Псалм 132
132
[131-р.с.] 1Гилы́ анги́л Кхангири́.
Раё Дэ́вла! Ри́пир Давидо́с и саро́ лэ́скиро пхарипэ́н, 2сыр ёв совлахадя́ Ра́скэ-Дэвлэ́скэ и дыя́ совла́х, Екхорэскэ Яковоскирэскэ, Зоралыпнаскирэ Дэвлэ́скэ: 3“Мэ на джа́ва дрэ ша́тра мирэ́ кхэрэ́скири, мэ на пасёвава упрэ́ мирэ́-чхуибнаскири пэ цэ́рга, 4мэ на да́ва мирэ́ якхэнгэ тэ совэн, мэ адя́кэ-паць на да́ва ли́ндра (тэ на дреминав) мирэ́ цымблэнгэ (ресницэнгэ), 5анги́л дова́, сыр мэ латхава штэ́то Ра́скэ-Дэвлэ́скэ, ша́тра, Яково́скирэ Зоралыпнаскирэ Дэвлэ́скэ. 6Амэ шундя́м пал лэ́стэ кэ Ефрафо, амэ латхям лэс пэ Иаримоскирэ (Яримоскирэ) фэ́лды. 7Явэ́н, даса́ патыв пэ чанга́ пашыл Лэ́скирэ ша́тры, явэ́н даса паты́в пэ чанга́ пашы́л Лэ́скирэ ґэра́. 8Яв, Раё Дэ́вла, пэ Тыро́ штэ́то тэ откхинёс, Ту, и Тыро́ ковчэго (мохто́) Законоса, со сыкавэ́ла Тыро́ зоралыпэ́н. 9Мэк тэ урьен Тырэ́ рашая́ пэ пэ́стэ чачипэ́н, мэк тэ радынэ́нпэ зоралэ́с Тырэ́ свэ́нта. 10На рисёв криг Пэ́скирэ Помакхнэ манушэ́стыр пал Давидо́стэ, Тырэ́ писхаристэ. 11Ту совлахадян чачипна́са Давидо́скэ, со Ту на рисёса криг Лэ́стыр: “Мэ чхува́ва пэ троно Тырэ́ чхавэ́с. 12Ко́ли Тырэ́ чхавэ́ явэ́на тэ рикирэнпэ кэ Миро Зако́но и кэ Мирэ́ допхэныбэна, савэ́нгэ Мэ ява́ва тэ сыклякирав лэн, тэды и лэ́нгирэ чхавэ́ адя́кэ-паць явэ́на тэ бэшэ́н пэ троно пэ сарэ́ ве́ки.” 13Рай Дэвэ́л выкэдыя́ бэ́рга Сио́но, сави́ яця́ дро́го Лэ́скэ, соб (кай) тэ дживэ́л одо́й: 14“Дава́ исын Миро штэ́то тэ откхинёвав пэ сарэ́ ве́ки, мэ ява́ва тэ джива́в ада́й, пал-дова́ со ёй яця́ дро́го Ма́нгэ. 15Мэ, чачэс, бахтякирава ла́киро хабэ́н, Мэ да́ва чалэ́с чорорэ́ манушэ́нгэ; 16и Мэ урьявава ла́кирэ раша́н зракхибнаса и ла́кирэ свэ́нта явэ́на тэ дэн го́дла радыма́са. 17Мэ кэра́ва адя́кэ, со выбарьёла Давидоскири зор дрэ чхавэ́стэ, Мэ кэра́ва момолы́тко (свети́льнико) Мирэ́ Помакхнэскэ. 18Мэ урьявава лэ́скирэ вэргэ́н ладжаипнаса; нэ лэ́скири вя́нка (коро́на) явэ́ла тэ зяинэл пэ лэ́стэ.”
Currently Selected:
Псалм 132: ROMBALT
Highlight
Copy
Compare
Share
Want to have your highlights saved across all your devices? Sign up or sign in
maintained by the United Bible Societies for the Baltic Romani Mission
