Jona 3
3
Jona Phenéla Devléskiro Lav Dre Ninievija
1I, ake, javdiá lav Ráskire-Devléskiro javír mólo, phení: 2‘Uštý, džá ke Ninievija, drieván (zbit) baró fóro, i phen zoralés Devléskiro lav adiáke, syr Me priphenava túke.” 3I uštyjá Jona, i gijá ke Ninievija pir lav Ráskire-Devléskiro. Džinén, so Ninievija sys koptaram#3.3 koptaram – drieván baró, pirdál miéra baró fóro Devléste, treindiá trin dyvesá te obdžas les. 4I lyjá Jona te psirél pir fóro pe pérvo dyvés, i jov mištophenelas. Jov dyjá gódla i phendiá zoralés: “Iščo štardešá dyvesá, i Ninievija phagirena ke ruíny!”
Manušá Ninievijatyr Risjona ke Devél
5I e manušá Ninievijatyr patiandyné Devléske, i jone phendlé sarénge (obzaniakirde) pal posto, i čhudé pe péste žalobna balytka goné, naj baredyrestyr ke naj tyknedýr manúš léndyr. 6Tén'ci dogijá lav ke králi Ninievijakiro, i jov uštyjá léskire tronostyr, i čhudiá dre rig péskiro uribén, čhakirde pes žalobnone-balytkone gonesa i besciá dre práska (pieplo). 7I o králi kerdiá adiáke, so daja zvies' (zan) phendlé angíl sarénde i o králi i léskire baré raja vydyne priphenybnytko statúto, phení: “Mek nijékh ni manúš, ni murdál, ni ĥurto, ni stada, te na xan ničý; na domeken, sob (kaj) jone te xan, te p'jen paní. 8Ne mek manušá i murdalá te učhakiren pes žalobnone balytkone gonesa, i te prikharen zoralés Devlés; adiáke, sob (kaj) kažno léndyr te risjol péskire bibahtalé droméstyr i nahratymatyr (nasilijostyr), so kerdé léskire vastá. 9Kon saštý te phenél, ci risjola ke Devél, i ci požalinela (tanginela), i ci, mo (xaj), riskiréla dre rig Léskiri bari xolý adiáke, sob (kaj) aménge te na xasjovas.” 10Tén'ci Devél dykhciá léngire butiá, so jone risiné krig léngire bibahtalé dromendyr, i Devél potangindia (požalindia) pal bari bibáht, so Jov phendiá te janel pe lénde, i jov na jandiá pe lénde.
Currently Selected:
Jona 3: ROMBALTR
Highlight
Share
Compare
Copy
Want to have your highlights saved across all your devices? Sign up or sign in
maintained by the United Bible Societies for the Baltic Romani Mission
