Псалм 48
48
[47-р.с.] 1Хоро́скирэ Дирижоро́скэ. Кареёскирэ-Чхавэ́ндыр Пса́лмо.
2Дэвэ́л исын баро́ и Лэс древа́н шарэна дро амаро́ Дэвлэ́скиро фо́ро, пэ Лэ́скири свэ́нто бэ́рга. 3Бэ́рга Сио́но исын шука́р и вучи́, ёй исын сарэ́-пхувья́кири ра́дыма, и исын пэ паш-ратитка (северна) яго́ры (кра́и), фо́ро, кай исын баро́ кра́ли. 4Дэвэ́л сыкадя́, со сашты́ тэ гарадёс дрэ Лэ́скирэ-форо́скиро рикирибэн бидатыр: 5ґа́да, стрэниндлэпэ кра́лья и гинэ́ пэ́скэ, 6ёнэ дыкхнэ́ и ёнэ древа́н дивиндлэ́пэ, 7ёнэ страха́дынэ и нашнэ́, ёнэ лынэ́ тэ издран дукхаса сы́рбы джувлы́, сави́ биянэ́ла. 8Ту пхагирэса Фарсисоскирэ па́рмы (корабли) васточнонэ балваляса. 9Сыр амэ шундя́м, адя́кэ-паць амэ дыкхцям дро фо́ро амарэ́ Ра́скирэ-Дэвлэ́скиро, болыбна́скирэ-янголэ́нгиро, дро фо́ро амарэ́ Дэвлэ́скиро, саво́ Дэвэ́л зачхудя пэ сарэ́ ве́ки. Сэ́ла. 10Амэ думиндям пал Тыро́ дро́го лачхипэ́н, о Дэ́вла, машки́р Тыри́ Кхангири́. 11Сыр Тыро́ лав исын, адя́кэ-паць и шарибэна пал Ту́тэ джа́на кэ пхувья́кирэ яго́ры (краи́), Тыро́ чачо́ васт кралинэла чачипна́са. 12Мэк тэ явэ́л лошалы (весёло) Сионо́скири бэ́рга, мэк тэ явэ́н весе́ла (лошалэ́) Юдэя́кирэ чхая́, со Ту сэндякирэса чачунэ́с. 13Джа́н трусця́л Сио́но и обджан, пашы́л лэ́стэ; подгинэн лэ́скирэ вучардя (башни), 14рискирэ́н Пэ́скиро ило́ кэ форо́скирэ валы, придыкхэнпэ кэ лэ́скирэ грэды (дворы), соб (кай) тумэ́нгэ тэ пхэнэ́н манушэ́нгирэ родэ́нгэ, савэ́ явэ́на, 15[р.с.] со дава́ Дэвэ́л исын амаро́ Дэвэ́л пэ сарэ́ ве́ки и ўса́ды (сак): Ёв явэ́ла тэ лыджа́л амэн аж кэ мэрибэ́н.
Currently Selected:
Псалм 48: ROMBALT
Highlight
Copy
Compare
Share
Want to have your highlights saved across all your devices? Sign up or sign in
maintained by the United Bible Societies for the Baltic Romani Mission
