Псалм 108
108
[107-р.с.] 1Гилы́ Давидо́скиро Пса́лмо. 2Миро ило́ исын скэдымо: о Дэ́вла! Мэ ява́ва тэ бага́в и тэ шара́в Тут. 3Джангадён гусли и арфа: мэ джангавава кхам, сыр дывэсёла. 4Мэ ява́ва тэ шара́в Тут машки́р манушэ́ндэ, о Раё Дэ́вла, мэ ява́ва тэ бага́в Ту́кэ машки́р манушыпнаскирэ на́цыи: 5пал-дова́ со Тыри́ лачхэ́-илы́ткима исын вучэды́р болыбна́стыр и Тыро́ патяибэ́н доджа́ла кэ о́блоки. 6Тэ барьякирэл Тут саро́ вучэды́р болыбна́стыр, о Дэ́вла, мэк тэ явэ́л Тыри́ сла́ва вучэды́р пхувья́тыр, 7соб (кай) тэ зракхэнпэ одолэ́, конэ́с Ту выкэдыян Пэ́скэ. Помо́гин (посо́бин) тэ зракхэнпэ Тырэ́ чачэ́ вастэ́са и отпхэн ма́нгэ. 8Дэвэ́л пхэндя́ пэ Пэ́скиро Свэ́нто Штэ́то: “Мэ ґаздавапэ радыма́са, Мэ роскэрава пэ паша́ Сихемо, и Мэ розмеринава Сукотоскиро до́ло. 9Миро исын Галаа́до, и Миро исын Мана́сия, Ефре́мо исын тва́рдыма тэ ракхэ́л Миро шэро́; Юда исын Мирэ́–крали́скиро дэсто́ (жэзло). 10Моа́во исын Миро чаро́ москэ (умывальница), Мэ чхурдава Мири́ шкорня пир Эдо́мо: пир Филистимия Мэ ява́ва тэ дав го́дла радыма́са. 11Кон янэ́ла Ман дро зорало́ фо́ро? Кон лыджа́ла Ман кэ Эдо́мо? 12Ци Ту чхурдыян амэн дрэ риг, чачэс, Дэ́вла? Ци Ту на джа́са анги́л амарэ́ халадыбнэндыр? 13Дэ васт тэ тэрдёвав проти пхарипэ́н, палдова со хартытко (подхалимо) исын, ке́ли мануша́ дэ́на васт тэ зракхэн. 14[р.с.] Дэвлэ́са амэ кэра́са муршканэ́ рэ́нды; Ёв ростасавэла амарэ́ вэргэн (врогэн)
Currently Selected:
Псалм 108: ROMBALT
Highlight
Copy
Compare
Share
Want to have your highlights saved across all your devices? Sign up or sign in
maintained by the United Bible Societies for the Baltic Romani Mission
