimbapurashpa parlashca imata nisha nishcata, cancunaca alli uyaichic: 19Ñanpi urmashca muyu shinaca, Dios mandacucmanta huillashcata, uyashpapish mana entendicmi. Dios rimashcata paipac shungupi chasquishcataca, diablo shamushpami chingachinlla. 20Rumi allpapi urmashca muyu shinaca, Diosmanta huillashcata cushicushpa, utca chasquicmi. 21Chaica, mana shungupi sapiyashca cashpami, llaquicuna japicpi, mana cashpaca alli huillaita chasquishcamanta piñacpica cutirinlla. 22Casha chaupipi urmashca muyu shinaca, Dios rimashcata uyashpapish, ima llaquicunamanta, charina yuyaimanta chai uyashcataca saquicmi. Chashnami aguarishpa, mana pucuc muyu shina tucun. 23Alli allpapi urmashca muyu shinaca, Dios rimashcata allita entendicmi. Chaica allita pucushpa maijanca shucmanta quimsa chungata, maijanca sucta chungata, maijanca pasacta pucuc shinami tucun— nirca.
Trigo chagrahuan, mana alli quihua chimbapurashcamanta
24Jesús chimbapurashpa parlashpaca: «Jahua pacha Dios mandacucca, shuc runa paipac allpapi alli muyuta jichacpi, 25paita piñac runa shamushpa, gentecuna sueñucucpi, mana alli muyuta jichac shinami. 26Trigo huiñashpa, grano ricuricpica, mana alli quihuapish ricurircami. 27Chashna mana alli quihua ricuricpimi, serviccunaca amotaca: “Amito, ¿ima shinatac cai mana alli quihuaca ricurin? ¿Manachu cambac allpapica alli muyuta jicharcanchic?” nirca. 28Chashna nicpimi paica: “Maijan ñucata piñac runami mana alli quihuata tarpushca canga” nirca. Chashna nicpimi, chai serviccunaca: “¿Manachu chai mana alli quihuata trigo chagramanta pilashpa anchuchigrishun?” nirca. 29Chashna nicpimi paica: “Mana, mana alli quihuata pilacushpaca, trigondi pilanguichicmi. 30Trigota cosechana punzhacaman huiñachun saquichiclla. Chai punzhami trigota piticcunataca: ‘Chai mana alli quihuata pitishpa, rupachingapac huataichic. Ashtahuanpish trigotaca grano huacaichinapi huacaichichic’ nishpa mandashallami” nirca» nirca.
Mostaza muyuhuan chimbapurashpa Jesús parlashcamanta
(Mr 4.30-32; Lc 13.18-19)
31Jesús chimbapurashpa parlashpaca: «Jahua pacha Dios mandacucca, shuc runa paipac allpapi mostaza muyuta tarpushca shinami. 32Mostaza muyuca tucui muyumanta yalli ñutumi. Cutin huiñashpaca, tucui yuracunamanta yallimi tucun. Chai yurapimi, zhutacunapish cuzhancuna» nirca.
Levaduramanta chimbapurashpa Jesús parlashcamanta
(Lc 13.20-21)
33Jesús cutin chimbapurashpa parlashpaca: «Jahua pacha Dios mandacucca, shuc huarmi quimsa taza harinata ashalla levadurahuan chapushpa, punguillichic shinami» nirca.
Jesús chimbapurashca parlohuan yachachishcamanta
(Mr 4.33-34)
34Jesusca tucui caicunataca, chimbapurashca parlocunallahuanmi yachachirca. Chashnaca, 35Dios ima nishcata huillac nishca pactachunmi, tucuita yachachirca. Chai huillacca:
«Chimpapurashca parlohuanmi parlasha.
Cai pachata ruhuashca punzhamanta pacha,
pi mana yachachishcatami huillasha» nishcami.
Mana alli quihuahuan chimbapurashpaparlashcata Jesús entendichishcamanta
36Jesús gentecunata cachashpaca, huasimanmi yaicurca. Chaipi cacpi, paipac yachacuccuna cuchuyashpaca:
—Trigopi huiñashca chai mana alli quihuan chimbapurashpa parlo imata nisha nishcata yachachi— nirca.
