Сыкадыипэ́н 10
10
Янго́ло и Тыкны́ Лылвари́
1И мэ дыкхцём явирэ зоралэ́ Янголо́с, Саво́ джа́лас тэлэ́ болыбна́стыр и Саво́ сыс сы́рбы уридо́ дро о́блоко. Пэ лэ́скиро шэро́ сыс брышындытко банги (радуга) и лэ́скиро муй сыс сы́рбы кхам и лэ́скирэ пирэ́ (подэшвы) сыс сы́рбы ягакирэ сты́лбы, 2и лэ́стэ сыс дро васт тыкно́ сви́тко, саво́ сыс отпхандло́. И ёв чхудя́ пэ́скири чачи́ (право) ґэро́й пэ мо́рё (дэрья́в), а зэ́рво (ле́во) ґэро́й жа пэ пхув, 3и ёв дыя́ го́дла адя́кэ зоралэ́с, сыр шчэр (ле́во) рыкинэла. И ке́ли ёв дыя́ го́дла, тэды эфта́ гро́мы пхэндлэ́ пэ́скирэ заненца (глосенца). 4И ке́ли эфта́ громэ пхэндлэ́, тэды мэ скэдыёмпэ тэ чхинав. И мэ шундём зан болыбна́стыр, со пхэндя́: “Гара́в дава́ пэ чэргэнори́, сави́ пхэндлэ́ эфта́ гро́мы и на зачхин дава́.” 5И Янго́ло, Савэс мэ дыкхцём, тэрдиндой пэ море (дэрья́в) и пэ пхув, ґаздыя́ пэ́скиро чачо́ васт кэ болыбэ́н, 6и совлахадя́ Одолэса, Кон дживэ́ла пэ сарэ́ ве́ки, Саво́ создыя́ болыбэ́н и дова́, со исын дро Болыбна́скиро Раё, и пхув и дова́, со исын пэ пхув; и мо́рё (дэрья́в) и дова́, со исын дро мо́рё (дэрья́в). И пхэндя́ дава́ Янго́ло, со буты́р на явэ́ла тэ отчхувэлпэ дывэ́с, 7ке́ли дрэ дывэса́, сыр эфта́то Янго́ло пхурдэла дрэ пэ́скиро ро́го, тэды Дэвэ́л кэрэ́ла пир Лэскиро ґарадо задуминыбэн. Дава́ саро́ явэ́ла адя́кэ, сыр Ёв мишто́ пхэндя́ пэ́скирэ писхарье́нгэ, пророкэнгэ. 8И зан, сави́ мэ шундём болыбна́стыр, нэвэ́стыр ракирдя́ ма́нца и пхэндя́: “Джа́, лэ сви́тко, со исын отпхандло́ дро Янголоскиро васт, саво́ исын тэрдо́ пэ мо́рё (дэрья́в) и пэ пхув.” 9И мэ гиём кэ Янго́ло, ракири́ лэ́скэ тэ дэл ма́нгэ тыкно́ сви́тко. И ёв пхэндя́ ма́нгэ: “Лэ и ха лэс. Ёй явэ́ла кирко дро тыро́ кужум (жэлудко), а дро тыро́ муй ёв явэ́ла гудло́ сыр авги́н.” 10И мэ лыём дава́ тыкно́ сви́тко Янголоскирэ вастэ́стыр и хаём лэс. Ёв сыс гудло́ сыр авги́н дро миро муй. И ке́ли мэ накхадём лэс, ёв яця́ кирко дро миро кужу́м (жэлудко). 11И сыс пхэндло́ ма́нгэ: “Ту́кэ трэй нэвэ́стыр тэ ангилпхэнэс анги́л манушы́тка ра́сы, кхэри́тка ро́ды (пле́ми), екхэ́-чиба́кирэ ирья́ (чиба́/ чибья́), анги́л кралье́ндэ.”
Currently Selected:
Сыкадыипэ́н 10: ROMBALT
Highlight
Copy
Compare
Share
Want to have your highlights saved across all your devices? Sign up or sign in
maintained by the United Bible Societies for the Baltic Romani Mission
