AMÓS 9
9
Dios llaquichicpica, pipish mana quishpirinamanta
1Mandac Dios altar jahuapi shayacuctami muscuipi shina ricurcani. Paica:
«¡Umbralcuna urmachun,
pilarpi tiyac
capitelcunapi huactai!
Chai pungucunapish
tucuipac jahuapi urmashpa
ñuturichun cuyuchi.
Maijanpish mana uyactaca
espadahuanmi huañuchisha.
¡Chaimanta miticushpa
rishpapish, shucllapish
mana quishpiringachu!
2Seolcaman jutcushpa
miticucpipish, chaimantami
ñuca maquihuan llucchisha.
Jahua pachaman huichai ricpipish,
chaimantami uricuchisha.
3Carmelo urcupi miticucpipish,
mashcashpami tarisha.
Ñuca ñahuimanta miticushpa,
mama cuchaman yaicucpica,
culebratami canichun cachasha.
4Paicunata piñaccuna prezushpa
charicucpipish, espadahuan
huañuchichunmi cachasha.
Ñucaca paicunaman allita
ruhuangapac ricunapac randica,
llaquichingapacmi ricusha» nirca.
5Tucuita Mandac Dios
cai pachapi tuparicpica,
cai pachaca yacuyangami.
Cai pachapi causaccunaca
llaquirishpami huacanga.
Cai pachaca jatun yacu shina
miraricpica, Egipto
jatun yacu shinami
ashalla tucunga.
6Mandac Diosmi jahua pachapi
huasichicun.
Cai pacha callari rumitaca
caipimi churashca.
Paimi mama cuchata
tandachishpa, allpa
jahuapi shitacun.
¡Paica Mandac Diosmi!
7Mandac Diosca:
«Israelcunalla, cancunaca
ñuca ñaupapica,
¿manachu Etiopía llactapi
causaccuna shina canguichic?
¿Manachu cancunataca
Egiptomanta llucchimurcani?
¿Manachu filisteocunataca
Caftor llactamanta,
cutin arameocunataca
Quir llactamanta
llucchimurcani?» ninmi.
8Mandac Diosca:
«Juchayuc llactataca piñacunimi.
Chaimantami cai llactapi
causaccunataca llaquinayaita
llaquichishpa tucuchisha.
Shina llaquichishpapish,
Jacobopac huahua huahuacunataca
mana tucui tucuchishachu.
9Israelcunataca
tucui llactacunapi,
harneropi shushuc shina
ruhuachunmi mandasha.
Chashna ruhuacpica,
shuc granollapish
mana allpaman urmangachu.
10Ñuca acllashcapuramanta:
“Llaquicunaca mana
ñucanchicpacman shamungachu,
shinallatac chai llaquicunaca
mana japingachu” nic,
juchayuc runacunataca
espadahuanmi huañuchinga» ninmi.
Israelcunata cutin allichinamanta
11Mandac Diosca: «Chai punzhapica Davidpac carpa huasi urmashcataca cutinmi allichishpa shayachisha. Pirca chictarishcatapish, urmashcatapish allichishpami shayachisha. Chashna tucuita allichishpami, ñaupa punzhacunapi cashca shinallatac paicunata allichisha. 12Chashna ruhuacpimi, ñuca shutipi mañancuna. Edom llacta asha saquirishcatapish, tucui llactacunatapish, paicuna japinga. Chaitaca pactachishami. Chaitaca Mandac Dios ñucami nini.
13Chai punzhaca ñami pactamun. Manarac tucui cosechacpimi, yapuna punzhacuna chayamun. Shinallatac uvasta manarac tucui pallacpimi, trigota tarpuna punzhaca chayamun. Llullu vinoca yacu shinami urcucunapipish, lomacunapipish talliringa. Chaitaca Mandac Dios ñucami nini. 14Ñuca acllashca israelcuna prezumanta cutichimushami. Paicuna cutichimucpimi, urmashca llactacunata allichishpa causanga. Paicunaca uvasta tarpushpaca vinota ubiangacunami. Huerta ruhuashpaca, chaipi pucushca micungami. 15Paicunapac allpallapitacmi tarpuc shina causachun churasha. Ñuca paicunaman cushca allpamantaca mana pitic shina anchuchishachu. Chaitaca cancunata Mandac Dios ñucami nini» ninmi.
Currently Selected:
AMÓS 9: QCA10
Highlight
Share
Copy
Want to have your highlights saved across all your devices? Sign up or sign in
Biblia Quichua Cañar, Dios Rimashcata Quillcashcami © Sociedades Biblicas Unidas, 2010.