Притчы 20
20
1Мол (вино) сы́рбы салапэ, сикера (зорало́ пибэ́н) ґаздэ́ла шумо, и конэ́с дава́ злыджала дромэ́стыр, кодова́ исын нагодо ману́ш. 2Холынакиро кра́ли исын сы́рбы шчэр (ле́во), саво́ рыкинэла, кон лэс холякирэла, кодова́ кэрэ́ла грэ́хо пэ пэ́скиро джиибэ́н. 3Ману́ш кэрэ́ла паты́в пэ́скэ, ко́ли ёв тэрдякирэла кошыбэ́н, нэ кажно дылынинько ману́ш дэ́лапэ тэ чингардэлпэ. 4Кирнэ-масэ́нгиро ману́ш на пхаравэла (на пашынэла) пхув иванта(тэс)киро (зимакиро), ёв явэ́ла тэ мангэ́л, ке́ли явэ́ла счхиныбэн и нанэ нисо́ лэ́стэ. 5Манушэ́скирэ годякирэ ду́мы исын сы́рбы хор пани́, нэ годьваро́ ману́ш пхарэла (вылэла) лэн яври́. 6Бут исын мануша́, савэ́ роспхэнэна сарэ́нгэ пал лэ́нгиро лачхипэ́н, нэ кон латхэ́ла патяибнытконэ манушэ́с? 7Чачуно́ ману́ш дживэ́ла би дошэнгиро: лэ́скирэ чхавэ́ исын бахталэ́ пало́ (после) лэ́стэ. 8Кра́ли, кон исын бэшто́ пэ сэндарискиро штэ́то, росчхурдэла сари́ холы́ (биба́хт) пэ́скирэ якхэ́нца. 9Кон сашты́ (могинэ́ла) тэ пхэнэ́л: “Мэ кэрдём жужо́ ило́, мэ сом бигрэхэнгиро?” 10Нароўна ублады́тка (весы) и нароўна меры (тырдынэ) исын сарэ́ дуй начачипэна, савэ́ исын джунгалэ́ (брыдка) Ра́скэ-Дэвлэ́скэ. 11Адя́кэ-паць и биято́с [тэрнэ́-бэршэнгирэс-р.с.] уджинэна пир лэ́скирэ кэрибэна, ци пир лэ́скири буты́, ци ёй тэ явэ́л бидошэнгири, ци чачуны́. 12Кан, со шунэ́ла, и якх, со дыкхэ́ла-исын далэ́ дуй льготы, со Рай Дэвэ́л создыя́. 13На кам тэ совэс, соб (кай) тэ на явэс чороро́: откэр пэ́скирэ якха́ и ту явэ́са чало марэ́са. 14“Биба́хт, биба́хт!” – ракирэ́ла ману́ш, кон кинэла; нэ ке́ли ёв джа́ла криг, тэ́ньчи ёв шарэлапэ. 15Исын сувнака́й, и бут куч бара́, нэ най дрогэдыр кучипэ́н исын годьварэ́ ушта́. 16Лэ криг и́дя кодолэскири, кон исын якхи́тко (дудвало) пал чужонэ́ манушэ́стэ и рикир дава́, сыр сымады́ пал манушэ́стэ рига́тыр. 17Маро, со дорэсэлапэ хохаибнаса, исын гудло́ ваш манушэ́скэ, нэ тэ́ньчи (позже) лэ́скиро муй явэ́ла пхэрдо́ прахоса барорэнца. 18Кажно годы́ (дума), со тэ кэрэ́с, рисёла дро чачипэ́н, нэ екх, ке́ли ту годыткэс розлэса, тэ́ньчи джа́ марибна́са. 19Кон пхукавэла (пиридэла), кодова́ отчхакирэла гарадэ́ ду́мы, палдава́ на яв кхэтанэ́ адасавэса, кон откэрэла буґлэс пэ́скирэ ушта́. 20Кон прокошэла пэ́скирэ дадэ́с, ци пэ́скирэ да, лэ́скиро момолы́тко (свети́льнико) мурдёла машки́р хор калыпэ́н. 21Миштыпэ́н, со дорэсэлапэ сы́гэс дро англыпэ́н, на явэ́ла бахтякирдо́ пэ ко́нцо (пэ яго́ро). 22На ра́кир: “Мэ адя́кэ-паць кэра́ва биба́хт палэ лэ́скэ.” Ужакир Рас-Дэвлэ́с и ёв дэ́ла зор ту́кэ. 23Нароўна ублады́тка (весы) исын джунгалэ́ (брыдка) Ра́скэ-Дэвлэ́скэ, и хоханэ́ тырдынэ (гири) дава́ исын налачхипэн. 24Рай Дэвэ́л дэ́ла зор манушэ́нгирэ ґэрэнгэ, карик тэ джа́н, сыр тэ́ньчи манушэ́скэ сашты́ тэ ґалёл пэ́скиро дром? 25Дава́ исын сы́рбы фэлы́ ваш манушэ́скэ тэ пхэнэ́л сы́гэс (тэ дэл совэ́л), со дава́ исын свэ́нто, и тэ́ньчи (позже) тэ пиридуминэл пэ́скири совла́х. 26Годо́ кра́ли росчхурдэла фуе́ манушэ́н, и янэ́ла пэ лэ́ндэ сявитко (мельницытко) рота. 27Манушэ́скиро ду́хо (фа́но) исын Дэвлэ́скиро момолы́тко, со пиридыкхэла саро́, со исын андра́л манушэ́стэ. 28Лачхэ́-илы́ткима и патяибэ́н ракхэна крали́с, и ёв рикирэ́ла пэ́скиро троно лачхипна́са. 29Тэрнэ́-манушэ́нгиро барипэ́н исын лэ́нгири зор; и пхурэ́-манушэ́нгири гожыма исын лэ́нгиро сыво шэро́. 30Дукханэ даба [калэ́ маса́ марибнастыр-р.с.] жужакирэна бибахталэ́ манушэ́с, адя́кэ-паць и пэкаибэна (даба) жужакирэна хор штэ́ты дрэ манушэ́стэ.
Currently Selected:
Притчы 20: ROMBALT
Highlight
Copy
Compare
Share
Want to have your highlights saved across all your devices? Sign up or sign in
maintained by the United Bible Societies for the Baltic Romani Mission
