MATEO 12
12
Jesuspac yachacuccuna samana punzhapitrigo umata pitishcamanta
(Mr 2.23-28; Lc 6.1-5)
1Samana punzhami Jesusca paipac yachacuccunahuan trigo chagra chaupita ricurca. Paipac yachacuccunaca yarcaihuan cashpami, trigo umata cacushpa micui callarirca. 2Chaita fariseocuna ricushpami, Jesustaca:
—Uyai, cambac yachacuccunaca samana punzhapi mana ruhuana cashcatami ruhuacun— nirca.
3Shina nicpimi Jesusca:
—David paihuan puriccunahuan yarcaihuan imata ruhuashcataca Dios quillcachishcapica, ¿manachu ricushcanguichic? 4Paicunaca Diosta mañana huasiman yaicushpami, Diosman cushca tandataca mana micuna cacpipish micurcacuna. Chaitaca curacunami micuc carca. 5Samana punzhapipish curacuna Diosta mañana huasiman yaicushpa, trabajashpapish mana juchallishcataca, ¿manachu mandashcapica ricushcanguichic? 6Chaica, Diosta mañana huasitapish yallimi caipi can ninimi. 7Dios quillcachishcapi: “Animalta cushpa rupachinapac randica, shuccunata llaquiccuna cachun” nishcataca, ¿manachu entendinguichic? Chaita entendishca cashpaca, mana faltayucta mana juchanchinguichicmanchu. 8Runa Tucungapac shamushca ñucami, samana punzha cacpipish, imata ruhuanataca yachani— nirca.
Maqui chaquishca runata Jesús alliyachishcamanta
(Mr 3.1-6; Lc 6.6-11)
9Jesús chaimanta rishpaca, israelcuna tandanacuna huasimanmi yaicurca. 10Chaipimi maqui chaquishca shuc runa tiyacurca. Chaipi cac gentecuna Jesusta juchanchingaraicu tapushpaca:
—Mandashcapica, ¿samana punzhapipish ungushcata alliyachichun ninchu?— nirca.
11Shina tapucpimi Jesusca:
—Maijan cancuna samana punzhapi shuc oveja jutcupi urmacpica, ¿manachu llucchinguichicman? 12Runaca ovejatapish yalli valinmi. Chaimanta samana punzhapica, imapish allitaca ruhuanallami— nirca.
13Chashna nishpami, chai runataca:
—Maquita chutai— nirca.
Pai maquita chutacpica, alliyashpa, caishuc maqui shinallatacmi saquirirca. 14Chaita fariseocuna ricushpa, canzhaman llucshishpaca, ima shina Jesusta huañuchinatami yuyarinacurca.
Jesusca Dios acllashca servic cashcamanta
15Jesús chaita yachashpaca chaimanta rircami. Achca gentecunami catishpa rirca. Jesusca tucui ungushcacunata alliyachishpapish 16paimanta ama piman huillachunmi mandarca. 17Chashnami Dios ima nishcata huillac Isaías huillashca pactarca. Isaías huillashpaca:
18«Caipimi ñuca acllashca servicca.
Paitami ñucaca cuyani.
Paimi ñucata cushichin.
Paimanmi Espirituta cusha.
Tucui llactacunapi
cashcata ruhuashpa
mandanamanta huillanga.
19Paica pihuanpish mana rimarinacungachu,
ñancunapipish pai caparishcaca
mana uyaringachu.
20Cashcata ruhuashpa
taripangacaman huishtuyashca
cañatapish mana paquingachu,
ashalla japiricuc mechatapish
mana huañuchingachu.
21Tucui llactacunami paipi shunguta
churashpa shuyanga» nishcami.
Jesusta “diablohuanmi cangui” nishcamanta
(Mr 3.20-30; Lc 11.14-23; 12.10)
22Shuc punzhami supai japishca, ñahui mana ricuc, mana rimaric runata Jesuspacman apamurca. Chashna apamucpica, Jesusca alliyachircami. Chaimantami ñahuipish ricurca, shimipish rimarca. 23Chaimantami tucui gentecuna mancharishpa, caishuc chaishuc: «¿Paichu Davidpac aillupuramanta canga?» nishpa tapunacurca. 24Chaita uyashpami fariseocunaca: «Cai runaca supaicunata mandac Beelzebuhuan cashpami, supaicunataca llucchishpa cachan» nircacuna.
