Ниеми́я 11
11
Мануша́, Савэ Дживдэ́ кэ Ерусалимо
1И дживдэ́ барыдыра́ манушэ́нгирэ кэ Ерусалимо, и яви́р мануша́ народо́стыр и чхурдэнас жре́биё, соб (кай) екх паш лэ́ндыр дэшэ́ пашэндыр лэнгирэндыр тэ джал тэ дживэ́л кэ свэ́нта фо́ро Ерусалимо, а еня́ (биекхэ́скиро дэш) паша́ лэ́ндыр тэ ячэ́нпэ тэ дживэ́н дрэ яви́р фо́рья. 2И бахтякирдэ мануша́ сарэ́н явирэ манушэ́н, савэ́ догинэ́ кэ екх годы́ кокорэ́ пэ́стыр тэ дживэ́н кэ Ерусалимо. 3Акэ, исын шэралэ́ дрэ округа, савэ́ дживдэ́ кэ Ерусалимо, а дрэ фо́рья дрэ Юдэ́я дживдэ́ кажно дрэ пэ́скири фелатин, пир пэ́скиро фо́ро: Израильтя́ни, рашая́, Леви́ты, и Нефинеи, и чхавэ́ писхарьенгирэ Соломоноскирэндыр. 4Кэ Ерусалимо дживдэ́ вари-савэ́ чхавэ́ндыр Юдаскирэн, вари-савэ́ чхавэ́ндыр Вениаминостыр. Юда́скирэ чхавэ́ндыр: Афаия#11.4 Дро Юды́тко оригина́ло “Атая”, Узияскиро чхаво́, Захарияскиро чхаво́, Амарияскиро чхаво́, Сафатияскиро чхаво́, Малелеилоскиро чхаво́, Фаресо́скиро чхаво́. 5И о Маасея, чхаво́ Варухоскиро, чхаво́ Колхозеёскиро, чхаво́ Хазаияскиро, чхаво́ Адаияскиро, чхаво́, Яривоскиро чхаво́, Захарияскиро, чхаво́ Шэлонияскиро. 6Сарэ́ чхавэ́н Фаресоскирэн, савэ́ дживдэ́ кэ Ерусалимо, сыс штаршэла́ шовдэша́ охто́, мануша́ сыс муршканэ́. 7И, акэ, исын чхавэ́ Вениамино́скирэ: о Салу, чхаво́ Мешуламоскиро, чхаво́ Иоедоскиро, чхаво́ Федаияскиро, чхаво́ Колаияскиро, чхаво́ Маасеяскиро, чхаво́ Ифиилоскиро, чхаво́ Исаёскиро, 8и пал лэ́ндэ Габаё, и Салаё – еняшэла биш тэ охто́. 9Иоилё, чхаво́ Зихрискиро сыс барыдыро́ пэ лэ́ндэ, а Юда, чхаво́ Сенуяскиро, сыс яви́р ману́ш пир фо́ро. 10Рашандыр: Едаия, чхаво́ Ёаривоскиро, Яхино, 11Сераия, чхаво́ Хелкияскиро, чхаво́ Мешуламоскиро, чхаво́ Садокоскиро, чхаво́ Мераиофоскиро, чхаво́ Ахитувоскиро, саво́ сыс барыдыро́ пэ Кхэр Дэвлэ́скиро, 12и пшалэ́н лэнгирэн, савэ́ кэрдэ́ свэ́нто буты́ дро Кхэр Дэвлэ́скиро, сыс охтошэла биш тэ дуй, и Адаия, чхаво́ Иерохамоскиро, чхаво́ Фелалиякиро, чхаво́ Амцыёскиро, чхаво́ Захарияскиро, чхаво́ Пашхуроскиро, чхаво́ Малхияскиро, 13и лэ́скирэ пша́ла, савэ́ сыс шэралэ́ пэ стрэ́чы (поколении) – сыс дуйшэла́ штардэша́ дуй, и Амашсаё, чхаво́ Азариилоскиро, чхаво́ Ахзаёскиро, чхаво́ Мешылемофоскиро, чхаво́ Имероскиро, 14И пша́ла лэ́скирэ, мануша́ муршканэ́ – шэл тэ биш тэ охто́, и лэ́нгиро барыдыро́ сыс Завдиило, чхаво́ Гагедолимоскиро. 15Адя́кэ-паць Левитэндыр: о Шемая, чхаво́ Хашувоскиро, чхаво́ Хашавиёскиро, чхаво́ Вунияскиро, 16И Шавгаё, и Ёзавадо, савэ́ сыс барыдыра́ пэ Левитэндэ, и савэ́ лыджинэ́ рэ́нды свэтоса дро Кхэр Дэвлэ́скиро. 