Matfiejo 16
16
Trébima pal Dívo
1I Farisiéi i Sadukiei podginé, i, sob (kaj) te propatiakiren Isusós, paldavá jone mangné te sykavél lénge ĥiertýk (znamiénijo) bolybnástyr. 2Ne, Jov otphendiá lénge, phení: “Kiéli da bel'vél', tumé rakiréna, ‘Javéla lačhí vedra (pogoda), pal-dová so bolybén isyn loló;’ 3i pe zlóko: ‘Adadyvés javrí isyn vihura, pal-dová so bolybén isyn loló i začhakirdo oblokénca.’ Tumé džinéna, syr te ĥaljon pir bolybén, ne tumé na džinéna te ĥaljon ĥiertyká (znamiénii) pir razno časo. 4Tumé san bibahtaló i biladžaipnytko ródo, savó rodéla ĥiertýk, na javéla tuménge ĥiertýk, apríč Ionaskiri giertyk.” I Jov mekciá len i gijá péske.
Pal Farisiejengiro i Sadukiejengiro Sykliakiribén.
5I kiéli sykliaibnýtka javné pe javír brégo, jone bistyrde te len pésa laby maró. 6I Isúso phendiá lénge: “Dykhén ža, rakhénpe Farisiejengire i Sadukiejengire sykliakiribnastyr, savó isyn sýrby roščyna (zakvaska).” 7Ne jone lyné te pirirakiren maškír péste: “Ame na lyjam laby maró.” 8Isúso džindiá, so lénde sys pe godý, phendiá: “Tumé san manušá na baré patiaibnása, sóske ž tumé obrakirena maškír péste, so tuménde nane maró? 9Naúšto tumé iščo (inké) na ĥaljona i na ripirena pal pandž laby maró vaš pandž tysjoncy, i kicý khudé tumé skedyné? 10I pal eftá (bitrinéngiro deš) laby maró vaš štar tysjoncy, i kicý khudé tumé skedyné? 11Syr tumé na ĥaljona, so Me phendjom na pal maró: ‘Rakhénpe Farisiejengire i Sadukiejengire roščynatyr?’” 12Tén'ci jone ĥalyné, so Jov phendiá lénge te rakhénpe na marune roščynatyr, a Farisiejengire i Sadukiejengire sykliakiribnastyr.
Pétri Rakiréla, so Isúso isyn Xristóso
13I kiéli Isúso javdiá pe phuvjá Kiesarija Filiposkiri, Jov phučelas Péskire syklytkonendyr, rakirí: “Pal Konéste manušá ginéna Man, Manušéskire Čhavés?” 14I jone phendlé: “Vari-savé pal Ianoste Boldeipnariste, javír pal Ilijaste, javír pal Jeriemiejoste ci pal jekhéste prorokendyr” 15Jov ža rakiréla lénge: “Ne tumé pal konéste Man ginéna?” 16I Símono Pétri otphendiá i phendiá: “Tu san Xristóso, Čhavó Džidé Devléskiro, Savó dživéla viéčnes” 17I Isúso otphenélas léske i phendiá: “Bahtaló tu san, Símono Ioninoskiro, pal-dová so na manúš, konéste isyn rat i masá, dyjá davá čačipén dre tyrí godý, ne Miro Dad, Savó isyn dro Bolybnáskiro Rajo. 18I Me phenáva túke: Tu san Pétri, pe davá bar Me keráva Khangirí Mirí, i liunoskiri zor (meribén) na léla upralypén pe láte. 19Me dáva túke klydyna vudarendyr, savé isyn Kralipnastyr dro Bolybnáskiro Rajo, Savésa xulainela Devél; i so tu zaphenesa pe phuv, dová javéla zaphendlo dro Bolybnáskiro Rajo, i so domekesa pe phuv, dová javéla domekno dro Bolybnáskiro Rajo.’” 20Tén'ci Jov priphendiá šylales sykliaibnytkonénge ni konéske te na rakirén, so Jov isyn Xristóso.
