Псалм 12
12
[11-р.с.] 1Хоро́скирэ Дирижоро́скэ. Пэ балытка Струме́нты. Давидо́скиро Пса́лмо.
2Подэ васт, Раё Дэ́вла, дэвлы́тка мануша́ отгинэ́ сарэ́са, патяибнытконэ манушэ́н буты́р нанэ. 3Ёнэ ракирэ́на хоханэ́ лава́ екх екхэ́скэ, нанэ патяибэ́н лэ́нгирэ чибатыр, биладжаипнытка исын лэ́нгирэ ду́мы. 4Рай Дэвэ́л запхандэла напатяибнытка муя́; чиб, со ракирэ́ла пхутькирдэ́ лава́, 5Одолэ́нгэ, кон пхэндя́: “Амэ ла́са упралыпэ́н амарэ́ чиба́са, амарэ́ лава́ джа́на пал амэ́ндэ: Кон да исын рай амэ́нгэ.” 6Пал-дова́ со мануша́ страдынэна и лэн тасавэна, пал-дова́ со мануша́ дрэ трэ́бима дэ́на ґондя́. “Мэ тэрдёвава анги́л” – пхэнэ́ла Рай Дэвэ́л, Мэ приракхава лэн, сыр ёнэ древа́н камэ́на тэ ухтылэ́н, 7Ра́скирэ-Дэвлэ́скирэ лава́ исын чачунэ́ сарэ́са сыр руп, со исын пробиндло дрэ ґлэя (глина), и со жужакирдо эфта́ (битринэ́нгиро дэш) мо́лы. 8Ту, Раё Дэ́вла, явэ́са тэ ракхэ́с лэн, Ту приракхэса амэн дасавэ́ манушэ́ндыр пэ сарэ́ ве́ки, 9Фуй мануша́ псирэ́на пэ кажно штэ́то, а бидытка манушы́тка чхавэ́ ґаздэ́напэ.
Currently Selected:
Псалм 12: ROMBALT
Highlight
Copy
Compare
Share
Want to have your highlights saved across all your devices? Sign up or sign in
maintained by the United Bible Societies for the Baltic Romani Mission