17И Матания, чхаво́ Михаскиро, чхаво́ Завдиёскиро, чхаво́ Асафоскиро, сыс лыджаибнаскиро (ведушчо) тэ парикирэл Дэвлэ́скэ дрэ па́тери (моли́тва): и Бакбукия, кон сыс яви́р ману́ш пал лэ́стэ, и Авда, чхаво́ Шамуёскиро, чхаво́ Галалоскиро, чхаво́ Едутиноскиро; 18Сарэ́ Левитэ́н дро свэ́нто фо́ро сыс дуйшэла́ тэ охтодэша́ штар. 19И ишчо (инкэ́), ракхибна́рья пэ по́рта, Акуво, Талмоно, и лэ́нгирэ пша́ла, савэ́ ракхнэ по́рта, сыс шэл тэ эфтадэша́ дуй. 20И яви́р мануша́ Израилёстыр, рашая́ и Леви́ты, сыс пир сарэ́ фо́рья дрэ Юдэ́я, кажно пэ пэ́скиро миштыпэ́н. 21А Нефинеи дживдэ́ кэ Офелё. И Цыха и Гишфа сыс шэралэ́ пэ лэ́ндэ. 22И барыдыро́ пэ Левитэндэ дро Ерусалимо сыс Узиё, чхаво́ Ванеяскиро, чхаво́ Хашавияскиро, чхаво́ Матанияскиро, чхаво́ Михаскиро, Асафоскирэ чхавэ́ндыр, савэ́ багандлэ, сыр дынариндлэ́ ёнэ дро Кхэр Дэвлэ́скиро, 23пал-дова́ со кра́ли припхэндя́, соб (кай) тэ чалякирэн багаибнаскирэн кажно дывэ́с. 24И Петахия, чхаво́ Мешазавадоскиро, екх чхаво́, чхавэ́ндыр Зараскирэндыр, кон сыс чхаво́ Юда́скиро, сыс крали́скиро чачо́ васт пир сарэ́ рэ́нды (де́лы) манушэ́нгирэ.
Мануша́, Савэ Дживдэ́ Яври́ Ерусалимо́стыр
25А пал одолэ́ндэ, савэ́ дживдэ́ дрэ гава́, пэ́скирэ фэлдэнца, чхавэ́ Юда́скирэ дживдэ́ кэ Кири́аф-Арба и дрэ лэ́скирэ форицы, савэ́ сыс тэл лэ́скири зор, и дро Дивоно, и дрэ форицы, савэ́ сыс тэл лэ́скири зор, дро Иекавцэилё, и дрэ лэ́скирэ гава́; 26дрэ Ешуя, дро Моладо, дро Беф-Палето, 27дро Хацар-Шуало, дрэ Вирса́вия, и дрэ форицы; савэ́ сыс тэл ла́кири зор 28дро Секелазо, и дро Мехоно, и дрэ форицы, савэ́ сыс тэл лэ́скири зор, 29дро Эн-Римоно, дрэ Цора, и дро Иармуфо, 30дро Заноахо, дро Адаламо, и дрэ лэ́скирэ гава́, дро Лахисо, и пэ фэ́лды лэ́скирэ, дро Азэка и дрэ ла́кирэ гава́. Ёнэ дживдэ́ Вирсавиятыр кэ/жы́ко до́ло Эномоскиро. 31И чхавэ́ Вениамино́скирэ, ко́ли тэ лэс Геватыр, дживдэ́ кэ Михмасо, кэ Гаё, кэ Вефи́лё, и дрэ лэ́скирэ форицы, савэ́ сыс тэл лэ́скири зор; 32кэ Анафофо, кэ Номва, кэ Анания; 33кэ Гацоро, кэ Ра́ма, кэ Гифаимо; 34кэ Хадидо, кэ Цэвоимо, кэ Неволато, 35кэ Лодо, кэ Оно, и пэ до́ло Харашымоскиро. 36И вари-савэ́ Леви́ты дживдэ́ пэ пхувья́кирэ паша делянки Юда́скирэ и Вениамино́скирэ.
Currently Selected:
Ниеми́я 11: ROMBALT
Highlight
Copy
Compare
Share
Want to have your highlights saved across all your devices? Sign up or sign in
maintained by the United Bible Societies for the Baltic Romani Mission