25Chashna yuyacushcata yachashpami Jesusca: «Shuc llactata mandaccunapura piñanacushpa macanacucpica, chai llactaca tucuringami. Shuc pueblopi, mana cashpaca shuc huasipi causaccunapura piñanacushpa macanacucpica tucuringami. 26Satanás mandashca supaicuna piñanacushpa, llucchishpa cachanacucpica, pai mandanaca tucuringami. 27Ñuca Beelzebuhuan supaicunata llucchishpa cachacpica, cancunapac yachacuccunaca, ¿pihuantac supaicunata llucchin? Chashna cacpica, paicunallatacmi cancuna pandaricushcataca ricuchincuna. 28Ñucaca Diospac Espirituhuanmi supaicunataca llucchishpa cachani. Chashna ruhuashpami, cancunapurapi Dios mandacushcata ricuchicuni.
29Pipish shuc sinchi runapac huasiman yaicushpa, imata shuhuangapacca, huasiyuc runataracmi chacnanman. Paita chacnashpallami, imatapish shuhuanman.
30Maijanpish mana ñucahuan cashpaca, ñucata piñacmi. Maijanpish ñucahuan mana cashpaca, ñuca tandachishcacunata tucuchicmi. 31Chaimantami cancunataca: Ima juchata ruhuashcatapish, camishcatapish Diosca perdonangami. Ashtahuanpish Diospac Espirituta camishpa rimactaca, Diosca manatac perdonangachu. 32Runa Tucungapac shamushca ñucata rimactaca Diosca perdonangami. Ashtahuanpish Diospac Espirituta rimactaca, cai pachapipish, quipa punzhapipish Diosca manatac perdonangachu.
Alli yuramantapish, mana alli yuramantapish
(Lc 6.43-45)
33Caita yuyarishun: Alli yuraca alli granotami pucun. Mana alli yuraca mana alli granotami pucun. Ima yurapish pucushpami imalaya cashcataca ricuchin. 34Culebrapac huahuacuna, cancunallatac millai cashpaca, ¿ima shinatac allita rimaringuichic? Shungupi ima yuyaicuna tiyashcatami, shimica riman. 35Alli runaca paipac shungupi alli yuyai tiyashcamantami, allita riman. Mana alli runaca paipac shungupi millai tiyashcamantami, mana allita riman. 36Ñucaca: Dios taripana punzhapimi shuccunata mana alli rimashcacunaca yacharinga ninimi. 37Chaica, cambac rimashcahuanmi alli nishca cangui. Mana cashpaca cambac rimashcallahuantacmi, llaquichishca cangui» nirca.
Millai runacuna Jesusta “milagrota ruhuai”nishcamanta
(Mr 8.12; Lc 11.29-32)
38Fariseocunapish, mandashcacunata yachachiccunapish Jesuspacman shamushpaca:
—Yachachic, ima milagrota ruhuashpa ricuchi— nirca.
39Chashna nicpimi Jesusca:
—Cai mana cric millai gentecunaca milagrota ruhuashpa ricuchichunmi mañancuna. Chashna mañashpapish imata mana ricungacunachu, ashtahuanpish Dios ima nishcata huillac Jonás ima shina tucushcallatami ricunga. 40Ima shinami Jonás quimsa tutata, quimsa punzhata shuc jatun challuapac huicsapi carca, chashnallatacmi Runa Tucungapac shamushca ñucaca, quimsa tutata, quimsa punzhata allpa ucupi casha. 41Nínive pueblopi causaccunaca Dios ima nishcata Jonás huillacpica, llaquirishpa, Diosman cutirircami. Ñucacarin Jonastapish yallimi caipica cani. Dios taripana punzhapica, Ninivepi causaccunami cunan punzhapi causaccuna mana allita ruhuashcamantaca juchanchingapac jataringacuna. 42Sabá llactata jatun mandac huarmipish alli yachac Salomón ima nishcata uyangapacmi, caru llactamanta shamurca. Cunan ñucaca Salomontapish yallimi caipica cani. Chaimantami Dios taripana punzhapica, chai huarmipish cunan punzhapi causaccuna mana allita ruhuashcamantaca juchanchingapac jataringa.