Isúso Rakiréla pal Péskire Mén'ki i Meribén
21Dolé časostyr lyjá Isúso te rakirél jasnes Léskire sykliaibnytkonénge, so Léske trej te džal dro Jerusalimo i but mén'ki te piridživel godephurendyr i rašangirendyr i lylvaritkonendyr, i javéla Jov zamardo, i pe tríto dyvés Jov otdžidjola. 22I khardiá Pétri Les dre rig, i lyjá te otrakirel: “Potangine Pes, Rajo Dévla! Mek te na javél davá Túsa.” 23Ne Jov risijá ke Pétri i phendiá: “Džá krig Mándyr, nálačho; tu Mánge san, syr bar pe drom, pal-dová so tu duminesa na pal Devlýtko, a pal manušýtko.” 24Tén'ci Isúso phendiá Péskire sykliaibnytkonénge: “Kóli vari-konéske pir iló te džal Mánca, mek te na duminel butýr pal péste, i mek te lel trušúl péskiro, i mek te džal pal Mánde.” 25Ne kóli vari-kon, savéske isyn drógo džiibén péskiro te zrakhél, kodová xasiakiréla les, i vari-kon, savó otdéla péskiro džiibén vaš Mánge, kodová lathéla Les. 26Savó lačhipén isyn manušéske, kóli léste javéla saró, so léske trej dalé svetóstyr, a jov xasiakiréla péskiro viéčno džiibén? Ne so manúš moginéla te otdél kučedyr dro paruiben pal péskiro džiibén? 27Pal-dová so javéla Čhavó Manušéskiro dre zorjakiri sláva Péskire Dadéskire Jangolenca, i tedy kažno (sváko) doreséla, so javéla mol pal péskiro dová, so kerdiá jov dro džiibén. 28Čačes, Me rakiráva tuménge: adáj isyn vari-savé manušá, savé na meréna, kóli angíl javéna te dykhén Čhavés Manušéskire, savó javéla syr Králi dro Kralipén Péskiro.”
Currently Selected:
Matfiejo 16: ROMBALTR
Highlight
Share
Copy
Want to have your highlights saved across all your devices? Sign up or sign in
maintained by the United Bible Societies for the Baltic Romani Mission
Matfiejo 16
16
Trébima pal Dívo
1I Farisiéi i Sadukiei podginé, i, sob (kaj) te propatiakiren Isusós, paldavá jone mangné te sykavél lénge ĥiertýk (znamiénijo) bolybnástyr. 2Ne, Jov otphendiá lénge, phení: “Kiéli da bel'vél', tumé rakiréna, ‘Javéla lačhí vedra (pogoda), pal-dová so bolybén isyn loló;’ 3i pe zlóko: ‘Adadyvés javrí isyn vihura, pal-dová so bolybén isyn loló i začhakirdo oblokénca.’ Tumé džinéna, syr te ĥaljon pir bolybén, ne tumé na džinéna te ĥaljon ĥiertyká (znamiénii) pir razno časo. 4Tumé san bibahtaló i biladžaipnytko ródo, savó rodéla ĥiertýk, na javéla tuménge ĥiertýk, apríč Ionaskiri giertyk.” I Jov mekciá len i gijá péske.
Pal Farisiejengiro i Sadukiejengiro Sykliakiribén.
5I kiéli sykliaibnýtka javné pe javír brégo, jone bistyrde te len pésa laby maró. 6I Isúso phendiá lénge: “Dykhén ža, rakhénpe Farisiejengire i Sadukiejengire sykliakiribnastyr, savó isyn sýrby roščyna (zakvaska).” 7Ne jone lyné te pirirakiren maškír péste: “Ame na lyjam laby maró.” 8Isúso džindiá, so lénde sys pe godý, phendiá: “Tumé san manušá na baré patiaibnása, sóske ž tumé obrakirena maškír péste, so tuménde nane maró? 9Naúšto tumé iščo (inké) na ĥaljona i na ripirena pal pandž laby maró vaš pandž tysjoncy, i kicý khudé tumé skedyné? 10I pal eftá (bitrinéngiro deš) laby maró vaš štar tysjoncy, i kicý khudé tumé skedyné? 11Syr tumé na ĥaljona, so Me phendjom na pal maró: ‘Rakhénpe Farisiejengire i Sadukiejengire roščynatyr?’” 12Tén'ci jone ĥalyné, so Jov phendiá lénge te rakhénpe na marune roščynatyr, a Farisiejengire i Sadukiejengire sykliakiribnastyr.