37Chashna tapucpimi Jesusca:
—Alli muyuta jichac shinaca, Runa Tucungapac shamushca ñucami cani. 38Allpa shinaca, cai pachapi causac gentecunami. Alli muyu shinaca, Dios mandacucpi causaccunami. Mana alli quihua shinaca, diablo mandashca causaccunami. 39Trigo chagrapi mana alli quihuata jichac shinaca, diablomi. Cosechana nishpaca, cai pacha tucurinatami nisha nin. Trigota cosechaccunaca angelcunami. 40Mana alli quihuata pitishpa rupachic shinami, cai pacha tucuri punzhapica canga. 41Runa Tucungapac shamushca ñucami, mandashca causaccunapuramanta mana allita ruhuaccunatapish, shuccunata pandachiccunatapish tandachichun, angelcunata cachasha. 42Chashna tandachishpami nina hornopi shitanga. Chaipimi huacaihuan quiru caniringa. 43Ashtahuanpish cashcata ruhuaccunaca inti shinami, Dios mandacucpica achic nicunga. Maijanpish ringrita chariccunaca, cai nishcata alli uyaichic.
Pacashca curimanta Jesús chimbapurashpa parlashcamanta
44Jahua pacha Dios mandacucca curita allpapi pacashca shinami. Chai pacashcata shuc runa tarishpaca, chaillapitacmi pacashpa saquinman. Quipaca cushicushpami pai tucui charishcacunata catushpa, chai allpata randinman.
Jesús sumac perlas-huan chimbapurashpa parlashcamanta
45Shinallatac jahua pacha Dios mandacucca achca valishca perlasta randingapac mashcac runa shinami. 46Sumac perlasta tarishpaca, paipac tucui charishcacunata catushpami randinman.
Jesús linchihuan chimbapurashpa parlashcamanta
47Shinallatac jahua pacha Dios mandacucca linchita yacupi shitacpi, tucuilaya challuacunata apamuc shinami. 48Linchipi challuacuna jundacpica, yacu pataman llucchishpami, allitaca tazapi huacaichishpa, mana allitaca shitan. 49Chashnami cai pacha tucuri punzhapica canga. Chaica angelcuna shamushpami allita ruhuaccunapuramanta mana allicunata chicanyachishpa, 50jatun ninapi shitanga. Chaipimi huacaihuan quiru caniringa— nirca.
Ñaupa yachachishcamantapish, cunan yachachishcamantapish
51Jesús paipac yachacuccunata tapushpaca:
—¿Tucui caicunataca entendinguichicchu?— nirca.
Shina nicpimi, paicunaca:
—Ari— nirca.
52Chashna nicpimi Jesusca:
—Shinashpaca, jahua pacha Dios mandacucmanta yachachicpica, shuc taita paipac huasimanta huacaichishpa charishcacunata mushuctapish, maucatapish canzhaman llucchic shinami— nirca.
Jesús Nazaret pueblopi cashcamanta
(Mr 6.1-6; Lc 4.16-30)
53Jesús chai chimbapurashpa parlashca quipaca, chaimanta rircallami. 54Chashnami Nazaret puebloman chayashpa, tandanacuna huasipi yachachi callarirca. Chaita paicuna uyashpaca:
—¿Maipitac cai tucuitaca yachacurca? ¿Ima shinatac paica milagrocunatapish ruhuanyari? 55Paica carpinteropac churillami. Paipac mamapish Mariami. Paica Jacobopac, Josepac, Simonpac, Judaspac huauquimi. 56Paipac panicunapish caillapitacmi ñucanchic-huan causancuna. ¿Maipitac cai tucuitaca yachacurca?— nishpa mancharinacurca.
57Jesustaca mana crisha nircacunachu. Chaimantami Jesusca:
—Dios ima nishcata huillactaca, maipipish allimi chasquin. Ashtahuanpish quiquin llactapi, quiquin familiapurapica mana uyashun nincunachu— nirca.