Shuc runamanta supai llucshishpapish, cutimuc cashcamanta
(Lc 11.24-26)
43Shuc runamanta supai llucshishpaca, shitashca pambacunapi samarinata mashcashpami purin. Samarinata mana tarishpaca: 44“Ñuca llucshimushca huasimanmi cutisha” nishpami yuyarin. Ña cutimushpaca, sumacta pichashpa, allichishca huasi shinatami chai runataca tarin. 45Chaimantami paita yalli ashtahuan millai caishuc canchis supaicunata pushashpa, chai runapica causangapac shamun. Chaimantami chai runaca ñaupa causacushcatapish yalli ashtahuan millai tucun. Shinallatacmi cunan punzhapi causac millai gentecunapish tucunga— nirca.
Jesuspac mamapish, huauquicunapish paipacman shamushcamanta
(Mr 3.31-35; Lc 8.19-21)
46Jesús huillacucpimi, paipac mamapish, huauquicunapish paihuan parlasha nishpa, canzhapi shayacurca. 47Chashna cacpimi, chaipi caccunapuramanta shucca:
—Cambac mamapish, cambac huauquicunapish canhuan parlasha nishpami, canzhapi shuyacun— nirca.
48Shina nicpimi Jesusca:
—¿Pitac ñuca mama, ñuca huauquicunaca?— nirca.
49Shina nishpa paipac yachacuccunata ricuchishpaca:
—Caicunami ñuca mama, ñuca huauquicunaca. 50Maijanpish jahua pacha ñuca Taita munashcata ruhuaccunallami, ñuca mama, ñuca pani, ñuca huauqui— nirca.
Currently Selected:
MATEO 12: QCA10
Highlight
Share
Copy
Want to have your highlights saved across all your devices? Sign up or sign in
Biblia Quichua Cañar, Dios Rimashcata Quillcashcami © Sociedades Biblicas Unidas, 2010.
MATEO 12
12
Jesuspac yachacuccuna samana punzhapitrigo umata pitishcamanta
(Mr 2.23-28; Lc 6.1-5)
1Samana punzhami Jesusca paipac yachacuccunahuan trigo chagra chaupita ricurca. Paipac yachacuccunaca yarcaihuan cashpami, trigo umata cacushpa micui callarirca. 2Chaita fariseocuna ricushpami, Jesustaca:
—Uyai, cambac yachacuccunaca samana punzhapi mana ruhuana cashcatami ruhuacun— nirca.
3Shina nicpimi Jesusca:
—David paihuan puriccunahuan yarcaihuan imata ruhuashcataca Dios quillcachishcapica, ¿manachu ricushcanguichic? 4Paicunaca Diosta mañana huasiman yaicushpami, Diosman cushca tandataca mana micuna cacpipish micurcacuna. Chaitaca curacunami micuc carca. 5Samana punzhapipish curacuna Diosta mañana huasiman yaicushpa, trabajashpapish mana juchallishcataca, ¿manachu mandashcapica ricushcanguichic? 6Chaica, Diosta mañana huasitapish yallimi caipi can ninimi. 7Dios quillcachishcapi: “Animalta cushpa rupachinapac randica, shuccunata llaquiccuna cachun” nishcataca, ¿manachu entendinguichic? Chaita entendishca cashpaca, mana faltayucta mana juchanchinguichicmanchu. 8Runa Tucungapac shamushca ñucami, samana punzha cacpipish, imata ruhuanataca yachani— nirca.
Maqui chaquishca runata Jesús alliyachishcamanta
(Mr 3.1-6; Lc 6.6-11)
9Jesús chaimanta rishpaca, israelcuna tandanacuna huasimanmi yaicurca. 10Chaipimi maqui chaquishca shuc runa tiyacurca. Chaipi cac gentecuna Jesusta juchanchingaraicu tapushpaca:
—Mandashcapica, ¿samana punzhapipish ungushcata alliyachichun ninchu?— nirca.
