Ekliesiastos 11
11
Harnypén isyn Pharé Butiátyr
1De tyró maró buté manušénge, pal-dová so tu doresesa dáry pale but dyvesá. 2Rosker, so isyn túte, maškír eftá (eftane) manušénde, ci adiáke-pac' maškír ohtó (bidujéngiro deš) manušénde, pal-dová, so tu na džinésa, savó bedypen javéla pe phuv. 3Kóli óbloki isyn pherdé bryšyndesa, tedy jone čhuvéna telé paniá péstyr; i kóli kašt (drévo) peréla ke paš-dyvesýtko rig, ci ke paš-ratítko rig, tedy pe štéto kašt peréla, jov javéla te pasjol. 4Kon dykhéla pe balvál, odová na javéla te počhuvel ziárka dre phuv, i kon dykhéla patyvása pe óbloki, odová na javéla te sčhinel giv. 5Syr tu na džinésa, savé dromésa dúho (fáno) džála, i dová, syr tykné-masengire kokalkicy barjona dre léskire-dákiro per, adiáke-pac' tu i na ĥaljosa Devléskiri butý, Kon keréla davá saró. 6Tasiarlatune (rannjone) zlokostyr počhuv péskiri ziárka dre phuv, ne bel'veliatyr na tangine (na žalin) tyró vast vaš butý, pal-dová so tu na džinésa, so udelape ke mištypén, ci davá réndo, ci dová réndo, ci duj dalé réndy, javéna lačhé. 7Kakaná, dykh. Dud isyn gudló, i gožes isyn jakhenge te dykhén kham; 8ne kóli manúš dživéla but berš, tedy mek jov te radynélpe zoralés kažnoné beršestyr, ne mek jov i te ripirel pal kalé dyvesá, pal-dová, so jone javéna but: saró, so javéla, isyn xarnypén.
Godé Lavá Terné Manušénge
9Rádynpe (lošaljov), ternó manúš, tyré ternypnastyr, i mek tyró iló te ĥazdel tyró dúho (fáno) dre dyvesá, kiéli tu san ternó; i psir odój, kaj tyró iló podphenela, i odorík, karik tyré jakhá tyrdenape, ne tu jekh džin, so pal davá saró Devél vykharela tut pe séndo. 10Tén'ci, na tugin dro péskiro iló, i čhuv krig bibáht tyré maséndyr [ločatyr-ju.o.], pal-dová so čhavoripen i ternypen isyn xarnypén.
Currently Selected:
Ekliesiastos 11: ROMBALTR
Highlight
Copy
Compare
Share
Want to have your highlights saved across all your devices? Sign up or sign in
maintained by the United Bible Societies for the Baltic Romani Mission