58Chaimantami Jesusca paipac llactapica mana achca milagrocunata ruhuarca.
Currently Selected:
MATEO 13: QCA10
Highlight
Share
Copy
Want to have your highlights saved across all your devices? Sign up or sign in
Biblia Quichua Cañar, Dios Rimashcata Quillcashcami © Sociedades Biblicas Unidas, 2010.
MATEO 13
13
Tarpuc runamanta Jesús chimbapurashpa parlashcamanta
(Mr 4.1-9; Lc 8.4-8)
1 Chai punzhallatacmi Jesusca huasimanta rishpa, cucha patapi tiyarirca. 2Chaiman achca gentecuna cuchuyacpimi, Chaimantami Jesusca shuc canoapi tiyarirca. Achca gentecunami yacu patapi tiyacurca. 3Chaipi Jesús tauca rimaicunata chimbapurashpa yachachishpaca: «Shuc tarpuc runami trigota tarpungapac llucshirca. 4Pai tarpucucpica, maijan muyuca ñanpimi urmarca. Chai muyutaca zhutacuna shamushpami mururca. 5Maijan muyuca rumi allpapimi urmarca. Ashalla allpapi cashcamantami utca huiñarca. 6Chashna cacpipish, chai yuraca mana ucuman sapita charishcamantami, inti rupachicpica chaquirca. 7Maijan muyuca casha chaupipimi urmarca. Casha huiñashpaca aguachircami. 8Ashtahuanpish maijan muyuca alli allpapimi urmarca. Chaimantami allita pucushpa, maijanca shucmanta pasacta, maijanca sucta chungata, maijanca quimsa chungata pucurca. 9Maijanpish ringrita charicca, caita allita uyachun» nirca.
Imamanta chimbapurashpa parlashcamanta
(Mr 4.10-12; Lc 8.9-10)
10Chaimantami paipac yachacuccunaca Jesuspacman cuchuyashpaca:
—¿Imamantatac chimabapurashpa parlangui?— nishpa tapurca.
11Chashna tapucpimi Jesusca:
—Cancunaman Dios mandacucmanta yachachishpaca, pimanpish mana yachachishcatami yachachini, ashtahuanpish shuccunamanca mana chashna yachachishcanichu. 12Maijan alli yuyaita charicmanca, ashtahuanmi cunga. Chashna cucpica, ashtahuanmi charinga. Ashtahuanpish mana charicmantaca, pai ashalla charishcatapish quichungami. 13Chaimantami paicunamanca chimbapurashpa parlani. Paicunaca ricushpapish, mana ricushca shina, uyashpapish mana uyashca shinami, mana entendincuna. 14Paicuna chashna cacpimi, Dios ima nishcata huillac Isaiasca:
“Mashnata uyashpapish,
mana entendinchu.
Mashnata ricushpapish,
mana ricunchu.
15Cai gentecunapac shunguca,
rumiyashcami.
Paicunapac ringripish
tapashca shinami,
ñahuipish huichcashca shinami.
Mana chashna cacpica,
ñahuipish ricunmanmi,
ringripish uyanmanmi,
shungupi yuyarishpa,
ñucapacman cutirinmanmi.
Ñucapacman cutiricpica,
alliyachimanmi” nishcami.
16Cushicuichic, cancunapac ñahuipish ricucunmi, ringripish uyacunmi. 17Dios ima nishcata huillaccunapish, cashcata ruhuaccunapish, cunan cancuna ricushcataca ricusha nishpapish mana ricurcachu. Uyasha nishpapish, mana uyarcacunachu. Chaica chashnatacmi.