11Shina tapucpimi Jesusca:
—Maijan cancuna samana punzhapi shuc oveja jutcupi urmacpica, ¿manachu llucchinguichicman? 12Runaca ovejatapish yalli valinmi. Chaimanta samana punzhapica, imapish allitaca ruhuanallami— nirca.
13Chashna nishpami, chai runataca:
—Maquita chutai— nirca.
Pai maquita chutacpica, alliyashpa, caishuc maqui shinallatacmi saquirirca. 14Chaita fariseocuna ricushpa, canzhaman llucshishpaca, ima shina Jesusta huañuchinatami yuyarinacurca.
Jesusca Dios acllashca servic cashcamanta
15Jesús chaita yachashpaca chaimanta rircami. Achca gentecunami catishpa rirca. Jesusca tucui ungushcacunata alliyachishpapish 16paimanta ama piman huillachunmi mandarca. 17Chashnami Dios ima nishcata huillac Isaías huillashca pactarca. Isaías huillashpaca:
18«Caipimi ñuca acllashca servicca.
Paitami ñucaca cuyani.
Paimi ñucata cushichin.
Paimanmi Espirituta cusha.
Tucui llactacunapi
cashcata ruhuashpa
mandanamanta huillanga.
19Paica pihuanpish mana rimarinacungachu,
ñancunapipish pai caparishcaca
mana uyaringachu.
20Cashcata ruhuashpa
taripangacaman huishtuyashca
cañatapish mana paquingachu,
ashalla japiricuc mechatapish
mana huañuchingachu.
21Tucui llactacunami paipi shunguta
churashpa shuyanga» nishcami.
Jesusta “diablohuanmi cangui” nishcamanta
(Mr 3.20-30; Lc 11.14-23; 12.10)
22Shuc punzhami supai japishca, ñahui mana ricuc, mana rimaric runata Jesuspacman apamurca. Chashna apamucpica, Jesusca alliyachircami. Chaimantami ñahuipish ricurca, shimipish rimarca. 23Chaimantami tucui gentecuna mancharishpa, caishuc chaishuc: «¿Paichu Davidpac aillupuramanta canga?» nishpa tapunacurca. 24Chaita uyashpami fariseocunaca: «Cai runaca supaicunata mandac Beelzebuhuan cashpami, supaicunataca llucchishpa cachan» nircacuna.
25Chashna yuyacushcata yachashpami Jesusca: «Shuc llactata mandaccunapura piñanacushpa macanacucpica, chai llactaca tucuringami. Shuc pueblopi, mana cashpaca shuc huasipi causaccunapura piñanacushpa macanacucpica tucuringami. 26Satanás mandashca supaicuna piñanacushpa, llucchishpa cachanacucpica, pai mandanaca tucuringami. 27Ñuca Beelzebuhuan supaicunata llucchishpa cachacpica, cancunapac yachacuccunaca, ¿pihuantac supaicunata llucchin? Chashna cacpica, paicunallatacmi cancuna pandaricushcataca ricuchincuna. 28Ñucaca Diospac Espirituhuanmi supaicunataca llucchishpa cachani. Chashna ruhuashpami, cancunapurapi Dios mandacushcata ricuchicuni.
29Pipish shuc sinchi runapac huasiman yaicushpa, imata shuhuangapacca, huasiyuc runataracmi chacnanman. Paita chacnashpallami, imatapish shuhuanman.
30Maijanpish mana ñucahuan cashpaca, ñucata piñacmi. Maijanpish ñucahuan mana cashpaca, ñuca tandachishcacunata tucuchicmi. 31Chaimantami cancunataca: Ima juchata ruhuashcatapish, camishcatapish Diosca perdonangami. Ashtahuanpish Diospac Espirituta camishpa rimactaca, Diosca manatac perdonangachu. 32Runa Tucungapac shamushca ñucata rimactaca Diosca perdonangami. Ashtahuanpish Diospac Espirituta rimactaca, cai pachapipish, quipa punzhapipish Diosca manatac perdonangachu.
