Ta je Vejec 28
28
1A ME kec at ae kong ke ba at ame hnu:
Ke haba tavat ae wisa ödra helâ me liona ame ca ot.
2E se hia je tuhan hnyei can ta je hna hanyâûâ: ʼ
Ke ame he ka beû musi hnen tavat wâ bongon me wâhmakhmeto.
3Haba at ae ba ta ûnyi kʼ ame ovecâ tavat ae theduoc,
Me wale at ame helâ me we ame hom; degecâ ta je jeû.
4Haba tavat adre me degec hnanyibu, me adre me ogânâ tavat ae kong;
Ke haba tavat adre me tuö hnanyibu, me adre me ivinoâ mödra.
5Haba tavat ae kong, me adre me ca wâ hmakhmeto bi hna owisa:
Ke haba tavat adre me elom Iehova me adre me wâ ûnykûme hia.
6E so at ae theduoc kʼ ame vheno hwakecin ae wisa
Hon at ame he hwali hnyi deny je gethen ke tren bi omjeû.
7Haba at ame vheno hnanyibu, me wale nokon ae metâ:
Ke haba at ame hanen tavat hwen hmiâ, me ame ohmehma kamen.
8Haba at ame osehia anyin ta je ûnyi ge hnen hna më ham hnân heleû troban me bi gânâ,
E ame ûkhöûnâ hobi kâu bi at ame betenge ge ta je theduoc.
9Haba at ame wia hnyikönyen me me ca long bi hnanyibu,
Me ikiki bi hijin hic.
10Haba at ame omono at ae fofâ ka hnyi gethen ae kong,
Me ame he ka kolu ka hnyi anyin bi hmonop:
Kʼ ame he ka hu so ge tavat ae wisa hwakecidra.
11Haba at tren ta ûnyi, me ame metâ hnyi ka hnen bi hna ûnykûme;
Kʼ ame wâ bongon bi e hnen at ae theduoc a at ame wâ ûnykûme.
12E ka senyin tavat ae wisa, me gan hmâ hmanenang:
Ke e ka todrö tavat ae kong, me ame he tavat ka ikhölö.
13Haba at ame ikhâlâ hnen je hna hanyâûâ, me ame ca he ka sot:
Ke adre me he ka betenge ge at ame omanenâ me degecâ.
14Hnahic hnen at ame labö ot:
Ke haba at ame onâkâ hnyekon me ame he ka ta ka hnyi vec.
15Haba at ae kong ame muso tavat ae theduoc,
Me liona ame kuku, ke bea ame he monu.
16Haba than ame ca wâ ûnykûme, me e at ame ovecâ:
Ke haba at ame hûkotiâ behnyokâ omjeû, me ame he ka osehia bongon ta je bong.
17Haba at ae hmak ut ge dren ke at
Me ame he ka kec ka hnyi hmonop; ke so ame ca he ke at ka thawâ e.
18Haba at ame vheno wisa, me ame he ka mot:
Ke haba at ae hwali a lo bongon, me ame he ka ie ta.
19Ame he ka sekon ge jeû at ame belökâ kânân:
Kʼ ame he ka sekon ge theduoc at ame he hoton tavat ae hop.
20Haba at ae hnathu me ame he ka ti hu je hnahic:
Ke haba at ame ie behu omjeû me ame ca he ka ba hwaban.
21E ca so he ka wâhmakhmetoâ at:
Ke ca so he ka hanyâûâ hobi kâu ujeû.
22Haba at ae khot hnyimakan me ame ie hnu hoton omjeû,
Ke ca khana a gʼ ame he ka o kâu theduoc.
23Haba at ame ûthao me ame he bi ka wâ ibetengiö
Hon at ame ûtakû ge bohmen.
24Haba at ame venâu ta je ûnyi anyin kamen me hinyen, ke ha, ka habe, E ba monu;
Me e hanen at ame useda.
25Haba at ame behu ta je ûnyi, me ame okûâ iwatretra:
Ke haba at ame labageju kö Iehova, me ame ho ka pipikhenyâ.
26E monu at ame ka labageju ka hnyi hnyekon bi:
Ke haba at ame vheno wisa, me ame he ka möt.
27Haba at ame ham omjeû ka at ae the duoc, me ame ca he ka ba anyin ta je ûnyi:
Ke haba at ame tube li emakan me adre me he ka osehia hangâ.
28E ka todrö tavat ae kong me ame he tavat hia ka lubaduöng:
Ke e ka hiʼ ödra but, me ame he ka se hia tavat ae wisa.
Currently Selected:
Ta je Vejec 28: IAAI
Highlight
Copy
Compare
Share
Want to have your highlights saved across all your devices? Sign up or sign in
maintained by the British and Foreign Bible Society