Псалм 125
125
[124-р.с.] 1Гилы́ анги́л Кхангири́.
Кодолэ́, савэ́ патя́на зоралэ́с дрэ Растэ-Дэвлэ́стэ, исын сы́рбы бэ́рга Сио́но, Саво́ на джа́ла криг штэто́стыр, а ячэ́лапэ пэ сарэ́ ве́ки. 2Бэ́рги исын трусця́л Ерусалимо, и Рай Дэвэ́л исын адя́кэ-паць трусця́л Лэ́скирэ манушэ́ндэ, какана́ и пэ сарэ́ ве́ки. 3Чорэ́-манушэ́нгиро дэсто́ на явэ́ла тэ рикирэ́л зор пэ пхув, кай исын чачипнаскирэ мануша́, соб (кай) чачипнаскирэ мануша́ тэ на рискирэ́н пэ́скирэ васта́ кэ чорипэ́н. 4Кэр лачхипэ́н, Раё Дэ́вла, лачхэ́ манушэ́нгэ, и одолэ́нгэ, савэ́ндэ исын чачуно́ ило́. 5И кодолэ́, савэ́ рисёна дрэ риг пэ бангэ́ дрома́, лэн Рай Дэвэ́л лыджа́ла криг кхэтанэ́ одолэнца, савэ́ кэрэ́на чорипэ́н. Тэ явэ́л рама́нё пэ Израилё!
Currently Selected:
Псалм 125: ROMBALT
Highlight
Copy
Compare
Share
Want to have your highlights saved across all your devices? Sign up or sign in
maintained by the United Bible Societies for the Baltic Romani Mission