Alli yuramantapish, mana alli yuramantapish
(Lc 6.43-45)
33Caita yuyarishun: Alli yuraca alli granotami pucun. Mana alli yuraca mana alli granotami pucun. Ima yurapish pucushpami imalaya cashcataca ricuchin. 34Culebrapac huahuacuna, cancunallatac millai cashpaca, ¿ima shinatac allita rimaringuichic? Shungupi ima yuyaicuna tiyashcatami, shimica riman. 35Alli runaca paipac shungupi alli yuyai tiyashcamantami, allita riman. Mana alli runaca paipac shungupi millai tiyashcamantami, mana allita riman. 36Ñucaca: Dios taripana punzhapimi shuccunata mana alli rimashcacunaca yacharinga ninimi. 37Chaica, cambac rimashcahuanmi alli nishca cangui. Mana cashpaca cambac rimashcallahuantacmi, llaquichishca cangui» nirca.
Millai runacuna Jesusta “milagrota ruhuai”nishcamanta
(Mr 8.12; Lc 11.29-32)
38Fariseocunapish, mandashcacunata yachachiccunapish Jesuspacman shamushpaca:
—Yachachic, ima milagrota ruhuashpa ricuchi— nirca.
39Chashna nicpimi Jesusca:
—Cai mana cric millai gentecunaca milagrota ruhuashpa ricuchichunmi mañancuna. Chashna mañashpapish imata mana ricungacunachu, ashtahuanpish Dios ima nishcata huillac Jonás ima shina tucushcallatami ricunga. 40Ima shinami Jonás quimsa tutata, quimsa punzhata shuc jatun challuapac huicsapi carca, chashnallatacmi Runa Tucungapac shamushca ñucaca, quimsa tutata, quimsa punzhata allpa ucupi casha. 41Nínive pueblopi causaccunaca Dios ima nishcata Jonás huillacpica, llaquirishpa, Diosman cutirircami. Ñucacarin Jonastapish yallimi caipica cani. Dios taripana punzhapica, Ninivepi causaccunami cunan punzhapi causaccuna mana allita ruhuashcamantaca juchanchingapac jataringacuna. 42Sabá llactata jatun mandac huarmipish alli yachac Salomón ima nishcata uyangapacmi, caru llactamanta shamurca. Cunan ñucaca Salomontapish yallimi caipica cani. Chaimantami Dios taripana punzhapica, chai huarmipish cunan punzhapi causaccuna mana allita ruhuashcamantaca juchanchingapac jataringa.
Shuc runamanta supai llucshishpapish, cutimuc cashcamanta
(Lc 11.24-26)
43Shuc runamanta supai llucshishpaca, shitashca pambacunapi samarinata mashcashpami purin. Samarinata mana tarishpaca: 44“Ñuca llucshimushca huasimanmi cutisha” nishpami yuyarin. Ña cutimushpaca, sumacta pichashpa, allichishca huasi shinatami chai runataca tarin. 45Chaimantami paita yalli ashtahuan millai caishuc canchis supaicunata pushashpa, chai runapica causangapac shamun. Chaimantami chai runaca ñaupa causacushcatapish yalli ashtahuan millai tucun. Shinallatacmi cunan punzhapi causac millai gentecunapish tucunga— nirca.
Jesuspac mamapish, huauquicunapish paipacman shamushcamanta
(Mr 3.31-35; Lc 8.19-21)
46Jesús huillacucpimi, paipac mamapish, huauquicunapish paihuan parlasha nishpa, canzhapi shayacurca. 47Chashna cacpimi, chaipi caccunapuramanta shucca:
—Cambac mamapish, cambac huauquicunapish canhuan parlasha nishpami, canzhapi shuyacun— nirca.
48Shina nicpimi Jesusca:
—¿Pitac ñuca mama, ñuca huauquicunaca?— nirca.
49Shina nishpa paipac yachacuccunata ricuchishpaca:
—Caicunami ñuca mama, ñuca huauquicunaca. 50Maijanpish jahua pacha ñuca Taita munashcata ruhuaccunallami, ñuca mama, ñuca pani, ñuca huauqui— nirca.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Biblia Quichua Cañar, Dios Rimashcata Quillcashcami © Sociedades Biblicas Unidas, 2010.