1 CRÓNICAS 4
4
Judapac huahua huahuacunamanta
1Judapac churicunaca: Fares, Hezrón, Carmi, Hur, shinallatac Sobalmi carca. 2Sobalpac churi Reaiaca Jahat churitami charirca. Jahatca Ahumai, Lahad churicunatami charirca. Caicunami zoratita aillucunaca carca.
3Etampac taitapac churicunaca Jezreel, Isma, Idbasmi carca. Paicunapac panica Haze-lelponimi carca.
4Penuelca Gedorpac taitami carca. Ezerca Husapac taitami carca. Paicunami Efratapac punta huahua Hurpac churicunaca carca. Hurca Belenpac taitami carca.
5Tecoapac taita Asurca ishcai huarmitami charirca. Paicunaca Hela, Naarami carca. 6Naara huarmipac huahuacunaca: Ahuzam, Hefer, Temeni, Ahastarimi carca. 7Hela huarmipac huahuacunaca: Zeret, Jezoar, Etnanmi carca.
8Cosca: Anub, Zobeba churicunatami charirca. Harumpac churi Aharhelpac familiacunapish paipac huahua huahuacunallatacmi carca.
9Jabesca paipac huauquicunata atishpami alli nishca carca. Chaimantami paipac mamaca: «Yalli nanaihuanmi sajuarircani» nishpa Jabesta shutichirca. 10Jabesca israelcunapac Mandac Diosta mañashpaca: «¡Ñuca ima llaquita mana apangapac ñucata bendiciashpa, ñuca llactatapish achcata ruhuaiyari! ¡Cambac maquihuan ima llaquimantapish huacaichiyari!» nishpa mañacpimi, Mandac Diosca pai mañashcata uyarca.
11Suapac huauqui Quelubca Mehir churitami charirca. Mehirca Estonpac taitami carca. 12Estonca Bet-rafa, Paseah, Tehina churicunatami charirca. Tehinaca Nahas pueblopi causaccunapac taitami carca. Caicunami Reca pueblomanta cancuna.
13Cenazpac churicunaca: Otoniel, Seraiasmi carca. Otonielpac churicunaca: Hatat, 14Meonotaimi carca. Meonotaica Ofra churitami charirca. Seraiasca Joab churitami charirca. Paimi Carisim pambapi causaccunapac punta taita carca. Chaipi causaccunaca artesanocunami carca. 15Jefonepac churi Calebpac churicunaca: Iru, Ela, Naammi carca. Elapac churica Cenazmi carca.
16Jehalelelpac churicunaca: Zif, Zifa, Tirías, Asarelmi carca.
17Esdraspac churicunaca: Jeter, Mered, Efer, Jalonmi carca. Shinallatac Mariapish, Samaipish, Isbapish paipac huahuacunami carca. Isbaca Estemoapac taitami carca. 18Caicunami Faraonpac ushi Bitiapac huahuacunaca carca. Meredpac shuctac huarmica Judá aillumantami carca. Chai huarmipimi Jeredta, Heberta Jecutiel churicunata charirca. Jeredca Gedorpac taitami carca. Heberca Socopac taitami carca. Jecutielca Zanoapac taitami carca.
19Nahampac ñaña, Hodiaspac huarmipac huahuacunaca garmitacunapac taita Keila, maacateocunapac taita Estemoami carca.
20Simonpac churicunaca: Amnón, Rina, Ben-hanán, Tilonmi carca. Isipac churicunaca: Zohet, shinallatac Benzohetmi carca.
21Judapac churi Selapac churicunaca: Er, shinallatac Laadami carca. Erca Lecapac taitami carca. Laadaca Maresapac taitami carca. Bet-asbea pueblopi linota ahuashpa causaccunapac familiacunapish Selapac churicunami carca. 22Shinallatac Joacim, Cozeba pueblopi causaccunapish, Joaspish, Sarafpish Selapac churicunami carca. Paicunami Moab llactata mishashpa Belén puebloman cutirca. Caicunaca unai huatata quillcashca libropimi huillacun. 23Chai runacunaca allpamanta imatapish ruhuashpami, chagra chaupipi, muyundi pircashca chaupipi jatun mandacta servishpa causarca.
Simeonpac huahua huahuacunamanta
24Simeonpac churicunaca: Nemuel, Jamín, Jarib, Zera shinallatac Saulmi carca. 25Saulpac churica Salum, Salumpac churica Mibsam, Mibsampac churica Mismami carca.
26Mismapac churica Hamuel, Amuelpac churica Zacur, Zacurpac churica Simeimi carca. 27Simeica chunga sucta churita, sucta ushitami charirca. Ashtahuanpish paipac huauquicunaca mana achca huahuacunata charircachu. Chaimantami paipac huahua huahuacunaca Judapac huahua huahuacuna shina mana achca carca.
28Paicunaca Beerseba, Molada, Hazar-sual, 29Bilha, Ezem, Tolad, 30Betuel, Horma, Siclag, 31Bet-marcabot, Hazar-susim, Bet-birai, Saaraim pueblocunapimi causarcacuna. David mandai callaringacamanmi chai pueblocunapi causarca. 32Shinallatac pueblo muyundipi tiyac Etam, Aín, Rimón, Toquén, Asán chai pichca uchilla pueblocunapimi causarca. 33Tucui pueblo muyundi uchilla llactacunaca Baal pueblocamanmi paicunapac carca. Chai pueblocunami paicuna causanaca carca. Cutin chaipi causac aillucunaca: 34Mesobab, Jamlec, Amasiaspac churi Josías, 35Joel, Josibiaspac churi Jehú, Seraiaspac churi Asiel, 36Elioenai, Jaacoba, Jesohaía, Asaías, Adiel, Jesimiel, Benaías, 37Sifapac churi Zizapishmi carca. Zifica Alonpac churimi carca. Alonca Jedaiaspac churimi carca. Jedaiasca Simripac churimi carca. Simrica Semaiaspac churimi carca. 38Cai shuticunami paicunapac huasi familiata, aillucunata mandaccuna carca. Paicunaca achca miranacushpami achca tucurca. 39Chaimantami paicunaca animalcunata michinata mashcashpa, inti tigrana ladota rishpa, Gedor pueblo ladoman chayarcacuna. 40Chaipimi sumac achca michina pambata tarirca. Chai llactaca cushilla causana llactami carca. Chaipica Cam runapac huahua huahuacunami utcapica causarca. 41Cai tucui shuticunata quillcashcacunaca Judá llactata jatun mandac Ezequías mandacuc punzhacunapimi shamushpa, Cam runapac huahua huahuacunapac carpa huasicunatapish, chucllacunatapish tucui tucuchirca. Cunan punzhacamanmi chashna can. Michina pambacuna tiyashcamantami chai runacuna causanapi causarca.
42Simeonpac churicunapuramanta pichca patsac runacunami Seir urcuman rirca. Paicunataca Isipac churicuna Pelatías, Nearías, Refaías, Uzielmi pusharca. 43Chashna rishpami amalecitacunatapish huañuchishpa, cunan punzhacaman chaipi causancuna.
Currently Selected:
1 CRÓNICAS 4: QCA10
Highlight
Share
Copy
Want to have your highlights saved across all your devices? Sign up or sign in
Biblia Quichua Cañar, Dios Rimashcata Quillcashcami © Sociedades Biblicas Unidas, 2010.