Tarpuc runamanta parlashcata Jesús entendichishcamanta
(Mr 4.13-20; Lc 8.11-15)
18Tarpuc runahuan chimbapurashpa parlashca imata nisha nishcata, cancunaca alli uyaichic: 19Ñanpi urmashca muyu shinaca, Dios mandacucmanta huillashcata, uyashpapish mana entendicmi. Dios rimashcata paipac shungupi chasquishcataca, diablo shamushpami chingachinlla. 20Rumi allpapi urmashca muyu shinaca, Diosmanta huillashcata cushicushpa, utca chasquicmi. 21Chaica, mana shungupi sapiyashca cashpami, llaquicuna japicpi, mana cashpaca alli huillaita chasquishcamanta piñacpica cutirinlla. 22Casha chaupipi urmashca muyu shinaca, Dios rimashcata uyashpapish, ima llaquicunamanta, charina yuyaimanta chai uyashcataca saquicmi. Chashnami aguarishpa, mana pucuc muyu shina tucun. 23Alli allpapi urmashca muyu shinaca, Dios rimashcata allita entendicmi. Chaica allita pucushpa maijanca shucmanta quimsa chungata, maijanca sucta chungata, maijanca pasacta pucuc shinami tucun— nirca.
Trigo chagrahuan, mana alli quihua chimbapurashcamanta
24Jesús chimbapurashpa parlashpaca: «Jahua pacha Dios mandacucca, shuc runa paipac allpapi alli muyuta jichacpi, 25paita piñac runa shamushpa, gentecuna sueñucucpi, mana alli muyuta jichac shinami. 26Trigo huiñashpa, grano ricuricpica, mana alli quihuapish ricurircami. 27Chashna mana alli quihua ricuricpimi, serviccunaca amotaca: “Amito, ¿ima shinatac cai mana alli quihuaca ricurin? ¿Manachu cambac allpapica alli muyuta jicharcanchic?” nirca. 28Chashna nicpimi paica: “Maijan ñucata piñac runami mana alli quihuata tarpushca canga” nirca. Chashna nicpimi, chai serviccunaca: “¿Manachu chai mana alli quihuata trigo chagramanta pilashpa anchuchigrishun?” nirca. 29Chashna nicpimi paica: “Mana, mana alli quihuata pilacushpaca, trigondi pilanguichicmi. 30Trigota cosechana punzhacaman huiñachun saquichiclla. Chai punzhami trigota piticcunataca: ‘Chai mana alli quihuata pitishpa, rupachingapac huataichic. Ashtahuanpish trigotaca grano huacaichinapi huacaichichic’ nishpa mandashallami” nirca» nirca.
Mostaza muyuhuan chimbapurashpa Jesús parlashcamanta
(Mr 4.30-32; Lc 13.18-19)
31Jesús chimbapurashpa parlashpaca: «Jahua pacha Dios mandacucca, shuc runa paipac allpapi mostaza muyuta tarpushca shinami. 32Mostaza muyuca tucui muyumanta yalli ñutumi. Cutin huiñashpaca, tucui yuracunamanta yallimi tucun. Chai yurapimi, zhutacunapish cuzhancuna» nirca.
Levaduramanta chimbapurashpa Jesús parlashcamanta
(Lc 13.20-21)
33Jesús cutin chimbapurashpa parlashpaca: «Jahua pacha Dios mandacucca, shuc huarmi quimsa taza harinata ashalla levadurahuan chapushpa, punguillichic shinami» nirca.
Jesús chimbapurashca parlohuan yachachishcamanta
(Mr 4.33-34)
34Jesusca tucui caicunataca, chimbapurashca parlocunallahuanmi yachachirca. Chashnaca, 35Dios ima nishcata huillac nishca pactachunmi, tucuita yachachirca. Chai huillacca:
«Chimpapurashca parlohuanmi parlasha.
Cai pachata ruhuashca punzhamanta pacha,
pi mana yachachishcatami huillasha» nishcami.
Mana alli quihuahuan chimbapurashpaparlashcata Jesús entendichishcamanta
36Jesús gentecunata cachashpaca, huasimanmi yaicurca. Chaipi cacpi, paipac yachacuccuna cuchuyashpaca:
—Trigopi huiñashca chai mana alli quihuan chimbapurashpa parlo imata nisha nishcata yachachi— nirca.