Pétri Rakiréla, so Isúso isyn Xristóso
13I kiéli Isúso javdiá pe phuvjá Kiesarija Filiposkiri, Jov phučelas Péskire syklytkonendyr, rakirí: “Pal Konéste manušá ginéna Man, Manušéskire Čhavés?” 14I jone phendlé: “Vari-savé pal Ianoste Boldeipnariste, javír pal Ilijaste, javír pal Jeriemiejoste ci pal jekhéste prorokendyr” 15Jov ža rakiréla lénge: “Ne tumé pal konéste Man ginéna?” 16I Símono Pétri otphendiá i phendiá: “Tu san Xristóso, Čhavó Džidé Devléskiro, Savó dživéla viéčnes” 17I Isúso otphenélas léske i phendiá: “Bahtaló tu san, Símono Ioninoskiro, pal-dová so na manúš, konéste isyn rat i masá, dyjá davá čačipén dre tyrí godý, ne Miro Dad, Savó isyn dro Bolybnáskiro Rajo. 18I Me phenáva túke: Tu san Pétri, pe davá bar Me keráva Khangirí Mirí, i liunoskiri zor (meribén) na léla upralypén pe láte. 19Me dáva túke klydyna vudarendyr, savé isyn Kralipnastyr dro Bolybnáskiro Rajo, Savésa xulainela Devél; i so tu zaphenesa pe phuv, dová javéla zaphendlo dro Bolybnáskiro Rajo, i so domekesa pe phuv, dová javéla domekno dro Bolybnáskiro Rajo.’” 20Tén'ci Jov priphendiá šylales sykliaibnytkonénge ni konéske te na rakirén, so Jov isyn Xristóso.
Isúso Rakiréla pal Péskire Mén'ki i Meribén
21Dolé časostyr lyjá Isúso te rakirél jasnes Léskire sykliaibnytkonénge, so Léske trej te džal dro Jerusalimo i but mén'ki te piridživel godephurendyr i rašangirendyr i lylvaritkonendyr, i javéla Jov zamardo, i pe tríto dyvés Jov otdžidjola. 22I khardiá Pétri Les dre rig, i lyjá te otrakirel: “Potangine Pes, Rajo Dévla! Mek te na javél davá Túsa.” 23Ne Jov risijá ke Pétri i phendiá: “Džá krig Mándyr, nálačho; tu Mánge san, syr bar pe drom, pal-dová so tu duminesa na pal Devlýtko, a pal manušýtko.” 24Tén'ci Isúso phendiá Péskire sykliaibnytkonénge: “Kóli vari-konéske pir iló te džal Mánca, mek te na duminel butýr pal péste, i mek te lel trušúl péskiro, i mek te džal pal Mánde.” 25Ne kóli vari-kon, savéske isyn drógo džiibén péskiro te zrakhél, kodová xasiakiréla les, i vari-kon, savó otdéla péskiro džiibén vaš Mánge, kodová lathéla Les. 26Savó lačhipén isyn manušéske, kóli léste javéla saró, so léske trej dalé svetóstyr, a jov xasiakiréla péskiro viéčno džiibén? Ne so manúš moginéla te otdél kučedyr dro paruiben pal péskiro džiibén? 27Pal-dová so javéla Čhavó Manušéskiro dre zorjakiri sláva Péskire Dadéskire Jangolenca, i tedy kažno (sváko) doreséla, so javéla mol pal péskiro dová, so kerdiá jov dro džiibén. 28Čačes, Me rakiráva tuménge: adáj isyn vari-savé manušá, savé na meréna, kóli angíl javéna te dykhén Čhavés Manušéskire, savó javéla syr Králi dro Kralipén Péskiro.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
maintained by the United Bible Societies for the Baltic Romani Mission