Псалм 96
96
[95-р.с.] 1Бага́н Ра́скэ-Дэвлэ́скэ нэви́ гилы́: бага́н Ра́скэ-Дэвлэ́скэ сари́ пхув. 2Бага́н Ра́скэ-Дэвлэ́скэ, парикирэ́н и шарэ́н Лэ́скиро лав; роспхэнэ́н анги́л сарэ́ндэ со дывэ́с, со Ёв зракхця́ амэн. 3Роспхэнэ́н сарэ́нгэ пал Лэ́скири сла́ва машки́р Наюды́тка на́цыи, пал Лэ́скирэ ди́вна кэ барипэ́н бутя́ машки́р ро́ды (пле́ми). 4Пал-дова́ со Рай Дэвэ́л исын баро́ и исын мол, соб (кай) тэ шарэ́н Лэс, соб (кай) тэ дарэ́н Лэ́стыр буты́р сарэ́ дэвлорэндыр. 5Пал-дова́ со явирэ-нацыенгирэ дэвлорэ́ исын хоханэ́ и́долы, а Рай Дэвэ́л создыя́ болыбэ́н. 6Паты́в и райканы сла́ва исын анги́л Лэ́стэ, зоралыпэ́н и шукарипэ́н исын дрэ Лэ́скири Кхангири́. 7Славинэ́н Рас-Дэвлэ́с, народы, славинэ́н Рас-Дэвлэ́с и Лэ́скири зор. 8Славинэ́н Рас-Дэвлэ́с пал Лэ́скиро лав, янэ́н свэ́нто дыибэ́н и явэ́н пэ Лэ́скирэ грэды (дворы): 9дэн паты́в Ра́скэ-Дэвлэ́скэ дрэ Лэ́скири Свэ́нто Кхангири́, издран анги́л Лэ́стэ, сари́ пхув. 10Пхэнэ́н машки́р Наюды́тка на́цыи, со Рай Дэвэ́л кралинэла! Ёв адя́кэ-паць зоралэ́с зачхудя свэ́то, со на кхарэ́лапэ криг (на зджа́ла) штэто́стыр. Дэвэ́л явэ́ла тэ сэндякирэ́л манушэ́н пир чачипэ́н. 11Тэ явэ́н ра́да сарэ́ на́цыи и мэк тэ радынэ́лпэ пхув, мэк тэ ревинэл мо́рё (дэрья́в) радыма́тыр, и саро́, со дживэ́ла андрэ́. 12Мэк тэ обрадынэлпэ фэ́лда и саро́, со исын пэ ла́тэ. Мэк тэ радынэ́нпэ кашта́ (дрэвы) дро вэш, 13анги́л Растэ-Дэвлэ́стэ, Саво́ джа́ла тэ сэндякирэ́л пхув. Ёв явэ́ла тэ сэндякирэ́л свэ́то чачунэ́с, и Ёв явэ́ла тэ сэндякирэ́л манушэ́н Пэ́скирэ патяибна́са.
Currently Selected:
Псалм 96: ROMBALT
Highlight
Copy
Compare
Share
Want to have your highlights saved across all your devices? Sign up or sign in
maintained by the United Bible Societies for the Baltic Romani Mission