37Chashna tapucpimi Jesusca:
—Alli muyuta jichac shinaca, Runa Tucungapac shamushca ñucami cani. 38Allpa shinaca, cai pachapi causac gentecunami. Alli muyu shinaca, Dios mandacucpi causaccunami. Mana alli quihua shinaca, diablo mandashca causaccunami. 39Trigo chagrapi mana alli quihuata jichac shinaca, diablomi. Cosechana nishpaca, cai pacha tucurinatami nisha nin. Trigota cosechaccunaca angelcunami. 40Mana alli quihuata pitishpa rupachic shinami, cai pacha tucuri punzhapica canga. 41Runa Tucungapac shamushca ñucami, mandashca causaccunapuramanta mana allita ruhuaccunatapish, shuccunata pandachiccunatapish tandachichun, angelcunata cachasha. 42Chashna tandachishpami nina hornopi shitanga. Chaipimi huacaihuan quiru caniringa. 43Ashtahuanpish cashcata ruhuaccunaca inti shinami, Dios mandacucpica achic nicunga. Maijanpish ringrita chariccunaca, cai nishcata alli uyaichic.
Pacashca curimanta Jesús chimbapurashpa parlashcamanta
44Jahua pacha Dios mandacucca curita allpapi pacashca shinami. Chai pacashcata shuc runa tarishpaca, chaillapitacmi pacashpa saquinman. Quipaca cushicushpami pai tucui charishcacunata catushpa, chai allpata randinman.
Jesús sumac perlas-huan chimbapurashpa parlashcamanta
45Shinallatac jahua pacha Dios mandacucca achca valishca perlasta randingapac mashcac runa shinami. 46Sumac perlasta tarishpaca, paipac tucui charishcacunata catushpami randinman.
Jesús linchihuan chimbapurashpa parlashcamanta
47Shinallatac jahua pacha Dios mandacucca linchita yacupi shitacpi, tucuilaya challuacunata apamuc shinami. 48Linchipi challuacuna jundacpica, yacu pataman llucchishpami, allitaca tazapi huacaichishpa, mana allitaca shitan. 49Chashnami cai pacha tucuri punzhapica canga. Chaica angelcuna shamushpami allita ruhuaccunapuramanta mana allicunata chicanyachishpa, 50jatun ninapi shitanga. Chaipimi huacaihuan quiru caniringa— nirca.
Ñaupa yachachishcamantapish, cunan yachachishcamantapish
51Jesús paipac yachacuccunata tapushpaca:
—¿Tucui caicunataca entendinguichicchu?— nirca.
Shina nicpimi, paicunaca:
—Ari— nirca.
52Chashna nicpimi Jesusca:
—Shinashpaca, jahua pacha Dios mandacucmanta yachachicpica, shuc taita paipac huasimanta huacaichishpa charishcacunata mushuctapish, maucatapish canzhaman llucchic shinami— nirca.
Jesús Nazaret pueblopi cashcamanta
(Mr 6.1-6; Lc 4.16-30)
53Jesús chai chimbapurashpa parlashca quipaca, chaimanta rircallami. 54Chashnami Nazaret puebloman chayashpa, tandanacuna huasipi yachachi callarirca. Chaita paicuna uyashpaca:
—¿Maipitac cai tucuitaca yachacurca? ¿Ima shinatac paica milagrocunatapish ruhuanyari? 55Paica carpinteropac churillami. Paipac mamapish Mariami. Paica Jacobopac, Josepac, Simonpac, Judaspac huauquimi. 56Paipac panicunapish caillapitacmi ñucanchic-huan causancuna. ¿Maipitac cai tucuitaca yachacurca?— nishpa mancharinacurca.
57Jesustaca mana crisha nircacunachu. Chaimantami Jesusca:
—Dios ima nishcata huillactaca, maipipish allimi chasquin. Ashtahuanpish quiquin llactapi, quiquin familiapurapica mana uyashun nincunachu— nirca.
58Chaimantami Jesusca paipac llactapica mana achca milagrocunata ruhuarca.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Biblia Quichua Cañar, Dios Rimashcata Quillcashcami © Sociedades Biblicas Unidas, 2010.