Псалм 140
140
[139-р.с.] 1Хоро́скирэ Дирижоро́скэ. Давидо́скиро Пса́лмо. 2Зра́кх ман, о Раё Дэ́вла, чорэ́ манушэ́ндыр, ракх ман фуе́ манушэ́ндыр: 3савэ́ придуминэна чорипэ́н дро лэ́нгиро ило́, ёнэ саро́ дывэ́с скэдэ́напэ ваш марибэ́н. 4Ёнэ кэрэ́на дукханэдыр лэ́нгирэ данда́ сыр сапэстэ, мижэх сапэскири трута (ядо) исын тэл лэ́нгирэ ушта́. Сэ́ла. 5Ракх ман, Раё Дэ́вла, фуе́-манушэ́нгирэ вастэ́ндыр, ракх ман нахратонэ манушэ́стыр, савэ́ придуминэна тэ равэн пирэ́ (сто́пы). 6Пхутькирдэ́ гарадэ́ шэлэ и фэлы́ ваш ма́нгэ, ёнэ росчхудэ кхуды́ паш дром; ёнэ чхудэ́ фэля́ сеткаса пэ ма́ндэ. Сэ́ла. 7Мэ пхэндём Ра́скэ-Дэвлэ́скэ: “Ту сан миро Дэвэ́л!” О Раё Дэ́вла! Причху́в кан кэ миро мангипэ́н Ту́кэ. 8О, Дэвлалэ! Раё Дэ́вла, Зоралыпэ́н, Саво́ зракхэ́ла ман: Ту учхакирдян миро шэро́ дро марибнаскиро дывэ́с. 9О, Раё Дэ́вла! На домэк, соб (кай) тэ явэ́л, сыр камэ́на фуй мануша́, на подэ васт анги́л лэ́нгирэ зракирибнаскэ ваш фуипэ́н, соб (кай) ёнэ тэ на пхутён кэ вучипэ́н. 10Мэк одолэнгирэ шэрэ́, со исын трусця́л ма́ндэ, тэ учхакирэн жа пэс лэ́нгирэ кошыбнэнца, со джа́на лэ́нгирэ уштэндыр. 11Мэк хачкирдэ́ вангара тэ пэрэ́н пэ лэ́ндэ, мэк ёнэ тэ пэрэ́н дрэ яг, дрэ бидугно́скирэ ґанбиня́ (ямы), соб (кай) ёнэ тэ на уштэ́н палэ. 12Мэк фуе́-чибало ману́ш тэ на зоралёл пэ пхув, мэк фуй мануша́ тэ ухтылэ́н нахратонэ (нахальнонэ) манушэ́н кэ са́мо хасибэ́н. 13Мэ джино́м, со Ту, Раё Дэ́вла, явэ́са тэ затэрдёс пал одолэнгиро рэ́ндо, савэ́н притасавэ́на, пал чорорэнгиро чачипэ́н. 14[р.с.] Палдава́ чачунэ́ мануша́ явэ́на тэ парикирэ́н Тырэ́ лавэ́скэ, чачипнаскирэ явэ́на тэ дживэ́н, кай Ту сан.
Currently Selected:
Псалм 140: ROMBALT
Highlight
Copy
Compare
Share
Want to have your highlights saved across all your devices? Sign up or sign in
maintained by the United Bible Societies for the Baltic Romani Mission
